Bhavana Rao in Bollywood: ಬಾಲಿವುಡ್‌ನಲ್ಲಿ ಮಿಂಚುತ್ತಿರುವ 'ಗಾಳಿಪಟ' ಹುಡುಗಿ...ಇಂದು ಟ್ರೇಲರ್‌ ರಿಲೀಸ್‌
Nov 08, 2022 05:56 PM IST
Share
'ಧಾರಾವಿ ಬ್ಯಾಂಕ್‌' ಸೀರೀಸ್‌ನಲ್ಲಿ ಸುನಿಲ್‌ ಶೆಟ್ಟಿ ಪುತ್ರಿ ಪಾತ್ರದಲ್ಲಿ ಭಾವನಾ ರಾವ್‌ ನಟನೆ
- ಭಾವನಾ ರಾವ್‌, 2019 ರಲ್ಲಿ ತೆರೆ ಕಂಡ 'ಬೈಪಾಸ್‌ ರೋಡ್‌' ಹಿಂದಿ ಚಿತ್ರದ ಮೂಲಕ ಬಾಲಿವುಡ್‌ಗೆ ಎಂಟ್ಟಿ ಕೊಟ್ಟಿದ್ದರು. ಇದೀಗ ಅವರು ಮತ್ತೊಂದು ಹೊಸ ಪ್ರಾಜೆಕ್ಟ್‌ನಲ್ಲಿ ನಟಿಸಿದ್ದು ಇದರ ಟ್ರೇಲರ್‌ ಇಂದು ಬಿಡುಗಡೆ ಆಗಿದೆ. ಇದೊಂದು ವೆಬ್‌ ಸರಣಿ ಆಗಿದೆ. ಈ ಸೀರೀಸ್‌ನಲ್ಲಿ ಭಾವನಾ ರಾವ್‌ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ.
2008 ರಲ್ಲಿ ತೆರೆ ಕಂಡ 'ಗಾಳಿಪಟ' ಚಿತ್ರದ ಪಾವನಿ ಪಾತ್ರದ ಮೂಲಕ ಕನ್ನಡ ಸಿನಿಪ್ರಿಯರಿಗೆ ಪರಿಚಿತರಾದ ಭಾವನಾ ರಾವ್‌ ಕನ್ನಡದಲ್ಲಿ ಮಾತ್ರವಲ್ಲದೆ ತಮಿಳು ಚಿತ್ರರಂಗದಲ್ಲಿ ಕೂಡಾ ಗುರುತಿಸಿಕೊಂಡಿದ್ದಾರೆ. ಇದೀಗ ಅವರು ಹಿಂದಿ ಚಿತ್ರರಂಗದಲ್ಲಿ ಕೂಡಾ ಮಿಂಚುತ್ತಿದ್ದಾರೆ.
ಭಾವನಾ ರಾವ್‌, 2019 ರಲ್ಲಿ ತೆರೆ ಕಂಡ 'ಬೈಪಾಸ್‌ ರೋಡ್‌' ಹಿಂದಿ ಚಿತ್ರದ ಮೂಲಕ ಬಾಲಿವುಡ್‌ಗೆ ಎಂಟ್ಟಿ ಕೊಟ್ಟಿದ್ದರು. ಇದೀಗ ಅವರು ಮತ್ತೊಂದು ಹೊಸ ಪ್ರಾಜೆಕ್ಟ್‌ನಲ್ಲಿ ನಟಿಸಿದ್ದು ಇದರ ಟ್ರೇಲರ್‌ ಇಂದು ಬಿಡುಗಡೆ ಆಗಿದೆ. ಇದೊಂದು ವೆಬ್‌ ಸರಣಿ ಆಗಿದೆ. ಈ ಸೀರೀಸ್‌ನಲ್ಲಿ ಭಾವನಾ ರಾವ್‌ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಈ ಸೀರೀಸ್‌ಗೆ ಮುಂಬೈನ ಅತಿ ದೊಡ್ಡ ಸ್ಲಮ್‌ ಹೆಸರಿಡಲಾಗಿದೆ. 'ಧಾರಾವಿ ಬ್ಯಾಂಕ್‌' ಹೆಸರಿನ ವೆಬ್‌ ಸೀರೀಸ್‌ನಲ್ಲಿ ಸುನಿಲ್‌ ಶೆಟ್ಟಿ ಹಾಗೂ ವಿವೇಕ್‌ ಒಬೆರಾಯ್‌ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಸುನಿಲ್‌ ಶೆಟ್ಟಿ, ಧಾರಾವಿಯ ಮುಖಂಡನ ಪಾತ್ರದಲ್ಲಿ ಹಾಗೂ ವಿವೇಕ್‌ ಒಬೆರಾಯ್‌ ಪೊಲೀಸ್‌ ಅಧಿಕಾರಿ ಪಾತ್ರದಲ್ಲಿ ನಟಿಸಿದ್ದಾರೆ. ಹಾಗೇ ಭಾವನಾ ರಾವ್‌, ಧಾರಾವಿ ಬ್ಯಾಂಕ್‌ ಸರಣಿಯಲ್ಲಿ ಸುನಿಲ್‌ ಶೆಟ್ಟಿ ಪುತ್ರಿಯಾಗಿ ನಟಿಸಿದ್ದಾರೆ. ಚಿತ್ರದಲ್ಲಿ ಆಕೆ ಲಾಯರ್ ಪಾತ್ರದಲ್ಲಿ ಅಭಿನಯಿಸಿದ್ದಾರೆ.
ಜೀ ಸ್ಟುಡಿಯೋಸ್‌ ನಿರ್ಮಾಣ ಮಾಡಿರುವ 'ಧಾರಾವಿ ಬ್ಯಾಂಕ್‌' ವೆಬ್‌ ಸರಣಿ 10 ಸಂಚಿಕೆಯಲ್ಲಿ ಪ್ರಸಾರವಾಗಲಿದೆ. ಎಂಎಕ್ಸ್‌ ಪ್ಲೇಯರ್‌ನಲ್ಲಿ ನವೆಂಬರ್‌ 12 ರಿಂದ ಈ ಸೀರೀಸ್‌ ಪ್ರಸಾರವಾಗುತ್ತಿದೆ. ಹಿಂದಿ, ತಮಿಳು ಹಾಗೂ ತೆಲುಗು ಭಾಷೆಗಳಲ್ಲಿ ಈ ಸೀರಿಸ್‌ ತಯಾರಾಗಿದೆ. ಲುಕಿ ಕೆನ್ನಿ, ಶಾಂತಿಪ್ರಿಯ, ಸಂತೋಷ್‌ ಜುವೆಕರ್‌, ನಾಗೇಶ್‌ ಭೋಂಸ್ಲೆ, ಸಿದ್ದಾರ್ಥ್‌ ಮೆನನ್‌ ಹಾಗೂ ಇನ್ನಿತರರು ಈ ವೆಬ್‌ ಸರಣಿಯಲ್ಲಿ ನಟಿಸಿದ್ದಾರೆ.
ಭಾವನಾ ರಾವ್‌ ಕರ್ನಾಟಕದ ಶಿವಮೊಗ್ಗದವರು. 'ಗಾಳಿಪಟ' ಚಿತ್ರದ ಮೂಲಕ ಸ್ಯಾಂಡಲ್‌ವುಡ್‌ಗೆ ಬಂದ ಭಾವನಾ ರಾವ್‌, 2010ರಲ್ಲಿ ತಮಿಳು ಚಿತ್ರದ ಮೂಲಕ ಕಾಲಿವುಡ್ ಸಿನಿ ಜರ್ನಿ ಆರಂಭಿಸಿದರು. ಕನ್ನಡದಲ್ಲಿ ಅವರು ಭಾವನಾ ಆದರೆ, ತಮಿಳಿನಲ್ಲಿ ಶಿಖಾ ಆಗಿ ಗುರುತಿಸಿಕೊಂಡಿದ್ದಾರೆ. ಕನ್ನಡ, ತಮಿಳಿನ ಜೊತೆಗೆ ಆಕೆ ಈಗ ಹಿಂದಿಯಲ್ಲೂ ನಟಿಸುತ್ತಿದ್ದಾರೆ. ವ್ಹಾರೆ ವಾ, ಅಟ್ಟಹಾಸ, ಮನಿ ಹನಿ ಶನಿ, ಬಹುಪರಾಕ್‌, ಪರಪಂಚ, ಸತ್ಯ ಹರಿಶ್ಚಂದ್ರ, ದಯವಿಟ್ಟು ಗಮನಿಸಿ, ಟೈಗರ್‌ ಗಲ್ಲಿ ಕನ್ನಡ ಸಿನಿಮಾಗಳಲ್ಲಿ ಭಾವನಾ ನಟಿಸಿದ್ದಾರೆ. 2018ರಲ್ಲಿ ತೆರೆ ಕಂಡ 'ರಾಂಬೋ 2' ಹಾಗೂ 'ದಿ ವಿಲನ್‌' ಚಿತ್ರದಲ್ಲಿ ಭಾವನಾ ಅತಿಥಿ ಪಾತ್ರದಲ್ಲಿ ನಟಿಸಿದ್ದರು. ಇದಾದ ನಂತರ ಬೇರೆ ಕನ್ನಡ ಸಿನಿಮಾಗಳಲ್ಲಿ ಕಾಣಿಸಿಕೊಂಡಿಲ್ಲ.