R Madhavan: 17.5 ಕೋಟಿ ರೂನ ಅಪಾರ್ಟ್ಮೆಂಟ್ ಖರೀದಿಸಿದ ನಟ ಆರ್‌ ಮಾಧವನ್; ಬಾಂದ್ರಾ ಕುರ್ಲಾ ಸಂಕೀರ್ಣದ ಈ ಮನೆ ನೋಡಿ
Jul 25, 2024 10:06 PM IST
Share
R Madhavan: 17.5 ಕೋಟಿ ರೂನ ಅಪಾರ್ಟ್ಮೆಂಟ್ ಖರೀದಿಸಿದ ನಟ ಆರ್‌ ಮಾಧವನ್
- R Madhavan New Apartment: ತಮಿಳು ಮತ್ತು ಹಿಂದಿ ಚಲನಚಿತ್ರಗಳಲ್ಲಿ ಜನಪ್ರಿಯತೆ ಪಡೆದಿರುವ ನಟ ಆರ್‌. ಮಾಧವನ್ ಅವರು ಮುಂಬೈನ ಬಾಂದ್ರಾ ಕುರ್ಲಾ ಸಂಕೀರ್ಣದಲ್ಲಿ 17.5 ಕೋಟಿ ರೂಪಾಯಿಯ ಮನೆ ಖರೀದಿಸಿದ್ದಾರೆ.
ಬೆಂಗಳೂರು: ಜನಪ್ರಿಯ ನಟ ಆರ್‌ ಮಾಧವನ್ ಇದೀಗ ತಮ್ಮ ರಿಯಲ್‌ ಎಸ್ಟೆಟ್‌ ಪೋರ್ಟ್‌ಪೋಲಿಯೋಗೆ ಹೊಸ ನಿವಾಸವೊಂದನ್ನು ಸೇರ್ಪಡೆ ಮಾಡಿದ್ದಾರೆ. ಮುಂಬೈನ ದುಬಾರಿ ಬಾಂದ್ರಾ ಕುರ್ಲಾ ಸಂಕೀರ್ಣದಲ್ಲಿ ಮನೆಯೊಂದನ್ನು ಖರೀದಿಸಿದ್ದಾರೆ. ಸ್ಕ್ವಾರ್‌ಯಾರ್ಡ್ಸ್‌.ಕಾಂ ಈ ಅಪಾರ್ಟ್‌ಮೆಂಟ್‌ನ ನೋಂದಣಿ ದಾಖಲೆಗಳನ್ನು ಅವಲೋಕಿಸಿ ವಿಶ್ಲೇಷಿಸಿದ್ದು, ಆ ಮನೆಯ ಮೌಲ್ಯ 17.5 ಕೋಟಿ ರೂಪಾಯಿ ಎಂಬ ಮಾಹಿತಿಯನ್ನು ನೀಡಿದೆ. ಈ ಮನೆಯು ತಕ್ಷಣ ವಾಸಕ್ಕೆ ಯೋಗ್ಯವಾದ ಮನೆಯಾಗಿದೆ. ಸುಮಾರು 389 ಚದರ ಮೀಟರ್‌ ಅಂದ್ರೆ 4,182 ಚದರಡಿ ಸ್ಥಳಾವಕಾಶ ಹೊಂದಿದೆ. ಇದರೊಂದಿಗೆ ಎರಡು ಪಾರ್ಕಿಂಗ್‌ ಸ್ಥಳಾವಕಾಶವೂ ಇವರಿಗೆ ಲಭಿಸಿದೆ.
ಈ ಮನೆಯ ಕುರಿತು ಹೆಚ್ಚಿನ ವಿವರ
ಈ ಮನೆಯು ಮುಂಬೈನ ಬಾಂದ್ರಾ ಕುರ್ಲಾ ಕಾಂಪ್ಲೆಕ್ಸ್‌ನ ಸಿಗ್ನಿಯಾ ಪರ್ಲ್‌ನಲ್ಲಿದೆ. ಇದಲ್ಲಿ ಸಾಮಾನ್ಯವಾಗಿ 4 ಮತ್ತು 5 ಬಿಎಚ್‌ಕೆ ಅಪಾರ್ಟ್‌ಮೆಂಟ್‌ಗಳು ದೊರಕುತ್ತವೆ. ಅಂದ್ರೆ, 2-3 ಬಿಎಚ್‌ಕೆ ಮನೆಗಳು ಇಲ್ಲಿ ದೊರಕುವುದು ಕಡಿಮೆ. ಇಲ್ಲಿನ ಮನೆಗಳು ವೆನೆಟಿಯನ್‌ ಸೂಟ್ಸ್‌ ಎಂದು ಹೆಸರು ಪಡಿಸಿವೆ. ಅಂದರೆ, ಮನೆಯೊಳಗೆ ಗೋಡೆ ಕಡಿಮೆ ಇರುತ್ತವೆ. ಲವಿಂಗ್‌ ಏರಿಯಾಗಳು ಇಂಟರ್‌ಕನೆಕ್ಟಿಂಗ್‌ ಆಗಿರುತ್ತವೆ. ಲಿವಿಂಗ್‌ ಸ್ಥಳಾವಕಾಶ ಹೆಚ್ಚು ಇರುತ್ತದೆ. ಈ ಪ್ರಾಜೆಕ್ಟ್‌ನಲ್ಲಿ ಉತ್ತಮ ಜೀವನಶೈಲಿಗೆ ಪೂರಕವಾದ ಪ್ರೀಮಿಯಂ ಸೌಕರ್ಯಗಳು ಮತ್ತು ಫೀಚರ್‌ಗಳು ದೊರಕುತ್ತವೆ. ಸ್ಕ್ವಾರ್‌ಯಾರ್ಡ್ಸ್‌ ಪ್ರಕಾರ ಈ ಮನೆಯ ಸೇಲ್‌ ಡೀಡ್‌ ಅನ್ನು ಜುಲೈ 22ರಂದು ಅಂತಿಮಗೊಳಿಸಲಾಗಿದೆ. ಈ ಮನೆಗೆ 1.05 ಕೋಟಿ ರೂಪಾಯಿಯ ಮುದ್ರಾಂಕ ಶುಲ್ಕ ಪಾವತಿಸಲಾಗಿದೆ. ನೋಂದಣಿ ಶುಲ್ಕ 30 ಸಾವಿರ ರೂಪಾಯ ಪಾವತಿಸಲಾಗಿದೆ.
ಮಾಧವನ್ ಖರೀದಿಸಿರುವ ಈ ಹೊಸ ಅಪಾರ್ಟ್ಮೆಂಟ್ ಶ್ರೀಮಂತ ಬಾಂದ್ರಾ ಕುರ್ಲಾ ಕಾಂಪ್ಲೆಕ್ಸ್ ಪ್ರದೇಶದಲ್ಲಿದೆ. ಬಾಂದ್ರಾ ಕುರ್ಲಾ ಕಾಂಪ್ಲೆಕ್ಸ್ (ಬಿಕೆಸಿ) ಮುಂಬೈನ ಅತ್ಯಂತ ರೋಮಾಂಚಕ ಮತ್ತು ಪ್ರತಿಷ್ಠಿತ ಸ್ಥಳಗಳಲ್ಲಿ ಒಂದಾಗಿದೆ. ಉನ್ನತ ಮಟ್ಟದ ವಸತಿ ಜೀವನದೊಂದಿಗೆ ವಾಣಿಜ್ಯ ದೃಷ್ಟಿಯಿಂದಲೂ ಉತ್ತಮ ಪ್ರದೇಶವೆಂದು ಹೆಸರು ಪಡೆದಿದೆ. ಐಷಾರಾಮಿ ಜೀವನ ಆಯ್ಕೆಗೆ ಸೂಕ್ತವಾಗಿದೆ. ಸಿನಿಮಾ ನಟಿಯರು, ನಟರು ಈ ಪ್ರದೇಶದಲ್ಲಿ ವಸತಿ ಹೊಂದಲು ಬಯಸುತ್ತಾರೆ.
ಆರ್‌ ಮಾಧವನ್ ಮುಂಬರುವ ಪ್ರಾಜೆಕ್ಟ್‌ಗಳು
ರಾಕೆಟ್ರಿ: ದಿ ನಂಬಿ ಎಫೆಕ್ಟ್‌ ಎಂಬ ಸಿನಿಮಾದ ಮೂಲಕ ನಿರ್ದೇಶನಕ್ಕೂ ಆರ್‌ ಮಾಧವನ್ ಕಾಲಿಟ್ಟಿದ್ದರು. ಇವರು ಇನ್ನೂ ಹಲವು ಪ್ರಾಜೆಕ್ಟ್‌ಗಳನ್ನು ಹೊಂದಿದ್ದಾರೆ. ಎಸ್‌. ಶಶಿಕಾಂತ್‌ ನಟನೆಯ ಸಿನಿಮಾ "ಟೆಸ್ಟ್‌"ನಲ್ಲಿ ಮುಖ್ಯ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಈ ಸ್ಪೋರ್ಟ್ಸ್‌ ಡ್ರಾಮಾದಲ್ಲಿ ನಯನತಾರಾ ಮತ್ತು ಸಿದ್ಧಾರ್ಥ್‌ ಕೂಡ ನಟಿಸುತ್ತಿದ್ದಾರೆ.
ಇಷ್ಟು ಮಾತ್ರವಲ್ಲದೆ ಮೀಡಿಯಾಒನ್‌ ಗ್ಲೋಬಲ್‌ ಎಂಟರ್‌ಟೇನ್‌ಮೆಂಟ್‌ನ ಎರಡು ಸಿನಿಮಾ ಪ್ರಾಜೆಕ್ಟ್‌ಗಳಿಗೂ ಇವರು ಸಹಿ ಹಾಕಿದ್ದಾರೆ. ಭಾರತೀಯ ಎಂಜಿನಿಯರ್‌ ಗೋಪಾಲಸ್ವಾಮಿ ದೊರೈಸ್ವಾಮಿ ನಾಯ್ಡು ಅವರ ಜೀವನಚರಿತ್ರೆಗೆ ಕೃಷ್ಣಕುಮಾರ್‌ ರಾಮ್‌ಕುಮಾರ್‌ ಆಕ್ಷನ್‌ ಕಟ್‌ ಹೇಳಲಿದ್ದಾರೆ. ಮಿತ್ರನ್‌ ಆರ್‌ ಜವಾಹಾರ್‌ ನಿರ್ದೇಶನದ ಫ್ಯಾಮಿಲಿ ಡ್ರಾಮಾವೊಂದರಲ್ಲೂ ನಟಿಸುತ್ತಿದ್ದಾರೆ.