Animal Twitter Review: ದುರ್ಬಲ ಹೃದಯದವರಿಗೆ ‘ಅನಿಮಲ್‌​’ ಡೇಂಜರ್!‌ ಭಯಾನಕ ಚಿತ್ರದಲ್ಲಿ ರಣಬೀರ್‌ ವಿಶ್ವರೂಪ

Animal Twitter Review: ಅರ್ಜುನ್ ರೆಡ್ಡಿ ಮತ್ತು ಕಬೀರ್ ಸಿಂಗ್ ಚಿತ್ರಗಳ ಮೂಲಕ ದೇಶಾದ್ಯಂತ ತಮ್ಮದೇ ಆದ ಟ್ರೆಂಡ್‌ ಸೆಟ್‌ ಮಾಡಿರುವ ನಿರ್ದೇಶಕ ಸಂದೀಪ್‌ ರೆಡ್ಡಿ ವಂಗಾ, ಆನಿಮಲ್‌ ಮೂಲಕ ಆಗಮಿಸಿದ್ದಾರೆ. ಸ್ಟಾರ್‌ ತಾರಾಗಣದ ಈ ಸಿನಿಮಾದಲ್ಲಿ ರಣಬೀರ್‌ ಕಪೂರ್, ರಶ್ಮಿಕಾ ಮಂದಣ್ಣ, ಅನಿಲ್‌ ಕಪೂರ್‌, ಬಾಬಿ ಡಿಯೋಲ್‌ ಸೇರಿ ಅನಿಮಲ್‌ ಸಿನಿಮಾದಲ್ಲಿ ಅಬ್ಬರಿಸಿದ್ದಾರೆ.

ಟ್ರೇಲರ್‌ ಮೂಲಕವೇ ಹೈಪ್‌ ಸೃಷ್ಟಿಸಿದ್ದ ಅನಿಮಲ್‌ ಸಿನಿಮಾ, ಅದೇ ನಿರೀಕ್ಷೆಯೊಂದಿಗೆ ಇಂದು (ಡಿ. 1) ವಿಶ್ವದಾದ್ಯಂತ ಬಿಡುಗಡೆ ಆಗಿದೆ. ಹಿಂದಿಯ ಜತೆಗೆ ತೆಲುಗು, ತಮಿಳು, ತೆಲುಗು ಮತ್ತು ಮಲಯಾಳಂನಲ್ಲಿ ಅನಿಮಲ್‌ ಸಿನಿಮಾ ರಿಲೀಸ್‌ ಆಗಿದ್ದು, ದೊಡ್ಡ ಮಟ್ಟದ ಓಪನಿಂಗ್‌ ಸಹ ಸಿಕ್ಕಿದೆ. ರಣಬೀರ್‌ ಅಬ್ಬರದ ನಟನೆಗೆ ಪೂರ್ಣಾಂಕವನ್ನೇ ನೀಡಿದ್ದಾರೆ ಸಿನಿಮಾ ವೀಕ್ಷಿಸಿದ ಪ್ರೇಕ್ಷಕ. ಹೀಗಿದೆ ಸಿನಿಮಾ ನೋಡಿದ ಪ್ರೇಕ್ಷಕನ ಟ್ವಿಟ್ಟರ್‌ ರಿವ್ಯೂ ಇಲ್ಲಿದೆ.

ನೆಟ್ಟಿಗರು ಸಿನಿಮಾ ಬಗ್ಗೆ ಮಾಡಿದ ಪೋಸ್ಟ್‌ಗಳು

- ಅನಿಮಲ್ ಸಿನಿಮಾ ಪಕ್ಕಾ ಆಕ್ಷನ್ ಸಿನಿಮಾ. ಈ ಚಿತ್ರಕ್ಕೆ ರಣಬೀರ್ ಕಪೂರ್ ಸಖತ್‌ ಸೂಟ್‌ ಆಗಿದ್ದಾರೆ. ನಿರ್ದೇಶನ ಅದ್ಭುತವಾಗಿದೆ. ಬಿಜಿಎಂ ಮನಸ್ಸಿಗೆ ಮುದ ನೀಡುತ್ತದೆ. 1000 ಕೋಟಿ ಕಲೆಕ್ಷನ್ ಗ್ಯಾರಂಟಿ ಎಂದು ನೆಟ್ಟಿಗರೊಬ್ಬರು ಕಾಮೆಂಟ್ ಮಾಡಿದ್ದಾರೆ.

- ಅನಿಮಲ್ ಚಿತ್ರವು ಬಾಕ್ಸ್ ಆಫೀಸ್‌ನಲ್ಲಿ ದೊಡ್ಡ ಮಟ್ಟದ ಹಿಟ್ ಆಗಲಿದೆ. ಈ ಸಿನಿಮಾ ಕೇವಲ ಮನರಂಜನೆ ಮಾತ್ರವಲ್ಲದೆ ಎಲ್ಲರನ್ನೂ ಮೆಚ್ಚಿಸುವ ಹಲವು ಗ್ರಿಪ್ಪಿಂಗ್ ಅಂಶಗಳೂ ಈ ಸಿನಿಮಾದಲ್ಲಿವೆ ಎಂದು ತಮ್ಮ ಅಭಿಪ್ರಾಯ ಹಂಚಿಕೊಂಡಿದ್ದಾರೆ.

- ಅನಿಮಲ್‌ ಒಂದು ಬಿಗ್ ಸಿನಿಮಾ. ನೀವು ಅದನ್ನು ಮಿಸ್‌ ಮಾಡಿಕೊಳ್ಳಬೇಡಿ. ಈ ಸಿನಿಮಾವನ್ನು ಮತ್ತೊಮ್ಮೆ ನೋಡಲು ನಾಳೆ ಬರುತ್ತಿದ್ದೇನೆ ಎಂದು ಪ್ರೇಕ್ಷಕರೊಬ್ಬರು ಟ್ವಿಟರ್‌ನಲ್ಲಿ ಕಾಮೆಂಟ್ ಮಾಡಿದ್ದಾರೆ.

- ಸಂದೀಪ್ ರೆಡ್ಡಿ ವಂಗಾ ನಿರ್ದೇಶನದ ಅನಿಮಲ್ ಸಿನಿಮಾವನ್ನು ಈಗಷ್ಟೇ ನೋಡಿದೆ. ಈ ಸಿನಿಮಾ ನನಗೆ ಇಂದಿನ ಇಡೀ ದಿನ ಕಾಡಲಿದೆ. ನಟನೆಯ ವಿಷಯದಲ್ಲಿ ರಣಬೀರ್ ಕಪೂರ್‌ ತಮ್ಮ ಸಾರ್ವತ್ರಿಕ ರೂಪ ತೋರಿಸಿದ್ದಾರೆ ಎಂದು ನೆಟ್ಟಿಗರು ಕಾಮೆಂಟ್ ಮಾಡಿದ್ದಾರೆ.

- ಈಗಷ್ಟೇ ಅನಿಮಲ್ ಸಿನಿಮಾ ನೋಡಿದೆ. ಅಮೀರ್ ಖಾನ್ ಅಭಿನಯದ ದಂಗಲ್ ಚಿತ್ರದ ದಾಖಲೆಯನ್ನು ಈ ಚಿತ್ರ ಮುರಿಯಲಿದೆ. ಈ ವರೆಗೂ ಯಾರೂ ತಲುಪದ ದಾಖಲೆಗಳನ್ನು ಈ ಸಿನಿಮಾ ಸೃಷ್ಟಿಸಲಿದೆ ಎಂದೂ ಹೇಳುತ್ತಿದ್ದಾರೆ.

- ನಾನು ಅನಿಮಲ್ ಸಿನಿಮಾ ನೋಡಿದೆ. ಈ ಸಿನಿಮಾಗೆ ಯಾಕೆ ಎ ಸರ್ಟಿಫಿಕೇಟ್ ಕೊಟ್ಟಿದ್ದಾರೋ ಗೊತ್ತಿಲ್ಲ. ಅಡಲ್ಟ್ ಸಿನಿಮಾ ಅಲ್ಲ. ವಯಸ್ಕರ ಸಿನಿಮಾ+ ಒಂದು ಭಯಾನಕ ಸಿನಿಮಾಕ್ಕೆ ಈ ಚಿತ್ರ ಸಮ. ದುರ್ಬಲ ಹೃದಯ ಹೊಂದಿರುವ ಜನರು ಬಹಳ ಜಾಗರೂಕರಾಗಿರಬೇಕು. ರಣಬೀರ್ ಕಪೂರ್, ಬಾಬಿ ಡಿಯೋಲ್, ರಶ್ಮಿಕಾ ಮಂದಣ್ಣ ಮತ್ತು ಅನಿಲ್ ಕಪೂರ್ ನಟನೆ ಸೂಪರ್..