6 ಟಿ20, 2 ಏಕದಿನ ವಿಶ್ವಕಪ್, 25 ಪ್ರಶಸ್ತಿ; ಕ್ರಿಕೆಟ್​​​ನಲ್ಲಿ ಎಲ್ಲಿಸ್ ಪೆರಿ ಮುಟ್ಟಿದ್ದೆಲ್ಲಾ ಚಿನ್ನ, ಎಂಥವರಿಗೂ ಸ್ಫೂರ್ತಿ ಅವರ ಜೀವನ

ಎಲ್ಲಿಸ್ ಪೆರಿ.. ಕ್ರಿಕೆಟ್ ಮತ್ತು ಫುಟ್‌ಬಾಲ್ ವಿಶ್ವಕಪ್‌ಗಳಲ್ಲಿ ಆಸ್ಟ್ರೇಲಿಯಾ ಪರಆಡಿದ ಏಕೈಕ ಆಟಗಾರ್ತಿ. ಎರಡು ವಿಭಿನ್ನ ಕ್ರೀಡೆಗಳಲ್ಲಿ ತನ್ನ ದೇಶ ಪ್ರತಿನಿಧಿಸಿದ ಆಸೀಸ್​ನ ಕೆಲವೇ ಕ್ರೀಡಾಪಟುಗಳಲ್ಲಿ ಒಬ್ಬರು. ಕ್ರಿಕೆಟ್​ಗೆ ನಿವೃತ್ತಿ ಘೋಷಿಸದಿದ್ದರೂ ಲೆಜೆಂಡ್ ಪಟ್ಟ ತನ್ನದಾಗಿಸಿಕೊಂಡಿರುವ ಪೆರಿ, ಬ್ಯಾಟಿಂಗ್, ಬೌಲಿಂಗ್, ಫೀಲ್ಡಿಂಗ್ ಯಾವುದೇ ಇರಲಿ ವಿಶ್ವ ಶ್ರೇಷ್ಠ ಪ್ರದರ್ಶನದ ಮೂಲಕ ಗಮನ ಸೆಳೆಯುತ್ತಾರೆ. ಎಲ್ಲಿಸ್ ಪೆರಿ, ತನ್ನ ವೃತ್ತಿ ಬದುಕಿನಲ್ಲಿ 6 ಟಿ20 ವಿಶ್ವಕಪ್, 2 ಏಕದಿನ ವಿಶ್ವಕಪ್ ಗೆದ್ದಿದ್ದಾರೆ. ಹೀಗೆ ಕ್ರೀಡಾ ಕ್ಷೇತ್ರದಲ್ಲಿ ಸಾಧನೆಗಳ ಸರಮಾಲೆಯನ್ನೇ ಸೃಷ್ಟಿಸಿರುವ ಪೆರಿ (Ellyse Perry Birthday) ಇಂದು (ನವೆಂಬರ್​ 3) ಜನ್ಮದಿನದ ಸಂಭ್ರಮದಲ್ಲಿದ್ದಾರೆ. ಇಂದು ಅವರು 34ನೇ ವರ್ಷಕ್ಕೆ ಕಾಲಿಟ್ಟಿದ್ದಾರೆ.

ಹುಟ್ಟಿದ ದಿನಾಂಕ: 3 ನವೆಂಬರ್ 1990

ಹುಟ್ಟಿದ ಸ್ಥಳ: ವಹ್ರೂಂಗಾ, ಸಿಡ್ನಿ, ಆಸ್ಟ್ರೇಲಿಯಾ

ರಾಷ್ಟ್ರೀಯತೆ: ಆಸ್ಟ್ರೇಲಿಯನ್

ಶಾಲೆ: ಬೀಕ್ರಾಫ್ಟ್ ಪ್ರಾಥಮಿಕ ಶಾಲೆ

ಕಾಲೇಜು: ಪಿಂಬಲ್ ಲೇಡೀಸ್ ಕಾಲೇಜು

ಶಿಕ್ಷಣ: ಪದವಿ

ನಿವ್ವಳ ಮೌಲ್ಯ: $10 ಮಿಲಿಯನ್ (2023)

ಅಡ್ಡ ಹೆಸರು: ಪೆಜ್

ತಂದೆ: ಮಾರ್ಕ್ ಪೆರಿ

ತಾಯಿ: ಕ್ಯಾಥಿ ಪೆರ್ರಿ

ಸಹೋದರ: ಡೇಮಿಯನ್ ಪೆರ್ರಿ

ಕ್ರಿಕೆಟ್​ಗೆ ಪದಾರ್ಪಣೆ ಮಾಡಿದ್ದು ಯಾವಾಗ?

ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ 2007ರಲ್ಲಿ ಪದಾರ್ಪಣೆ ಮಾಡಿದರು. ಅಂದು ಜುಲೈ 22ರಂದು ನ್ಯೂಜಿಲೆಂಡ್ ವಿರುದ್ಧದ ಏಕದಿನ ಸರಣಿಗೆ ಡೆಬ್ಯೂ ಮಾಡಿದರು. ಅವರು ಈವರೆಗೂ 147 ಏಕದಿನ ಪಂದ್ಯಗಳಲ್ಲಿ ಕಣಕ್ಕಿಳಿದಿದ್ದು, 2 ಶತಕ, 34 ಅರ್ಧಶತಕ ಸಹಿತ 3958 ರನ್ ಗಳಿಸಿದ್ದಾರೆ. ಅಲ್ಲದೆ, ಬೌಲಿಂಗ್​ನಲ್ಲಿ 165 ವಿಕೆಟ್ ಕೂಡ ಕಿತ್ತಿದ್ದಾರೆ.

ಟೆಸ್ಟ್ ಕ್ರಿಕೆಟ್​​​ಗೆ 2008ರ ಫೆಬ್ರವರಿ 15ರಂದು ಇಂಗ್ಲೆಂಡ್ ವಿರುದ್ಧ ಪದಾರ್ಪಣೆ ಮಾಡಿದ ಪೆರಿ, ಒಟ್ಟು 13 ಟೆಸ್ಟ್​ ಆಡಿದ್ದಾರೆ. 2 ಶತಕ, 4 ಅರ್ಧಶತಕ ಸಹಿತ 928 ರನ್ ಸಿಡಿಸಿದ್ದಾರೆ. ಬೌಲಿಂಗ್​ನಲ್ಲಿ 39 ವಿಕೆಟ್ ಉರುಳಿಸಿದ್ದಾರೆ.

ಅದೇ ವರ್ಷ ಇಂಗ್ಲೆಂಡ್ ವಿರುದ್ಧವೇ ಟಿ20 ಕ್ರಿಕೆಟ್​​ಗೂ ಪದಾರ್ಪಣೆ ಮಾಡಿದರು. 162 ಪಂದ್ಯಗಳಲ್ಲಿ 9 ಅರ್ಧಶತಕ ಸಹಿತ 2088 ರನ್ ಸಿಡಿಸಿದ್ದಾರೆ. ಇನ್ನು ಬೌಲಿಂಗ್​ನಲ್ಲಿ 126 ವಿಕೆಟ್ ಕಿತ್ತಿದ್ದಾರೆ.

ಬಿಗ್​ಬ್ಯಾಷ್​​ನಲ್ಲಿ 2000 ರನ್​​ಗಳ ಗಡಿ ತಲುಪಿದ ಪುರುಷ ಅಥವಾ ಮಹಿಳಾ ಕ್ರಿಕೆಟರ್ ಎಂಬ ಹೆಗ್ಗಳಿಕೆಗೆ ಪೆರಿ ಪಾತ್ರರಾಗಿದ್ದಾರೆ. ಬಿಬಿಎಲ್​ ಆವೃತ್ತಿಯೊಂದರಲ್ಲಿ ಅತ್ಯಧಿಕ ರನ್ ಗಳಿಸಿದ ದಾಖಲೆಯೂ ಆಕೆಯ ಹೆಸರಿನಲ್ಲಿದೆ. 86.33ರಲ್ಲಿ 777 ರನ್ ಗಳಿಸಿದರು. ಪ್ರಸ್ತುತ ಬಿಬಿಎಲ್​ನಲ್ಲಿ 124 ಇನ್ನಿಂಗ್ಸ್​​ನಲ್ಲಿ 2 ಶತಕ, 30 ಅರ್ಧಶತಕ ಸಹಿತ 4430 ರನ್ ಬಾರಿಸಿದ್ದಾರೆ.

ಎಲ್ಲಿಸ್ ಪೆರಿ ಸಾಧನೆಗಳು

- ಫುಟ್ಬಾಲ್ ವಿಶ್ವಕಪ್ ನಾಕೌಟ್ ಪಂದ್ಯದಲ್ಲಿ ಗೋಲು

- ಏಕದಿನ ವಿಶ್ವಕಪ್ ಫೈನಲ್​ನಲ್ಲಿ ಪಂದ್ಯಶ್ರೇಷ್ಠ

- 6 ಟಿ20 ವಿಶ್ವಕಪ್​​ಗಳ ಗೆಲುವು (2010, 2012, 2014, 2018, 2020, 2023)

- 2 ಏಕದಿನ ವಿಶ್ವಕಪ್​​ಗಳ ಗೆಲುವು (2013, 2022)

- ಡಬ್ಲ್ಯುಪಿಎಲ್ 2024

- 2 ಬಿಬಿಎಲ್​ ಟ್ರೋಫಿ ಗೆಲುವು

- ಐದು ಪುಸ್ತಕಗಳ ಲೇಖಕಿಯೂ ಹೌದು

- ಆ್ಯಷಸ್ ಸರಣಿಯಲ್ಲಿ 4 ಬಾರಿ ಪಂದ್ಯಶ್ರೇಷ್ಠ

- ಬಿಬಿಎಲ್​​ ನಾಕ್​ಔಟ್​ನಲ್ಲಿ ಪಂದ್ಯಶ್ರೇಷ್ಠ 

- ಡಬ್ಲ್ಯುಪಿಎಲ್​ ನಾಕ್​ಔಟ್​ನಲ್ಲಿ ಪಂದ್ಯಶ್ರೇಷ್ಠ 

- ಡಬ್ಲ್ಯುಪಿಎಲ್​ನಲ್ಲಿ ಆರ್​​ಸಿಬಿ ಪರ ಆರೆಂಜ್​ ಕ್ಯಾಪ್

ರಗ್ಬಿ ಆಟಗಾರನನ್ನು ಮದುವೆಯಾಗಿದ್ದ ಪೆರ್ರಿ

ಎಲ್ಲಿಸ್ ಪೆರಿ ಬಾಯ್​ಫ್ರೆಂಡ್ ಯಾರು? ಹೀಗಂತ ಗೂಗಲ್​ನಲ್ಲಿ ಸಿಕ್ಕಾಪಟ್ಟೆ ಸರ್ಚ್ ಮಾಡಲಾಗಿದೆ. ಇದಕ್ಕೆ ಉತ್ತರ ನೋಡಿದವರು ಅಚ್ಚರಿಗೆ ಒಳಗಾಗಿದ್ದಾರೆ. ಪೆರಿ ಅವರಿಗೆ 2015ರಲ್ಲಿ ವಿವಾಹವಾಗಿದೆ. ಆದರೆ ದುರಾದೃಷ್ಟವಶಾತ್​ ಡಿವೋರ್ಸ್ ಕೂಡ ಆಗಿದೆ. ಈಕೆ ಖ್ಯಾತ ರಗ್ಬಿ ಆಟಗಾರ ಮ್ಯಾಟ್ ಟೂಮುವಾ ಅವರನ್ನು ಮದುವೆಯಾಗಿದ್ದರು. ಆದರೆ ಮದುವೆಯಾಗಿ ಐದು ವರ್ಷಗಳ ನಂತರ ವಿಚ್ಛೇದನ ಪಡೆದರು.

ಎಲಿಸ್ ಪೆರಿ ಇನ್ನಷ್ಟು ಪ್ರಶಸ್ತಿಗಳು

ರಾಚೆಲ್ ಹೇಹೋ ಫ್ಲಿಂಟ್ ಪ್ರಶಸ್ತಿ: 2017, 2019, 2020

ಐಸಿಸಿ ಮಹಿಳಾ ಏಕದಿನ ವರ್ಷದ ಕ್ರಿಕೆಟರ್: 2019

ಐಸಿಸಿ ಮಹಿಳಾ ಏಕದಿನ ದಶಕದ ಕ್ರಿಕೆಟರ್: 2011-2020

ಐಸಿಸಿ ಮಹಿಳಾ ಟಿ20ಐ ದಶಕದ ಕ್ರಿಕೆಟರ್: 2011-2020

ವಿಸ್ಡನ್ ವಿಶ್ವದ ಪ್ರಮುಖ ಮಹಿಳಾ ಕ್ರಿಕೆಟರ್: 2016, 2019

ಐಸಿಸಿ ಮಹಿಳಾ ವಿಶ್ವ ಟಿ20 ಆಟಗಾರ್ತಿ: 2010

ಮಹಿಳಾ ಆಶಸ್ ಆಟಗಾರ್ತಿ: 2013-14, 2015, 2019

ಬೆಲಿಂಡಾ ಕ್ಲಾರ್ಕ್ ಪ್ರಶಸ್ತಿ ವಿಜೇತರು: 2016, 2018, 2020

ಮಹಿಳಾ ರಾಷ್ಟ್ರೀಯ ಕ್ರಿಕೆಟ್ ಲೀಗ್ ಟೂರ್ನಮೆಂಟ್ ಆಟಗಾರ್ತಿ: 2015-16

ಮಹಿಳಾ ರಾಷ್ಟ್ರೀಯ ಕ್ರಿಕೆಟ್ ಲೀಗ್‌ನ ಆಟಗಾರ್ತಿ: 2008-09

ಬೆಲಿಂಡಾ ಕ್ಲಾರ್ಕ್ ಪದಕ ವಿಜೇತರು: 2015-16, 2017-18, 2018-19

ಕ್ರಿಕೆಟ್ ಎನ್​ಎಸ್​ಡಬ್ಲ್ಯು ರೈಸಿಂಗ್ ಸ್ಟಾರ್: 2007-08

ಮಹಿಳಾ ಬಿಗ್ ಬ್ಯಾಷ್ ಲೀಗ್​ನಲ್ಲಿ ಸರಣಿ ಶ್ರೇಷ್ಠ: 2018-19

ಸಿಡ್ನಿ ಸಿಕ್ಸರ್ಸ್ ಆಟಗಾರ್ತಿ: 2017-18, 2018-19

ಕ್ರೀಡಾ ಎನ್​ಎಸ್​​ಡಬ್ಲ್ಯು ವರ್ಷದ ಅಥ್ಲೀಟ್: 2019

ಆಸ್ಟ್ರೇಲಿಯಾ ಪೋಸ್ಟ್ ಲೆಜೆಂಡ್ಸ್ ಆಫ್ ಕ್ರಿಕೆಟ್: 2021

ಇದನ್ನೂ ಓದಿ: ಮೂರನೇ ಟೆಸ್ಟ್​​ನಲ್ಲಿ​ 25 ರನ್​ಗಳ ರೋಚಕ ಗೆಲುವು; ಟೀಮ್ ಇಂಡಿಯಾ ವಿರುದ್ಧ ವೈಟ್​ವಾಶ್ ಸಾಧಿಸಿ ಇತಿಹಾಸ ಬರೆದ ನ್ಯೂಜಿಲೆಂಡ್

ಇದನ್ನೂ ಓದಿ: WTC Points Table: ನ್ಯೂಜಿಲೆಂಡ್ ವಿರುದ್ಧ ಸೋತು ಆಸ್ಟ್ರೇಲಿಯಾಗೆ ಸಿಂಹಾಸನ ಬಿಟ್ಟುಕೊಟ್ಟು 2ನೇ ಸ್ಥಾನಕ್ಕೆ ಕುಸಿದ ಭಾರತ

ಇದನ್ನೂ ಓದಿ: ಡಬ್ಲ್ಯುಟಿಸಿ ಫೈನಲ್ ಪ್ರವೇಶಿಸಲು ಆಸ್ಟ್ರೇಲಿಯಾ ವಿರುದ್ಧ ಭಾರತ ತಂಡ ಎಷ್ಟು ಪಂದ್ಯ ಗೆಲ್ಲಬೇಕು? ಹೀಗಿದೆ ಫೈನಲ್ ಲೆಕ್ಕಾಚಾರ