ಬಿಗ್‌ ಬಾಸ್ ಕನ್ನಡ ಸೀಸನ್ 11: ದೊಡ್ಮನೆಗೆ ಕಾಲಿಟ್ಟ ನಟ ಧರ್ಮ ಕೀರ್ತಿರಾಜ್‌, ನವಗ್ರಹ ದರ್ಶನ ಗ್ಯಾರಂಟಿ ಎಂದ ವೀಕ್ಷಕ

ಧರ್ಮ ಕೀರ್ತಿರಾಜ್‌: ಸ್ಯಾಂಡಲ್‌ವುಡ್‌ ನಟ ಧರ್ಮ ಕೀರ್ತಿರಾಜ್‌ ಬಿಗ್‌ ಬಾಸ್‌ ಮನೆಗೆ ಕಾಲಿಟ್ಟಿದ್ದಾರೆ. ಬಿಗ್‌ಬಾಸ್‌ ಕನ್ನಡ ಸೀಸನ್‌ 11 ಶುರುವಾಗಿದೆ. ಕಳೆದ ಬಾರಿಯ ಸೀಸನ್‌ 10ರ ಯಶಸ್ಸಿನ ಬಳಿಕ, ನಿರೀಕ್ಷೆ ಮೂಡಿಸಿದ್ದ ಸೀಸನ್‌ 11ರಲ್ಲಿ ಯಾರೆಲ್ಲ ಸ್ಪರ್ಧಿಗಳಾಗಿ ಪಾಲ್ಗೊಳ್ಳಲಿದ್ದಾರೆ ಎಂಬ ಅಚ್ಚರಿಗೆ ಇಂದು ಉತ್ತರ ಸಿಗುತ್ತಿದೆ. ಒಟ್ಟು 16 ಮಂದಿ ಸ್ಪರ್ಧಿಗಳ ಪೈಕಿ ಶನಿವಾರವೇ (ಸೆ 28) ನಾಲ್ಕು ಸ್ಪರ್ಧಿಗಳ ಹೆಸರನ್ನು ರಾಜಾ ರಾಣಿ ಶೋನ ಗ್ರ್ಯಾಂಡ್‌ ಫಿನಾಲೆಯಲ್ಲಿ ರಿವೀಲ್‌ ಮಾಡಲಾಗಿತ್ತು. ಅವರಲ್ಲಿ ಸತ್ಯ ಸೀರಿಯಲ್‌ ನಾಯಕಿ ನಟಿ ಗೌತಮಿ ಜಾಧವ್‌, ಲಾಯರ್‌ ಕೆಎನ್‌ ಜಗದೀಶ್‌, ಹಿಂದುತ್ವದ ಫೈರ್‌ ಬ್ರ್ಯಾಂಡ್‌ ಚೈತ್ರಾ ಕುಂದಾಪುರ ಮತ್ತು ಗೋಲ್ಡ್‌ ಸುರೇಶ್‌ ಮನೆಗೆ ಕಾಲಿಡುವುದು ಖಚಿತವಾಗಿದೆ.

ಬಿಗ್‌ಬಾಸ್‌ ಮನೆಗೆ ಆರನೇ ಸ್ಪರ್ಧಿಯಾಗಿ ನಟ ಧರ್ಮ ಕೀರ್ತಿರಾಜ್‌ ಕಾಲಿಟ್ಟಿದ್ದಾರೆ. ನವಗ್ರಹ, ಬಿಂದಾಸ್‌ ಗೂಗ್ಲಿ, ಚಾಣಾಕ್ಷ, ಖಡಕ್‌ ಸೇರಿದಂತೆ ಹಲವು ಚಿತ್ರಗಳಲ್ಲಿ ಕೀರ್ತಿರಾಜ್‌ ನಟಿಸಿದ್ದಾರೆ. ಹಿರಿಯ ನಟ ಕೀರ್ತಿರಾಜ್‌ ಪುತ್ರ ಈಗ ದೊಡ್ಮನೆಗೆ ಕಾಲಿಟ್ಟಿದ್ದಾರೆ. ಐದನೇ ಸ್ಪರ್ಧಿಯಾಗಿ ಬಂದ ನಟಿ ಅನುಷಾ ರೈ ಅವರೊಂದಿಗೆ ಮನೆಗೆ ಕಾಲಿಟ್ಟಿದ್ದಾರೆ. ಇವರಲ್ಲಿ ಧರ್ಮ ಸ್ವರ್ಗಕ್ಕೆ ಪ್ರವೇಶಿಸಿದ್ದು, ಅನುಷಾ ಮೊದಲನೆಯವರಾಗಿ ನರಕಕ್ಕೆ ಹೋಗಿದ್ದಾರೆ.

ಸ್ವರ್ಗಕ್ಕೆ ಎಂಟ್ರಿ ಪಡೆದ ಭವ್ಯಾ, ಯಮುನಾ

ನಟಿ ಭವ್ಯಾ ಗೌಡ ಹಾಗೂ ಯಮುನಾ ಶ್ರೀನಿಧಿ ಅವರು ಬಿಗ್‌ಬಾಸ್‌ ಮನೆಗೆ ಮೊದಲ ಎರಡು ಸ್ಪರ್ಧಿಗಳಾಗಿ ಎಂಟ್ರಿ ಕೊಟ್ಟಿದ್ದಾರೆ. ಇವರಿಗೆ, ನಂತರ ಬರುವ ಸ್ಪರ್ಧಿಗಳನ್ನು ಸ್ವರ್ಗ-ಅಥವಾ ನರಕಕ್ಕೆ ಕಳುಹಿಸುವ ವಿಶೇಷ ಅಧಿಕಾರ ನೀಡಲಾಗಿದೆ. ಆ ಪೈಕಿ ಧನರಾಜ್‌ ಅವರನ್ನು ಸ್ವರ್ಗಕ್ಕೆ ಕರೆಸಿಕೊಂಡಿದ್ದಾರೆ. ಆ ಬಳಿಕ ನಟಿ ಗೌತಮಿ ಜಾಧವ್‌ ಅವರು ಜನರ ವೋಟಿಂಗ್‌ ಆಧಾರದ ಮೇಲೆ ಸ್ವರ್ಗಕ್ಕೆ ಕಾಲಿಟ್ಟಿದ್ದಾರೆ. ಇದೀಗ ಐದು ಹಾಗೂ ಆರನೇ ಸ್ಪರ್ಧಿಯಾಗಿ ಅನುಷಾ ಹಾಗೂ ಧರ್ಮ ಕಾಲಿಟಿದ್ದಾರೆ.

ಬಿಗ್‌ ಬಾಸ್‌ ಕನ್ನಡ ಸೀಸನ್ 11 ರ ತಾಜಾ ಮಾಹಿತಿ ಎಲ್ಲಿ ಸಿಗುತ್ತೆ?

ಕಲರ್ಸ್‌ ಕನ್ನಡ ನಡೆಸುತ್ತಿರುವ 'ಬಿಗ್‌ ಬಾಸ್‌ ಕನ್ನಡ ಸೀಸನ್ 11' ರಿಯಾಲಿಟಿ ಶೋ ಕುರಿತ ಸಮಗ್ರ ಮಾಹಿತಿಯನ್ನು 'ಹಿಂದೂಸ್ತಾನ್ ಟೈಮ್ಸ್ ಕನ್ನಡ' ಜಾಲತಾಣದಲ್ಲಿ ನೋಡಬಹುದು. ದೊಡ್ಮನೆ ಎಂದೇ ಪ್ರಖ್ಯಾತವಾಗಿರುವ ಬಿಗ್‌ ಬಾಸ್‌ ಮನೆಯಲ್ಲಿರುವ ಸ್ಪರ್ಧಿಗಳು ಹೇಗೆ ಆಡುತ್ತಿದ್ದಾರೆ? ಜನರು ಅವರ ಬಗ್ಗೆ ಏನು ಯೋಚಿಸುತ್ತಿದ್ದಾರೆ? ಕುತೂಹಲಕಾರಿ ತಿರುವುಗಳೇನು ಎನ್ನುವ ವಿವರ ತಿಳಿಯಲು ಇಲ್ಲಿ ಕ್ಕಿಕ್‌ ಮಾಡಿ.

ಇದನ್ನೂ ಓದಿ | ಬಿಗ್‌ ಬಾಸ್ ಕನ್ನಡ ಸೀಸನ್ 11: ನಗು ಉಕ್ಕಿಸಲು ಬಿಗ್‌ ಮನೆಗೆ ಬಂದ ಕಾಮಿಡಿಯನ್‌ ಧನರಾಜ್‌ ಆಚಾರ್; ಇನ್ನು ನಗುವಿಗೆ ಕೊರತೆಯಿಲ್ಲ ಎಂದ ವೀಕ್ಷಕ