ಆರ್​ಸಿಬಿ vs ಸಿಎಸ್​ಕೆ ಪಂದ್ಯ ಮಳೆಯಿಂದ ರದ್ದಾದರೆ ರಿಸರ್ವ್​ ಡೇ ಇದೆಯೇ; ಸೋಲು-ಗೆಲುವಿನ ಲೆಕ್ಕಾಚಾರವೇನು?

ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು vs ಚೆನ್ನೈ ಸೂಪರ್ ಕಿಂಗ್ಸ್​ (RCB vs CSK) ನಡುವಿನ ಹೈವೋಲ್ಟೇಜ್​ ಕದನಕ್ಕೆ ಮಳೆಯ ಭೀತಿ ಎದುರಾಗಿದೆ. ಪ್ಲೇಆಫ್‌ಗೆ ಅರ್ಹತೆ ಪಡೆಯಲು ಆರ್‌ಸಿಬಿ, ಸಿಎಸ್‌ಕೆ ವಿರುದ್ಧ ಜಯಗಳಿಸಲೇಬೇಕಾಗಿದೆ. ಕೇವಲ ಗೆಲುವಲ್ಲ, ದೊಡ್ಡ ಅಂತರದ ಗೆಲುವು ಬೇಕು. ಆರ್​ಸಿಬಿ ಪ್ರಸ್ತುತ ಪಾಯಿಂಟ್ ಪಟ್ಟಿಯಲ್ಲಿ 7ನೇ ಸ್ಥಾನದಲ್ಲಿದೆ. 12 ಅಂಕಗಳೊಂದಿಗೆ +0.387 ರನ್​ರೇಟ್ ಹೊಂದಿದೆ.

ಮತ್ತೊಂದೆಡೆ ಸಿಎಸ್​ಕೆ 14 ಅಂಕ ಹೊಂದಿದ್ದು, ಅಂಕಪಟ್ಟಿಯಲ್ಲಿ 4ನೇ ಸ್ಥಾನದಲ್ಲಿದೆ. ಆರ್​​ಸಿಬಿ 18 ಅಥವಾ ಅದಕ್ಕಿಂತ ಹೆಚ್ಚಿನ ರನ್‌ಗಳಿಂದ ಸೋಲಿಸಿದರೆ ಅಥವಾ 18.1 ಓವರ್‌ಗಳಲ್ಲಿ ಗುರಿಯನ್ನು ಬೆನ್ನಟ್ಟಿದರೆ (ಮೊದಲ ಇನಿಂಗ್ಸ್ ಸ್ಕೋರ್ 200 ಎಂದು ಭಾವಿಸಿದರೆ), ರನ್​ರೇಟ್‌ನಲ್ಲಿ ಸಿಎಸ್​ಕೆ ತಂಡವನ್ನು ಹಿಂದಿಕ್ಕಿ ಪ್ಲೇಆಫ್‌ಗೆ ಅರ್ಹತೆ ಪಡೆಯುತ್ತದೆ. ಆದರೆ ಸಿಎಸ್‌ಕೆಗೆ ಯಾವುದೇ ರನ್ ರೇಟ್ ಚಿಂತೆ ಇಲ್ಲ. ಕೇವಲ ಗೆದ್ದರೆ ಸಾಕು. ಒಂದು ವೇಳೆ ಆರ್​ಸಿಬಿ ಕಡಿಮೆ ಅಂತರದ ಗೆಲುವು ಸಾಧಿಸಿದರೂ ಸಹ ಸಿಎಸ್​ಕೆ ಪ್ಲೇಆಫ್​ಗೆ ಪ್ರವೇಶಿಸಲಿದೆ.

ಬ್ಲಾಕ್​ಬಸ್ಟರ್​​ ಪಂದ್ಯಕ್ಕೆ ಮಳೆಯ ಅಡ್ಡಿಪಡಿಸಬಹುದು ಎಂದು ಹೇಳಲಾಗುತ್ತಿದೆ. ಪ್ರಸ್ತುತ ಬೆಂಗಳೂರಿನಲ್ಲಿ ಹಲವೆಡೆ ಮಳೆ ಸುರಿಯುತ್ತಿದೆ. ಕೆಲವೆಡೆ ಜೋರು ಮತ್ತು ಕೆಲವೆಡೆ ಜಡಿ ಮಳೆ ಆಗುತ್ತಿದೆ. ಹವಾಮಾನ ಮುನ್ಸೂಚನೆಯಂತೆ ಸಂಜೆಯ ಮೇಲೂ ಗುಡುಗು ಸಹಿತ ಮಳೆಯಾಗುವ ಸಾಧ್ಯತೆ ಇದೆ. ಒಂದು ವೇಳೆ ಮಳೆಯಿಂದಾಗಿ ಪಂದ್ಯ ರದ್ದಾದ್ದರೆ, ಆರ್​ಸಿಬಿ ಪ್ಲೇಆಫ್ ರೇಸ್‌ನಿಂದ ಹೊರಬೀಳುತ್ತದೆ. ಸಿಎಸ್​ಕೆ ಪ್ಲೇಆಫ್‌ಗೆ ಅರ್ಹತೆ ಪಡೆಯುತ್ತದೆ. ಆದಾಗ್ಯೂ, ಸಿಎಸ್​ಕೆ 2ನೇ ಸ್ಥಾನ ಪಡೆಯುವ ಅವಕಾಶ ಕಳೆದುಕೊಳ್ಳುತ್ತದೆ.

ಸಿಎಸ್​ಕೆ vs ಸಿಎಸ್​ಕೆ ಪಂದ್ಯಕ್ಕೆ ಮೀಸಲು ದಿನವಿದೆಯೇ?

ಪಂದ್ಯವು ಅತ್ಯಂತ ಮಹತ್ವದ್ದಾಗಿದೆ. ಆದರೆ ಈ ಪಂದ್ಯಕ್ಕೆ ಮೀಸಲು ದಿನ ಇರುವುದಿಲ್ಲ. ಐಪಿಎಲ್​ ಪ್ಲೇಆಫ್‌ ಮತ್ತು ಪಂದ್ಯಕ್ಕೆ ಮೀಸಲು ದಿನ ಇದೆ. ಆದರೆ, ಆರ್​ಸಿಬಿ vs ಸಿಎಸ್​ಕೆ ಲೀಗ್ ಪಂದ್ಯವಾಗಿರುವುದರಿಂದ ಯಾವುದೇ ಮೀಸಲು ದಿನವನ್ನು ಹೊಂದಿಲ್ಲ. ಮಳೆ ನಿಲ್ಲದಿದ್ದರೆ ಪಂದ್ಯವನ್ನು ರದ್ದುಪಡಿಸಲಾಗುತ್ತದೆ. ಆದಾಗ್ಯೂ, ಬೆಂಗಳೂರು ಭಾರತದ ಅತ್ಯುತ್ತಮ ಒಳಚರಂಡಿ ವ್ಯವಸ್ಥೆ ಹೊಂದಿರುವುದರಿಂದ ಅಭಿಮಾನಿಗಳು ನೆಮ್ಮದಿಯ ನಿಟ್ಟುಸಿರು ಬಿಡಬಹುದು. ಮಳೆ ನಿಂತ ನಂತರ 15 ನಿಮಿಷಗಳಲ್ಲಿ ಸಬ್​ ಏರ್​ ಸಿಸ್ಟಮ್ ಮೂಲಕ ಮೈದಾನವನ್ನು ಸಿದ್ಧಪಡಿಸಬಹುದು.

ಇದನ್ನೂ ಓದಿ: ಪಂದ್ಯದ ದಿನ ಹೇಗಿರುತ್ತೆ ಆಟಗಾರರ ಆಹಾರ ಕ್ರಮ; ಮ್ಯಾಚ್‌ ನಡುವೆ ಖಡಕ್ಕಾಗಿರಲು ಕ್ರಿಕೆಟರ್ಸ್ ಏನೆಲ್ಲಾ ತಿಂತಾರೆ ನೋಡಿ

ಎಂಎಸ್ ಧೋನಿಗಿದು ಕೊನೆಯ ಐಪಿಎಲ್ ಪಂದ್ಯವೇ?

ಆರ್​ಸಿಬಿ ಪ್ಲೇಆಫ್ ಪ್ರವೇಶಿಸಲು ಸಿಎಸ್​ಕೆ ತಂಡವನ್ನು ಸೋಲಿಸಿದರೆ ಎಂಎಸ್ ಧೋನಿ ಇದೇ ಕೊನೆಯ ಐಪಿಎಲ್ ಪಂದ್ಯವಾಗಲಿದೆ. ಒಂದು ಸಿಎಸ್​ಕೆ ಪ್ಲೇಆಫ್ ಪ್ರವೇಶಿಸಿದರೂ ಧೋನಿಗೆ ಇದೆ ಅಂತಿಮ ಐಪಿಎಲ್ ಆಗಿರಲಿದೆ. ಸ್ನೇಹಿತರಾದ ವಿರಾಟ್ ಕೊಹ್ಲಿ, ಎಂಎಸ್ ಧೋನಿ ಅವರು ಇದೇ ಪಂದ್ಯದಲ್ಲಿ ಕೊನೆಯ ಬಾರಿಗೆ ಮುಖಾಮುಖಿಯಾಗಲಿದ್ದಾರೆ. ಕೊಹ್ಲಿ-ಧೋನಿ ಒಟ್ಟಿಗೆ ಆಡುವುದನ್ನು ನೋಡಲು ಅಭಿಮಾನಿಗಳಿಗೆ ಇದು ಉತ್ತಮ ಕ್ಷಣವಾಗಿದೆ.

ಧೋನಿ ಬಗ್ಗೆ ಕೊಹ್ಲಿ ಹೇಳಿದ್ದೇನು?

"ಮಹಿ ಭಾಯ್ ಮತ್ತು ನಾನು ಮತ್ತೆ ಆಡುತ್ತೇವೆ. ಬಹುಶಃ ಕೊನೆಯೇ ಆಗಿರಬಹುದು, ಯಾರಿಗೆ ಗೊತ್ತು. ಇದು ಅಭಿಮಾನಿಗಳಿಗೆ ಉತ್ತಮ ಕ್ಷಣವಾಗಿದೆ. ವರ್ಷಗಳಲ್ಲಿ ನಾವು ಭಾರತಕ್ಕಾಗಿ ಉತ್ತಮ ಪಾಲುದಾರಿಕೆ ಹೊಂದಿದ್ದೇವೆ. ಅವರು ಎಷ್ಟು ಪಂದ್ಯಗಳನ್ನು ಮುಗಿಸಿದ್ದಾರೆ, ಗೆದ್ದಿದ್ದಾರೆ ಎಂಬುದು ನಮಗೆಲ್ಲರಿಗೂ ತಿಳಿದಿದೆ. ತಂಡಕ್ಕೆ ಪಂದ್ಯ ಎಂದು ಜಿಯೋ ಸಿನಿಮಾದ ಇನ್‌ಸೈಡ್ ಔಟ್ ಶೋನಲ್ಲಿ ಕೊಹ್ಲಿ ಹೇಳಿದ್ದಾರೆ.

ಇದನ್ನೂ ಓದಿ: ರೋಹಿತ್ ಶರ್ಮಾ ಮುಂಬೈ ಇಂಡಿಯನ್ಸ್ ತೊರೆಯುತ್ತಾರಾ; ಹೆಡ್​ಕೋಚ್ ನೀಡಿದ್ರು ಬಿಗ್​ಅಪ್ಡೇಟ್, ಆ ಮಾತಲ್ಲೇ ಇದೆ ಅರ್ಥ

(ಕನ್ನಡದಲ್ಲಿ ಕ್ರಿಕೆಟ್, ಎಚ್‌ಟಿ ಕನ್ನಡ ಬೆಸ್ಟ್‌. ಐಪಿಎಲ್, ಟಿ20 ವರ್ಲ್ಡ್‌ಕಪ್ ಸೇರಿದಂತೆ ಕ್ರಿಕೆಟ್ ಲೋಕದ ಸಮಗ್ರ ಮಾಹಿತಿ, ತಾಜಾ ವಿದ್ಯಮಾನ, ರನ್-ವಿಕೆಟ್, ಪ್ಲೇಆಫ್, ಟೀಮ್ ಸ್ಟಾಟ್ ವಿಶ್ಲೇಷಣೆಗಳಿಗಾಗಿ kannada.hindustantimes.com/cricket ಕ್ಕೆ ಭೇಟಿ ನೀಡಿ.)