ಅನಿಮಲ್ ಪಾರ್ಕ್‌ ಸಿನಿಮಾ ಹೇಗಿರುತ್ತೆ; ಹಿಂಟ್ ಕೊಟ್ಟ ಬಾಲಿವುಡ್ ನಟ ರಣಬೀರ್ ಕಪೂರ್

ಬೆಂಗಳೂರು: ಬಾಲಿವುಡ್‌ನಲ್ಲಿ ವಿವಾದಗಳ ಜೊತೆ ಜೊತೆಗೆ ಬ್ಲಾಕ್ ಬಸ್ಟರ್ ಹಿಟ್ ಆದ ಸಿನಿಮಾ 'ಅನಿಮಲ್'(Animal). 2023ರ ಡಿಸೆಂಬರ್‌ನಲ್ಲಿ ಬಿಡುಗಡೆಯಾದ ಈ ಆಕ್ಷನ್ ಥ್ರಿಲ್ಲರ್ ಸಿನಿಮಾ ಗಲ್ಲಪಟ್ಟಿಯಲ್ಲಿ ಭಾರಿ ಸೌಂಡ್ ಮಾಡಿತ್ತು. ಚಿತ್ರದಲ್ಲಿ ಪ್ರಾಣಿಗಳನ್ನು ತೀವ್ರವಾಗಿ ಹಿಂಸೆ ಮಾಡಲಾಗಿದೆ. ಮಹಿಳೆಯರನ್ನು ಅವಮಾನಿಸಲಾಗಿದೆ ಎಂದು ಹಲವು ಟೀಕೆಗಳನ್ನು ಎದುರಿಸಿತ್ತು. ಆದರೆ ಭಾರಿ ಕಲೆಕ್ಷನ್ ಮಾಡಿತ್ತು.

ಸಂದೀಪ್ ರೆಡ್ಡಿ ವಂಗಾ ಅವರ ನಿರ್ದೇಶನ, ರಣಬೀರ್ ಕಪೂರ್ (Ranbir Kapoor) ಅಭಿನಯದ ಅನಿಮಲ್ ಚಿತ್ರಕ್ಕೆ ವಿಭಿನ್ನ ಪ್ರತಿಕ್ರಿಯೆಗಳು ವ್ಯಕ್ತಲಾಗಿದ್ದವು. ಆದರೂ ಈ ಸಿನಿಮಾದ ಟೀಂ ಇದರ ಮುಂದುವರಿದ ಭಾಗವನ್ನು ಮಾಡಲು ಮುಂದಾಗಿದೆ. ಆ ಸಿನಿಮಾಗೆ 'ಅನಿಮಲ್ ಪಾರ್ಕ್' (Animal Park) ಅಂತ ಹೆಸರನ್ನೂ ಘೋಷಣೆ ಮಾಡಿದ್ದಾರೆ.

ಅನಿಮಲ್ ಚಿತ್ರದ ಕೊನೆಯಲ್ಲಿ ಅನಿಮಲ್ ಪಾರ್ಕ್ ಹೆಚ್ಚು ಹಿಂಸಾತ್ಮಕವಾಗಿರುತ್ತದೆ ಎಂಬುದನ್ನು ನಿರ್ದೇಶಕ ಸಂದೀಪ್ ರೆಡ್ಡಿ ತೋರಿಸಿಕೊಂಡಿದ್ದಾರೆ. ಹೀಗಾಗಿ ಸಿನಿಮಾ ಮೇಲಿನ ಕುತೂಹಲವನ್ನು ಹೆಚ್ಚಿಸಿದೆ. ನಾಯಕ ರಣಬೀರ್ ಕಪೂರ್ ಇತ್ತೀಚೆಗೆ ನೆಟ್‌ಫ್ಲಿಕ್ಸ್ ಒಟಿಟಿಗಾಗಿ ಸ್ಟ್ಯಾಂಡ್‌ಅಫ್ ಕಾಮಿಡಿಯನ್ ಅನುಭವ್ ಸಿಂಗ್ ಬಸಿ ಅವರಿಗೆ ನೀಡಿರುವ ಸಂದರ್ಶನವೊಂದರಲ್ಲಿ ಮಾತನಾಡಿ, ಅನಿಮಲ್ ಪಾರ್ಕ್ ಸಿನಿಮಾ ಕುರಿತು ಒಂದಷ್ಟು ಆಸಕ್ತಿಕರ ವಿಷಯಗಳನ್ನು ಹಂಚಿಕೊಂಡಿದ್ದಾರೆ.

ಅನಿಮಲ್ ಪಾರ್ಕ್ ಮತ್ತಷ್ಟು ಬೋಲ್ಡ್ ಆಗಿರಲಿದೆ - ರಣಬೀರ್

ಅನಿಮಲ್ ಸಿನಿಮಾ ಯಶಸ್ವಿಯಾದ ನಂತರ ನಿರ್ದೇಶಕ ಸಂದೀಪ್ ರೆಡ್ಡಿ ಅವರು ಅನಿಮಲ್ ಪಾರ್ಕ್ ಚಿತ್ರವನ್ನು ಮತ್ತಷ್ಟು ಡಾರ್ಕ್ ಹಾಗೂ ಡೀಪ್‌ ಆಗಿ ತೆರೆಯ ಮೇಲೆ ತರಲು ಧೈರ್ಯ ಮಾಡಿದ್ದಾರೆ ಎಂದು ಹೇಳಿದ್ದಾರೆ. ಸಿನಿಮಾ ಹೆಚ್ಚು ಹಿಂಸಾತ್ಮಕ ಮತ್ತು ಬೋಲ್ಡ್ ಆಗಿ ಇರಲಿದೆ ಎಂದು ಹಿಂಟ್ ಕೊಟ್ಟಿದ್ದಾರೆ. ಅವರು (ನಿರ್ದೇಶಕ ಸಂದೀಪ್ ರೆಡ್ಡಿ ವಂಗಾ) ಅವರು ನನಗೆ ಒಂದೆರಡು ಸೀನ್‌ಗಳನ್ನು ಹೇಳಿದ್ದಾರೆ. ಅವು ತುಂಬಾ ರೋಮಾಂಚನಕಾರಿಯಾಗಿವೆ. ಪಾರ್ಟ್ 1ರ ಯಶಸ್ಸಿನ ಬಳಿಕ ನಿರ್ದೇಶಕರು ಇದನ್ನು ಹೆಚ್ಚು ಗಾಢವಾಗಿ, ಆಳವಾಗಾಗಿ ಹಾಗೂ ಸಂಕೀರ್ಣವಾಗಿಸುವ ಆತ್ಮವಿಶ್ವಾಸ ಮತ್ತು ಧೈರ್ಯವನ್ನು ಪಡೆದಿದ್ದಾರೆ. ಆತ ಏನು ಬೇಕಾದರೆ ಮಾಡಬಲ್ಲ ಎಂದು ರಣಬೀರ್ ಕಪೂರ್ ನಿರ್ದೇಶ ಸಂದೀಪ್ ರೆಡ್ಡಿ ಅವರ ಬಗ್ಗೆ ಹೇಳಿದ್ದಾರೆ.

ಅನಿಮಲ್ ಚಿತ್ರಕ್ಕೆಂ ಬಂದ ನಕಾರಾತ್ಮಾಕ ಅಭಿಪ್ರಾಯಗಳಿಗೆ ಪ್ರತಿಕ್ರಿಯಿಸಿರುವ ರಣಬೀರ್ ಕಪೂರ್, ಆ ಸಿನಿಮಾ ಸಮಾಜದಲ್ಲಿ ಆರೋಗ್ಯಕರ ಚರ್ಚೆಗೆ ನಾಂದಿ ಹಾಡಿದೆ ಎಂದು ಅಭಿಪ್ರಾಯಪಟ್ಟಿದ್ದಾರೆ. ಈ ಚಿತ್ರದಿಂದಾಗಿ ಸಮಾಜಕ್ಕೆ ಕೊಡುಗೆ ನೀಡುವ ವಿಷಯಗಳ ಬಗ್ಗೆ ಸಕಾರಾತ್ಮಕ ಚರ್ಚೆಗಳನ್ನು ಪ್ರಾರಂಭಿಸಲು ಅನುಕೂಲವಾಗಿದೆ ಎಂದಿದ್ದಾರೆ. ಚರ್ಚೆಗಳು ನಡೆದಾಗ ಮಾತ್ರ ಎಲ್ಲಿ ತಪ್ಪು ಆಗಿದೆ ಎಂಬುದು ಗೊತ್ತಾಗುತ್ತದೆ ಎಂದು ರಣಬೀರ್ ಹೇಳಿದ್ದಾರೆ.

ಸ್ಕ್ರಿಪ್ಟ್‌ನಲ್ಲಿರುವ ಹಲವು ವಿಷಯಗಳು ರಹಸ್ಯವಾಗಿರಲಿವೆ

ಈ ಸಿನಿಮಾ ಕಥೆಯ ಬಗ್ಗೆ ಬಾಡಿ ಡಿಯೋಲ್‌ಗೆ ಮೊದಲು ಗೊತ್ತಿರಲಿಲ್ಲ. ಅನಿಮಲ್ ಅಪ್ಪ-ಮಗನ ಸೆಂಟಿಮೆಂಟ್ ಚಿತ್ರ ಎಂಬುದು ಅನಿಲ್ ಕಪೂರ್‌ಗೆ ಮಾತ್ರ ಗೊತ್ತಿತ್ತು. ಸ್ಕ್ರಿಪ್ಟ್‌ನಲ್ಲಿರುವ ಹಲವು ವಿಷಯಗಳನ್ನು ನಿರ್ದೇಶಕರು ರಹಸ್ಯವಾಗಿ ಇಡುತ್ತಾರೆ. ಚಿತ್ರದ ಶೂಟಿಂಗ್‌ಗೂ ಮುನ್ನವೇ ಸಂದೀಪ್ ರೆಡ್ಡಿ ಅವರು ಹಾಡುಗಳು ಹಾಗೂ ಹಿನ್ನೆಲೆ ಸಂಗೀತವನ್ನು ಸಿದ್ಧಪಡಿಸಿದ್ದರು. ಶೂಟಿಂಗ್ ವೇಳೆ ಬಿಜಿಎಂ ಕೇಳಿದರೆ ಚಿತ್ರೀಕರಣದ ವೇಳೆ ಮತ್ತಷ್ಟು ಉತ್ಸಾಹ ಬರುತ್ತದೆ ಎಂದಿದ್ದಾರೆ.

ಅನಿಮಲ್ ಸಿನಿಮಾ ಇತ್ತೀಚೆಗಷ್ಟೇ ನೆಟ್‌ಫ್ಲಿಕ್ಸ್ ಒಟಿಟಿ ಪ್ಲಾಟ್‌ಫಾರ್ಮ್‌ನಲ್ಲಿ ಸ್ಟ್ರೀಮಿಂಗ್ ಆಗಿದೆ. ಹಿಂದಿ ಮಾತ್ರವಲ್ಲದೆ ಕನ್ನಡ, ತೆಲುಗು, ತಮಿಳು ಹಾಗೂ ಮಲಯಾಳಂ ಭಾಷೆಗಳಲ್ಲೂ ರಿಲೀಸ್ ಆಗಿದೆ. ಸದ್ಯ ನೆಟ್‌ಫ್ಲಿಕ್ಸ್ ಭಾರತದ ಒಟಿಟಿಯಲ್ಲಿ ನಂಬರ್ 1 ಸ್ಥಾನವನ್ನು ಕಾಯ್ದುಕೊಂಡಿದೆ. ಈ ಸಿನಿಮಾದಲ್ಲಿ ನ್ಯಾಷನಲ್ ಕ್ರಶ್ ರಶ್ಮಿಕಾ ಮಂದಣ್ಣ ನಾಯಕಿಯಾಗಿ ನಟಿಸಿದ್ದರು. ವಿಲನ್ ಪಾತ್ರಕ್ಕೆ ಬಾಬಿ ಡಿಯೋಲ್ ಬಣ್ಣ ಹಚ್ಚಿದ್ದರು. ಹಿರಿಯ ನಟ ಅನಿಲ್ ಕಪೂರ್ ಅವರು ಈ ಸಿನಿಮಾದಲ್ಲಿ ರಣಬೀರ್‌ಗೆ ತಂದೆಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ತ್ರಿಪ್ತಿ ದಿಮ್ರಿ, ಬಬ್ಲು ಪೃಥ್ವಿರಾಜ್, ಶಕ್ತಿ ಕಪೂರ್ ಚಾರು ಶಂಕರ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಬಾಲಿವುಡ್‌ನಲ್ಲಿ ಅನಿಲ್ ಪಾರ್ಕ್ ಸಿನಿ ಪ್ರೇಕ್ಷಕರ ನಿರೀಕ್ಷೆಗಳನ್ನು ಹೆಚ್ಚಿಸಿದೆ. (This copy first appeared in Hindustan Times Kannada website. To read more like this please logon to kannada.hindustantime.com ).