Sonu Sood Reels With Khaby Lame: ಜ್ಯೂಸ್‌ ವಿಚಾರಕ್ಕೆ ಸೋಷಿಯಲ್‌ ಮೀಡಿಯಾ ಸ್ಟಾರ್‌ ಖಾಬೆ ಲೇಮ್‌ ಜತೆ ಕಿತ್ತಾಡಿದ ಸೋನು ಸೂದ್; VIDEO

Sonu Sood Reels With Khaby Lame: ಬಾಲಿವುಡ್‌ ನಟ ಸೋನು ಸೂದ್‌ ಸದಾ ತಮ್ಮ ಸಿನಿಮಾ ಮತ್ತು ಫೌಂಡೇಶನ್‌ ಕೆಲಸಗಳಲ್ಲಿ ಬಿಜಿಯಾಗಿರುತ್ತಾರೆ. ಇದೀಗ ಇದೇ ಸೋನು ಇನ್‌ಸ್ಟಾಗ್ರಾಂನಲ್ಲಿ ರೀಲ್ಸ್‌ ಮಾಡಿ ನಗು ಉಕ್ಕಿಸಿದ್ದಾರೆ.

ಹೌದು, ಸೋಷಿಯಲ್‌ ಮೀಡಿಯಾದಲ್ಲಿ ತಮ್ಮದೆ ಛಾಪು ಮೂಡಿಸಿರುವ ಖಾಬೆ ಲೇಮ್‌ (Khaby Lame) ಜತೆ ಸೋನು ಸೂದ್‌ ಕಾಣಿಸಿಕೊಂಡು ಅಚ್ಚರಿ ಮೂಡಿಸಿದ್ದಾರೆ. ಅವರ ಜತೆಗೆ ರೀಲ್ಸ್‌ ಮಾಡಿ, ಅದನ್ನು ಹಂಚಿಕೊಂಡಿದ್ದಾರೆ.

ಹಾಗಾದರೆ ರೀಲ್ಸ್‌ನಲ್ಲೇನಿದೆ? ಸೋನು ಮತ್ತು ಖಾಬೆ ಅಕ್ಕಪಕ್ಕ ಕುಳಿತುಕೊಂಡು ಜೂಸ್‌ ಕುಡಿಯಲು ಮುಂದಾಗುತ್ತಾರೆ. ಜ್ಯೂಸ್‌ ಜಗ್‌ ಹಿಡಿದ ಸೋನು, ಮೊದಲಿಗೆ ಪಕ್ಕದ ಖಾಬೆ ಗ್ಲಾಸ್‌ಗೆ ಎಲ್ಲ ಜ್ಯೂಸ್‌ ಹಾಕ್ತಾರೆ. ಕೊನೆಗೆ ಅಳಿದುಳಿದ ಚೂರು ಜ್ಯೂಸ್‌ಅನ್ನು ತಮ್ಮ ಗ್ಲಾಸ್‌ಗೆ ಹಾಕಿಕೊಳ್ಳುತ್ತಾರೆ.

ಇದನ್ನು ನೋಡಿದ ಖಾಬೆ, ತಮ್ಮ ಗ್ಲಾಸ್‌ವೊಳಗಿನ ಜ್ಯೂಸ್‌ ಅವರಿಗೆ ಹಾಕುವ ರೀತಿ ಮಾಡುತ್ತಾರೆ. ಅದನ್ನು ನೋಡಿ, ಸೋನು ಬೇಡ ನನಗಿಷ್ಟೇ ಸಾಕು ಎನ್ನುತ್ತಾರೆ. ಕೊನೆಗೆ ನಾನು ನಿಮಗೆ ಜ್ಯೂಸ್‌ ಹಾಕ್ತಿಲ್ಲ, ನಿಮ್ಮ ಗ್ಲಾಸ್‌ನಲ್ಲಿನ ಸ್ಟ್ರಾ ಬೇಕಿತ್ತು.. ಎಂದು ಸ್ಟ್ರಾ ತೆಗೆದುಕೊಂಡು ಅಲ್ಲಿಂದ ಕಾಲ್ಕಿಳ್ಳುತ್ತಾರೆ. ಇತ್ತ ಸೋನು ಹ್ಯಾಪು ಮೋರೆ ಹಾಕಿಕೊಂಡು ಕುಳಿತುಕೊಳ್ಳುತ್ತಾರೆ.

ಹೀಗೆ ಹಾಸ್ಯದ ವಿಡಿಯೋ ತುಣುಕನ್ನು ಸೋನು ಮತ್ತೆ ಖಾಬೆ ಇಬ್ಬರೂ ತಮ್ಮ ಸೋಷಿಯಲ್‌ ಮೀಡಿಯಾ ಇನ್‌ಸ್ಟಾಗ್ರಾಂನಲ್ಲಿ ಶೇರ್‌ ಮಾಡಿದ್ದು, ಅಪಾರ ಮೆಚ್ಚುಗೆ ವ್ಯಕ್ತವಾಗಿದೆ. ಇದನ್ನು ನೋಡಿದ ನೆಟ್ಟಿಗರು ಬಗೆಬಗೆ ಕಮೆಂಟ್‌ ಮೂಲಕ ನಗುವನ್ನು ಹೊರಹಾಕುತ್ತಿದ್ದಾರೆ.

ಆ ವಿಡಿಯೋ ಇಲ್ಲಿದೆ ನೋಡಿ..

ಸದ್ಯ ಸೋನು ಸೂದ್‌ ಬಾಲಿವುಡ್‌ನ ಹಲವು ಸಿನಿಮಾ ಕೆಲಸಗಳಲ್ಲಿ ಬಿಜಿಯಾಗಿದ್ದಾರೆ. ದಕ್ಷಿಣದ ಸಿನಿಮಾಗಳಾದ ತಮಿಳ್‌ ಅರಸನ್‌ ಮತ್ತು ಫತೇ ಚಿತ್ರಗಳ ಶೂಟಿಂಗ್‌ನಲ್ಲಿಯೂ ಭಾಗವಹಿಸಿದ್ದಾರೆ.