BBK 10: ಒಂದೊಳ್ಳೆ ಉದ್ದೇಶ ಹೊತ್ತು ‘ಮೈತ್ರಿ’ ಜತೆ ಬಿಗ್‌ಬಾಸ್‌ಗೆ ಬಂದ ಸಪ್ತಮಿ ಗೌಡ; ಅಸಲಿ ಕಾರಣಕ್ಕಿದೆ ಸರ್ಕಾರದ ಸಾಥ್‌
Dec 30, 2023 08:16 PM IST
Share
BBK 10: ಒಂದೊಳ್ಳೆ ಉದ್ದೇಶ ಹೊತ್ತು ‘ಮೈತ್ರಿ’ ಜತೆ ಬಿಗ್‌ಬಾಸ್‌ಗೆ ಬಂದ ಸಪ್ತಮಿ ಗೌಡ; ಅಸಲಿ ಕಾರಣಕ್ಕಿದೆ ಸರ್ಕಾರದ ಸಾಥ್‌!
- ಬಿಗ್‌ಬಾಸ್‌ ಮನೆಗೆ ಕಾಂತಾರ ಬೆಡಗಿ ಸಪ್ತಮಿ ಗೌಡ ಆಗಮಿಸಿದ್ದಾರೆ. ಸರ್ಕಾರದ ಯೋಜನೆಯೊಂದರ ಬಗ್ಗೆ ನಾಡಿನ ಜನತೆಗೆ ಜಾಗೃತಿ ಮೂಡಿಸುವ ಕೆಲಸಕ್ಕಿಳಿದಿದ್ದಾರೆ.
BBK 10: ದಿನಕಳೆದಂತೆ ಬಿಗ್‌ಬಾಸ್‌ ಮನೆ ದೊಡ್ಡದು ಎನಿಸುತ್ತಿದೆ. ಕಾರಣ; ಮನೆಯಲ್ಲಿ ಮಂದಿ ಕಡಿಮೆ ಆಗುತ್ತಿದ್ದಾರೆ. ಆ ಕೊರತೆಯನ್ನು ತುಂಬಿಸಲು ಆಗೊಬ್ಬರು ಈಗೊಬ್ಬರು ಅತಿಥಿಗಳ ರೂಪದಲ್ಲಿ ಒಂದು ಹೋಗುತ್ತಿರುತ್ತಾರೆ. ಆರಂಭದಲ್ಲಿ 16 ಜನ ಸ್ಪರ್ಧಿಗಳಿದ್ದ ಮನೆಯಲ್ಲಿ ಅದಾದ ಬಳಿಕ ವೈಲ್ಡ್‌ ಕಾರ್ಡ್‌ ಎಂಟ್ರಿ ಮೂಲಕವೂ ಇಬ್ಬರ ಪ್ರವೇಶವಾಗಿತ್ತು. ಹೀಗಿರುವ ಇದೇ ಬಿಗ್‌ ಬಾಸ್‌ ಮನೆಗೆ ಕಾಂತಾರ ಸಿನಿಮಾ ಮೂಲಕ ಖ್ಯಾತಿ ಗಿಟ್ಟಿಸಿಕೊಂಡ ನಟಿ ಸಪ್ತಮಿ ಗೌಡ ಆಗಮಿಸಿದ್ದಾರೆ. ಅದೂ ಒಂದೊಳ್ಳೆ ಉದ್ದೇಶ ಹಿಡಿದು.
ಹಾಗಂತ ಒಂದು ಸ್ಪರ್ಧಿಗಳ ಜತೆಗೆ ಬೆರೆತು ಒಂದಷ್ಟು ಮನರಂಜನೆ ನೀಡಿ ಹೋಗುವ ಉದ್ದೇಶಕ್ಕೆ ಸಪ್ತಮಿ ಆಗಮಿಸಿರಲಿಲ್ಲ. ಬದಲಿಗೆ ಒಂದೊಳ್ಳೆಯ ಉದ್ದೇಶದೊಂದಿಗೆ ಬಿಗ್‌ ಮನೆಗೆ ಬಂದಿದ್ದಾರೆ. ಕಲರ್ಸ್‌ ಕನ್ನಡ ಬಿಡುಗಡೆ ಮಾಡಿರುವ ಪ್ರೋಮೊದಲ್ಲಿ ಅದರ ಝಲಕ್‌ ಹೊರಬಿದ್ದಿದೆ. ಮೈತ್ರಿ ಮುಟ್ಟಿನ ಕಪ್ ಬಳಕೆ ಬಗ್ಗೆ ಕರುನಾಡ ಮನೆ ಮಂದಿಗೆ ಜಾಗೃತಿ ಮೂಡಿಸುವ ಉದ್ದೇಶಕ್ಕೆ ಆಗಮಿಸಿ, ಮಾಹಿತಿ ನೀಡಿದ್ದಾರೆ ಸಪ್ತಮಿ.
ಮೈತ್ರಿ ಮುಟ್ಟಿನ ಕಪ್ ಯೋಜನೆಗೆ ರಾಯಭಾರಿ
ಕಾಂತಾರ ಸಿನಿಮಾ ಮೂಲಕ ಕರ್ನಾಟಕ ಮಾತ್ರವಲ್ಲದೆ, ದೇಶಾದ್ಯಂತ ಹೆಸರು ಮಾಡಿದ್ದರು. ಅದಾದ ಬಳಿಕ ಆರೋಗ್ಯ, ಕುಟುಂಬ ಕಲ್ಯಾಣ ಇಲಾಖೆಯ ನನ್ನ ಮೈತ್ರಿ ಮುಟ್ಟಿನ ಕಪ್ ಯೋಜನೆಗೆ ಪ್ರಚಾರ ರಾಯಭಾರಿಯಾಗಿಯೂ ನೇಮಕಗೊಂಡಿದ್ದರು. ಹೆಣ್ಣು ಮಕ್ಕಳು ಮುಟ್ಟಾದಾಗ ಸ್ಯಾನಿಟರಿ ಪ್ಯಾಡ್‌ ಬಳಕೆಯ ಬದಲು ಈ ಮೈತ್ರಿ ಮುಟ್ಟಿನ ಕಪ್ ಬಳಕೆ ಮಾಡುವಂತೆ ಎಲ್ಲರಲ್ಲೂ ಮನದಟ್ಟು ಮಡುವ ಕೆಲಸಕ್ಕೆ ಇಳಿದಿದ್ದರು.
ಇದೀಗ ಅದೇ ಯೋಜನೆಯನ್ನು ಬಿಗ್‌ ಬಾಸ್‌ ಮೂಲಕ ಇಡೀ ನಾಡಿಗೆ ಪರಿಚಯಿಸಲು, ಜಾಗೃತಿ ಮೂಡಿಸಲು ಆಗಮಿಸಿದ್ದಾರೆ. ಮನೆಗೆ ಬಂದ ಉದ್ದೇಶವನ್ನು ಎಲ್ಲರ ಮುಂದೆ ಹೇಳಿಕೊಂಡ ಸಪ್ತಮಿ ಗೌಡ, ಮನೆಯಲ್ಲಿರುವ ಹೆಣ್ಣುಮಕ್ಕಳಿಗೂ ಮುಟ್ಟಿನ ಕಪ್ ವಿತರಿಸಿದ್ದಾರೆ. ಕುಟುಂಬ ಕಲ್ಯಾಣದ ಈ ಇನಿಷಿಯೇಟಿವ್‌ ನಾಡಿನ ಮನೆಗಳನ್ನು ತಲುಪಲಿ ಎಂದಿದ್ದಾರೆ.
ಎಲಿಮಿನೇಷನ್‌ ತೂಗುಗತ್ತಿ ಯಾರಿಗೆ?
ಇನ್ನು ಫಿನಾಲೆ ಹತ್ತಿರ ಬರುತ್ತಿದ್ದಂತೆ, ಸ್ಪರ್ಧೆ ತೀವ್ರಗೊಳ್ಳುತ್ತಿದೆ. ಅದರಂತೆ ಇದೀಗ ವಾರಾಂತ್ಯವೂ ಬಂದಿದೆ. ಈ ವಾರ ಮನೆಯಿಂದ ಹೊರ ಹೋಗಲು ತನಿಷಾ, ವಿನಯ್, ಮೈಕಲ್, ತುಕಾಲಿ ಸಂತೋಷ್, ಸಂಗೀತಾ, ಸಿರಿ, ವರ್ತೂರು ಸಂತೋಷ್, ಕಾರ್ತಿಕ್ ಹೊರ ಹೋಗಲು ನಾಮಿನೇಟ್ ಆಗಿದ್ದಾರೆ.