BBK 10: ಎಲ್ಲರನ್ನು ಬಿಟ್ಟು ಸಂಗೀತಾರನ್ನೇ ಹುಡುಕಿದ ವಿನಯ್‌ ಪತ್ನಿ ಅಕ್ಷತಾ! ಇಬ್ಬರ ನಡುವೆ ನಡೀತು ಸುದೀರ್ಘ ಪ್ರತ್ಯೇಕ ಮಾತುಕತೆ

BBK 10: ಪ್ರತಿದಿನವನ್ನೂ ಬಿಗ್‌ಬಾಸ್‌ ಒಂದು ಹಾಡಿನೊಂದಿಗೆ ಶುರುಮಾಡುತ್ತಾರೆ. ಆ ಹಾಡಿಗೆ ಖುಷಿಯಿಂದ ಕುಣಿಯುತ್ತ ಸ್ಪರ್ಧಿಗಳು ಬೆಳಗನ್ನು ಬರಮಾಡಿಕೊಳ್ಳುತ್ತಾರೆ. ಇದು ವಾಡಿಕೆ. ಆದರೆ ಬಿಗ್‌ಬಾಸ್‌ ಮನೆಯಲ್ಲಿ ಈ ಬೆಳಗು ಬರೀ ಹಾಡಿನ ಬೆಳಗಾಗಿರಲಿಲ್ಲ. ಅದೇನು ಎಂಬುದು ಜಿಯೋ ಸಿನಿಮಾ ಬಿಡುಗಡೆ ಮಾಡಿರುವ ಪ್ರೋಮೊದಲ್ಲಿ ಜಾಹೀರಾಗಿದೆ. ಬಿಗ್‌ ಬಾಸ್‌ ಮನೆಗೆ ಸ್ಪರ್ಧಿಗಳ ಕುಟುಂಬದವರ ಆಗಮನವಾಗುತ್ತಿದೆ. ಒಬ್ಬೊಬ್ಬರಾಗಿ ಗಪ್‌ಚುಪ್‌ ಆಗಿ ಎಂಟ್ರಿ ನೀಡುತ್ತಿದ್ದಾರೆ. ಇದೀಗ ವಿನಯ್‌ ಗೌಡ ಅವರ ಪತ್ನಿ ಅಕ್ಷತಾ ಗೌಡ ಅವರ ಆಗಮನ ಕೊಂಚ ವಿಶೇಷವಾಗಿದೆ.

ಉಳಿದ ಸ್ಪರ್ಧಿಗಳಿಗಿಂತ ವಿನಯ್‌ ಗೌಡ ಅವರಿಗಂತೂ ಈ ಬೆಳಗು ತುಂಬ ವಿಶೇಷವೂ, ಸ್ಮರಣೀಯವೂ ಆಗಿದೆ. ಏಕೆಂದರೆ ಬೆಳಗಿನ ಹಾಡಿಗೆ ಮುಸುಕಿನೊಳಗೆ ಮಲಗಿದ್ದಾಗಲೇ ಅವರ ಪತ್ನಿಯ ತೋಳು ಬಂದು ಅವರನ್ನು ತಬ್ಬಿ ಎಬ್ಬಿಸಿದೆ. ಬೆಳಗಿನೊಟ್ಟಿಗೆ ಬಂದ ಹೆಂಡತಿಯನ್ನು ನೋಡಿ ವಿನಯ್ ಅವರ ಸಂತೋಷಕ್ಕೆ ಪಾರವೇ ಇಲ್ಲದಂತಾಗಿದೆ. ಪತ್ನಿಯನ್ನು ಬರಸೆಳೆದು ಮುದ್ದಿಸಿದ್ದಾರೆ ವಿನಯ್.‌ ವಿನಯ್‌ ಮುಖವೂ ನಗುವಿನಿಂದ ಅರಳಿದೆ. ಇತ್ತ ‘ವಿಲನ್‌ ಮುಖದಲ್ಲೀಗ ಹೀರೊ ಕಳೆ ಬಂದಿದೆ’ ಎಂದು ತನಿಷಾ ಛೇಡಿಸಿದ್ದಾರೆ.

ಇದನ್ನೂ ಓದಿ: ನನ್ನನ್ನು ಎಲ್ಲರೂ ಏಕೆ ವಿರೋಧಿಸ್ತಾರೆ, ಯಾಕೆ ನನ್ನ ಇಷ್ಟಪಡಲ್ಲ; ಅಣ್ಣ ಅತ್ತಿಗೆ ಅಪ್ಪ ಅಮ್ಮನಿಂದ ಉತ್ತರ ಪಡೆದ ಸಂಗೀತಾ ಶೃಂಗೇರಿ

ಮನೆಯ ಸ್ಪರ್ಧಿಗಳನ್ನೆಲ್ಲ ಮಾತಾಡಿಸಿದ ವಿನಯ್ ಪತ್ನಿ, ಸಂಗೀತಾ ಅವರ ಬಳಿ ಪ್ರತ್ಯೇಕವಾಗಿ ಮಾತಾಡಬೇಕು ಎಂದು ಕರೆದಿದ್ದಾರೆ. ಹಾಗಾದರೆ ಅವರು ಸಂಗೀತಾ ಬಳಿ ಏನು ಮಾತಾಡಿದ್ದಾರೆ? ಅದಕ್ಕ ಸಂಗೀತಾ ಹೇಗೆ ಪ್ರತಿಕ್ರಿಯಿಸುತ್ತಾರೆ? ಸಂಗೀತಾ- ವಿನಯ್ ಜಗಳ ಎರಡನೇ ವಾರದಿಂದಲೇ ಶುರುವಾಗಿ ನಿರಂತರವಾಗಿ ಮುಂದುವರಿದುಕೊಂಡು ಬಂದಿದೆ. ಹಲವು ಸಲ ಇದು ಅತಿರೇಕಕ್ಕೂ ಹೋಗಿದೆ. ಈ ಬಗ್ಗೆ ವಿನಯ್‌ ಪತ್ನಿ ಮನೆಯ ಹೊರಗಡೆಯೂ ನೋವು ತೋಡಿಕೊಂಡಿದ್ದರು. ಈ ವಿಷಯದ ಬಗ್ಗೆ ಅವರು ಸಂಗೀತಾ ಬಳಿ ಮಾತಾಡುತ್ತಾರಾ? ವಿನಯ್ ಪತ್ನಿ ಜೊತೆಗಿನ ಮಾತುಕತೆ ಸಂಗೀತಾ ಅವರನ್ನು ಕುಗ್ಗಿಸುತ್ತದೆಯೇ? ಈ ವಾರದಲ್ಲಿ ಅನ್ಯೋನ್ಯವಾಗಿಯೇ ಇದ್ದ ವಿನಯ್-ಸಂಗೀತಾ ಮಧ್ಯೆ ಮತ್ತೆ ಬಿರುಕು ಮೂಡಲಿದೆಯೇ?

ಇದನ್ನೂ ಓದಿ: ಅಪ್ಪ- ಅಮ್ಮ ಬರೋವರ್ಗೂ ತುತ್ತು ಅನ್ನ, ಹನಿ ನೀರೂ ಮುಟ್ಟದ ಡ್ರೋನ್‌ ಪ್ರತಾಪ್! ಕೊನೆಗೂ ಫಲಿಸಿತು ಪೂಜಾ ಫಲ‌

ಆರಂಭದಿಂದಲೂ ಹಾವು ಮುಂಗುಸಿ ಆಟ..

ವಿನಯ್‌ ಮತ್ತು ಸಂಗೀತಾ ನಡುವೆ ಬಿಗ್‌ ಬಾಸ್‌ ಆರಂಭವಾಗಿ ಎರಡನೇ ವಾರದಿಂದಲೇ ಮಾತಿನ ಚಕಮಕಿ ನಡೆಯುತ್ತಲೇ ಇತ್ತು. ಅದು ವಿಕೋಪಕ್ಕೆ ಹೋದ ಉದಾಹರಣೆಗಳು ಒಂದೆಡೆರಲ್ಲ. ಅದ್ಯಾವ ಮಟ್ಟಿಗೆ ಎಂದರೆ ವಿನಯ್‌ ಥೇಟ್‌ ವಿಲನ್‌ ರೀತಿಯೇ ಕಾಣಿಸುತ್ತಿದ್ದರು. ಟ್ರೋಲ್‌ಗೂ ಅವರು ಆಹಾರವಾಗಿದ್ದರು. ಇದರ ಪರಿಣಾಮ ವಿನಯ್‌ ಪತ್ನಿ ಅಕ್ಷತಾಗೂ ಬೆದರಿಕೆಗಳು ಬಂದಿದ್ದವು. ಹೀಗಿರುವಾಗಲೇ ಈ ನಡುವೆ ಒಂದು ವಾರ ಚೆನ್ನಾಗಿತ್ತು ಎನ್ನುವಷ್ಟರಲ್ಲಿಯೇ ಮತ್ತದೇ ಬಿರುಕು ಕಾಣಿಸಿಕೊಂಡಿತ್ತು. ಅದು ಇಂದಿಗೂ ಮುಂದುವರಿದಿದೆ.

ಹಾಗಾದರೆ ವಿನಯ್ ಪತ್ನಿ ಜೊತೆಗಿನ ಮಾತುಕತೆ ಸಂಗೀತಾ ಅವರನ್ನು ಕುಗ್ಗಿಸುತ್ತದೆಯೇ? ಈ ವಾರದಲ್ಲಿ ಅನ್ಯೋನ್ಯವಾಗಿಯೇ ಇದ್ದ ವಿನಯ್- ಸಂಗೀತಾ ಮಧ್ಯೆ ಮತ್ತೆ ಬಿರುಕು ಮೂಡಲಿದೆಯೇ? ಎಲ್ಲ ಪ್ರಶ್ನೆಗಳಿಗೆ ಉತ್ತರ ಸಿಗಲು ಬಿಗ್‌ಬಾಸ್‌ ಅನ್ನು ವೀಕ್ಷಿಸಬೇಕು. ಬಿಗ್‌ಬಾಸ್ ಕನ್ನಡ 24 ಗಂಟೆ ನೇರಪ್ರಸಾರವನ್ನು ಜಿಯೋ ಸಿನಿಮಾದಲ್ಲಿ ಉಚಿತವಾಗಿ ನೋಡಿ.

ಇದನ್ನೂ ಓದಿ: ಕರ್ನಾಟಕದಲ್ಲಿ ಮೊಳಗಿತು ‘ಕಾಟೇರ’ನ ಕಹಳೆ; ರಾತ್ರಿಯಿಂದಲೇ ಶುರು ಡಿ ಬಾಸ್‌ ಜಾತ್ರೆ, ಸಾವಿರ ತೆರೆಗಳಲ್ಲಿ ದರ್ಶನ್‌ ‘ದರ್ಶನ’