Aaradhya Bachchan: ಶಾಲಾ ವಾರ್ಷಿಕೋತ್ಸವದಲ್ಲಿ ಆರಾಧ್ಯ ಬಚ್ಚನ್‌ ಡ್ರಾಮಾ; ಮಗಳ ಪ್ರತಿಭೆ ನೋಡಿ ಐಶ್ವರ್ಯಾ ರೈಗೆ ಸಂಭ್ರಮವೋ ಸಂಭ್ರಮ
Dec 16, 2023 11:14 AM IST
Share
ಶಾಲಾ ವಾರ್ಷಿಕೋತ್ಸವದಲ್ಲಿ ಆರಾಧ್ಯ ಬಚ್ಚನ್‌ ಡ್ರಾಮಾ
- ಮುಂಬೈನ ಧೀರುಬಾಯಿ ಅಂಬಾನಿ ಇಂಟರ್‌ನ್ಯಾಷನಲ್‌ ಸ್ಕೂಲ್‌ನಲ್ಲಿ ಶಾಲಾ ವಾರ್ಷಿಕೋತ್ಸವ ವೈಭವದಿಂದ ನಡೆದಿದೆ. ಸ್ಕೂಲ್‌ಡೇಯಲ್ಲಿ ಐಶ್ವರ್ಯಾ ರೈ ಮಗಳು ಆರಾಧ್ಯ ನಾಟಕವೊಂದರಲ್ಲಿ ದುಷ್ಟ ವ್ಯಕ್ತಿಯ ಪಾತ್ರದಲ್ಲಿ ನಟಿಸಿದ್ದಾಳೆ.
ಇದು ಶಾಲಾ ವಾರ್ಷಿಕೋತ್ಸವದ ಸಮಯ. ಸ್ಕೂಲ್‌ಡೇಯಲ್ಲಿ ಮಕ್ಕಳ ಪ್ರತಿಭೆಯನ್ನು ಕಂಡು ಹೆತ್ತವರಿಗೂ ಹಿಗ್ಗು, ಸಂಭ್ರಮ. ಬಾಲಿವುಡ್ ನಟಿ ಐಶ್ವರ್ಯಾ ರೈಯ ಮುದ್ದಿನ ಮಗಳು ಆರಾಧ್ಯ ಬಚ್ಚನ್‌ ಮುಂಬೈನ ಧೀರುಬಾಯಿ ಅಂಬಾನಿ ಇಂಟರ್‌ನ್ಯಾಷನಲ್‌ ಸ್ಕೂಲ್‌ನಲ್ಲಿ ಓದುತ್ತಿರುವ ಸಂಗತಿ ನಿಮಗೆ ಗೊತ್ತಿರಬಹುದು. ಇತ್ತೀಚೆಗೆ ಶಾಲೆಯಲ್ಲಿ ವಾರ್ಷಿಕೋತ್ಸವ ನಡೆದಿದ್ದು, ಐಶ್ವರ್ಯಾ ರೈ ಪುತ್ರಿ ಆರಾಧ್ಯ ಬಚ್ಚನ್‌ ಬೆಸ್ಟ್‌ ಪರ್ಫಾಮೆನ್ಸ್‌ ತೋರಿಸಿದ್ದಾರೆ. ಮಗಳು ನಾಟಕದಲ್ಲಿ ಅಭಿನಯಿಸುತ್ತಿರುವುದನ್ನು ತನ್ನ ಮೊಬೈಲ್‌ ಫೋನ್‌ನಲ್ಲಿ ಐಶ್ವರ್ಯಾ ರೈ ಸೆರೆಹಿಡಿಯುವ ದೃಶ್ಯವೂ ವೈರಲ್‌ ಆಗಿದೆ.
ವಾರ್ಷಿಕೋತ್ಸವದಲ್ಲಿ ಆರಾಧ್ಯ ಬಚ್ಚನ್‌ ಪರ್ಫಾಮೆನ್ಸ್‌
ಶಾಲಾ ವಾರ್ಷಿಕೋತ್ಸವದಲ್ಲಿ ನಾಟಕವೊಂದರಲ್ಲಿ ಆರಾಧ್ಯ ಬಚ್ಚನ್‌ ಅವರು ರಾಕ್ಷಸಿ ಪಾತ್ರದಲ್ಲಿ ನಟಿಸಿದ್ದಾರೆ. ಸ್ಟೇಜ್‌ಗೆ ಆಗಮಿಸಿದ ಆರಾಧ್ಯ ಇಂಗ್ಲಿಷ್‌ನಲ್ಲಿ ಕೆಲವೊಂದು ಡೈಲಾಗ್‌ಗಳನ್ನು ಹೇಳುತ್ತಿದ್ದಾರೆ. 12 ವರ್ಷ ವಯಸ್ಸಿನ ಪುಟಾಣಿ ಆರಾಧ್ಯ ಪ್ರತಿಭೆಗೆ ಅಮ್ಮ ಐಶ್ವರ್ಯಾ ರೈ ಸಂಭ್ರಮಿಸಿದ್ದಾರೆ. ಮೊಬೈಲ್‌ ಫೋನ್‌ನಲ್ಲಿ ಮಗಳ ಪರ್ಫಾಮೆನ್ಸ್‌ ದಾಖಲಿಸುತ್ತ, ಖುಷಿ ಪಡುತ್ತಿದ್ದಾರೆ. ಆಗಸ್ತ್ಯ ನಂದನ ಪಕ್ಕ ಕುಳಿತುಕೊಂಡ ಐಶ್ವರ್ಯಾ ರೈ ಮಗಳ ಪ್ರತಿಭೆಯನ್ನು ಕಣ್ತುಂಬಿಕೋಂಡಿದ್ದಾರೆ. ಸಭಿಕರ ಸಾಲಿನಲ್ಲಿ ಸುಹಾನ ಖಾನ್‌ ಕೂಡ ಇದ್ದಾರೆ. ಜತೆಗೆ, ಐಶ್ವರ್ಯಾ ರೈ ತಾಯಿ ಬೃಂದಾ ರೈ ಕೂಡ ಕುಳಿತಿರುವುದನ್ನು ಕಾಣಬಹುದು.
ಆರಾಧ್ಯ ವಿಡಿಯೋ ನೋಡಿ ನೆಟ್ಟಿಗರ ಪ್ರತಿಕ್ರಿಯೆ
ಸ್ಟಾರ್‌ ಕಿಡ್‌ ಪ್ರತಿಭೆಗೆ ನೆಟ್ಟಿಗರು ವಾಹ್‌ ಎಂದಿದ್ದಾರೆ. ಸಾಕಷ್ಟು ಜನರು ಬೆಳೆಯುವ ಸಿರಿ ಮೊಳಕೆಯಲ್ಲಿ ಎಂಬರ್ಥ ಕಾಮೆಂಟ್‌ಗಳನ್ನು ಮಾಡಿದ್ದಾರೆ. "ಆಕೆಯ ಧ್ವನಿ ಅಮಿತಾಭ್‌ ಧ್ವನಿಯನ್ನು ಹೋಲುತ್ತದೆ" "ಅದ್ಭುತವಾಗಿ ನಟಿಸಿದ್ದಾಳೆ" "ಬ್ರೋ, ಅವಳು ಐಶ್ವರ್ಯಾ ರೈ ಮತ್ತು ಅಭಿಷೇಕ್‌ ಬಚ್ಚನ್‌ ಮಗಳು, ಸಾಕಷ್ಟು ಪ್ರತಿಭೆ ಹೊಂದಿದ್ದಾಳೆ" ಎಂದೆಲ್ಲ ನೆಟ್ಟಿಗರು ಕಾಮೆಂಟ್‌ ಮಾಡಿದ್ದಾರೆ.
ಈ ಕಾರ್ಯಕ್ರಮದಲ್ಲಿ ಬಚ್ಚನ್‌ ಕುಟುಂಬದ ಹಲವು ಸದಸ್ಯರು ಭಾಗವಹಿಸಿದ್ದಾರೆ. ಐಶ್ವರ್ಯಾ ರೈ ಅವರು ತನ್ನ ತಾಐಇ ಬೃಂದಾ ರೈ ಜತೆಗೆ ಕಾರಿನಲ್ಲಿ ಆಗಮಿಸಿದ್ದಾರೆ. ಅಭಿಷೇಕ್‌ ಬಚ್ಚನ್‌ ಅವರು ತನ್ನ ತಂದೆ ಅಮಿತಾಬ್‌ ಬಚ್ಚನ್‌ ಮತ್ತು ಆಗಸ್ತ್ಯನ ಜತೆ ಆಗಮಿಸಿದ್ದಾರೆ.
ಈ ಕಾರ್ಯಕ್ರಮಕ್ಕೆ ಆಗಮಿಸುವಾಗ ಐಶ್ವರ್ಯಾ ರೈ ಅವರು ಕಪ್ಪು ಮತ್ತು ಚಿನ್ನದ ಬಣ್ಣದ ಸೂಟ್‌ ಧರಿಸಿದ್ದಾರೆ. ಮ್ಯಾಚಿಂಗ್‌ ಬ್ಯಾಗ್‌ ಕೂಡ ಇವರ ಕೈಯಲ್ಲಿತ್ತು. ನೇವಿ ಬ್ಲೂ ಶರ್ಟ್‌, ಮ್ಯಾಚಿಂಗ್‌ ಪ್ಯಾಂಟ್ಸ್‌, ಸ್ನಿಕರ್ಸ್‌ನಲ್ಲಿ ಐಶ್ವರ್ಯಾ ಸುಂದರವಾಗಿ ಕಾಣಿಸುತ್ತಿದ್ದರು. ಅಮಿತಾಬ್‌ ಬಚ್ಚನ್‌ ಅವರು ಬಣ್ಣದ ಜಾಕೆಟ್‌ ತೊಟ್ಟಿದ್ದರು. ಆಗಸ್ತ್ಯ ನಂದ ಅವರು ಬಿಳಿ ಟಿ ಶರ್ಟ್‌ ಮೇಲೆ ಜಾಕೆಟ್‌ ಹಾಕಿಕೊಂಡಿದ್ದರು.
ಕರಣ್‌ ಜೋಹರ್‌ ಮತ್ತು ಅವರ ಅವಳಿ ಮಕ್ಕಳು ಯಶ್‌ ಮತ್ತು ರೋಹಿ ಕೂಡ ಸ್ಕೂಲ್‌ಡೇ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದಾರೆ. ಕರೀನಾ ಕಪೂರ್‌ ಮತ್ತು ಆಖೆಯ ಮಗ ತೈಮೂರು ಆಲಿ ಖಾನ್‌, ಶಹೀದ್‌ ಕಪೂರ್‌ ಮತ್ತು ಮೀರಾ ಕಪೂರ್‌ ಅವರು ತನ್ನ ಮಗ ಝೈನ್‌ ಮತ್ತು ಮಗಳು ಮಿಶಾ ಜತೆ ಆಗಮಿಸಿದ್ದರಾರೆ. ಶಾರೂಖ್‌ ಖಾನ್‌ ಮತ್ತು ಅವರ ಕುಟುಂಬವು ಅಬ್ರಾಮ್‌ ಖಾನ್‌ ಕಾರ್ಯಕ್ರಮ ನೋಡಲು ಆಗಮಿಸಿದ್ದರು.