The Trial: ಪತಿ ಅಜಯ್‌ ದೇವ್ಗನ್‌ನಿಂದ ಅನುಮತಿ ಪಡೆದು ಇಬ್ಬರು ನಟರೊಂದಿಗೆ ಕಾಜೊಲ್ ಲಿಪ್‌ ಲಾಕ್; ಪಬ್ಲಿಸಿಟಿ ಗಿಮಿಕ್‌ ಎಂದ ನೆಟಿಜನ್ಸ್‌
Jul 18, 2023 12:49 PM IST
Share
'ದಿ ಟ್ರಯಲ್‌' ವೆಬ್‌ ಸೀರೀಸ್‌ಗಾಗಿ ಕಾಜೊಲ್ ಲಿಪ್‌ ಲಾಕ್
'ದಿ ಟ್ರಯಲ್‌' ವೆಬ್‌ ಸೀರೀಸ್‌ನ ನಾಲ್ವರು ನಿರ್ಮಾಪಕರಲ್ಲಿ ಅಜಯ್‌ ದೇವ್ಗನ್‌ ಕೂಡಾ ಒಬ್ಬರು. ಆದ್ದರಿಂದ ಪತಿಯ ಅನುಮತಿ ಪಡೆದೇ ಕಾಜೊಲ್ ತಮ್ಮ ಸಹನಟರೊಂದಿಗೆ ಲಿಪ್‌ ಲಾಕ್ ಸೀನ್‌ನಲ್ಲಿ ಇನ್ವಾಲ್ವ್‌ ಆಗಿದ್ದಾರೆ.
ಈಗಂತೂ ಸಿನಿಮಾಗಳಲ್ಲಿ ಎಕ್ಸ್‌ಪೋಸ್‌, ಕಿಸ್ಸಿಂಗ್‌, ಇಂಟಿಮೇಟ್‌ ಸೀನ್‌ಗಳು ಸಾಮಾನ್ಯ ಎನಿಸಿವೆ. ಆದರೆ ಕೆಲವು ನಟಿಯರು ಮಾತ್ರ ಇಂದಿಗೂ ಮಡಿವಂತಿಕೆ ಕಾಪಾಡಿಕೊಂಡು ಬಂದಿದ್ದಾರೆ. ಸಿನಿಮಾಗಳಲ್ಲಿ ಅವಕಾಶಗಳು ಇಲ್ಲದಿದ್ದರೂ ಪರವಾಗಿಲ್ಲ ತುಂಡು ಬಟ್ಟೆ ಹಾಕುವುದಿಲ್ಲ, ಕಿಸ್ಸಿಂಗ್‌ ದೃಶ್ಯಗಳಲ್ಲಿ ನಟಿಸುವುದಿಲ್ಲ ಎಂದು ಕಂಡಿಷನ್‌ ಮಾಡುತ್ತಾರೆ.
29 ವರ್ಷಗಳ ನೋ ಕಿಸ್ಸಿಂಗ್‌ ಬ್ರೇಕ್‌ ಮುರಿದ ಕಾಜೊಲ್
ಆದರೆ ಕೆಲವು ನಟಿಯರು ಮಾತ್ರ ಚಿತ್ರರಂಗಕ್ಕೆ ಬಂದ ಆರಂಭದಲ್ಲೇ ಯಾವುದೇ ಪಾತ್ರಕ್ಕಾದರೂ ಸೈ, ಯಾವುದೇ ದೃಶ್ಯಕ್ಕಾದರೂ ರೆಡಿ ಎನ್ನುತ್ತಾರೆ. ಇನ್ನೂ ಕೆಲವು ನಟಿಯರು ಎಷ್ಟೋ ವರ್ಷಗಳ ನೋ ಕಿಸ್ಸಿಂಗ್‌ ರೂಲ್ಸ್‌ ಬ್ರೇಕ್‌ ಮಾಡುತ್ತಾರೆ. ಕೆಲವು ದಿನಗಳ ಹಿಂದಷ್ಟೇ ಮಿಲ್ಕಿ ಬ್ಯೂಟಿ ತಮನ್ನಾ ಭಾಟಿಯಾ, ತಮ್ಮ ಹುಡುಗ ವಿಜಯ್‌ ವರ್ಮಾಗಾಗಿ 19 ವರ್ಷಗಳ ಮಡಿವಂತಿಕೆ ಮುರಿದಿದ್ದರು. 'ಲಸ್ಟ್‌ ಸ್ಟೋರೀಸ್‌ 2' ರಲ್ಲಿ ಬಾಯ್‌ ಫ್ರೆಂಡ್‌ ಜೊತೆ ಕಿಸ್ಸಿಂಗ್‌ ದೃಶ್ಯಗಳಲ್ಲಿ ಕಾಣಿಸಿಕೊಂಡಿದ್ದರು. ಇದೀಗ ಬಾಲಿವುಡ್ ನಟಿ ಕಾಜೊಲ್ ಕೂಡಾ 29 ವರ್ಷಗಳ ನೋ ಕಿಸ್ಸಿಂಗ್‌ ಬ್ರೇಕ್‌ ಮುರಿದಿದ್ದಾರೆ.
'ದಿ ಟ್ರಯಲ್‌' ವೆಬ್‌ ಸೀರೀಸ್‌ನಲ್ಲಿ ಲಿಪ್‌ ಲಾಕ್
ಕಾಜೊಲ್ ಕೂಡಾ 'ಲಸ್ಟ್‌ ಸ್ಟೋರೀಸ್‌ 2' ಸಿನಿಮಾದಲ್ಲಿ ನಟಿಸಿದ್ದರು. ಆದರೆ ಆ ಚಿತ್ರದಲ್ಲಿ ಯಾವುದೇ ಕಿಸ್ಸಿಂಗ್‌ ದೃಶ್ಯಗಳಲ್ಲಿ ಭಾಗವಹಿಸದ ಕಾಜೊಲ್ ಈಗ ತಮ್ಮ ಮೊದಲ ವೆಬ್‌ ಸೀರೀಸ್‌ 'ದಿ ಟ್ರಯಲ್‌'ಗಾಗಿ ಲಿಪ್‌ ಲಾಕ್ ಮಾಡಿದ್ದಾರೆ. ಮೊದಲ ಸಿನಿಮಾ 'ಬೇಖುದಿ' ಸಿನಿಮಾದಲ್ಲಿ ಲಿಪ್‌ ಲಾಕ್ ಮಾಡಿದ್ದರು. ನಂತರ 'ಯೇ ದಿಲ್ಹಗಿ' ಚಿತ್ರದಲ್ಲಿ ಅಕ್ಷಯ್‌ ಕುಮಾರ ಜೊತೆ ಕೂಡಾ ಚುಂಬನ ದೃಶ್ಯದಲ್ಲಿ ನಟಿಸಿದ್ದರು. ಆದರೆ ನಂತರ ಮದುವೆ ಆಗಿದ್ದರಿಂದ ಲಿಪ್‌ ಲಾಕ್ ಸೀನ್‌ಗಳಿಗೆ ವಿರಾಮ ಇಟಿದ್ದರು.
ಅಜಯ್‌ ದೇವ್ಗನ್‌ ನಿರ್ಮಾಣದ ವೆಬ್‌ ಸರಣಿ
ಮದುವೆ ಆಗಿ ಎರಡು ಮಕ್ಕಳ ತಾಯಿ ಆದ ನಂತರ ಕೂಡಾ ಕಾಜೊಲ್ ಸಿನಿಮಾಗಳಲ್ಲಿ ಸಕ್ರಿಯರಾಗಿದ್ದಾರೆ. ಜಾಹೀರಾತು, ವೆಬ್‌ ಸೀರೀಸ್‌ಗಳಲ್ಲಿ ಕೂಡಾ ನಟಿಸುತ್ತಿದ್ದಾರೆ. ಪತಿ ಅಜಯ್‌ ದೇವ್ಗನ್‌ ಕೂಡಾ ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿ ಇದ್ದಾರೆ. ನಿರ್ಮಾಣ, ನಿರ್ದೇಶನದಲ್ಲಿ ಕೂಡಾ ತೊಡಗಿಸಿಕೊಂಡಿದ್ದಾರೆ. 'ದಿ ಟ್ರಯಲ್‌' ವೆಬ್‌ ಸೀರೀಸ್‌ನ ನಾಲ್ವರು ನಿರ್ಮಾಪಕರಲ್ಲಿ ಅಜಯ್‌ ದೇವ್ಗನ್‌ ಕೂಡಾ ಒಬ್ಬರು. ಆದ್ದರಿಂದ ಪತಿಯ ಅನುಮತಿ ಪಡೆದೇ ಕಾಜೊಲ್ ತಮ್ಮ ಸಹನಟರೊಂದಿಗೆ ಲಿಪ್‌ ಲಾಕ್ ಸೀನ್‌ನಲ್ಲಿ ಇನ್ವಾಲ್ವ್‌ ಆಗಿದ್ದಾರೆ. ಅದಕ್ಕಾಗಿ 3-4 ಬಾರಿ ರಿಹರ್ಸಲ್‌ ಕೂಡಾ ಮಾಡಿದ್ದರಂತೆ. ಅಲ್ಲದೆ ಈ ದೃಶ್ಯದ ಚಿತ್ರೀಕರಣದ ಸಮಯದಲ್ಲಿ ಪತ್ನಿ ಮುಜುಗರಕ್ಕೆ ಒಳಗಾಗಬಹುದು ಎಂಬ ಕಾರಣಕ್ಕೆ ಅಜಯ್‌ ದೇವ್ಗನ್‌ ಸ್ಥಳದಲ್ಲಿ ಇರಲಿಲ್ಲವಂತೆ. ಈ ಲಿಪ್‌ ಲಾಕ್ ವಿಡಿಯೋ ಈಗ ಸೋಷಿಯಲ್‌ ಮೀಡಿಯಾದಲ್ಲಿ ಹರಿದಾಡುತ್ತಿದೆ. ವೆಬ್‌ ಸೀರೀಸ್‌ಗೆ ನಿಜವಾಗಲೂ ಲಿಪ್‌ ಲಾಕ್ ಅವಶ್ಯಕತೆ ಇತ್ತೇ? ಇದೆಲ್ಲಾ ಪಬ್ಲಿಸಿಟಿ ಗಿಮಿಕ್‌ ಅಷ್ಟೇ. ನೋ ಕಿಸ್ಸಿಂಗ್‌ ಪಾಲಿಸಿ ಬ್ರೇಕ್‌ ಮಾಡಿದ್ದೇವೆ ಅನ್ನೋದೆಲ್ಲಾ ಸುಳ್ಳು ಕಥೆ ಎನ್ನುತ್ತಿದ್ದಾರೆ.
ವಕೀಲೆ ಪಾತ್ರದಲ್ಲಿ ಕಾಜೊಲ್
ಈ ವೆಬ್‌ ಸರಣಿಯಲ್ಲಿ ಕಾಜೊಲ್ ವಕೀಲೆ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಸುಪರ್ನ್‌ ವರ್ಮಾ ನಿರ್ದೇಶನ ಮಾಡಿದ್ದಾರೆ. ಇಂಗ್ಲೀಷ್‌ ವೆಬ್‌ ಸೀರೀಸ್‌ 'ದಿ ಗುಡ್‌ ವೈಫ್‌'ನಿಂದ ಸ್ಫೂರ್ತಿ ಪಡೆದು ಈ ಸೀರಿಸ್‌ ನಿರ್ಮಿಸಲಾಗಿದೆ. ಜಿಶು ಸೇನ್‌ಗುಪ್ತಾ, ಕುಬ್ರಾ ಸೇಠ್‌, ಶೀಬಾ ಛಡ್ಡಾ, ಅಲಯಾ ಖಾನ್‌, ಗೌರವ್‌ ಪಾಂಡೆ ಹಾಗೂ ಇನ್ನಿತರರು 'ದಿ ಟ್ರಯಲ್‌' ಸೀರೀಸ್‌ನಲ್ಲಿ ನಟಿಸಿದ್ದಾರೆ.