ವಿರಾಟ್ ಕೊಹ್ಲಿ ಮತ್ತು ಎಂಎಸ್ ಧೋನಿ ಉತ್ತಮ ನಾಯಕ ಯಾರು; ಪೂನಂ ಪಾಂಡೆ ಕೊಟ್ಟಿದ್ದರು ಅದ್ಭುತ ಉತ್ತರ

ಭಾರತದ ಮಾಡೆಲ್ ಹಾಗೂ ಬಾಲಿವುಡ್ ನಟಿ ಪೂನಂ ಪಾಂಡೆ (Poonam Pandey death) ತಮ್ಮ 32ನೇ ವಯಸ್ಸಿಗೆ ಗರ್ಭಕಂಠ ಕ್ಯಾನ್ಸರ್​​​ನಿಂದ ನಿಧನರಾಗಿದ್ದಾರೆ. ಸದ್ಯ ಈ ಸುದ್ದಿ ಎಲ್ಲರನ್ನೂ ಬೆಚ್ಚಿ ಬೀಳಿಸಿದೆ. ವಿವಾದಗಳ ಮೂಲಕವೇ ಸುದ್ದಿಯಾಗುತ್ತಿದ್ದ ನಟಿ ಸಾವಿನ ಸುದ್ದಿ ಸ್ವತಃ ಅವರ ಇನ್‌ಸ್ಟಾಗ್ರಾಂ ಖಾತೆಯಿಂದ ಅಚ್ಚರಿಯ ಪೋಸ್ಟ್‌ ಶೇರ್‌ ಆಗಿದೆ. ಇದರ ನಡುವೆ ಕ್ರಿಕೆಟ್​ ಕುರಿತ ಆಕೆ ನೀಡಿದ್ದ ಹೇಳಿಕೆಯೊಂದು ವೈರಲ್ ಆಗುತ್ತಿದೆ.

ಇದನ್ನೂ ಓದಿ : Poonam Panday Death: ಗರ್ಭಕೋಶದ ಕ್ಯಾನ್ಸರ್‌ನಿಂದ ಮಾದಕ ನಟಿ ಪೂನಂ ಪಾಂಡೆ ನಿಧನ!

ಎಂಎಸ್ ಧೋನಿ ಮತ್ತು ವಿರಾಟ್ ಕೊಹ್ಲಿ ನಡುವೆ ಯಾರು ಉತ್ತಮ ನಾಯಕ ಎಂಬ ಪ್ರಶ್ನೆಗೆ ಅದ್ಭುತ ಉತ್ತರ ನೀಡಿದ್ದ ಪೂನಂ ಪಾಂಡೆ, ಅಂದು ಅಭಿಮಾನಿಗಳ ಮನ ಗೆದ್ದಿದ್ದರು. 2011ರಲ್ಲಿ ಭಾರತ ತಂಡ ವಿಶ್ವಕಪ್ ಗೆದ್ದರೆ, ಆಟಗಾರರಿಗಾಗಿ ಬೆತ್ತಲಾಗುವೆ ಎಂದು ಭರವಸೆ ನೀಡಿ ಗಮನ ಸೆಳೆದಿದ್ದರು. ಇದಕ್ಕೆ ಭಾರಿ ವಿರೋಧ ವ್ಯಕ್ತವಾಗಿತ್ತು. ನಂತರ ತನ್ನ ನಿರ್ಧಾರದಿಂದ ಹಿಂದೆ ಸರಿದಿದ್ದರು.

ಧೋನಿ-ಕೊಹ್ಲಿ ಇಬ್ಬರಲ್ಲಿ ಉತ್ತಮ ನಾಯಕ ಯಾರು?

ಸಂದರ್ಶನವೊಂದರಲ್ಲಿ ವಿರಾಟ್ ಕೊಹ್ಲಿ ಮತ್ತು ಎಂಎಸ್ ಧೋನಿ ಇಬ್ಬರಲ್ಲಿ ಉತ್ತಮ ನಾಯಕ ಯಾರು ಎಂದು ನಟಿ ಪೂನಂ ಪಾಂಡೆ ಅವರನ್ನು ಕೇಳಲಾಗಿತ್ತು. ಆಗವರು, 'ಇದರ ಬಗ್ಗೆ ಮಾತನಾಡಲು ಹೇಗೆ ಸಾಧ್ಯ? ನನ್ನ ಪ್ರಕಾರ ನೀವು ಇಬ್ಬರು ಸೂಪರ್ ಹೀರೋಗಳ ಬಗ್ಗೆ ಮಾತನಾಡುತ್ತಿದ್ದೀರಿ. ನನಗೆ ಧೋನಿಯೂ ಇಷ್ಟ ಮತ್ತು ಕೊಹ್ಲಿಯೂ ಇಷ್ಟ ಎಂದು ನಾನು ಹೇಳುತ್ತೇನೆ. ಹಾಗಾಗಿ ಒಬ್ಬರನ್ನು ಆಯ್ಕೆ ಮಾಡುವ ಪ್ರಮೇಯವೇ ಇಲ್ಲ ಎಂದು ಹೇಳಿದ್ದಾರೆ.

ಇದನ್ನೂ ಓದಿ : ಭಾರತ ವಿಶ್ವಕಪ್ ಗೆದ್ದರೆ ಬೆತ್ತಲಾಗುತ್ತೇನೆ ಎಂಬುದು ಸೇರಿ ಪೂನಂ ಪಾಂಡೆ ಮೈಮೇಲೆ ಎಳೆದುಕೊಂಡ ವಿವಾದಗಳಿವು

ಪೂನಂ ಪೋಸ್ಟ್​ನಲ್ಲಿ ಏನಿದೆ?

ಪೂನಂ ಪಾಂಡೆ ಅವರ ಇನ್​ಸ್ಟಾಗ್ರಾಂನ ಇತ್ತೀಚಿನ ಪೋಸ್ಟ್​ನಲ್ಲಿ ನಟಿ ನಿಧನರಾಗಿದ್ದಾರೆ ಎಂದು ತಿಳಿಸಲಾಗಿದೆ. ಅದರಲ್ಲಿ, ನಮ್ಮ ಪ್ರೀತಿಯ ಪೂನಂ ಈಗ ನಮ್ಮೊಂದಿಗಿಲ್ಲ ಎಂದು ಬಹಳ ದುಃಖದಿಂದ ತಿಳಿಸುತ್ತೇವೆ. ಗರ್ಭಕಂಠದ ಕ್ಯಾನ್ಸರ್​ನಿಂದಾಗಿ ನಾವು ಅವರನ್ನು ಕಳೆದುಕೊಂಡಿದ್ದೇವೆ. ಈ ದುಃಖದ ಸಮಯದಲ್ಲಿ ನಾವು ನಿಮ್ಮ ಗೌಪ್ಯತೆಯನ್ನು ಕೋರುತ್ತೇವೆ. ನಾವು ಹಂಚಿಕೊಂಡ ಎಲ್ಲದಕ್ಕೂ ನಾವು ಅವರನ್ನು ಪ್ರೀತಿಯಿಂದ ನೆನಪಿಸಿಕೊಳ್ಳುತ್ತೇವೆ ಎಂದು ಬರೆಯಲಾಗಿದೆ.

ಬಂಧನವಾಗಿದ್ದ ಪೂನಂ

ಕೋವಿಡ್-19 ಪ್ರೇರಿತ ಲಾಕ್‌ಡೌನ್ ಸಮಯದಲ್ಲಿಯೂ ಪೂನಂ ವಿವಾದಕ್ಕೆ ಸಿಲುಕಿದ್ದರು. ಮಾಧ್ಯಮ ವರದಿಗಳ ಪ್ರಕಾರ, ಮಾಡೆಲ್-ನಟಿ ತನ್ನ ಪತಿ ಸ್ಯಾಮ್ ಬಾಂಬೆಯೊಂದಿಗೆ ವಾಕಿಂಗ್‌ಗೆ ತೆರಳಿದ್ದರು. ಲಾಕ್‌ಡೌನ್ ನಿಯಮಗಳನ್ನು ಉಲ್ಲಂಘಿಸಿದ್ದಕ್ಕಾಗಿ ಮುಂಬೈ ಪೊಲೀಸರು ಅವರನ್ನು ಬಂಧಿಸಿದ್ದರು.

ಇದನ್ನೂ ಓದಿ: Poonam Panday Death: ಮಾದಕತೆಗೆ ಮತ್ತೊಂದು ಹೆಸರೇ ಪೂನಂ ಪಾಂಡೆ; 32ನೇ ವಯಸ್ಸಿಗೆ ದಿಢೀರ್‌ ಸಾಯುವಂಥದ್ದೇನಾಗಿತ್ತು?

ಅಶ್ಲೀಲ ಆರೋಪಗಳು

2014 ರಲ್ಲಿ ಪೂನಂ ತನ್ನ ಅಧಿಕೃತ ವೆಬ್‌ಸೈಟ್‌ನಲ್ಲಿ ಅಶ್ಲೀಲ ವಿಡಿಯೋವನ್ನು ಪೋಸ್ಟ್ ಮಾಡಿದ್ದಕ್ಕಾಗಿ ಅಶ್ಲೀಲ ಆರೋಪಗಳನ್ನು ಎದುರಿಸಿದ್ದರು. ಬಾತ್ರೂಮ್ ಸೀಕ್ರೆಟ್ಸ್" ಶೀರ್ಷಿಕೆಯ ವಿಡಿಯೋ ನಟಿಗೆ ಕಾನೂನು ತೊಂದರೆಯನ್ನು ಉಂಟು ಮಾಡಿತ್ತು.

ಹಲ್ಲೆ ನಡೆಸಿದ ಆರೋಪಿ ಪತಿ

ಪೂನಂ ಕೂಡ ತನ್ನ ಪತಿ ಸ್ಯಾಮ್ ಮೇಲೆ ಹಲ್ಲೆ ಮಾಡಿದ್ದಾರೆ ಎಂದು ಆರೋಪಿಸಿದ್ದರು. ಆಕೆ ಪೊಲೀಸರಿಗೆ ಅಧಿಕೃತ ದೂರು ಸಲ್ಲಿಸಿದ್ದರು. ನಂತರ ಸ್ಯಾಮ್‌ ಅವರನ್ನು ಬಂಧಿಸಲಾಗಿತ್ತು. ಕಂಗನಾ ರಣಾವತ್ ಹೋಸ್ಟ್ ಮಾಡಿದ ರಿಯಾಲಿಟಿ ಶೋ ಲಾಕ್ ಅಪ್‌ನಲ್ಲಿ ಈ ಬಗ್ಗೆ ಪೂನಂ ಬಹಿರಂಗಪಡಿಸಿದ್ದರು.

ಇದನ್ನೂ ಓದಿ: ಸೂರ್ಯನ ಹೊಂಗಿರಣ, ತಿಳಿ ಗುಲಾಬಿ ಬಣ್ಣಕ್ಕಿದೆ ಮರೆಸುವ ಶಕ್ತಿ ಎಂದ ಸಾನಿಯಾ; ಪಾಕ್ ಸೆಲೆಬ್ರೆಟಿಗಳಿಂದ ಪ್ರತಿಕ್ರಿಯೆ