Ananya Panday: ಸ್ಪೇನ್‌ನಲ್ಲಿ ಎಳನೀರು ಹೀರುತ್ತ ಕುಡಿನೋಟ ಬೀರಿದ ಅನನ್ಯ ಪಾಂಡೆ, ಈಜುಡುಗೆಯಲ್ಲಿದ್ದ ನಟಿಯಲ್ಲಿ ಅಭಿಮಾನಿಗಳು ಕೇಳಿದ್ದೇ ಬೇರೆ

ಬಾಲಿವುಡ್‌ ನಟಿ ಅನನ್ಯ ಪಾಂಡೆ ಸ್ಪೇನ್‌ ಪ್ರವಾಸದ ಫೋಟೊಗಳನ್ನು ಹಂಚಿಕೊಂಡಿದ್ದಾರೆ. ಸಿನಿಮಾ ನಟಿಯ ಫೋಟೊ ಅಂದರೆ ಕೇಳಬೇಕೆ, ಅನನ್ಯವಾಗಿಯೇ ಇದೆ. ವರದಿಗಳ ಪ್ರಕಾರ ಆಕೆ ತನ್ನ ಪ್ರಿಯಕರ ಆದಿತ್ಯ ರಾಯ್‌ ಕಪೂರ್‌ ಜತೆ ಸುತ್ತಾಟದಲ್ಲಿದ್ದಾರೆ. ಇವರಿಬ್ಬರು ಸ್ಪೇನ್‌ ಮತ್ತು ಪೋರ್ಚುಗಲ್‌ನಲ್ಲಿ ಜತೆಯಾಗಿ ಸುತ್ತಾಟವಾಡಿದ್ದಾರೆ ಎನ್ನುವುದು ವದಂತಿ. ಈಕೆಯ ಸೋಷಿಯಲ್‌ ಮೀಡಿಯಾ ಪೋಸ್ಟ್‌ನಲ್ಲಿ ಸಾಕಷ್ಟು ಜನರು ನೈಟ್‌ ಮ್ಯಾನೇಜರ್‌ ಎಲ್ಲಿದ್ದಾರೆ ಎಂದು ಕೇಳಿದ್ದಾರೆ. ಆದಿತ್ಯ ರಾಯ್‌ ಕಪೂರ್‌ ಅವರು ದಿ ನೈಟ್‌ ಮ್ಯಾನೇಜರ್‌ ಸಿನಿಮಾದ ನಾಯಕ ನಟ. ಹೀಗಾಗಿ, ಅದೇ ಹೆಸರಲ್ಲಿ ಕಾಳೆಲೆಯುತ್ತಿದ್ದಾರೆ.

ಅನನ್ಯ ಪಾಂಡೆ ಫೋಟೊಗಳು

ಅನನ್ಯ ಪಾಂಡೆ ಅವವರು ತನ್ನ ಇನ್‌ಸ್ಟಾಗ್ರಾಮ್‌ ಖಾತೆಯಲ್ಲಿ ಹಲವು ಫೋಟೊಗಳನ್ನು ಹಂಚಿಕೊಂಡಿದ್ದಾರೆ. ಈ ಫೋಟೊಗಳು ರಸಿಕರ ಕಣ್ಮನ ಸೆಳೆಯುವಂತಿದೆ. ಮೊದಲ ಫೋಟೊದಲ್ಲಿ ಅವರು ಈಜುಕೊಳದ ಮುಂದೆ ಎಳನೀರು ಹಿಡಿದುಕೊಂಡು ಕುಳಿತಿದ್ದಾರೆ. ನೀಲಿ ಈಜುಡುಗೆ ತೊಟ್ಟು ಸನ್‌ಗ್ಲಾಸ್‌ ಧರಿಸಿ ಮೋಹಕ ನೋಟ ಬೀರುತ್ತಿರುವ ಚಿತ್ರದು. ಮತ್ತೊಂದು ಫೋಟೊದಲ್ಲಿ ಗಾಜಿನ ಗೋಡೆಯಲ್ಲಿ ಪ್ರತಿಫಲಿಸೋ ತನ್ನ ಪ್ರತಿಬಿಂಬದ ಚಿತ್ರವನ್ನು ಹಂಚಿಕೊಂಡಿದ್ದಾರೆ. ಅದರಲ್ಲಿ ವ್ಯಕ್ತಿಯೊಬ್ಬರೂ ಕಾಣಿಸುತ್ತಿದ್ದಾರೆ. ಮತ್ತೊಂದು ಚಿತ್ರದಲ್ಲಿ ಬೀಚ್‌ನಲ್ಲಿ ಕ್ಯಾಮೆರಾದ ಮುಂದೆ ಪೋಸ್‌ ನೀಡೋ ಸೀನ್‌ ಹಂಚಿಕೊಂಡಿದ್ದಾರೆ.

ಹೀಗೆ ತನ್ನ ಹಲವು ಕಣ್ಣುಕುಕ್ಕುವಂತಹ ಫೋಟೊಗಳನ್ನು ಇನ್‌ಸ್ಟಾಗ್ರಾಂನಲ್ಲಿ ಅನನ್ಯ ಪಾಂಡೆ ಹಂಚಿಕೊಂಡಿದ್ದಾರೆ. ಸಾಕಷ್ಟು ಜನರು ಸೂಪರ್‌, ಬ್ಯೂಟಿಫುಲ್‌ ಎಂದೆಲ್ಲ ಹೇಳಿದ್ದಾರೆ. ತನ್ನ ಫೋಟೊ ಮಾತ್ರವಲ್ಲದೆ ಸ್ಪೇನ್‌ನ ಸುಂದರ ಚಿತ್ರಗಳನ್ನೂ ಹಂಚಿಕೊಂಡಿದ್ದಾರೆ. ಈಕೆ ತನ್ನ ಪೋಸ್ಟ್‌ಗೆ "ಬ್ಲೂಬೇಬಿ" ಎಂದು ಹೆಡ್‌ಲೈನ್‌ ಕೊಟ್ಟಿದ್ದರು. ಅದಕ್ಕೆ ಆಕೆಯ ಫ್ರೆಂಡ್‌ ಸುಹಾನ ಖಾನ್‌ ಅವರು "ವಾವ್‌ ಬಿಕಿನಿ ಬೇಬಿ" ಎಂದು ಕಾಮೆಂಟ್‌ ಮಾಡಿದ್ದಾರೆ. ಬಿಕಿನಿ ಬೇಬಿ ತುಂಬಾ ಸುಂದರವಾಗಿ ಕಾಣಿಸುತ್ತಿದ್ದಾಳೆ ಎಂದು ಸಾಕಷ್ಟು ಅಭಿಮಾನಿಗಳು ದೃಷ್ಟಿ ಹಾಕಿದ್ದಾರೆ.

ಸ್ಪೇನ್‌ ಚಿತ್ರಗಳಿಗೆ ನೆಟ್ಟಿಗರ ಪ್ರತಿಕ್ರಿಯೆ ಹೀಗಿತ್ತು ನೋಡಿ

ಈಕೆಯ ಬಿಕಿನಿ ಫೋಟೊಗಳನ್ನು ಸಾಕಷ್ಟು ಜನರು ನೋಡಿ ಲೈಕ್‌ (ಇನ್‌ಸ್ಟಾಗ್ರಾಂನಲ್ಲಿ ಲೈಕ್‌ ಅಂದರೆ ಲವ್‌ ಸಿಂಬಲ್‌) ಒತ್ತಿದ್ದಾರೆ. ಇದೇ ಸಮಯದಲ್ಲಿ ಸಾಕಷ್ಟು ಜನರು ಅನನ್ಯ ಪಾಂಡೆಯನ್ನು ಕಿಚಾಯಿಸಿದ್ದಾರೆ. "Where is Night Manager?" ಎಂದು ಸಾಕಷ್ಟು ಜನರು ಪ್ರಶ್ನಿಸಿದ್ದಾರೆ. ನಿಮ್ಮ ನೈಟ್‌ ಮ್ಯಾನೇಜರ್‌ ಫೋಟೊಗಳನ್ನು ತೆಗೆಯುತ್ತಿದ್ದಾರೆಯೇ? ಎಂದು ಹಲವು ಜನರು ಪ್ರಶ್ನಿಸಿದ್ದಾರೆ. ಈಗಾಗಲೇ ಹೇಳಿದಂತೆ ನೈಟ್‌ ಮ್ಯಾನೇಜರ್‌ ಚಿತ್ರದ ನಟ ಆದಿತ್ಯ ರಾಯ್‌ ಕಪೂರ್‌. ಇನ್ನು ಕೆಲವರು ಗಾಜಿನ ಪ್ರತಿಬಿಂಬದ ಫೋಟೊದಲ್ಲಿ ಕಾಣಿಸುತ್ತಿರುವ ವ್ಯಕ್ತಿ ಆದಿತ್ಯ ರಾಯ್‌ ಕಪೂರ್‌ ಎಂದಿದ್ದಾರೆ.

ಅನನ್ಯ ಪಾಂಡೆಗೂ ಆದಿತ್ಯ ರಾಯ್‌ ಕಪೂರ್‌ಗೂ ಕುಚ್‌ಕುಚ್‌

ಅನನ್ಯ ಪಾಂಡೆ ಮತ್ತು ಆದಿತ್ಯ ರಾಯ್‌ ಕಪೂರ್‌ ಹಲವು ದಿನಗಳಿಂದ ಡೇಟಿಂಗ್‌ನಲ್ಲಿದ್ದಾರೆ ಎಂಬ ಗುಸುಗುಸು ತುಂಬಾ ದಿನದಿಂದ ಕೇಳಿಬರುತ್ತಿದೆ. ಮುಂಬಯಿಗೆ ಹಿಂತುರುಗುವ ವೇಳೆ ಇಬ್ಬರಿಬ್ಬರೂ ಕಾಣಿಸಿಕೊಂಡಿದ್ದರು. ಆದರೆ, ಇವರಿಬ್ಬರೂ ವಿಮಾನದಿಂದ ಇಳಿದು ಬೇರೆ ಬೇರೆಯಾಗಿ ನಡೆದಾಡಿಕೊಂಡು ಹೋಗಿದ್ದಾರೆ.

ಸ್ಪೇನ್‌ ಮತ್ತು ಪೋರ್ಚುಗಲ್‌ ಪ್ರವಾಸದ ಹಲವು ಫೋಟೊಗಳನ್ನು ಹಂಚಿಕೊಂಡಿದ್ದರು. ಆ ಫೋಟೊಗಳಲ್ಲಿ ಅನನ್ಯ ಪಾಂಡೆ ಮತ್ತು ಆದಿತ್ಯ ರಾಯ್‌ ಕಪೂರ್‌ ಇಬ್ಬರೂ ಜತೆಯಾಗಿ ಇರುವುದನ್ನು ನೋಡಬಹುದು. ಒಂದು ವಿಡಿಯೋದಲ್ಲಿ ಇವರಿಬ್ಬರು ಸ್ಕೂಟರ್‌ನಲ್ಲಿ ಜತೆಯಾಗಿ ಸಂಚರಿಸುವ ದೃಶ್ಯವಿತ್ತು. ಆ ವಿಡಿಯೋಗಿಂತ ಮೊದಲು ಇವರಿಬ್ಬರು ರೆಸ್ಟೂರೆಂಟ್‌ನಲ್ಲಿ ಜತೆಯಾಗಿ ಕುಳಿತ ಫೋಟೊ ಕೂಡ ವೈರಲ್‌ ಆಗಿತ್ತು. ಇವರಿಬ್ಬರು ಹಗ್‌ ಮಾಡುವ ಫೋಟೊ ಕೂಡ ಸಾಕಷ್ಟು ವೈರಲ್‌ ಆಗಿತ್ತು. ಹೀಗಾಗಿ, ಇವರಿಬ್ಬರ ಪ್ರಣಯವೀಗ ಗುಟ್ಟಾಗಿ ಉಳಿದಿಲ್ಲ.