2024 Horoscope: ಈ 4 ರಾಶಿಯವರಿಗೆ ಹೊಸ ವರ್ಷ ಪರಿವರ್ತನೆಯ ವರ್ಷ: ಹೊಸ ಜೀವನ, ಅದೃಷ್ಟ ನಿಮ್ಮದಾಗಲಿದೆ
Dec 18, 2023 07:30 AM IST
Share
ಹೊಸ ವರ್ಷ 2024 (istockphoto)
- 2024, a year of transformation: ಹೊಸ ವರ್ಷ ಬರುತ್ತಿದೆ, ಅನೇಕರಿಗೆ ಈ ಹೊಸ ವರ್ಷ ತಮ್ಮ ಪಾಲಿಗೆ ಯಾವ ರೀತಿಯಲ್ಲಿ ಇರುತ್ತೋ ಅನ್ನೋ ಕುತೂಹಲ ಹಾಗೂ ಆತಂಕ ಅನೇಕರಲ್ಲಿ ಇರುತ್ತದೆ. ಆದರೆ 2024ರ ವರ್ಷವು ಈ ನಾಲ್ಕು ರಾಶಿಯಲ್ಲಿ ಜನಿಸಿದವರ ಪಾಲಿಗೆ ಅದೃಷ್ಟದ ವರ್ಷವಾಗಿ ಇರಲಿದೆ.
2023 ಕೊನೆಗೊಂಡು 2024ನೇ ವರ್ಷಕ್ಕೆ ಕಾಲಿಡಲು ಇನ್ನೇನು ಕೆಲವೇ ದಿನಗಳು ಬಾಕಿ ಉಳಿದಿವೆ. 2024ರ ಹೊಸ ವರ್ಷ ನಿಮ್ಮ ಪಾಲಿಗೆ ಹೇಗಿರಬಹುದು. ನಿಮ್ಮ ಗ್ರಹಗತಿಗಳ ಮೇಲೆ ಹೊಸ ವರ್ಷ ಯಾವೆಲ್ಲ ರೀತಿಯಲ್ಲಿ ಪರಿಣಾಮ ಬೀರಬಹುದು ಎಂಬ ಯೋಚನೆ ನಿಮಗೂ ಇದ್ದಿರಬಹುದು. 2023ರಲ್ಲಿ ಸಾಕಷ್ಟು ಸೋಲು ಗೆಲುವುಗಳನ್ನು ಎದುರಿಸಿರುವ ನೀವು ಇದೀಗ 2024 ಎಂಬ ಹೊಸ ಅಧ್ಯಾಯದ ಹೊಸ್ತಲಿಗೆ ಬರುತ್ತಿದ್ದೀರಿ. ಈ ಹೊಸ ವರ್ಷವು ಯಾವೆಲ್ಲ ರಾಶಿಯವರಿಗೆ ಶುಭದಾಯಕ ಎನಿಸಲಿದೆ ಎಂಬುದನ್ನು ತಿಳಿದುಕೊಳ್ಳೋಣ :
ತಾಜಾ ಫೋಟೊಗಳು
ನಾಳಿನ ದಿನ ಭವಿಷ್ಯ: ಅವಿವಾಹಿತರಿಗೆ ಮದುವೆಯಾಗುವ ಯೋಗವಿದೆ, ಆದಾಯದ ಹೊಸ ಮೂಲ ಹುಡುಕುವುದು ಅನಿವಾರ್ಯವಾಗಿರುತ್ತೆ
ನಾಳಿನ ದಿನ ಭವಿಷ್ಯ: ತಂತ್ರಜ್ಞಾನ ಕ್ಷೇತ್ರದಲ್ಲಿ ಕೆಲಸ ಮಾಡುವವರಿಗೆ ಉತ್ತಮ ಅವಕಾಶಗಳಿವೆ, ಹಣದ ಪರಿಸ್ಥಿತಿ ಬಲವಾಗಿರುತ್ತೆ
Pradosh Vrat: ಪ್ರದೋಷ ವ್ರತದ ದಿನ ಬಟ್ಟೆ ಸೇರಿ ಯಾವ ವಸ್ತುಗಳನ್ನು ದಾನ ಮಾಡಿದರೆ ಶುಭಫಲಗಳು ಸಿಗುತ್ತವೆ
ನಾಳಿನ ದಿನ ಭವಿಷ್ಯ: ನಿಮ್ಮ ಕೆಲಸಕ್ಕೆ ಭಾರಿ ಮೆಚ್ಚುಗೆ ವ್ಯಕ್ತವಾಗುತ್ತೆ, ಅನಿರೀಕ್ಷಿತ ಸಮಸ್ಯೆಗಳು ಎದುರಾಗುತ್ತವೆ
ಲಕ್ಷ್ಮಿ ನಾರಾಯಣ ಯೋಗದಿಂದ ಈ ರಾಶಿಯವರಿಗೆ 2025 ರಲ್ಲಿ ಭಾರಿ ಅದೃಷ್ಟ; ಉತ್ತಮ ಉದ್ಯೋಗಾವಕಾಶ, ಹಣದ ಹರಿವು ಹೆಚ್ಚಾಗುತ್ತೆ
2025ರಲ್ಲಿ ಈ 5 ರಾಶಿಯವರು ಆರ್ಥಿಕ ಸಮಸ್ಯೆಗಳನ್ನು ಎದುರಿಸುವ ಸಾಧ್ಯತೆ ಹೆಚ್ಚು, ಈ ರಾಶಿಗಳಲ್ಲಿ ನೀವು ಇದ್ದೀರಾ ನೋಡಿ
2024ರ ಆರಂಭದಲ್ಲಿ ಅದೃಷ್ಟದ ಗ್ರಹ ಎಂದೇ ಕರೆಯುವ ಗುರುವ ಹಿಮ್ಮುಖ ಚಲನೆಯನ್ನು ನಿಲ್ಲಿಸಲಿದೆ. ಇದರಿಂದ ಅನೇಕರ ಜೀವನದಲ್ಲಿ ಧನಾತ್ಮಕ ಬದಲಾವಣೆಗಳು ಉಂಟಾಗಲಿದೆ. ಇನ್ನು ಅನೇಕರ ಆಲೋಚನೆಗಳ ಮೇಲೆ ಪ್ರಭಾವ ಬೀರುವ ಬುಧ ಗ್ರಹವು ಜನವರಿ 1ರಂದು ಧನು ರಾಶಿಯಲ್ಲಿ ತನ್ನ ಹಿಮ್ಮುಖ ಚಲನೆಯನ್ನು ಪೂರ್ಣಗೊಳ್ಳಿಸಲಿದೆ. ಗ್ರಹಗಳಲ್ಲಿ ಉಂಟಾಗುತ್ತಿರುವ ಈ ಎಲ್ಲಾ ಬದಲಾವಣೆಗಳು ಕೆಲವು ರಾಶಿಗಳ ಮೇಲೆ ಉತ್ತಮ ಪ್ರಭಾವವನ್ನು ಬೀರಲಿದೆ.
ಮೇಷ : ಇದು ಒಂದು ರೀತಿಯಲ್ಲಿ ನಿಮ್ಮನ್ನು ನೀವೇ ಅನ್ವೇಷಿಸಿಕೊಳ್ಳುವ ವರ್ಷವಾಗಿದೆ. 2024ರಲ್ಲಿ ನೀವು ಬಹಳಷ್ಟು ಸಾಧನೆಗಳನ್ನು ಮಾಡಲಿದ್ದೀರಿ. ನಿಮ್ಮ ಗುರಿಗಳನ್ನು ನೀವು ಚೆನ್ನಾಗಿ ತಿಳಿದುಕೊಂಡು ಒಳ್ಳೆಯ ರೀತಿಯಲ್ಲಿ ಮುನ್ನಗ್ಗಲು ನಿಮಗೆ ನಿಮ್ಮ ಗ್ರಹಗತಿಗಳು ಅವಕಾಶ ಮಾಡಿಕೊಡಲಿವೆ. ಮಾರ್ಚ್ ಹಾಗೂ ಏಪ್ರಿಲ್ ತಿಂಗಳುಗಳಲ್ಲಿ ನಿಮಗೆ ಹೊಸ ಆರಂಭಗಳು ಸಿಗಲಿವೆ. ಹೊಸ ಅಧ್ಯಾಯಗಳು ನಿಮ್ಮ ಮುಂದೆ ತೆರೆದುಕೊಳ್ಳಲಿದೆ. ಋಣಾತ್ಮಕ ಪ್ರಭಾವಗಳಿಂದ ನೀವು ಮುಕ್ತರಾಗಲಿದ್ದೀರಿ. ಅನಿರೀಕ್ಷಿತ ಆರ್ಥಿಕ ಲಾಭಗಳನ್ನು ನೀವು ನೋಡುವ ಸಾಧ್ಯತೆ ಇರುತ್ತದೆ. ಹಣಕಾಸಿನ ವಿಚಾರದಲ್ಲಿ ಶುಕ್ರ ಹಾಗೂ ಗುರು ಗ್ರಹಗಳು ನಿಮ್ಮ ಪರವಾಗಿ ಇರಲಿವೆ .
ವೃಷಭ : ಈ ವರ್ಷ ನಿಮ್ಮ ಮಹತ್ವಾಕಾಂಕ್ಷೆಗಳು ಬಲವಾಗಿ ಇರಲಿದೆ. ನಿಮ್ಮ ಕೆಲಸದಲ್ಲಿ ನೀವು ಖ್ಯಾತಿಯನ್ನು ಗಳಿಸಲಿದ್ದೀರಿ. ಮಾರ್ಚ್ನಲ್ಲಿ ಚಂದ್ರಗ್ರಹಣದ ಸಂದರ್ಭದಲ್ಲಿ ನೀವು ನಿಮ್ಮ ಗುರಿ ತಲುಪುವ ವೇಗವನ್ನು ಹೆಚ್ಚಿಸಲು ದೈನಂದಿನ ಚಟುವಟಿಕೆಗಳನ್ನು ಮರುಪರಿಶೀಲನೆ ಮಾಡಿಕೊಳ್ಳಲಿದ್ದೀರಿ. ಏಪ್ರಿಲ್ ತಿಂಗಳಲ್ಲಿ ಸಾಕಷ್ಟು ಅವಕಾಶಗಳು ನಿಮ್ಮನ್ನು ಹುಡುಕಿಕೊಂಡು ಬರುವ ಸಾಧ್ಯತೆ ಇರಲಿದೆ. ನೀವು ಹೊಸ ಆನ್ಲೈನ್ ವ್ಯಾಪಾರವನ್ನು ಆರಂಭಿಸಲು ಇದು ಸೂಕ್ತವಾದ ಸಮಯವಾಗಿದೆ. ನಿಮ್ಮ ಆರ್ಥಿಕ ಸ್ಥಿತಿ ಕೂಡ ಸುಧಾರಿಸಲಿದೆ. ನಿಮ್ಮನ್ನು ನೀವು ಮರುವ್ಯಾಖ್ಯಾನಿಸಿಕೊಳ್ಳುವ ಅವಕಾಶವನ್ನು ಪಡೆಯಲಿದ್ದೀರಿ.
ಮಿಥುನ : ಈ ವರ್ಷ ನೀವು ಹೆಚ್ಚಿನ ಜ್ಞಾನರ್ಜನೆ ಮಾಡಿಕೊಳ್ಳಲಿದ್ದೀರಿ. ಹೊಸ ಹೊಸ ಕಲಿಕೆಗಳು ಹಾಗೂ ನಿಮ್ಮನ್ನು ನೀವು ಅನ್ವೇಷಣೆ ಮಾಡಿಕೊಳ್ಳುತ್ತಾ ಜೀವನದಲ್ಲಿ ಸಾಕಷ್ಟು ಬದಲಾವಣೆಗಳನ್ನು ನೋಡಲಿದ್ದೀರಿ. ನೀವು ಮಾಧ್ಯಮ ರಂಗದಲ್ಲಿ ಕೆಲಸ ಮಾಡುತ್ತಿದ್ದರೆ ಅಥವಾ ಇಂಟರ್ನೆಟ್ನಲ್ಲಿ ಹೆಚ್ಚು ಕಾಲ ಕಳೆಯುವ ಪೈಕಿ ಆಗಿದ್ದರೆ ನೀವು ಜನರ ಮೇಲೆ ಹೆಚ್ಚು ಪ್ರಭಾವ ಬೀರಲಿದ್ದೀರಿ. ಮಾರ್ಚ್ ಹಾಗೂ ಏಪ್ರಿಲ್ ತಿಂಗಳಿನಲ್ಲಿ ಚಂದ್ರ ಮತ್ತು ಸೂರ್ಯ ಗ್ರಹಣಗಳ ಬಳಿಕ ನಿಮ್ಮ ಜೀವನದಲ್ಲಿ ಹೊಸ ಉತ್ಸಾಹ ಅಥವಾ ಹೊಸ ಪ್ರೀತಿಯೊಂದು ಬರಬಹುದು. ನಿಮ್ಮ ಆಲೋಚನೆಗಳನ್ನು ಇತರರೊಂದಿಗೆ ಹಂಚಿಕೊಳ್ಳುವ ನಿಮ್ಮ ಆತ್ಮವಿಶ್ವಾಸ ಇನ್ನಷ್ಟು ಹೆಚ್ಚಲಿದೆ.
ಮಕರ : ನೀವು ಈ ವರ್ಷ ಸಂಪೂರ್ಣ ಒಬ್ಬ ಹೊಸ ವ್ಯಕ್ತಿಯಾಗಿ ಹೊರಹೊಮ್ಮಲಿದ್ದೀರಿ. ನೀವು ಅನಿರೀಕ್ಷಿತ ಪ್ರೀತಿಯನ್ನು ಕಂಡುಕೊಳ್ಳುವ ಸಾಧ್ಯತೆಯಿದೆ. ನಿಮ್ಮ ಸೃಜನಾತ್ಮಕ ಆಲೋಚನೆಗಳು ನಿಮಗೆ ಲಾಭದಾಯಕ ಎನಿಸಬಹುದು. ಹೊಸ ಜೀವನವನ್ನು ನೀವು ಪಡೆಯಲಿದ್ದೀರಿ. ಜುಲೈನಲ್ಲಿ ಮಂಗಳ ಗ್ರಹದ ಪ್ರಭಾವದಿಂದಾಗಿ ನೀವು ಹೆಚ್ಚಿನ ಸ್ಪೂರ್ತಿ ಹಾಗೂ ಶಕ್ತಿಯನ್ನು ಪಡೆದುಕೊಳ್ಳಲಿದ್ದೀರಿ. ನಿಮ್ಮ ಜೀವನವು ಹೊಸ ಹಂತಕ್ಕೆ ಪ್ರಗತಿ ಕಾಣಲಿದೆ.
(ಗಮನಿಸಿ: ಇದು ನಂಬಿಕೆ ಮತ್ತು ಶಾಸ್ತ್ರವನ್ನು ಆಧರಿಸಿದ ಬರಹ. ಇದರಲ್ಲಿರುವ ಎಲ್ಲ ಅಂಶಗಳನ್ನೂ "ಹಿಂದೂಸ್ತಾನ್ ಟೈಮ್ಸ್ ಕನ್ನಡ" ಪುಷ್ಟೀಕರಿಸುವುದಿಲ್ಲ. ನಿಮ್ಮ ಸ್ವಂತ ವಿವೇಚನೆ ಬಳಸಿ ನಿರ್ಧಾರಗಳನ್ನು ತೆಗೆದುಕೊಳ್ಳಿ.)