ಗೆಲ್ಲಲೇಬೇಕಾದ ಒತ್ತಡದಲ್ಲಿ ಇಂಗ್ಲೆಂಡ್; 4ನೇ ಟೆಸ್ಟ್​ ಪಂದ್ಯಕ್ಕೆ ಪ್ಲೇಯಿಂಗ್ XI ಪ್ರಕಟಿಸಿದ ಆಂಗ್ಲರು, ಎರಡು ಬದಲಾವಣೆ

ರಾಂಚಿಯ ಜೆಎಸ್‌ಸಿಎ ಇಂಟರ್‌ನ್ಯಾಷನಲ್ ಸ್ಟೇಡಿಯಂ ಕಾಂಪ್ಲೆಕ್ಸ್​ನಲ್ಲಿ ನಡೆಯಲಿರುವ ಭಾರತ ವಿರುದ್ಧ ನಾಲ್ಕನೇ ಟೆಸ್ಟ್‌ ಪಂದ್ಯಕ್ಕೆ ಇಂಗ್ಲೆಂಡ್ ಆಡುವ ಪ್ಲೇಯಿಂಗ್​ ಇಲೆವೆನ್ ಪ್ರಕಟಿಸಿದೆ. ಗೆಲ್ಲಲೇಬೇಕಾದ ಒತ್ತಡಕ್ಕೆ ಸಿಲುಕಿರುವ ಇಂಗ್ಲೆಂಡ್ 4ನೇ ಟೆಸ್ಟ್​ಗೆ ತಂಡದಲ್ಲಿ ಎರಡು ಬದಲಾವಣೆ ಮಾಡಿದೆ. ಮಾರ್ಕ್​ ವುಡ್ ಮತ್ತು ರೆಹಾನ್ ಅಹ್ಮದ್ ಅವರನ್ನು ಕೈಬಿಟ್ಟಿರುವ ಬೆನ್​ಸ್ಟೋಕ್ಸ್, ವೇಗಿ ಒಲ್ಲಿ ರಾಬಿನ್ಸನ್ ಮತ್ತು ಶೋಯೆಬ್ ಬಶೀರ್​ರನ್ನು ಆಡುವ 11ರ ಬಳಗಕ್ಕೆ ಸೇರಿಸಿಕೊಂಡಿದ್ದಾರೆ.

ಇದನ್ನೂ ಓದಿ: ವಿಶ್ವದ ಟಾಪ್-10 ಕುಬ್ಜ ಕ್ರಿಕೆಟರ್ಸ್; ನ್ಯೂಜಿಲೆಂಡ್ ಆಟಗಾರನಿಗೆ ಅಗ್ರಸ್ಥಾನ, ಭಾರತೀಯರೇ ಹೆಚ್ಚು

ಮೂವರು ಸ್ಪಿನ್ನರ್​, ಇಬ್ಬರು ವೇಗಿಗಳು ಕಣಕ್ಕೆ

ಫೆಬ್ರವರಿ 23ರ ಶುಕ್ರವಾರ ರಾಂಚಿನಲ್ಲಿ ನಡೆಯುವ ನಾಲ್ಕನೇ ಟೆಸ್ಟ್​​ ಪಂದ್ಯದಲ್ಲಿ ಇಬ್ಬರು ವೇಗಿಗಳು ಮತ್ತು ಇಬ್ಬರು ಸ್ಪೆಷಲಿಸ್ಟ್​ ಸ್ಪಿನ್ನರ್​ಗಳಿಗೆ ಇಂಗ್ಲೆಂಡ್ ಮಣೆ ಹಾಕಿದೆ. ಜೇಮ್ಸ್ ಆ್ಯಂಡರ್ಸನ್ ಮತ್ತು ಒಲ್ಲಿ ರಾಬಿನ್ಸನ್ ವೇಗಿಗಳಾಗಿದ್ದರೆ, ಶೋಯೆಬ್ ಬಶೀರ್, ಟಾಮ್ ಹಾರ್ಟ್ಲೆ ಸ್ಪಿನ್ನರ್​ಗಳಾಗಿದ್ದಾರೆ. ಜೋ ರೂಟ್ ತಾತ್ಕಾಲಿಕ ಸ್ಪಿನ್ನರ್​ ಆಗಿದ್ದಾರೆ. ಬೆನ್ನು ನೋವಿನ ಕಾರಣದಿಂದ ಬೌಲಿಂಗ್ ಮಾಡದ ಬೆನ್​ಸ್ಟೋಕ್ಸ್ ಈ ಪಂದ್ಯದಲ್ಲಿ​ ಬೌಲಿಂಗ್​ಗೆ ಮರಳುವ ಸಾಧ್ಯತೆ ಇದೆ.

ಜೇಮ್ಸ್​ ಆಂಡರ್ಸನ್​ ಕಂಬ್ಯಾಕ್

ಮೊದಲ ಮೂರು ಪಂದ್ಯಗಳಿಂದ ತಂಡದ ಬೆಂಚ್ ಕಾಯುತ್ತಿದ್ದ ವೇಗಿ ಒಲ್ಲಿ ರಾಬಿನ್ಸನ್ ಕೊನೆಗೂ ಅವಕಾಶ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ. ಸ್ಪಿನ್ನರ್​ಗಳಿಗೆ ಹೆಚ್ಚಿನ ಆದ್ಯತೆ ನೀಡಿದ್ದ ಕಾರಣ ರಾಬಿನ್ಸನ್ ಅವರು ಅವಕಾಶ ಪಡೆದಿರಲಿಲ್ಲ. ಇದೀಗ ಮಾಡು ಇಲ್ಲವೇ ಮಡಿ ಪಂದ್ಯದಲ್ಲಿ ಗೆದ್ದು ಸರಣಿ ಉಳಿಸಿಕೊಳ್ಳಲು ತಂತ್ರ ರೂಪಿಸಿರುವ ಇಂಗ್ಲೆಂಡ್, ರಾಂಚಿ ಟೆಸ್ಟ್​ಗೆ ಅವಕಾಶ ನೀಡಿದೆ.

ಇದನ್ನೂ ಓದಿ: ಪ್ರೊ ಕಬಡ್ಡಿ ಲೀಗ್ ಪಂದ್ಯಗಳಿಗೆ ತೆರೆ; ಟೇಬಲ್ ಟಾಪರ್ ಯಾರು, ಕೊನೆ ಸ್ಥಾನ ಯಾವ ತಂಡಕ್ಕೆ, ಬೆಂಗಳೂರು ಬುಲ್ಸ್ ಕಥೆ ಏನು?

ನಾಲ್ಕನೇ ಟೆಸ್ಟ್​ಗೆ ಇಂಗ್ಲೆಂಡ್ ಪ್ರಕಟಿಸಿದ ತಂಡ

1. ಜಾಕ್ ಕ್ರಾವ್ಲಿ

2. ಬೆನ್ ಡಕೆಟ್

3. ಒಲ್ಲಿ ಪೋಪ್

4. ಜೋ ರೂಟ್

5. ಜಾನಿ ಬೈರ್‌ಸ್ಟೋ

6. ಬೆನ್ ಸ್ಟೋಕ್ಸ್ (ನಾಯಕ)

7. ಬೆನ್ ಫೋಕ್ಸ್ (ವಿಕೆಟ್ ಕೀಪರ್​)

8. ಒಲ್ಲಿ ರಾಬಿನ್ಸನ್

9. ಟಾಮ್ ಹಾರ್ಟ್ಲೆ

10. ಶೋಯೆಬ್ ಬಶೀರ್

11. ಜೇಮ್ಸ್ ಆಂಡರ್ಸನ್

ಮೊದಲ ಟೆಸ್ಟ್​​ನಲ್ಲಿ 28 ರನ್​ಗಳ ಐತಿಹಾಸಿಕ ಗೆಲುವು

ಹೈದರಾಬಾದ್​ನ ರಾಜೀವ್​ ಗಾಂಧಿ ಅಂತಾರಾಷ್ಟ್ರೀಯ ಕ್ರಿಕೆಟ್ ಮೈದಾನದಲ್ಲಿ ಟೀಮ್ ಇಂಡಿಯಾ ವಿರುದ್ಧ ಇಂಗ್ಲೆಂಡ್ 28 ರನ್​ಗಳ ಅಂತರದಿಂದ ಗೆದ್ದು ಐತಿಹಾಸಿಕ ಜಯ ಸಾಧಿಸಿತ್ತು. ಮೊದಲು ಬ್ಯಾಟಿಂಗ್ ನಡೆಸಿದ್ದ ಇಂಗ್ಲೆಂಡ್ 246 ರನ್​ಗಳಿಗೆ ಆಲೌಟ್ ಆಗಿತ್ತು. ಇದಕ್ಕುತ್ತರವಾಗಿ ಭಾರತ ತನ್ನ ಪ್ರಥಮ ಇನ್ನಿಂಗ್ಸ್​ನಲ್ಲಿ 436 ರನ್ ಕಲೆ ಹಾಕಿತ್ತು. ಆದರೆ ದ್ವಿತೀಯ ಇನ್ನಿಂಗ್ಸ್​ನಲ್ಲಿ ಧೂಳೆಬ್ಬಿಸಿದ ಆಂಗ್ಲರು 420 ರನ್ ಗಳಿಸಿ ರೋಹಿತ್​ ಪಡೆಗೆ 231 ರನ್​ಗಳ ಟಾರ್ಗೆಟ್ ನೀಡಿದರು. ಆದರೆ ಭಾರತ 202 ರನ್​ಗಳಿಗೆ ಆಲೌಟ್​ ಆಗಿ ಶರಣಾಯಿತು.

ಇದನ್ನೂ ಓದಿ: ಮುಂಬೈನಿಂದ ಸಾವಿರಾರು ಕಿಮೀ ದೂರದ ಲಂಡನ್​ನಲ್ಲೇ ಮಗ ಅಕಾಯ್‌ಗೆ ಜನ್ಮ ನೀಡಲು ನಿರ್ಧರಿಸಿದ್ದೇಕೆ ವಿರುಷ್ಕಾ? ಇಲ್ಲಿದೆ ಕಾರಣ

ಎರಡು ಮತ್ತು ಮೂರನೇ ಟೆಸ್ಟ್​ನಲ್ಲಿ ಸೋಲು

ಮೊದಲ ಟೆಸ್ಟ್​ ಸೋಲಿನ ನಂತರ ತಿರುಗಿಬಿದ್ದ ಭಾರತ, ವಿಶಾಖಪಟ್ಟಣ ಮತ್ತು ರಾಜ್​ಕೋಟ್​ ಟೆಸ್ಟ್​ಗಳನ್ನು ಗೆದ್ದುಕೊಂಡಿತು. ಎರಡನೇ ಟೆಸ್ಟ್​​ನಲ್ಲಿ 106 ರನ್​ಗಳಿಂದ ಗೆದ್ದ ರೋಹಿತ್ ಪಡೆ ಮೂರನೇ ಟೆಸ್ಟ್​ನಲ್ಲಿ 434 ರನ್​ಗಳಿಂದ ಗೆದ್ದಿತ್ತು. ಇದೀಗ ನಾಲ್ಕನೇ ಪಂದ್ಯದಲ್ಲೂ ಗೆದ್ದು ಸರಣಿಯನ್ನು ಕೈವಶ ಮಾಡಿಕೊಳ್ಳುವ ಲೆಕ್ಕಾಚಾರದಲ್ಲಿ ಭಾರತ.