ಈ ಬಾರಿ ಸೋಮ ಪ್ರದೋಷ ವ್ರತ ಆಚರಣೆ ಯಾವಾಗ? ಪ್ರದೋಷ ಕಾಲ ಎಂದರೇನು, ಶಿವನಿಗೆ ನಟರಾಜ ಎಂಬ ಹೆಸರು ಬಂದಿದ್ದೇಕೆ?

ಪ್ರತಿ ಮಾಸದಲ್ಲೂ ಪ್ರಮುಖ ಹಬ್ಬಗಳು, ವ್ರತಗಳನ್ನು ಆಚರಿಸಲಾಗುತ್ತದೆ. ವೈಶಾಖ ಮಾಸದಲ್ಲಿ ಶಿವನನ್ನು ಆರಾಧಿಸುವ ಪ್ರದೋಷ ವ್ರತವನ್ನು ಆಚರಿಸಲಾಗುತ್ತದೆ. ಈ ವ್ರತವನ್ನು ಆಚರಿಸುವುದರಿಂದ ಭಕ್ತರು ಎಲ್ಲಾ ಸಂಕಷ್ಟಗಳಿಂದ ಪಾರಾಗುತ್ತಾರೆ. ಅವರ ಮನಸ್ಸಿನ ಆಸೆಗಳೆಲ್ಲವೂ ಈಡೇರುತ್ತದೆ ಎಂದು ನಂಬಲಾಗಿದೆ.

ಸನಾತನ ಧರ್ಮದಲ್ಲಿ ಪ್ರದೋಷ ವ್ರತಕ್ಕೆ ಹೆಚ್ಚಿನ ಪ್ರಾಮುಖ್ಯತೆ ಇದೆ. ಈ ದಿನವು ಶಿವನಿಗೆ ಸಮರ್ಪಿತವಾಗಿದೆ. ಬಹಳಷ್ಟು ಜನರು ಈ ದಿನ ಉಪವಾಸ ಆಚರಿಸುತ್ತಾರೆ. ಈ ದಿನ ಶಿವ ಮತ್ತು ಪಾರ್ವತಿ ದೇವಿಯನ್ನು ಪೂಜಿಸುವವರಿಗೆ ಅವರು ಬಯಸಿದ ಜೀವನ ಸಂಗಾತಿ ಸಿಗುತ್ತಾರೆ ಎಂದು ನಂಬಲಾಗಿದೆ. ಇದರೊಂದಿಗೆ ಜೀವನದ ಎಲ್ಲಾ ದುಃಖಗಳು ನಾಶವಾಗುತ್ತವೆ. ಕೆಲವರು ಈ ದಿನ ಮನೆಯಲ್ಲೇ ಶಿವನನ್ನು ಪೂಜಿಸಿ ಉಪವಾಸ ಆಚರಿಸಿದರೆ, ಭಕ್ತರು ದೇವಾಲಯಕ್ಕೆ ಹೋಗಿ ಭಗವಂತನನ್ನು ಮೆಚ್ಚಿಸಲು ರುದ್ರಾಭಿಷೇಕವನ್ನು ಮಾಡುತ್ತಾರೆ. ಈ ಕಠಿಣ ಉಪವಾಸವನ್ನು ಆಚರಿಸುವವರಿಗೆ ಪ್ರತಿಯೊಂದು ಕಾರ್ಯದಲ್ಲೂ ಯಶಸ್ಸು ಸಿಗುತ್ತದೆ ಎಂದು ನಂಬಲಾಗಿದೆ. ಈ ಬಾರಿ ಮೇ 20 ರಂದು ಉಪವಾಸ ಆಚರಿಸಲಾಗುವುದು. ಈ ವ್ರತವನ್ನು ಸೋಮವಾರ ಆಚರಿಸುವುದರಿಂದ ಇದನ್ನು ಸೋಮ ಪ್ರದೋಷ ಎಂದು ಕರೆಯಲಾಗುತ್ತದೆ.

ಇದನ್ನೂ ಓದಿ: ಹಿಂದೂ ಕ್ಯಾಲೆಂಡರ್‌ 3ನೇ ತಿಂಗಳು ಜ್ಯೇಷ್ಠ ಮಾಸ ಯಾವಾಗ ಆರಂಭ; ಪ್ರಾಮುಖ್ಯತೆ ಏನು, ಹನುಮಂತನನ್ನು ಪೂಜಿಸುವುದು ಏಕೆ?

ಸೋಮ ಪ್ರದೋಷ ವ್ರತ 2024 ದಿನಾಂಕ ಮತ್ತು ಸಮಯ

ವೈದಿಕ ಕ್ಯಾಲೆಂಡರ್ ಪ್ರಕಾರ, ವೈಶಾಖ ಮಾಸದ ಶುಕ್ಲ ಪಕ್ಷದ ತ್ರಯೋದಶಿ ದಿನಾಂಕವು ಸೋಮವಾರ, ಮೇ 20, 2024 ರಂದು ಮಧ್ಯಾಹ್ನ 03:58 ಕ್ಕೆ ಪ್ರಾರಂಭವಾಗುತ್ತದೆ. ಮರುದಿನ, ಅಂದರೆ ಮಂಗಳವಾರ 21 ಮೇ 05:39 ಕ್ಕೆ ಕೊನೆಗೊಳ್ಳುತ್ತದೆ. ತ್ರಯೋದಶಿ ತಿಥಿಯಲ್ಲಿ, ಮೇ 20 ರಂದು ಪ್ರದೋಷ ಕಾಲ ಬರುತ್ತದೆ, ಈ ಕಾರಣದಿಂದಾಗಿ ವರ್ಷದ ಮೊದಲ ಸೋಮ ಪ್ರದೋಷ ಉಪವಾಸವನ್ನು ಮೇ 20 ರಂದು ಆಚರಿಸಲಾಗುತ್ತದೆ.

ಪ್ರದೋಷ ಕಾಲ ಎಂದರೇನು?

ಸೂರ್ಯಾಸ್ತದ ನಂತರ ಮತ್ತು ಆ ದಿನದ ರಾತ್ರಿ ಆಗಮನದ ಮೊದಲ ಸಮಯವನ್ನು ಪ್ರದೋಷ ಕಾಲ ಎಂದು ಕರೆಯಲಾಗುತ್ತದೆ. ಈ ಸಮಯದಲ್ಲಿ ಶಿವನನ್ನು ಪೂಜಿಸಲಾಗುತ್ತದೆ. ಶಿವನು ತಾಂಡವ ನೃತ್ಯ ಮಾಡುವ ದಿನವನ್ನು ಪ್ರದೋಷ ಎಂದು ಕರೆಯಲಾಗುತ್ತದೆ. ದೇವಲೋಕದಲ್ಲಿ ಇಂತಹ ಅಪರೂಪದ ನೃತ್ಯವನ್ನು ನೋಡಲು ದೇವಾನುದೇವತೆಗಳು ನೆರೆಯುತ್ತಾರೆ. ಗೌರಿಯು ಈ ನೃತ್ಯವನ್ನು ಆಯೋಜನೆ ಮಾಡುತ್ತಾಳೆ ಎಂದು ನಂಬಲಾಗಿದೆ. ಈ ನೃತ್ಯ ಮಾಡುವುದರಿಂದಲೇ ಶಿವನಿಗೆ ನಟರಾಜ ಎಂಬ ಹೆಸರು ಬಂದಿದೆ. ಇಂತಹ ಸಂದರ್ಭದಲ್ಲಿ ಶಿವನ ಭಕ್ತರು ಒಳ್ಳೆ ಮನಸ್ಸಿನಿಂದ ಶಿವನನ್ನು ಆರಾಧಿಸಿದರೆ ಅವರ ಆಸೆ ಆಕಾಂಕ್ಷೆಗಳು ಈಡೇರುತ್ತದೆ ಎನ್ನಲಾಗಿದೆ.

ಇದನ್ನೂ ಓದಿ: ಶುಕ್ರ, ಗುರು, ಶನಿ, ಚಂದ್ರರಿಂದ ರೂಪುಗೊಳ್ಳಲಿದೆ 2 ಮಹಾ ಯೋಗ; ಈ ಮೂರೂ ರಾಶಿಯವರಿಗೆ ಆರ್ಥಿಕ ಪ್ರಗತಿ, ಸಂತಾನ ಲಾಭ

ಸೋಮ ಪ್ರದೋಷ ಉಪವಾಸದ ಮಹತ್ವ

ಹಿಂದೂಗಳಲ್ಲಿ ಸೋಮ ಪ್ರದೋಷಕ್ಕೆ ಹೆಚ್ಚಿನ ಪ್ರಾಮುಖ್ಯತೆ ಇದೆ . ಈ ದಿನವನ್ನು ಸಂಪೂರ್ಣವಾಗಿ ಶಿವನಿಗೆ ಸಮರ್ಪಿಸಲಾಗಿದೆ. ಶಿವ ಭಕ್ತರು ಈ ದಿನ ಉಪವಾಸವನ್ನು ಆಚರಿಸುತ್ತಾರೆ ಮತ್ತು ಕೆಲವು ಭಕ್ತರು ದೇವಾಲಯಕ್ಕೆ ಹೋಗಿ ರುದ್ರಾಭಿಷೇಕವನ್ನು ಮಾಡುತ್ತಾರೆ. ಈ ಕಠಿಣ ಉಪವಾಸವನ್ನು ಆಚರಿಸುವವರಿಗೆ ಪ್ರತಿಯೊಂದು ಕಾರ್ಯದಲ್ಲೂ ಜಯ ದೊರೆಯುತ್ತದೆ. ಮೆಚ್ಚಿದ ಹುಡುಗನೇ ಪತಿಯಾಗಿ ದೊರೆಯುತ್ತಾನೆ. ಕೆಲವರು ಈ ದಿನ ಭಗವಾನ್ ಶಿವನ ಉಗ್ರ ರೂಪವಾದ ನಟರಾಜನನ್ನು ಪೂಜಿಸುತ್ತಾರೆ. ಈ ವ್ರತದಿಂದ ಸಂತೋಷ, ದೀರ್ಘಾಯುಷ್ಯ, ಯಶಸ್ಸು ಮತ್ತು ಸಮೃದ್ಧಿಯ ಆಶೀರ್ವಾದವನ್ನು ತರುತ್ತದೆ ಎಂದು ನಂಬಲಾಗಿದೆ.

ಗಮನಿಸಿ: ಇದು ನಂಬಿಕೆ ಮತ್ತು ಶಾಸ್ತ್ರವನ್ನು ಆಧರಿಸಿದ ಬರಹ. ಇದರಲ್ಲಿರುವ ಎಲ್ಲ ಅಂಶಗಳನ್ನೂ "ಹಿಂದೂಸ್ತಾನ್ ಟೈಮ್ಸ್ ಕನ್ನಡ" ಪುಷ್ಟೀಕರಿಸುವುದಿಲ್ಲ. ನಿಮ್ಮ ಸ್ವಂತ ವಿವೇಚನೆ ಬಳಸಿ ನಿರ್ಧಾರಗಳನ್ನು ತೆಗೆದುಕೊಳ್ಳಿ.

ಇದನ್ನೂ ಓದಿ: 24 ವರ್ಷಗಳ ನಂತರ ಶುಭ ಗ್ರಹಗಳಾದ ಶುಕ್ರ ಗುರು ಅಸ್ತಂಗತ್ವ ಹಂತ; ವೃಷಭ ಸೇರಿದಂತೆ 3 ರಾಶಿಗಳ ವೃತ್ತಿ ಜೀವನದಲ್ಲಿ ಏರುಪೇರು