ಎಷ್ಟು ವರ್ಷ ತುಂಬಿದ ನಂತರ ವಜ್ರ ಧರಿಸಬೇಕು, ಯಾವ ರಾಶಿಯವರಿಗೆ ವಜ್ರ ಧರಿಸುವುದರಿಂದ ಅದೃಷ್ಟ, ಯಾರು ಧರಿಸಕೂಡದು? ಇಲ್ಲಿದೆ ಮಾಹಿತಿ

ವಜ್ರವನ್ನು ಧರಿಸಲು ಯಾರಿಗೆ ಇಷ್ಟವಿಲ್ಲ? ವಜ್ರ ಧರಿಸಿದವರ ಸೌಂದರ್ಯ ದುಪಟ್ಟಾಗುತ್ತದೆ. ಅದು ನೋಡಲು ಬಹಳ ಆಕರ್ಷಕವಾಗಿರುರ್ತದೆ. ಆದರೆ ಇತರ ರತ್ನಗಳಂತೆ ವಜ್ರಗಳನ್ನು ಧರಿಸಲೂ ಕೂಡಾ ಅದರದ್ದೇ ನಿಯಮವಿದೆ. ಜ್ಯೋತಿಷಿಗಳನ್ನು ಸಂಪರ್ಕಿಸಿದ ನಂತರವಷ್ಟೇ ವಜ್ರ ಧರಿಸಬೇಕು. ಇದರಿಂದ ನಿಮ್ಮ ಜಾತಕದಲ್ಲಿ ಗ್ರಹಗಳನ್ನು ಬಲಪಡಿಸುತ್ತಾರೆ.

ವಜ್ರಗಳನ್ನು ಧರಿಸುವುದು ಫ್ಯಾಶನ್ ಮಾತ್ರವಲ್ಲದೆ ಸಾಂಸ್ಕೃತಿಕವಾಗಿ ಮತ್ತು ಜ್ಯೋತಿಷ್ಯವಾಗಿಯೂ ಮುಖ್ಯವಾಗಿದೆ. ಆದರೆ ಜ್ಯೋತಿಷ್ಯದ ವಿಷಯದಲ್ಲಿ ವಜ್ರಗಳನ್ನು ಧರಿಸಲು ಹಲವು ನಿಯಮಗಳಿವೆ. ವಜ್ರವನ್ನು ಧರಿಸಿದ ನಂತರ ಅದು ನಮಗೆ ಸರಿ ಹೊಂದುತ್ತದೆಯೇ ಎಂದು ಹೇಗೆ ನಿರ್ಧರಿಸಬೇಕು ಎಂಬುದನ್ನು ನೀವು ತಿಳಿದುಕೊಳ್ಳಬೇಕು. ಮೊದಲನೆಯದಾಗಿ, ಯಾವ ರಾಶಿಯವರು ಇವುಗಳನ್ನು ಧರಿಸಬೇಕು? ಎಂದು ತಿಳಿದಿರಬೇಕು.

ವಜ್ರವನ್ನು ಧರಿಸುವ ಮೊದಲು ಈ ಕೆಲಸ ಮಾಡಿ

ವಜ್ರವನ್ನು ಧರಿಸುವ ಮೊದಲು ಅದನ್ನು ಸ್ವಚ್ಛಗೊಳಿಸುವುದು ಬಹಳ ಮುಖ್ಯ. ಏಕೆಂದರೆ ಇದು ಶಕ್ತಿಯನ್ನು ಹೀರಿಕೊಳ್ಳುತ್ತದೆ ಎಂದು ಕೆಲವರು ನಂಬುತ್ತಾರೆ. ಅದಕ್ಕಾಗಿಯೇ ವಜ್ರವನ್ನು ಉಪ್ಪು ನೀರಿನಲ್ಲಿ ಅಥವಾ ಚಂದ್ರನ ಬೆಳಕಿನಲ್ಲಿ ಇಡುವುದು ಒಳ್ಳೆಯದು ಎಂದು ಪರಿಗಣಿಸಲಾಗಿದೆ. ಅಲ್ಲದೆ, ಜ್ಯೋತಿಷಿಗಳು ಈ ವಜ್ರವನ್ನು ಗ್ರಹಗಳ ಸಂಚಾರದ ಸಮಯದಲ್ಲಿ ಕೆಲವು ದಿನಗಳು ಮತ್ತು ಸಮಯಗಳಲ್ಲಿ ಮಾತ್ರ ಧರಿಸಲು ಸಲಹೆ ನೀಡುತ್ತಾರೆ. ಶುಭ ಗ್ರಹಗಳ ಜೋಡಣೆಯ ಸಮಯದಲ್ಲಿ ಅಥವಾ ನಿಮ್ಮ ರಾಶಿಚಕ್ರ ಚಿಹ್ನೆಗೆ ಅನುಕೂಲಕರ ದಿನಗಳಲ್ಲಿ ವಜ್ರಗಳನ್ನು ಧರಿಸಲು ತಜ್ಞರು ಸಲಹೆ ನೀಡುತ್ತಾರೆ. ಮಂತ್ರಗಳನ್ನು ಪಠಿಸುವುದು ಮತ್ತು ಅವುಗಳನ್ನು ಧರಿಸಿ ಧ್ಯಾನ ಮಾಡುವುದರಿಂದ ಶಕ್ತಿಯನ್ನು ದ್ವಿಗುಣಗೊಳಿಸುತ್ತದೆ ಎಂದು ನಂಬಲಾಗಿದೆ. ಯಾವ ರಾಶಿಚಕ್ರ ಚಿಹ್ನೆಗಳು ವಜ್ರಗಳನ್ನು ಧರಿಸಬಹುದು ಎಂಬುದನ್ನು ನೋಡೋಣ.

ಇದನ್ನೂ ಓದಿ: ಕುಂಭ ರಾಶಿಯಲ್ಲಿ ಶನಿ ಹಿಮ್ಮುಖ ಚಲನೆ; 4 ತಿಂಗಳು ಮೇಷ ಸೇರಿ ಈ 3 ರಾಶಿಯವರಿಗೆ ಭಾರಿ ಅದೃಷ್ಟ, ಆರ್ಥಿಕ ಲಾಭ

ಮೇಷ: ಈ ರಾಶಿಯವರು ತಮ್ಮ ಮಹತ್ವಾಕಾಂಕ್ಷೆಯ ಸ್ವಭಾವಕ್ಕೆ ಹೆಸರುವಾಸಿಯಾಗಿದ್ದಾರೆ. ವಜ್ರಗಳನ್ನು ಧರಿಸುವುದರಿಂದ ಅವರ ನಾಯಕತ್ವದ ಗುಣಗಳು ಉತ್ತಮಗೊಳ್ಳುತ್ತವೆ. ಇವು ಅವರ ಆತ್ಮವಿಶ್ವಾಸವನ್ನು ಹೆಚ್ಚಿಸುತ್ತವೆ

ಮಿಥುನ: ವಜ್ರವು ಮಿಥುನ ರಾಶಿಯವರಿಗೆ ತಮ್ಮ ಸಂವಹನ ಕೌಶಲ್ಯವನ್ನು ಸುಧಾರಿಸಲು ಸಹಾಯ ಮಾಡುತ್ತದೆ. ಅಷ್ಟೇ ಅಲ್ಲ ಇದು ಅವರನ್ನು ಹೆಚ್ಚು ಆಕರ್ಷಕವಾಗಿ ಮಾಡುತ್ತದೆ.

ಮೀನ: ಮೀನ ರಾಶಿಯವರು ಬಹಳಷ್ಟು ಕನಸು ಕಾಣುತ್ತಾರೆ ಇದು ಪ್ರಕೃತಿಯಲ್ಲಿ ತುಂಬಾ ಸಹಜ. ವಜ್ರಗಳನ್ನು ಧರಿಸುವುದು ಈ ರಾಶಿಚಕ್ರದ ಚಿಹ್ನೆಯ ಮಾನಸಿಕ ಸಾಮರ್ಥ್ಯಗಳನ್ನು ಹೆಚ್ಚಿಸುತ್ತದೆ. ಇದು ಸೃಜನಶೀಲತೆಯ ಅಭಿವ್ಯಕ್ತಿಯನ್ನು ಸುಧಾರಿಸುತ್ತದೆ ಎಂದು ನಂಬಲಾಗಿದೆ.

ವೃಷಭ: ವೃಷಭ ರಾಶಿಯವರು ಸೌಂದರ್ಯ ಮತ್ತು ಐಷಾರಾಮಿ ಜೀವನವನ್ನು ಇಷ್ಟಪಡುತ್ತಾರೆ. ವಜ್ರಗಳು ತಮ್ಮ ಸೊಬಗು ಮತ್ತು ಆಕರ್ಷಣೆಯನ್ನು ದ್ವಿಗುಣಗೊಳಿಸುತ್ತವೆ.

ತುಲಾ: ತುಲಾ ರಾಶಿಯವರು ವಜ್ರವನ್ನು ಧರಿಸಬಹುದು. ವಜ್ರವನ್ನು ಧರಿಸುವುದರಿಂದ ಅದು ಸಹಾನುಭೂತಿ ಮತ್ತು ಸಮತೋಲನವನ್ನು ಹೆಚ್ಚಿಸುತ್ತದೆ. ಅವರು ಮಧ್ಯಸ್ಥಿಕೆ ವಹಿಸುವ ಮತ್ತು ಎಲ್ಲರನ್ನು ಒಟ್ಟುಗೂಡಿಸುವ ಪ್ರವೃತ್ತಿಯನ್ನು ಹೊಂದಿದ್ದಾರೆ.

ಧನು : ಈ ರಾಶಿಯ ಸ್ಥಳೀಯರು ಸಾಹಸಮಯ ಸ್ವಭಾವದವರು. ಅವರು ಸತ್ಯವನ್ನು ಮಾತನಾಡಲು ಇಷ್ಟಪಡುತ್ತಾರೆ. ಈ ರಾಶಿಚಕ್ರದ ಚಿಹ್ನೆಗಳು ವಜ್ರಗಳನ್ನು ಧರಿಸುವುದರಿಂದ, ಅವರ ಒಳನೋಟ ಮತ್ತು ಜ್ಞಾನವು ಸುಧಾರಿಸುತ್ತದೆ.

ಇದನ್ನೂ ಓದಿ: ಮನೆ ಹೆಸರು ಹಾಕುವಾಗ ಅಪ್ಪಿತಪ್ಪಿಯೂ ಈ ತಪ್ಪು ಮಾಡಬೇಡಿ: ನೇಮ್‌ ಪ್ಲೇಟ್‌ ವಿಚಾರದಲ್ಲಿ ಈ ವಾಸ್ತು ಅನುಸರಿಸಿ

ಕುಂಭ: ಈ ರಾಶಿಯವರು ನವೀನ ಚಿಂತನೆ ಮತ್ತು ಮಾನವೀಯ ವಿಧಾನಕ್ಕೆ ಹೆಸರುವಾಸಿಯಾಗಿದ್ದಾರೆ. ವಜ್ರಗಳು ತಮ್ಮ ವಿಶಿಷ್ಟ ಆಲೋಚನೆಗಳನ್ನು ಹೆಚ್ಚು ಪರಿಣಾಮಕಾರಿ ರೀತಿಯಲ್ಲಿ ಸ್ಪಷ್ಟತೆಯೊಂದಿಗೆ ವ್ಯಕ್ತಪಡಿಸಲು ಸಹಾಯ ಮಾಡುತ್ತವೆ.

ಸಿಂಹ: ಈ ರಾಶಿಯವರು ನಾಯಕತ್ವದ ಸ್ವಭಾವವನ್ನು ಹೊಂದಿರುತ್ತಾರೆ. ವಜ್ರಗಳು ತಮ್ಮ ರಜಸ್ಸನ್ನು ಹೆಚ್ಚು ಪ್ರಕಾಶಮಾನವಾಗಿ ಮಾಡುತ್ತವೆ. ಇತರರನ್ನು ಆಕರ್ಷಿಸಲು ಪರಿಣಾಮಕಾರಿಯಾಗಿ ಕೆಲಸ ಮಾಡುತ್ತದೆ.

ವಜ್ರವು ನಿಮಗೆ ಸೂಕ್ತವಾಗಿದೆಯೇ ಎಂದು ಪರಿಶೀಲಿಸುವುದು ಹೇಗೆ?

ನೀವು ಸ್ಟೇಟಸ್‌ಗಾಗಿ ಅಥವಾ ಯಾರಿಗಾದರೂ ತೋರಿಸಲು ವಜ್ರವನ್ನು ಧರಿಸುತ್ತಿದ್ದರೆ ಅದನ್ನು ಮಾಡಬೇಡಿ ಎಂಬುದನ್ನು ಮೊದಲು ಅರ್ಥ ಮಾಡಿಕೊಳ್ಳಬೇಕು ಹೀಗೆ ಮಾಡುವುದರಿಂದ ನಿಮಗೆ ಸಮಸ್ಯೆ ಉಂಟು ಮಾಡುತ್ತದೆ. ವಜ್ರವನ್ನು 21 ವರ್ಷ ವಯಸ್ಸಾದ ನಂತರ ಧರಿಸಬೇಕು. ನೀವು ವಜ್ರವನ್ನು ಧರಿಸಬೇಕು ಎಂದುಕೊಂಡಿದ್ದರೆ ಮೊದಲು ವಜ್ರವು ನಿಮಗೆ ಸರಿಹೊಂದುತ್ತದೆಯೇ ಎಂದು ಪರಿಶೀಲಿಸಿ.

ವೈವಾಹಿಕ ಜೀವನದಲ್ಲಿ ಸಮಸ್ಯೆಗಳಿದ್ದರೆ ವಜ್ರವನ್ನು ಧರಿಸುವುದನ್ನು ತಪ್ಪಿಸಿ. ವಜ್ರವು ಧರಿಸಿದ 20-25 ದಿನಗಳಲ್ಲಿ ಅದರ ಪರಿಣಾಮವನ್ನು ತೋರಿಸಲು ಪ್ರಾರಂಭಿಸುತ್ತದೆ. ಈ ಅವಧಿಯಲ್ಲಿ ನಿಮಗೆ ಏನಾದರೂ ಸಂಭವಿಸಿದರೆ ವಜ್ರವು ನಿಮಗೆ ಸೂಕ್ತವಲ್ಲ ಎಂದು ಅರ್ಥಮಾಡಿಕೊಳ್ಳಿ. ನೀವು ಬಿರುಕಾದ ವಜ್ರವನ್ನು ಧರಿಸಿದರೆ, ನಿಮಗೆ ಆರ್ಥಿಕ ನಷ್ಟವನ್ನು ಅನುಭವಿಸಬಹುದು. ಅಪಘಾತವಾಗುವ ಸಂಭವವೂ ಇದೆ. ಬೇರೆ ಸಮಸ್ಯೆಗಳೂ ಉದ್ಭವಿಸಬಹುದ. ಆದ್ದರಿಂದ ಸೂಕ್ತ ಜ್ಯೋತಿಷಿಗಳ ಬಳಿ ನಿಮ್ಮ ಜಾತಕ ತೋರಿಸಿ. ವಜ್ರ ಧರಿಸಬಹುದೇ ಇಲ್ಲವೇ ಖಚಿತಪಡಿಸಿಕೊಳ್ಳಿ.

ಗಮನಿಸಿ: ಇದು ನಂಬಿಕೆ ಮತ್ತು ಶಾಸ್ತ್ರವನ್ನು ಆಧರಿಸಿದ ಬರಹ. ಇದರಲ್ಲಿರುವ ಎಲ್ಲ ಅಂಶಗಳನ್ನೂ "ಹಿಂದೂಸ್ತಾನ್ ಟೈಮ್ಸ್ ಕನ್ನಡ" ಪುಷ್ಟೀಕರಿಸುವುದಿಲ್ಲ. ನಿಮ್ಮ ಸ್ವಂತ ವಿವೇಚನೆ ಬಳಸಿ ನಿರ್ಧಾರಗಳನ್ನು ತೆಗೆದುಕೊಳ್ಳಿ.

ಇದನ್ನೂ ಓದಿ: ಗುರು ಪೂರ್ಣಿಮಾ 2024: ಸಾಧಕನಿಗೆ ದಾರಿ ತೋರುವ ಗುರುವನ್ನು ನಮಿಸುವ ಜನಪ್ರಿಯ ಶ್ಲೋಕಗಳಿವು, ಅರ್ಥವೂ ಇಲ್ಲಿದೆ