ಪ್ಲೀಸ್‌.. ನನ್ನ ಫೋನ್‌ ಕೊಡಿ; ಇಂಡೋ -ಪಾಕ್‌ ಪಂದ್ಯದ ವೇಳೆ ಚಿನ್ನದ ಐಫೋನ್‌ ಕಳೆದುಕೊಂಡ ಊರ್ವಶಿ ರೌಟೇಲಾ

Urvashi Rautela: ನಿನ್ನೆ (ಅ.14) ನಡೆದ ಇಂಡೋ- ಪಾಕ್‌ ಕ್ರಿಕೆಟ್‌ ಪಂದ್ಯದಲ್ಲಿ ಭಾರತ ಅಮೋಘ ಗೆಲುವು ದಾಖಲಿಸಿದೆ. ವಿಶ್ವದ ಅತ್ಯಂತ ದೊಡ್ಡ ಕ್ರಿಕೆಟ್‌ ಗ್ರೌಂಡ್‌ ಎನಿಸಿರುವ ಅಹಮದಾಬಾದ್‌ನ ನರೇಂದ್ರ ಮೋದಿ ಕ್ರೀಡಾಂಗಣನಲ್ಲಿ 1 ಲಕ್ಷ 30 ಸಾವಿರ ಮಂದಿ ಕ್ರೀಡಾಪ್ರೇಮಿಗಳು ಈ ಪಂದ್ಯವನ್ನು ಕಣ್ತುಂಬಿಕೊಂಡಿದ್ದಾರೆ. ಟೀಮ್‌ ಇಂಡಿಯಾವನ್ನು ಬೆಂಬಲಿಸಿ ಹುರಿದುಂಬಿಸಿದ್ದಾರೆ. ಸೋಷಿಯಲ್‌ ಮೀಡಿಯಾದಲ್ಲಿಯೂ ಸ್ಟೇಡಿಯಂನಲ್ಲಿನ ಅಭಿಮಾನಿಗಳ ವಿಡಿಯೋ ಸಹ ಎಲ್ಲೆಡೆ ವೈರಲ್‌ ಆಗಿವೆ.

ಇನ್ನು ಇದೇ ಹೈವೋಲ್ಟೇಜ್‌ ಪಂದ್ಯವನ್ನು ಬಾಲಿವುಡ್‌ನ ಸಿನಿಮಾ ಸೆಲೆಬ್ರಿಟಿಗಳು ಸೇರಿ ರಾಜಕೀಯ, ಸಂಗೀತ ಕ್ಷೇತ್ರದ ಸೆಲೆಬ್ರಿಟಿಗಳೂ ವೀಕ್ಷಿಸಿದ್ದಾರೆ. ಇದೇ ಪಂದ್ಯ ವೀಕ್ಷಣೆಗೆ ಬಾಲಿವುಡ್‌ ನಟಿ ಊರ್ವಶಿ ರೌಟೇಲಾ ಸಹ ಆಗಮಿಸಿ ಚಿಯರ್‌ ಮಾಡಿದ್ದರು. ಆದರೆ, ಅದ್ಯಾಕೋ ಅವರ ಅದೃಷ್ಟವೇ ಸರಿಯಿರಲಿಲ್ಲವೇನೋ. ಏಕೆಂದರೆ ಜನಸಂದಣಿಯಲ್ಲಿ ದುಬಾರಿ ಬೆಲೆಯ ಐಫೋನ್‌ ಕಳೆದುಕೊಂಡು ಪೇಚಿಗೆ ಸಿಲುಕಿದ್ದಾರೆ.‌

ಇದನ್ನೂ ಓದಿ: ಅಜಯ್‌ ದೇವಗನ್‌ ಸಿಂಗಂ ಅಗೇನ್‌ ಚಿತ್ರಕ್ಕೆ ಶಕ್ತಿ ತುಂಬಿದ ದೀಪಿಕಾ ಪಡುಕೋಣೆ; ಹೀಗಿದೆ ಶಕ್ತಿ ಶೆಟ್ಟಿ ಫಸ್ಟ್‌ ಲುಕ್‌

ಈ ವಿಚಾರವನ್ನು ಸೋಷಿಯಲ್‌ ಮೀಡಿಯಾದಲ್ಲಿಯೂ ಪೋಸ್ಟ್‌ ಮಾಡಿಕೊಂಡಿರುವ ಊರ್ವಶಿ, ದಯಮಾಡಿ ಯಾರಿಗಾದರೂ ಸಿಕ್ಕರೆ ಮರಳಿಸಿ ಎಂದಿದ್ದಾರೆ. "ನಾನು ನನ್ನ 24 ಕ್ಯಾರೆಟ್‌ನ ಬಂಗಾರದ ಐಫೋನ್‌ ಅನ್ನು ಅಹಮದಾಬಾದ್‌ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ಕಳೆದುಕೊಂಡಿದ್ದೇನೆ. ಯಾರಿಗಾದರೂ ಸಿಕ್ಕರೆ ಮರಳಿಸಿ. ಅಥವಾ ನನ್ನನ್ನು ಸಂಪರ್ಕಿಸಿ" ಎಂದು ಮನವಿ ಮಾಡಿದ್ದಾರೆ. ಇದರ ಜತೆಗೆ ಅಹಮದಾಬಾದ್‌ ಪೊಲೀಸ್‌ ಮತ್ತು ನರೇಂದ್ರ ಮೋದಿ ಸ್ಟೇಡಿಯಂನ ಅಧಿಕೃತ ಟ್ವಿಟರ್‌ಗೂ ಮನವಿ ಮಾಡಿದ್ದಾರೆ.

ಪಂದ್ಯ ಮುಗಿದ ಬಳಿಕ ಊರ್ವಶಿಯವರನ್ನು ಸುತ್ತುವರಿದ ಫ್ಯಾನ್ಸ್

ಟ್ರೋಲಿಗರಿಗೆ ಆಹಾರವಾದ ಊರ್ವಶಿ..

ಫೋನ್‌ ಕಳೆದಿದೆ ಎಂದು ಪೋಸ್ಟ್‌ ಹಂಚಿಕೊಳ್ಳುತ್ತಿದ್ದಂತೆ, ನೆಟ್ಟಿಗರಿಂದ ತರಹೇವಾರಿ ಕಾಮೆಂಟ್‌ಗಳು ಹರಿದು ಬಂದಿವೆ. ನಟಿಯನ್ನು ನೆಟ್ಟಿಗರು ಫೋನ್‌ ವಿಚಾರವಾಗಿಯೇ ಹುರಿದು ಮುಕ್ಕಿದ್ದಾರೆ. ನಿಮ್ಮ ಫೋನ್‌ ಕಳೆದಿದ್ದರಲ್ಲಿ ರಿಷಬ್ ಭಾಯ್ ಅವರ ಯಾವುದೇ ಕೈವಾಡವಿಲ್ಲ ಎಂದು ಓರ್ವ ಬರೆದರೆ, ಇನ್ನೊಬ್ಬ ನೆಟ್ಟಿಗ ನಿಮ್ಮ ಫೋನ್‌ ನನಗೆ ಸಿಕ್ಕಿದೆ. ಆದರೆ ನಾನು ಅದನ್ನು ನಿಮಗೆ ಮರಳಿ ಕೊಡುವುದಿಲ್ಲ ಎಂದರೆ, ಮತ್ತೋರ್ವ ಹೇ ಬೇಬಿ, ನನಗೆ ಹಣದ ಕೊರತೆ ಇದೆ. ನೀನು ಬೇಕಾದರೆ ಇನ್ನೊಂದನ್ನು ತೆಗೆದುಕೊಳ್ಳಿ ಎಂದಿದ್ದಾರೆ.

ಮನರಂಜನೆ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್‌ ಮಾಡಿ