ಇಂಗ್ಲೆಂಡ್ ಎದುರಿನ 2ನೇ ಟೆಸ್ಟ್ನಲ್ಲೂ ರೋಹಿತ್ ಶರ್ಮಾ ಕಳಪೆ ಬ್ಯಾಟಿಂಗ್; ಸೋಮಾರಿತನ ಎಂದ ಕೆವಿನ್ ಪೀಟರ್ಸನ್
Feb 03, 2024 10:13 AM IST
Share
ರೋಹಿತ್ ಶರ್ಮಾ ಕಳಪೆ ಬ್ಯಾಟಿಂಗ್; ಸೋಮಾರಿತನ ಎಂದ ಕೆವಿನ್ ಪೀಟರ್ಸನ್.
- Kevin Pietersen on Rohit Sharma : ವಿಶಾಖಪಟ್ಟಣದ ಟೆಸ್ಟ್ನಲ್ಲಿ ಕಳಪೆ ಪ್ರದರ್ಶನ ನೀಡಿದ ರೋಹಿತ್ ಶರ್ಮಾ ವಿರುದ್ಧ ಇಂಗ್ಲೆಂಡ್ ಮಾಜಿ ನಾಯಕ ಕೆವಿನ್ ಪೀಟರ್ಸನ್ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.
ಫೆಬ್ರವರಿ 2ರಿಂದ ವಿಶಾಖಪಟ್ಟಣಂನಲ್ಲಿ ಆರಂಭಗೊಂಡಿರುವ ಎರಡನೇ ಟೆಸ್ಟ್ ಪಂದ್ಯದ (India vs England 2nd Test) ಮೊದಲ ಸೆಷನ್‌ನಲ್ಲಿ ಹಿರಿಯ ಆರಂಭಿಕ ಆಟಗಾರ ರೋಹಿತ್ ಶರ್ಮಾ (Rohit Sharma) 14 ರನ್‌ಗಳಿಗೆ ಔಟಾಗುವ ಮೂಲಕ ಮಹತ್ವ ಕೊಡುಗೆ ನೀಡಲು ಮತ್ತೊಂದು ಅವಕಾಶ ಕಳೆದುಕೊಂಡರು. ತನ್ನ ಆಕ್ರಮಣಕಾರಿ ಆಟದ ಬದಲಿಗೆ ನಿಧಾನವಾಗಿ ಬ್ಯಾಟಿಂಗ್ ನಡೆಸಿದ ಹಿಟ್ಮ್ಯಾನ್, ಇಂಗ್ಲೆಂಡ್ ಪರ ಪದಾರ್ಪಣೆಗೈದ ಸ್ಪಿನ್ನರ್ ಶೋಯೆಬ್ ಬಶೀರ್ (shoaib bashir) ಬೌಲಿಂಗ್ನಲ್ಲಿ ವಿಕೆಟ್ ಒಪ್ಪಿಸಿದರು.
ಇನ್ನಿಂಗ್ಸ್ನ 18ನೇ ಓವರ್‌ನಲ್ಲಿ ಹೆಚ್ಚುವರಿ ಬೌನ್ಸ್ ಪಡೆದ ರೋಹಿತ್ ಶರ್ಮಾ, ಹೊರಗಿನ ಪಿಚ್ನಲ್ಲಿ ಚೆಂಡನ್ನು ಬಾರಿಸಲು ಯತ್ನಿಸಿದರು. ಆದರೆ ಲೆಗ್ ಸ್ಲಿಪ್‌ನಲ್ಲಿ ಒಲ್ಲಿ ಪೋಪ್ ಅವರು ಅದ್ಭುತ ಕ್ಯಾಚ್ ನೀಡಿದರು. ಈ ಟೆಸ್ಟ್ ಸರಣಿಯಲ್ಲಿ 3ನೇ ಬಾರಿಗೆ ರೋಹಿತ್ ಶರ್ಮಾ ಆರಂಭವನ್ನು ಗಣನೀಯವಾಗಿ ಪರಿವರ್ತಿಸಲು ವಿಫಲರಾದರು. 41 ಎಸೆತಗಳಲ್ಲಿ 14 ರನ್ ಗಳಿಸಿದರು. ಬೌಂಡರಿ ಒಂದೂ ಇಲ್ಲ.
ಕೆವಿನ್ ಪೀಟರ್ಸನ್ ಅಸಮಾಧಾನ
ಹೈದರಾಬಾದ್‌ನಲ್ಲಿ ನಡೆದ ಮೊದಲ ಟೆಸ್ಟ್‌ನ ಮೊದಲ ಇನ್ನಿಂಗ್ಸ್‌ನಲ್ಲಿ ರೋಹಿತ್ ಶರ್ಮಾ 24 ರನ್‌ಗಳಿಗೆ ಔಟಾದರು. ಎರಡನೇ ಇನ್ನಿಂಗ್ಸ್‌ನಲ್ಲಿ ಅವರ ಪ್ರತಿರೋಧವು 39 ಕ್ಕೆ ಕೊನೆಗೊಂಡಿತು. ಏಕೆಂದರೆ ಭಾರತವು 231 ರನ್‌ಗಳನ್ನು ಯಶಸ್ವಿಯಾಗಿ ಬೆನ್ನಟ್ಟಲು ವಿಫಲವಾಯಿತು. ಸದ್ಯ ವಿಶಾಖಪಟ್ಟಣದ ಟೆಸ್ಟ್ನಲ್ಲಿ ಕಳಪೆ ಪ್ರದರ್ಶನ ನೀಡಿದ ರೋಹಿತ್ ವಿರುದ್ಧ ಇಂಗ್ಲೆಂಡ್ ಮಾಜಿ ನಾಯಕ ಕೆವಿನ್ ಪೀಟರ್ಸನ್ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಅವರ ಕೆಟ್ಟ ಬ್ಯಾಟಿಂಗ್ ಶಾಟ್ ಸೆಲೆಕ್ಷನ್ಗೆ ಕಿಡಿಕಾರಿದ್ದಾರೆ.
ಜಿಯೋ ಸಿನಿಮಾದೊಂದಿಗೆ ಮಾತನಾಡಿದ ಕೆವಿನ್ ಪೀಟರ್ಸನ್, ರೋಹಿತ್ ಶರ್ಮಾ ಅವರ ಆಟವನ್ನು ಸೋಮಾರಿತನ ಎಂದು ಕರೆದಿದ್ದಾರೆ. ಭಾರತದ ನಾಯಕ ತಾತ್ಕಾಲಿಕ ಮತ್ತು ದಿನದ ಆಟದ ಮೊದಲ ಗಂಟೆಯಲ್ಲಿ ಆಕ್ರಮಣಕಾರಿ ಆಟವಾಡದೆ, ಸ್ಕೋರ್ಬೋರ್ಡ್ನಲ್ಲಿ ರನ್ ಕಲೆ ಹಾಕಲು ವಿಫಲರಾದರು. ಆರಂಭದಲ್ಲಿ ಅವರು ಎಂದಿಗೂ ತೀವ್ರತೆಯಿಂದ ಬ್ಯಾಟಿಂಗ್ ಮಾಡಲಿಲ್ಲ. ಅವರ ಬ್ಯಾಟಿಂಗ್ ಮಾಡಿದ ರೀತಿ ಇಷ್ಟವಾಗಲಿಲ್ಲ ಎಂದು ಹೇಳಿದ್ದಾರೆ.
ರೋಹಿತ್ ತನ್ನ ಆಕ್ರಮಣಕಾರಿ ಆಟವನ್ನು ಆಡಲಿಲ್ಲ. ಬ್ಯಾಟಿಂಗ್ ಮಾಡುವ ವಿಧಾನದ ಬಗ್ಗೆ ನನಗೆ ಅಸಮಾಧಾನ ಇದೆ. ಮೊದಲ ಸೆಷನ್‌ನಲ್ಲಿ ತಿರುವಿನ ಕೊರತೆ ಎದ್ದು ಕಾಣುತ್ತಿತ್ತು. ಆದರೆ ರೋಹಿತ್ ಕೆಟ್ಟ ಎಸೆತಗಳ ಬದಲಿಗೆ ಉತ್ತಮ ಎಸೆತಗಳನ್ನು ಮುಟ್ಟಲು ಹಿಂಜರಿಯುತ್ತಿದ್ದರು. ಪಾರ್ಟ್-ಟೈಮರ್ ಬೌಲರ್ ರೂಟ್, ಒಂದೆರಡು ಶಾರ್ಟ್ ಪಿಚ್ ಎಸೆತಗಳನ್ನು ಹಾಕಿದರು. ಆದರೆ ಅವುಗಳನ್ನು ಬೌಂಡರಿ ಸಿಡಿಸುವ ಅವಕಾಶ ಕಳೆದುಕೊಂಡರು ಎಂದರು.
‘ಹೇಗೆ ಔಟಾದರೆಂದು ಯೋಚಿಸುತ್ತಿದ್ದೇನೆ’
ತಾನು ಔಟಾದ ಎಸೆತದಲ್ಲಿ ರನ್ ಗಳಿಸುವ ಅವಕಾಶ ಇತ್ತು. ಅನಾನುಭವಿ ಬೌಲರ್ಗಳ ವಿರುದ್ಧ ರನ್ ತೆಗೆದುಕೊಳ್ಳುವ ಸಾಧ್ಯತೆ ಇತ್ತು. ಆದರೆ ಅವರು ಆ ಎಸೆತಕ್ಕೆ ಹೇಗೆ ಔಟಾದರು ಎಂದು ನಾನು ಯೋಚಿಸುತ್ತಿದ್ದೇನೆ. ಅವರು ಔಟಾಗಿದ್ದು ನಿಜವಾಗಲೂ ಸೋಮಾರಿತನವಾಗಿತ್ತು. ಆತುರ ಪಡುವ ಅಗತ್ಯವೂ ಇರಲಿಲ್ಲ. ಸ್ಪಿನ್ನರ್ಗಳ ವಿರುದ್ಧ ಅಬ್ಬರಿಸುತ್ತಾರೆ ಎಂದು ಕರೆಸಿಕೊಳ್ಳುವ ರೋಹಿತ್, ಮೊದಲ ಇನ್ನಿಂಗ್ಸ್ ಯಾವುದೇ ಭಯ ಉಂಟು ಮಾಡಿದ್ದು ಕಂಡು ಬಂದಿಲ್ಲ ಎಂದು ಕಿಡಿಕಾರಿದ್ದಾರೆ.