Singham Again: ಅಜಯ್ ದೇವಗನ್ ಸಿಂಗಂ ಅಗೇನ್ ಚಿತ್ರಕ್ಕೆ ಶಕ್ತಿ ತುಂಬಿದ ದೀಪಿಕಾ ಪಡುಕೋಣೆ; ಹೀಗಿದೆ ಶಕ್ತಿ ಶೆಟ್ಟಿ ಫಸ್ಟ್ ಲುಕ್
Oct 15, 2023 04:23 PM IST
Share
Singham Again: ಅಜಯ್ ದೇವಗನ್ ಸಿಂಗಂ ಅಗೇನ್ ಚಿತ್ರಕ್ಕೆ ಶಕ್ತಿ ತುಂಬಿದ ದೀಪಿಕಾ ಪಡುಕೋಣೆ; ಹೀಗಿದೆ ಶಕ್ತಿ ಶೆಟ್ಟಿ ಫಸ್ಟ್ ಲುಕ್
- Shakti Shetty First Look: ರೋಹಿತ್ ಶೆಟ್ಟಿ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ಸಿಂಗಂ ಅಗೇನ್ ಸಿನಿಮಾ ಬಳಗಕ್ಕೆ ದೀಪಿಕಾ ಪಡುಕೋಣೆ ಎಂಟ್ರಿಯಾಗಿದ್ದಾರೆ. ಶಕ್ತಿ ಶೆಟ್ಟಿ ಹೆಸರಿನ ಕಾಪ್ ಅವತಾರದಲ್ಲಿ ಅವರು ಎದುರಾಗಿದ್ದಾರೆ.
Singham Again: ಬಾಲಿವುಡ್‌ನ ಹಿಟ್‌ ನಿರ್ದೇಶಕ ರೋಹಿತ್ ಶೆಟ್ಟಿ ಸಿಂಗಂ ಅಗೈನ್‌ ಮೂಲಕ ಆಗಮಿಸುತ್ತಿದ್ದಾರೆ. ಈಗಾಗಲೇ ಈ ಸಿನಿಮಾದಲ್ಲಿ ಬಾಲಿವುಡ್‌ನ ಹಲವು ಸ್ಟಾರ್‌ ಕಲಾವಿದರು ಕಾಣಿಸಿಕೊಳ್ಳಲಿದ್ದಾರೆ. ಇದೀಗ ಇದೇ ಬಳಗಕ್ಕೆ ಹೊಸ ಎಂಟ್ರಿಯಾಗಿದೆ. ದೀಪಿಕಾ ಪಡುಕೋಣೆ ಕಾಪ್ ಯೂನಿವರ್ಸ್‌ನಲ್ಲಿ ಪೊಲೀಸ್‌ ಅಧಿಕಾರಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ. 'ಸಿಂಗಮ್' ಫ್ರಾಂಚೈಸಿಯ ಮೂರನೇ ಕಂತು ಸಿಂಗಮ್ ಅಗೇನ್‌ನ ಭಾಗವಾಗಿದ್ದಾರೆ. ಸ್ವತಃ ರೋಹಿತ್ ಶೆಟ್ಟಿ ದೀಪಿಕಾ ಅವರ ಫಸ್ಟ್ ಲುಕ್ ಶೇರ್‌ ಮಾಡಿ, ತಂಡಕ್ಕೆ ಸ್ವಾಗತಿಸಿದ್ದಾರೆ.
ನವರಾತ್ರಿಯ ಶುಭ ಸಂದರ್ಭದಲ್ಲಿ, ರೋಹಿತ್ ಶೆಟ್ಟಿ ಅವರು ತಮ್ಮ ಕಾಪ್ ಯೂನಿವರ್ಸ್‌ಗೆ ಮೊದಲ ಮಹಿಳಾ ಪೊಲೀಸ್‌ ಅಧಿಕಾರಿಯನ್ನು ಅಭಿಮಾನಿಗಳಿಗೆ ಪರಿಚಯಿಸಿದ್ದಾರೆ. ಮಾಸ್‌ ಅವತಾರದಲ್ಲಿ ದುಷ್ಟನ ಬಾಯಿಗೆ ಗನ್‌ ಇಟ್ಟು ಸಂಹರಿಸುವ ಲುಕ್‌ನಲ್ಲಿ ದೀಪಿಕಾ ಎದುರಾಗಿದ್ದಾರೆ. ಜತೆಗೆ ಅವರ ಮೊಗದಲ್ಲಿ ಡೇಂಜರಸ್‌ ನಗುವೂ ಕೊಂಚ ಕುತೂಹಲ ಮೂಡಿಸಿದೆ.
ನಿರ್ದೇಶಕ ರೋಹಿತ್ ಶೆಟ್ಟಿ ದೀಪಿಕಾ ಅವರ ಫೋಟೋ ಶೇರ್‌ ಮಾಡಿಕೊಂಡು, 'ಮಹಿಳೆ ಸೀತೆಯ ರೂಪ ಮತ್ತು ದುರ್ಗೆಯ ರೂಪ. ನಮ್ಮ ಕಾಪ್ ಯೂನಿವರ್ಸ್‌ನಲ್ಲಿ ಅತ್ಯಂತ ಕ್ರೂರ ಅಧಿಕಾರಿಯನ್ನು ನೀವೀಗ ಭೇಟಿ ಮಾಡಬಹುದು. ಹೆಸರು ಶಕ್ತಿ ಶೆಟ್ಟಿ. ನನ್ನ ಲೇಡಿ ಸಿಂಗಂ, ದೀಪಿಕಾ ಪಡುಕೋಣೆ" ಎಂದಿದ್ದಾರೆ. ದೀಪಿಕಾ ಪಡುಕೋಣೆ ಅವರ ಫಸ್ಟ್ ಲುಕ್ ಪೋಸ್ಟರ್ ಬಿಡುಗಡೆಯಾದ ತಕ್ಷಣ ಸೋಷಿಯಲ್‌ ಮೀಡಿಯಾದಲ್ಲಿ ಫೋಟೋಗಳು ವೈರಲ್‌ ಆಗಿವೆ.
ರೋಹಿತ್ ಶೆಟ್ಟಿಯ 'ಸಿಂಗಮ್ ಅಗೇನ್' ಚಿತ್ರದಲ್ಲಿ ಎಂದಿನಂತೆ ಅಜಯ್ ದೇವಗನ್ ಮುಖ್ಯಭೂಮಿಕೆಯಲ್ಲಿರಲಿದ್ದಾರೆ. ಪ್ರಾಮಾಣಿಕ ಪೋಲೀಸ್ ಅಧಿಕಾರಿ ಬಾಜಿರಾವ್ ಸಿಂಗಂ ಪಾತ್ರದಲ್ಲಿಯೇ ಕಾಣಿಸಿಕೊಳ್ಳಲಿದ್ದಾರೆ. ಕರೀನಾ ಸಿಂಗಮ್ ಸಿಂಗಂ ಹೆಂಡತಿಯಾದರೆ, ರಣವೀರ್ ಸಿಂಗ್ ಮತ್ತು ಅಕ್ಷಯ್ ಕುಮಾರ್ ಸಹ ಈ ಚಿತ್ರದಲ್ಲಿ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಸದ್ಯ ಶೂಟಿಂಗ್‌ ಹಂತದಲ್ಲಿರುವ ಈ ಬಳಗಕ್ಕೆ ದೀಪಿಕಾ ಪಡುಕೋಣೆಯೂ ಎಂಟ್ರಿಯಾಗಿದ್ದಾರೆ. ಈ ಸಿನಿಮಾ 2024ರ ಆಗಸ್ಟ್‌ 15ರಂದು ಚಿತ್ರಮಂದಿರದಲ್ಲಿ ಬಿಡುಗಡೆ ಆಗಲಿದೆ ಎಂದು ಹೇಳಲಾಗುತ್ತಿದೆ.