ಸಿಯೆಟ್ ಕ್ರಿಕೆಟ್ ಅವಾರ್ಡ್ಸ್ 2024: ರೋಹಿತ್ ಶರ್ಮಾ ಟು ವಿರಾಟ್ ಕೊಹ್ಲಿ - ಪ್ರಶಸ್ತಿ ವಿಜೇತರ ಸಂಪೂರ್ಣ ಪಟ್ಟಿ

ಆಗಸ್ಟ್​ 21ರಂದು ಬುಧವಾರ ಮುಂಬೈನಲ್ಲಿ ಜರುಗಿದ ಸಿತೆಟ್ ಕ್ರಿಕೆಟ್ ಅವಾರ್ಡ್ಸ್ ಸಮಾರಂಭದಲ್ಲಿ ಸೂಪರ್​ಸ್ಟಾರ್ ಕ್ರಿಕೆಟರ್​ಗಳಾದ ವಿರಾಟ್ ಕೊಹ್ಲಿ, ರೋಹಿತ್​ ಶರ್ಮಾ ಸೇರಿದಂತೆ ಸ್ಟಾರ್ ಕ್ರಿಕೆಟರ್​​ಗಳಿಗೆ ವಿವಿಧ ವಿಭಾಗಗಳಲ್ಲಿ ಪ್ರಶಸ್ತಿಗಳನ್ನು ವಿತರಿಸಲಾಯಿತು. 2023ರಲ್ಲಿ ಏಕದಿನ ಕ್ರಿಕೆಟ್​ನಲ್ಲಿ ಅಬ್ಬರಿಸಿದ್ದ ವಿರಾಟ್ ಕೊಹ್ಲಿ ಅವರಿಗೆ ಪುರುಷರ ವರ್ಷದ ಒಡಿಐ ಬ್ಯಾಟರ್​ ಪ್ರಶಸ್ತಿಯನ್ನು ಗೆದ್ದುಕೊಂಡಿದ್ದಾರೆ.

26ನೇ ಆವೃತ್ತಿಯ ಪ್ರಶಸ್ತಿ ಸಮಾರಂಭದಲ್ಲಿ ಭಾರತೀಯರ ಜೊತೆಗೆ ಇಬ್ಬರು ವಿದೇಶಿ ಆಟಗಾರರು ಪ್ರಶಸ್ತಿ ಗೆಲ್ಲುವಲ್ಲಿ ಯಶಸ್ವಿಯಾಗಿದ್ದಾರೆ. ಇಂಗ್ಲೆಂಡ್ ತಂಡದ ಫಿಲ್ ಸಾಲ್ಟ್ ಅವರನ್ನು ವರ್ಷದ ಪುರುಷರ ಟಿ20ಐ ಬ್ಯಾಟರ್ ಎಂದು ಗೌರವಿಸಲಾಯಿತು. ನ್ಯೂಜಿಲೆಂಡ್​ನ ಟಿಮ್ ಸೌಥಿ ವರ್ಷದ ಪುರುಷರ ಟಿ20ಐ ಬೌಲರ್ ಎಂಬ ಪ್ರಶಸ್ತಿ ಗೆದ್ದರು. ಇದೇ ವೇಳೆ ಮಹಿಳಾ ಕ್ರಿಕೆಟರ್​ಗಳಿಗೆ ಪ್ರಶಸ್ತಿ ವಿತರಿಸಲಾಯಿತು.

ವಿರಾಟ್ ಕೊಹ್ಲಿ ರೋಹಿತ್​ ಶರ್ಮಾ ಜೊತೆಗೆ ಮೊಹಮ್ಮದ್ ಶಮಿ, ರವಿಚಂದ್ರನ್ ಅಶ್ವಿನ್, ಯುವ ಆಟಗಾರ ಯಶಸ್ವಿ ಜೈಸ್ವಾಲ್ ಹಾಗೂ ಸ್ಮೃತಿ ಮಂಧಾನ, ಹರ್ಮನ್​ಪ್ರೀತ್ ಕೌರ್, ಶಫಾಲಿ ವರ್ಮಾ ಸೇರಿದಂತೆ ಹಲವರು ಪ್ರಶಸ್ತಿಗೆ ಮುತ್ತಿಕ್ಕಿದ್ದಾರೆ. ಕ್ರಿಕೆಟ್​​ನಲ್ಲಿ ಆಟಗಾರನಾಗಿ ಹಾಗೂ ಕೋಚ್​ ಆಗಿ ಅಪಾರ ಸೇವೆ ಸಲ್ಲಿಸಿದ ರಾಹುಲ್ ದ್ರಾವಿಡ್ ಅವರಿಗೆ ಜೀವಮಾನ ಸಾಧನೆ ಪ್ರಶಸ್ತಿ ನೀಡಲಾಯಿತು.

ರೋಹಿತ್​​-ಕೊಹ್ಲಿ ಅದ್ಭುತ ಪ್ರದರ್ಶನ

ಕಳೆದ ವರ್ಷ ಏಕದಿನ ವಿಶ್ವಕಪ್ ಸೇರಿದಂತೆ ಪ್ರಮುಖ ಟೂರ್ನಿಗಳಲ್ಲಿ ವಿರಾಟ್ ಕೊಹ್ಲಿ ಅತ್ಯುತ್ತಮ ಪ್ರದರ್ಶನ ತೋರಿದ್ದರು. ರೋಹಿತ್​ ಅವರಿಂದಲೂ ಇಂತಹದ್ದೇ ಪ್ರದರ್ಶನ ಬಂದಿತ್ತು. ಅವರು ನಾಯಕನಾಗಿಯೂ ಅಪಾರ ಕೊಡುಗೆ ನೀಡಿದ್ದರು. ಹೀಗಾಗಿ, ಅವರನ್ನು ಪುರುಷರ ವರ್ಷದ ಅಂತಾರಾಷ್ಟ್ರೀಯ ಕ್ರಿಕೆಟಿಗ ಪ್ರಶಸ್ತಿಗೆ ಆಯ್ಕೆ ಮಾಡಲಾಗಿತ್ತು. ಇನ್ನು ಬೌಲಿಂಗ್​ನಲ್ಲಿ ಮಿಂಚಿದ್ದ ಮೊಹಮ್ಮದ್ ಶಮಿಗೆ ಪ್ರಶಸ್ತಿಗೂ ಆಯ್ಕೆ ಮಾಡಲಾಗಿದೆ. ಆದರೆ ಜಸ್ಪ್ರೀತ್ ಬುಮ್ರಾ, ರವೀಂದ್ರ ಜಡೇಜಾಗೆ ಯಾವುದೇ ಪ್ರಶಸ್ತಿ ಸಿಕ್ಕಿಲ್ಲ.

ಇದನ್ನೂ ಓದಿ: ಯೂಟ್ಯೂಬ್‌ನಿಂದ ಹಣ ಗಳಿಸುವುದು ಹೇಗೆ; ಮಾನಿಟೈಸೇಷನ್‌ ಹಂತಗಳೇನು? ನಿಮ್ಮ ಚಾನಲ್‌ ಸಂಪಾದನೆ ಹೆಚ್ಚಿಸಲು ಇಲ್ಲಿವೆ ಅಗತ್ಯ ಸಲಹೆ

ಸಿಯೆಟ್ ಕ್ರಿಕೆಟ್ ಅವಾರ್ಡ್ಸ್-2024: ಪ್ರಶಸ್ತಿ ವಿಜೇತರ ಸಂಪೂರ್ಣ ಪಟ್ಟಿ

ಜೀವಮಾನ ಸಾಧನೆ ಪ್ರಶಸ್ತಿ - ರಾಹುಲ್ ದ್ರಾವಿಡ್

ಪುರುಷರ ವರ್ಷದ ಅಂತಾರಾಷ್ಟ್ರೀಯ ಕ್ರಿಕೆಟಿಗ - ರೋಹಿತ್ ಶರ್ಮಾ

ಪುರುಷರ ವರ್ಷದ ಬ್ಯಾಟರ್ - ವಿರಾಟ್ ಕೊಹ್ಲಿ

ಪುರುಷರ ವರ್ಷದ ಏಕದಿನ ಬೌಲರ್ - ಮೊಹಮ್ಮದ್ ಶಮಿ

ಪುರುಷರ ವರ್ಷದ ಟೆಸ್ಟ್ ಬ್ಯಾಟರ್ - ಯಶಸ್ವಿ ಜೈಸ್ವಾಲ್

ಪುರುಷರ ವರ್ಷದ ಟೆಸ್ಟ್ ಬೌಲರ್ - ರವಿಚಂದ್ರನ್ ಅಶ್ವಿನ್

ಪುರುಷರ ಟಿ20ಐ ವರ್ಷದ ಬ್ಯಾಟರ್ - ಫಿಲ್ ಸಾಲ್ಟ್

ಪುರುಷರ ಟಿ20ಐ ವರ್ಷದ ಬೌಲರ್ - ಟಿಮ್ ಸೌಥಿ

ವರ್ಷದ ದೇಶೀಯ ಕ್ರಿಕೆಟಿಗ - ಸಾಯಿ ಕಿಶೋರ್

ಮಹಿಳಾ ವರ್ಷದ ಭಾರತೀಯ ಬ್ಯಾಟರ್ - ಸ್ಮೃತಿ ಮಂಧಾನ

ಮಹಿಳಾ ವರ್ಷದ ಭಾರತೀಯ ಬೌಲರ್ - ದೀಪ್ತಿ ಶರ್ಮಾ

ಸ್ಮರಣಿಕೆ - ಮಹಿಳಾ ಟಿ20ಐ ಇತಿಹಾಸದಲ್ಲಿ ನಾಯಕಿಯಾಗಿ ಹೆಚ್ಚು ಪಂದ್ಯಗಳು - ಹರ್ಮನ್‌ಪ್ರೀತ್ ಕೌರ್

ಸ್ಮರಣಿಕೆ - ಟಾಟಾ ಐಪಿಎಲ್‌ನಲ್ಲಿ ಅತ್ಯುತ್ತಮ ನಾಯಕತ್ವ - ಶ್ರೇಯಸ್ ಅಯ್ಯರ್

ಸ್ಮರಣಿಕೆ - ಮಹಿಳಾ ಟೆಸ್ಟ್‌ನಲ್ಲಿ ವೇಗದ ದ್ವಿಶತಕ - ಶಫಾಲಿ ವರ್ಮಾ

ಕ್ರೀಡಾ ಆಡಳಿತ ಶ್ರೇಷ್ಠತೆ ಪ್ರಶಸ್ತಿ - ಜಯ್ ಶಾ

ಇದನ್ನೂ ಓದಿ: ಗೋಧಿ ಹಿಟ್ಟಿನಲ್ಲಿ ಇವುಗಳನ್ನು ಮಿಕ್ಸ್‌ ಮಾಡಿ ಚಪಾತಿ ಮಾಡಿದರೆ ನಿಮ್ಮ ದೇಹದಲ್ಲಿನ ಕೊಲೆಸ್ಟ್ರಾಲ್ ಕರಗುತ್ತೆ, ಇಂದೇ ಈ ಹೊಸ ರೆಸಿಪಿ ಟ್ರೈ ಮಾಡಿ