BBK 10: ಬಿಗ್‌ ಬಾಸ್‌ ಮನೆಗೆ ಲ್ಯಾಂಡ್ ಆಯ್ತು ಪ್ರತಾಪ್‌ ನಿರ್ಮಿಸಿದ ಡ್ರೋಣ್, ರಾಜನಾಗಿ ಬೀಗಿದ ತುಕಾಲಿ
Jan 26, 2024 01:40 PM IST
Share
BBK 10: ಬಿಗ್‌ ಬಾಸ್‌ ಮನೆಗೆ ಲ್ಯಾಂಡ್ ಆಯ್ತು ಪ್ರತಾಪ್‌ ನಿರ್ಮಿಸಿದ ಡ್ರೋಣ್, ರಾಜನಾಗಿ ಬೀಗಿದ ತುಕಾಲಿ
- ಬಿಗ್‌ ಬಾಸ್‌ ಮನೆಯಲ್ಲೀಗ ಇರುವವರು ಕೇವಲ 6 ಜನ ಮಾತ್ರ. ಆ ಆರು ಜನರಲ್ಲಿ ಒಬ್ಬರಿಗೆ ಮಾತ್ರ ಬಿಗ್‌ ಬಾಸ್‌ ಕಿರೀಟ ಮುಡಿಗೇರಲಿದೆ. ಇನ್ನೇನು ಎರಡೇ ದಿನದಲ್ಲಿ ಆ ಕೌತುಕಕ್ಕೂ ಉತ್ತರ ಸಿಗಲಿದೆ. ಈ ನಡುವೆ ಅದಕ್ಕೂ ಮುನ್ನ ಡ್ರೋಣ್ ಪ್ರತಾಪ್‌ ಮತ್ತು ತುಕಾಲಿ ಸಂತೋಷ್‌ ಅವರ ಆಸೆಯನ್ನು ಈಡೇರಿಸಿದ್ದಾರೆ ಬಿಗ್‌ ಬಾಸ್‌.
BBK 10: ಬಿಗ್ಬಾಸ್ ಕನ್ನಡ ಸೀಸನ್ 10 ಕೊನೇ ಹಂತಕ್ಕೆ ಬಂದಿದೆ. ಇನ್ನು ಕೇವಲ ಎರಡೇ ದಿನಗಳು ಮಾತ್ರ ಫಿನಾಲೆಗೆ ಉಳಿದಿದ್ದು. ಈ ನಿಮಿತ್ತ ಉಳಿದ ಆರು ಸ್ಪರ್ಧಿಗಳ ಆಸೆಗಳನ್ನು ಬಿಗ್‌ ಬಾಸ್‌ ಕೇಳಿದ್ದರು. ಅದರಂತೆ, ತಮ್ಮ ಮನದ ಬಯಕೆಗಳನ್ನು ಒಬ್ಬೊಬ್ಬರಾಗಿಯೇ ಹೇಳಿಕೊಂಡಿದ್ದರು ಸ್ಪರ್ಧಿಗಳು. ಆ ಆಸೆಗಳನ್ನು ಒಂದೊಂದಾಗಿಯೇ ನೆರವೇರಿಸುತ್ತಿದ್ದಾರೆ ಬಿಗ್‌ ಬಾಸ್‌. ಇದೀಗ ಪ್ರತಾಪ್‌ನ ಡ್ರೋಣ್ ಸಹ ಬಿಗ್‌ ಬಾಸ್‌ ಮನೆಯಲ್ಲಿ ಲ್ಯಾಂಡ್ ಆಗಿದೆ!
ಬಿಗ್‌ ಬಾಸ್‌ ಮನೆಯಲ್ಲೀಗ ಇರುವವರು ಕೇವಲ 6 ಜನ ಮಾತ್ರ. ಆ ಆರು ಜನರಲ್ಲಿ ಒಬ್ಬರಿಗೆ ಮಾತ್ರ ಬಿಗ್‌ ಬಾಸ್‌ ಕಿರೀಟ ಮುಡಿಗೇರಲಿದೆ. ಇನ್ನೇನು ಎರಡೇ ದಿನದಲ್ಲಿ ಆ ಕೌತುಕಕ್ಕೂ ಉತ್ತರ ಸಿಗಲಿದೆ. ಈ ನಡುವೆ ಅದಕ್ಕೂ ಮುನ್ನ ಡ್ರೋಣ್ ಪ್ರತಾಪ್‌ ಮತ್ತು ತುಕಾಲಿ ಸಂತೋಷ್‌ ಅವರ ಆಸೆಯನ್ನು ಈಡೇರಿಸಿದ್ದಾರೆ ಬಿಗ್‌ ಬಾಸ್‌. ಈಗಷ್ಟೇ ಹೊರ ಬಂದಿರುವ ಪ್ರೋಮೋದಲ್ಲಿ ಇದು ರಿವೀಲ್‌ ಆಗಿದೆ.
‘ತುಕಾಲಿಯವರೆ ಕೆಲಸಮಯಕ್ಕೆ ರಾಜನಂತೆ ಬದುಕಬೇಕು’ ಎಂದು ಬಿಗ್ಬಾಸ್ ಹೇಳಿದ್ದಾರೆ. ಅದಕ್ಕೆ ಅನುಗುಣವಾಗಿ ಕೆಂಪು ಸೂಟ್ ತೊಟ್ಟುಕೊಂಡ ತುಕಾಲಿ ಮಹಾರಾಜ್‌, ಮರುಕ್ಷಣವೇ ಮನೆಮಂದಿಗೆ ಅಪ್ಪಣೆಗಳನ್ನು ನೀಡಲು ಪ್ರಾರಂಭಿಸಿದ್ದಾರೆ.
‘ಪಿಲ್ಲೊವನ್ನು ತೆಗೆದುಕೊಂಡು ನನಗೆ ಬೀಸು’ ಎಂದು ಕಾರ್ತಿಕ್‌ಗೆ ಅಪ್ಪಣೆ ಮಾಡಿದ್ದಾರೆ. ಅಷ್ಟೇ ಅಲ್ಲ, ತುಕಾಲಿ ಮಹಾರಾಜರ ಮನಗೆಲ್ಲಲು ಬಿಗ್ಬಾಸ್ ಮನೆಯಲ್ಲಿ ಹೊಸ ರಾಜಕುಮಾರಿ ಅವತರಿಸಿದ್ದಾಳೆ. ಅಪ್ಪಣೆ ಮಾಡುವ ಮುನ್ನವೇ ತುಕಾಲಿ ಅವರಿಗೆ ಅವಸರವಸರವಾಗಿ ಮುತ್ತಿಟ್ಟು ತನ್ನ ಪ್ರೇಮವನ್ನೂ ವ್ಯಕ್ತಪಡಿಸಿದ್ದಾಳೆ. ‘ಎಷ್ಟು ಆತುರದಿಂದ ಕಾಯುತ್ತಿದ್ದೀಯಾ ಎಂದು ಈಗ ಗೊತ್ತಾಯ್ತು’ ಎಂದು ಆ ರಾಜಕುಮಾರಿಯ ಪ್ರೇಮಕ್ಕೆ ಮಹಾರಾಜರೇ ತಬ್ಬಿಬ್ಬಾಗಿದ್ದಾರೆ.
ಅಷ್ಟೇ ಅಲ್ಲ, ಪ್ರತಾಪ್‌ ಕಂಪನಿಯ ಡ್ರೋಣ್ ಬಿಗ್ಬಾಸ್ ಮನೆಯೊಳಗೆ ಲ್ಯಾಂಡ್ ಆಗಿದೆ. ನೀಲಿ ಬಣ್ಣದ ಈ ಡ್ರೋಣ್ ಚೆಲುವೆಯನ್ನು ನೋಡಿ ಪ್ರತಾಪ್‌, ಹಳೆಯ ಪ್ರೇಯಸಿಯನ್ನು ಕಂಡಷ್ಟೇ ಉತ್ಸಾಹದಿಂದ ಮುನ್ನುಗ್ಗಿ ಬಂದು ಎತ್ತಿಕೊಂಡಿದ್ದಾರೆ.
ಬಿಗ್‌ಬಾಸ್‌ನ ಈ ಸೀಸನ್ ಕೊನೆಯ ದಿನಗಳು ಭಾವುಕತೆ, ಸಾರ್ಥಕತೆ ಮತ್ತು ಭರಪೂರ ಮನರಂಜನೆಯ ನಗುವಿನಲ್ಲಿ ತುಂಬಿಹೋಗುತ್ತಿದೆ. ಮನೆಯೊಳಗಿನ ಆರು ಸ್ಪರ್ಧಿಗಳೂ ತಮ್ಮೆಲ್ಲ ಜಿದ್ದು ಮರೆತು ಈ ಕ್ಷಣದ ಖುಷಿಯಲ್ಲಿ ಕಳೆದುಹೋಗುತ್ತಿದ್ದಾರೆ. ‘ಹ್ಯಾಪಿ ಬಿಗ್ಬಾಸ್’ ಎಂಬ ಟ್ಯಾಗ್‌ ಲೈನ್‌ ಅನ್ನು ಅಕ್ಷರಶಃ ಸತ್ಯವಾಗಿಸುತ್ತಿದ್ದಾರೆ.
ಬಿಗ್ಬಾಸ್ ಸೀಸನ್ 10 ಫಿನಾಲೆ ಈ ವಾರಾಂತ್ಯದಲ್ಲಿ ನಡೆಯಲಿದ್ದು, ಯಾರು ಗೆಲ್ಲುತ್ತಾರೆ ಎಂಬ ಕೋಟಿ ಜನರ ಕುತೂಹಲಕ್ಕೆ ಉತ್ತರ ಸಿಗಲಿದೆ. ಫಿನಾಲೆಯನ್ನು ಜಿಯೊಸಿನಿಮಾ ಆಪ್‌ನಲ್ಲಿ ಉಚಿತವಾಗಿ ಎಲ್ಲಿಬೇಕಾದರೂ ನೋಡಬಹುದಾಗಿದೆ.