ಶನಿ ಸಂಕ್ರಮಣ 2025: ಸಿಂಹ ರಾಶಿಯವರಿಗೆ ವೃತ್ತಿಯಲ್ಲಿ ಸಮಸ್ಯೆ, ಕನ್ಯಾ ರಾಶಿಯವರ ಲವ್‌ ಲೈಫ್‌ ಸಕ್ಸಸ್‌ ಆಗಿ ಮದುವೆಯಾಗಲಿದೆ

ಶನಿ ಸಂಕ್ರಮಣ 2025: ಶನಿಯನ್ನು ಕರ್ಮಕಾರಕ ಎಂದು ಕರೆಯಲಾಗುತ್ತದೆ. ಎರಡೂವರೆ ವರ್ಷಗಳಿಗೊಮ್ಮೆ ಸ್ಥಾನ ಬದಲಿಸುವ ಶನಿಯು 29 ಮಾರ್ಚ್‌ 2025 ರಾತ್ರಿ ಕುಂಭ ರಾಶಿಯಿಂದ ಮೀನ ರಾಶಿಯನ್ನು ಪ್ರವೇಶಿಸುತ್ತಾನೆ. ಇದರಿಂದ ಮಕರ ರಾಶಿಯವರಿಗೆ ಸಾಡೇ ಸಾತಿ ಮುಕ್ತಾಯವಾಗುತ್ತದೆ. ಮೇಷ ರಾಶಿಗೆ ಸಾಡೇಸಾತಿ ಪ್ರಾರಂಭವಾಗುತ್ತದೆ. ಶನಿ ಸಂಕ್ರಮಣವು ಎಲ್ಲಾ 12 ರಾಶಿಗಳ ಮೇಲೆ ವಿವಿಧ ಪರಿಣಾಮ ಬೀರುತ್ತದೆ.

ಶನಿ ಸಂಕ್ರಮಣದಿಂದ ಮೇಷ ರಾಶಿಯವರಿಗೆ ಸಾಡೇಸಾತಿಯ ಮೊದಲ ಹಂತ, ಮೀನ ರಾಶಿಯವರಿಗೆ 2ನೇ ಹಂತ ಹಾಗೂ ಕುಂಭ ರಾಶಿಯವರಿಗೆ ಕೊನೆಯ ಹಂತದ ಪರಿಣಾಮಗಳನ್ನು ಬೀರಲಿದೆ. ಶನಿಯ ಧೈಯಾ ವೃಶ್ಚಿಕ ರಾಶಿಯವರಿಗೆ ಕೊನೆಗೊಂಡು ಧನಸ್ಸು ರಾಶಿಯಲ್ಲಿ ಶುರುವಾಗುತ್ತದೆ. ಆದರೆ ಇದು ಹೆಚ್ಚಿನ ಪರಿಣಾಮಗಳನ್ನು ಬೀರುವುದಿಲ್ಲ. ಶನಿಯು ನಮ್ಮ ಜೀವನವನ್ನು ಉತ್ತಮ ರೀತಿಯಲ್ಲಿ ನಡೆಸಲು ನಮಗೆ ಮಾರ್ಗದರ್ಶನ ನೀಡುತ್ತಾನೆ, ಅದನ್ನು ತಪ್ಪಿದಲ್ಲಿ ಎಚ್ಚರಿಸುತ್ತಾನೆ. ಶಿಕ್ಷೆಯನ್ನೂ ನೀಡುತ್ತಾನೆ. ತಪ್ಪು ದಾರಿಯಲ್ಲಿ ನಡೆದರೆ ಶಿಕ್ಷಿಸುತ್ತಾನೆ. 2025 ರಲ್ಲಿ ಶನಿಯ ಸಂಚಾರವು ನಿಮ್ಮ ವೃತ್ತಿ, ಉದ್ಯೋಗ ಮತ್ತು ವೈಯಕ್ತಿಕ ಜೀವನದ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ? ಮಿಥುನ, ಕರ್ಕಾಟಕ ರಾಶಿಯವರ ಶನಿ ಸಂಕ್ರಮಣ ಫಲಿತಾಂಶ ಹೀಗಿದೆ.

ಸಿಂಹ ರಾಶಿ

ಸಿಂಹ ರಾಶಿಯವರಿಗೆ, 6 ಮತ್ತು 7 ಮನೆಗಳನ್ನು ಆಳುವ ಶನಿಯು ಸಂಕ್ರಮಣದ ಸಮಯದಲ್ಲಿ 8ನೇ ಮನೆಗೆ ಚಲಿಸುತ್ತಾನೆ. ಇದು ಧೈಯ ಅವಧಿಯ ಆರಂಭವನ್ನು ಸೂಚಿಸುತ್ತದೆ. ಈ ಶನಿ ಸಂಕ್ರಮಣ 2025 ರ ಸಮಯದಲ್ಲಿ, ನಿಮ್ಮ ಆರೋಗ್ಯದ ಬಗ್ಗೆ ಹೆಚ್ಚು ಗಮನ ಹರಿಸುವುದು ಬಹಳ ಮುಖ್ಯ, ಏಕೆಂದರೆ ಈ ಸಮಯವು ದೀರ್ಘಕಾಲದ ಅನಾರೋಗ್ಯ ಉಂಟು ಮಾಡಬಹುದು. ಸಣ್ಣ ಆರೋಗ್ಯ ಸಮಸ್ಯೆಗಳು ಉಲ್ಬಣಗೊಳ್ಳದಂತೆ ತಡೆಯಬೇಕು. ಈ ಅವಧಿಯಲ್ಲಿ ನಿಮ್ಮ ಸಾಲ ಪಾವತಿ ಆಗದೆ ಹಾಗೇ ಉಳಿಯಬಹುದು. ಕಾನೂನು ವಿಚಾರಗಳು ಕೂಡಾ ನಿಮ್ಮ ಪರವಾಗಿ ಇಲ್ಲದಿರಬಹುದು.

ಇದನ್ನೂ ಓದಿ:  ಶನಿ ಸಂಕ್ರಮಣ 2025: ಮೇಷ ರಾಶಿಗೆ ಸಾಡೇ ಸಾತಿ ಆರಂಭ, ವೃಷಭ ರಾಶಿಯ ವಿದ್ಯಾರ್ಥಿಗಳಿಗೆ ಓದಿನಲ್ಲಿ ಅಡೆತಡೆ; ಪರಿಹಾರ ಇಲ್ಲಿದೆ

ಮದುವೆ ಆಗಿರುವವರಿಗೆ ಕೌಟುಂಬಿಕ ಸಮಸ್ಯೆ ಉದ್ಭವಿಸುತ್ತದೆ. ಶನಿ ಸಂಕ್ರಮಣವು ವೃತ್ತಿಪರ ಏರಿಳಿತಗಳಿಗೆ ಕಾರಣವಾಗುತ್ತದೆ. ಆದರೆ ತಾಳ್ಮೆ ಕೆಡದೆ ಶ್ರದ್ಧೆಯಿಂದ ರೀತಿಯಲ್ಲಿ ಕೆಲಸ ಮಾಡಿದರೆ ನಿಮ್ಮ ವೃತ್ತಿಜೀವನದಲ್ಲಿ ಯಶಸ್ಸನ್ನು ತರುತ್ತದೆ. ಜುಲೈ ಮತ್ತು ನವೆಂಬರ್ ಅವಧಿಯಲ್ಲಿ ಎಲ್ಲಾ ವಿಚಾರದಲ್ಲೂ ಬಹಳ ಜಾಗರೂಕರಾಗಿರಬೇಕು. ಈ ಅವಧಿಯ ನಂತರ, ಪರಿಸ್ಥಿತಿ ಸುಧಾರಿಸುತ್ತವೆ, ಇದು ಯಶಸ್ಸಿಗೆ ಕಾರಣವಾಗುತ್ತದೆ.

ಪರಿಹಾರ: ಪ್ರತಿ ಶನಿವಾರ ನೀಲ ಶನಿ ಸ್ತೋತ್ರವನ್ನು ಪಠಿಸಿ

ಕನ್ಯಾ ರಾಶಿ

ಕನ್ಯಾ ರಾಶಿಯ 5 ಹಾಗೂ 6ನೇ ಮನೆಯನ್ನು ಆಳುವ ಶನಿಯು 2025 ಸಂಕ್ರಮಣದ ಸಮಯದಲ್ಲಿ 7ನೇ ಮನೆಗೆ ಚಲಿಸುತ್ತಾನೆ. ನೀವು ಪ್ರೀತಿಯಲ್ಲಿದ್ದರೆ ಅದು ಮದುವೆ ಹಂತಕ್ಕೆ ಬರಬಹುದು. ವ್ಯಾಪಾರ, ಹೊಸ ವ್ಯವಹಾರಗಳು, ಬ್ಯಾಂಕ್‌ ಲೋನ್‌ನಲ್ಲಿ ಯಶಸ್ಸು ದೊರೆಯಲಿದೆ. ಒಂಬತ್ತನೇ, ಮೊದಲ ಮತ್ತು ನಾಲ್ಕನೇ ಮನೆಗಳ ಮೇಲೆ ಶನಿಯ ಪ್ರಭಾವವು ದೂರ ಪ್ರಯಾಣದ ಸಾಧ್ಯತೆಗಳನ್ನು ಸೂಚಿಸುತ್ತಿದೆ. ಇದರಿಂದ ನೀವು ದಣಿದಿದ್ದರೂ ಮಾನಸಿಕ ಶಾಂತಿಯನ್ನು ತರುತ್ತದೆ.

ಇದನ್ನೂ ಓದಿ: ವಾರ್ಷಿಕ ಭವಿಷ್ಯ 2025: ಹೊಸ ವರ್ಷ ನಿಮ್ಮ ಪಾಲಿಗೆ ತರಲಿ ಹರುಷ; 12 ರಾಶಿಗಳ ಭವಿಷ್ಯ, ಸಮಸ್ಯೆಗಳಿಗೆ ಪರಿಹಾರ ಇಲ್ಲಿದೆ

ಜುಲೈನಿಂದ ನವೆಂಬರ್‌ವರೆಗೆ, ಕುಟುಂಬ ಸದಸ್ಯರ ನಡುವೆ ಭಿನ್ನಾಭಿಪ್ರಾಯ ಉಂಟಾಗಬಹುದು, ಇದು ಮನೆಯ ವಾತಾವರಣದ ಮೇಲೆ ಪರಿಣಾಮ ಬೀರುತ್ತದೆ. ಈ ಹಂತದಲ್ಲಿ ತಾಳ್ಮೆಯಿಂದ ನೀವು ಪರಿಸ್ಥಿತಿಯನ್ನು ಸುಧಾರಿಸಬೇಕು. ಅಂತಾರಾಷ್ಟ್ರೀಯ ವ್ಯಾಪಾರ ಉದ್ಯಮಗಳಿಗೆ ಅನುಕೂಲ ಒದಗಿ ಬರುತ್ತದೆ. ವೈವಾಹಿಕ ಸಂಬಂಧಗಳಲ್ಲಿ ಏರಿಳಿತಗಳು ಉಂಟಾಗಬಹುದು. ಆದರೆ ಸಂಬಂಧಗಳನ್ನು ಗಟ್ಟಿ ಮಾಡುಕೊಳ್ಳುವಲ್ಲಿ ನೀವು ಶ್ರಮ ವಹಿಸಬೇಕು.

ಪರಿಹಾರ: ಶನಿವಾರ ಅಗತ್ಯ ಇರುವವರಿಗೆ ಬೆಡ್‌ಶೀಟ್‌, ಆಹಾರ ಸಾಮಗ್ರಿ, ಕೊಡೆಗಳನ್ನು ದಾನ ಮಾಡಿ

ಗಮನಿಸಿ: ಇದು ಪ್ರಚಲಿತದಲ್ಲಿರುವ ಧಾರ್ಮಿಕ ನಂಬಿಕೆಗಳನ್ನು ಆಧರಿಸಿದ ಬರಹ. ಓದುಗರಿಗೆ ಮಾಹಿತಿ ನೀಡುವ ಉದ್ದೇಶದಿಂದಷ್ಟೇ ಪ್ರಕಟಿಸಲಾಗಿದೆ.

ಇದನ್ನೂ ಓದಿ: ಶನಿ ಸಂಕ್ರಮಣ 2025: ಮಿಥುನ ರಾಶಿಯವರು ವೃತ್ತಿಯಲ್ಲಿ ಸಾಧನೆ ಮಾಡಲಿದ್ದಾರೆ, ಕರ್ಕಾಟಕ ರಾಶಿಯವರಿಗೆ ಆರೋಗ್ಯ ಸಮಸ್ಯೆ