ಅಶ್ವಿನಿ ನಕ್ಷತ್ರ ವರ್ಷ ಭವಿಷ್ಯ 2025; ಮೊದಲ ಆರು ತಿಂಗಳು ಆರೋಗ್ಯ ಜೋಪಾನ, ನಂತರ ಕದಡಿದ ಸಂಸಾರ ಸಾಗರದಲ್ಲಿ ಭಾವಯಾನ
Nov 29, 2024 04:48 PM IST
Share
ವರ್ಷ ಭವಿಷ್ಯ 2025; ಅಶ್ವಿನಿ ನಕ್ಷತ್ರದವರು ಮೊದಲ ಆರು ತಿಂಗಳು ಆರೋಗ್ಯ ಜೋಪಾನ ಮಾಡಬೇಕು, ನಂತರ ಕದಡಿದ ಸಂಸಾರ ಸಾಗರದಲ್ಲಿ ಭಾವಯಾನ ಮಾಡಬೇಕಾಗಬಹುದು.
Ashwini Nakshatra Bhavishya: ಅಶ್ವಿನಿ ನಕ್ಷತ್ರದವರ ವರ್ಷ ಭವಿಷ್ಯ 2025ರ ಪ್ರಕಾರ, ಮೊದಲ ಆರು ತಿಂಗಳು ಆರೋಗ್ಯ ಜೋಪಾನ ಮಾಡಿಕೊಳ್ಳಬೇಕು. ನಂತರದ ಅವಧಿಯಲ್ಲಿ ಹಲವು ರೀತಿಯ ಸನ್ನಿವೇಶಗಳ ಕಾರಣ ಕದಡಿದ ಸಂಸಾರ ಸಾಗರದಲ್ಲಿ ಭಾವಯಾನ ಮಾಡಬೇಕಾಗಿ ಬರುತ್ತದೆ. ವರ್ಷ ಭವಿಷ್ಯದ ವಿವರ ಇಲ್ಲಿದೆ.
Ashwini Nakshatra Bhavishya: ಕಾಲಚಕ್ರ ಉರುಳುತ್ತ ಕ್ಯಾಲೆಂಡರ್ ವರ್ಷದ ಕೊನೆಯ ತಿಂಗಳಿಗೆ ಬಂದಿದ್ದೇವೆ. 2024ನೇ ಇಸವಿ ಮುಗಿಯುತ್ತ ಬಂತು, ಸಂಕಷ್ಟಗಳು ಕಳೆದು ಹೋಗಿ ಉತ್ತಮ ಆರೋಗ್ಯ, ಹೊಸ ಅವಕಾಶ, ಸಂಪತ್ತು ಸಮೃದ್ಧಿಯನ್ನು ನಿರೀಕ್ಷಿಸುತ್ತ ಆಶಾವಾದಿಗಳಾಗಿ ಬದುಕುವುದು ಸಾಮಾನ್ಯ. ಬಹುತೇಕ ಸಂದರ್ಭದಲ್ಲಿ ಜನ ತಮ್ಮ ರಾಶಿಗೆ ಅನುಗುಣವಾಗಿ ವರ್ಷ ಭವಿಷ್ಯವನ್ನು ಕಾತರದಿಂದ ವೀಕ್ಷಿಸುತ್ತಾರೆ. ಇನ್ನೂ ನಿಖರವಾಗಿ ಬೇಕು ಎಂದರೆ ನಕ್ಷತ್ರವಾರು ವರ್ಷ ಭವಿಷ್ಯ ನೋಡಿ ಕೊಂಚ ಸಮಾಧಾನ ಮಾಡಿಕೊಳ್ಳುವವರೂ ಇದ್ದೇವೆ. ಅಂತಹ ಓದುಗರಿಗಾಗಿ ರಾಶಿ ಚಕ್ರ ವ್ಯವಸ್ಥೆಯ 27 ನಕ್ಷತ್ರಗಳ ವರ್ಷ ಭವಿಷ್ಯವನ್ನು ಸರಣಿ ಪ್ರಕಾರ ಒದಗಿಸುತ್ತೇವೆ. ಮೊದಲ ಕಂತಿನಲ್ಲಿ ರಾಶಿಚಕ್ರ ವ್ಯವಸ್ಥೆ ಮೊದಲ ನಕ್ಷತ್ರ ಅಶ್ವನಿ ನಕ್ಷತ್ರದಲ್ಲಿ ಜನಿಸಿದವರ 2025ನೇ ಇಸವಿಯ ವರ್ಷ ಭವಿಷ್ಯ ಇಲ್ಲಿದೆ.
ತಾಜಾ ಫೋಟೊಗಳು
ನಾಳಿನ ದಿನ ಭವಿಷ್ಯ: ಅವಿವಾಹಿತರಿಗೆ ಮದುವೆಯಾಗುವ ಯೋಗವಿದೆ, ಆದಾಯದ ಹೊಸ ಮೂಲ ಹುಡುಕುವುದು ಅನಿವಾರ್ಯವಾಗಿರುತ್ತೆ
ನಾಳಿನ ದಿನ ಭವಿಷ್ಯ: ತಂತ್ರಜ್ಞಾನ ಕ್ಷೇತ್ರದಲ್ಲಿ ಕೆಲಸ ಮಾಡುವವರಿಗೆ ಉತ್ತಮ ಅವಕಾಶಗಳಿವೆ, ಹಣದ ಪರಿಸ್ಥಿತಿ ಬಲವಾಗಿರುತ್ತೆ
Pradosh Vrat: ಪ್ರದೋಷ ವ್ರತದ ದಿನ ಬಟ್ಟೆ ಸೇರಿ ಯಾವ ವಸ್ತುಗಳನ್ನು ದಾನ ಮಾಡಿದರೆ ಶುಭಫಲಗಳು ಸಿಗುತ್ತವೆ
ನಾಳಿನ ದಿನ ಭವಿಷ್ಯ: ನಿಮ್ಮ ಕೆಲಸಕ್ಕೆ ಭಾರಿ ಮೆಚ್ಚುಗೆ ವ್ಯಕ್ತವಾಗುತ್ತೆ, ಅನಿರೀಕ್ಷಿತ ಸಮಸ್ಯೆಗಳು ಎದುರಾಗುತ್ತವೆ
ಲಕ್ಷ್ಮಿ ನಾರಾಯಣ ಯೋಗದಿಂದ ಈ ರಾಶಿಯವರಿಗೆ 2025 ರಲ್ಲಿ ಭಾರಿ ಅದೃಷ್ಟ; ಉತ್ತಮ ಉದ್ಯೋಗಾವಕಾಶ, ಹಣದ ಹರಿವು ಹೆಚ್ಚಾಗುತ್ತೆ
2025ರಲ್ಲಿ ಈ 5 ರಾಶಿಯವರು ಆರ್ಥಿಕ ಸಮಸ್ಯೆಗಳನ್ನು ಎದುರಿಸುವ ಸಾಧ್ಯತೆ ಹೆಚ್ಚು, ಈ ರಾಶಿಗಳಲ್ಲಿ ನೀವು ಇದ್ದೀರಾ ನೋಡಿ
ಅಶ್ವಿನಿ ನಕ್ಷತ್ರ ಮತ್ತು ಜನಿಸಿದವರ ಗುಣಲಕ್ಷಣ
ರಾಶಿಚಕ್ರ ವ್ಯವಸ್ಥೆಯಲ್ಲಿ ಅಶ್ವಿನಿ ನಕ್ಷತ್ರವು ಮೊದಲನೇ ನಕ್ಷತ್ರ. ಇದು ಮೇಷ ರಾಶಿಯ ವ್ಯಾಪ್ತಿಯಲ್ಲಿದೆ. ಈ ನಕ್ಷತ್ರದ ಸಂಕೇತ ಕುದುರೆಯ ತಲೆಯಾಗಿದ್ದು, ಚೈತನ್ಯ, ಚುರುಕುತನ ಮತ್ತು ವೇಗವನ್ನು ಪ್ರತಿನಿಧಿಸುತ್ತದೆ. ಅಧಿಪತಿ ಅಶ್ವಿನಿ ಕುಮಾರರು. ಇವರು ದೇವತೆಗಳ ವೈದ್ಯರಾಗಿದ್ದಾರೆ. ಆದರೆ ಆಡಳಿತ ಗ್ರಹ ಮಾತ್ರ ಕೇತುವಾಗಿದ್ದು ಈ ನಕ್ಷತ್ರದಲ್ಲಿ ಜನಿಸಿದ ಜನರಿಗೆ ಆಳ ಅಂತಃಪ್ರಜ್ಞೆ ಮತ್ತು ಉನ್ನತ ಜ್ಞಾನದ ಅನ್ವೇಷಣೆಯನ್ನು ನೀಡುತ್ತದೆ ಎಂದು ನಂಬಲಾಗಿದೆ. ಈ ನಕ್ಷತ್ರದಲ್ಲಿ ಜನಿಸಿದವರು ಕ್ರಿಯಾತ್ಮಕ, ಶಕ್ತಿಯುತ, ಕ್ಷಿಪ್ರ, ಬುದ್ಧಿವಂತರು ಮತ್ತು ಸ್ವಯಂಪ್ರೇರಿತರು. ಸಹಜ ನಾಯಕರು ಮತ್ತು ಪ್ರಭಾವಿಗಳು. ಸನ್ನಿವೇಶಕ್ಕೆ ಹೊಂದಿಕೊಳ್ಳಬಲ್ಲ, ವೈವಿಧ್ಯಮಯ ಸನ್ನಿವೇಶ ನಿಭಾಯಿಸಬಲ್ಲ ಪ್ರವೀಣರು. ಉತ್ಸಾಹಿಗಳು ಮತ್ತು ಆಶಾವಾದಿಗಳು ಎಂದು ಹೇಳಲಾಗುತ್ತದೆ.
ಅಶ್ವಿನಿ ನಕ್ಷತ್ರದವರ ವರ್ಷ ಭವಿಷ್ಯ 2025
ವರ್ಷದ ಮೊದಲಾರ್ಧದಲ್ಲಿ ಅಂದರೆ ಮೇ ಮಧ್ಯ ಭಾಗದವರೆಗೆ, ನಿಮ್ಮ ಜವಾಬ್ದಾರಿಗಳನ್ನು ಪೂರೈಸುವುದು ಮತ್ತು ಅಡಚಣೆಗಳನ್ನು ನಿವಾರಿಸುವುದು ಹಾಗೂ ವಿರೋಧಿಗಳನ್ನು ಜಯಿಸುವುದ ಮೇಲೆ ನಿಮ್ಮ ಗಮನವಿರುತ್ತದೆ. ಆದಾಗ್ಯೂ, ನಕ್ಷತ್ರ ಭವಿಷ್ಯರ ಪ್ರಕಾರ 2025 ಈ ಅವಧಿಯು ನಿಮ್ಮ ಆರೋಗ್ಯಕ್ಕೆ ಅನುಕೂಲಕರವಾಗಿಲ್ಲ ಎಂಬುದನ್ನು ಸೂಚಿಸುತ್ತದೆ. ನೀವು ಪ್ರತಿಕೂಲ ದಶಾವನ್ನು ಎದುರಿಸುತ್ತಿದ್ದರೆ, ನೀವು ಹೆಚ್ಚು ಜಾಗರೂಕರಾಗಿರಬೇಕು. ಕರುಳುವಾಳ (ಅಪೆಂಡಿಸೈಟಿಸ್), ಗಾಯಗಳು ಅಥವಾ ಅಪಘಾತಗಳಂತಹ ಸಮಸ್ಯೆಗಳು ಕಾಡಬಹುದಾಗಿದ್ದು, ಹಠಾತ್ ಶಸ್ತ್ರಚಿಕಿತ್ಸೆಗಳಿಗೂ ಒಳಗಾಗಬೇಕಾಗಬಹುದು. ಇಂತಹ ಸನ್ನಿವೇಶವು ನಿಮ್ಮ ವೈದ್ಯಕೀಯ ವೆಚ್ಚವನ್ನು ಹೆಚ್ಚಿಸುತ್ತದೆ. ನಿಮ್ಮ ತಾಯಿಯ ಸಹೋದರರ ಪೈಕಿ ಯಾರಿಗಾದರೂ ಗಂಭೀರ ಆರೋಗ್ಯ ಸಮಸ್ಯೆ ಕಾಡಬಹುದು, ಪ್ರಾಣಾಪಾಯವೂ ಉಂಟಾಗಬಹುದು.
2025ನೇ ವರ್ಷದ ಎರಡನೇ ಭಾಗದಲ್ಲಿ ಅಂದರೆ ಮೇ ನಂತರ ಡಿಸೆಂಬರ್‌ ತನಕದ ಅವಧಿಯಲ್ಲಿ ಅಶ್ವಿನಿ ನಕ್ಷತ್ರದಲ್ಲಿ ಜನಿಸಿದ ವಿದ್ಯಾರ್ಥಿಗಳು ತಮ್ಮ ಅಧ್ಯಯನದ ಮೇಲೆ ಗಮನ ಕೇಂದ್ರೀಕರಿಸಲು ಅಸಮರ್ಥರಾಗಿ ಶೈಕ್ಷಣಿಕವಾಗಿ ಕಷ್ಟಪಡಬೇಕಾಗಬಹುದು. ಗಂಭೀರ ಪ್ರೇಮ ಸಂಬಂಧದಲ್ಲಿರುವ ಅಶ್ವಿನಿ ನಕ್ಷತ್ರದವರು ತಮ್ಮ ಸಂಗಾತಿಯೊಂದಿಗೆ ಆಳ ಮತ್ತು ಹೆಚ್ಚು ಆಧ್ಯಾತ್ಮಿಕ ಬಂಧವನ್ನು ರೂಪಿಸಲು ಸಾಧ್ಯವಾಗುತ್ತದೆ. ಆದರೆ ನಿಷ್ಠಾವಂತರಲ್ಲದವರು ಅಥವಾ ಬದ್ಧತೆಯಿಲ್ಲದವರು ಬೇರ್ಪಡಬಹುದು ಅಥವಾ ಅವರ ಸಂಬಂಧ ಅಂತ್ಯವಾಗಬಹುದು. ಪ್ರೇಮಿಗಳು ತಮ್ಮ ಸಂಬಂಧದಲ್ಲಿ ಸವಾಲಿನ ಸಮಯವನ್ನು ಎದುರಿಸಬಹುದು.
ಅಶ್ವಿನಿ ನಕ್ಷತ್ರದಲ್ಲಿ ಜನಿಸಿದ ಪೋಷಕರು ತಮ್ಮ ಭಾವನೆಗಳನ್ನು ಮತ್ತು ತಮ್ಮ ಮಕ್ಕಳ ಕಡೆಗೆ ಪ್ರೀತಿಯನ್ನು ವ್ಯಕ್ತಪಡಿಸುವಲ್ಲಿ ತೊಂದರೆಗಳನ್ನು ಎದುರಿಸುತ್ತಾರೆ. ಇದು ನಡವಳಿಕೆಯ ಸಮಸ್ಯೆಗಳು, ಅಭಿಪ್ರಾಯ ವ್ಯತ್ಯಾಸಗಳು ಮತ್ತು ವಾದಗಳಿಗೆ ಕಾರಣವಾಗಬಹುದು. ಹಣಕಾಸು ಕಡೆಗೆ ಗಮನಹರಿಸಿ. ಉಳಿತಾಯ, ಹೂಡಿಕೆ ಹೆಚ್ಚಾದರೆ ಸಂಪತ್ತು ಹೆಚ್ಚಾಗಲಿದೆ. ಉಳಿದಂತೆ ಶುಭವಾಗಲಿದೆ. ಅಶ್ವಿನಿ ನಕ್ಷತ್ರದಲ್ಲಿ ಜನಿಸಿದವರಿಗೆಲ್ಲರಿಗೂ ಒಳಿತಾಗಲಿ.