ಎಂಗೇಜ್‌ಮೆಂಟ್‌ ಮಾಡಿಕೊಂಡು ಹುಡುಗಿಯರ ಹಾರ್ಟ್‌ ಬ್ರೇಕ್ ಮಾಡಿದ ಗಾಯಕ ಅರ್ಮಾನ್‌ ಮಲಿಕ್
Aug 28, 2023 02:07 PM IST
Share
ಗೆಳತಿ ಆಶ್ನಾ ಶ್ರಾಫ್‌ ಜೊತೆ ಎಂಗೇಜ್‌ಮೆಂಟ್‌ ಮಾಡಿಕೊಂಡ ಗಾಯಕ ಅರ್ಮಾನ್‌ ಮಲಿಕ್
ಎಷ್ಟೋ ಹುಡುಗಿಯರು ಸಾರ್ವಜನಿಕವಾಗಿ ಅರ್ಮಾನ್‌ ಮಲಿಕ್‌ಗೆ ಪ್ರಪೋಸ್‌ ಮಾಡಿದ್ದಾರೆ. ಆದರೆ ಇದೀಗ ಅರ್ಮಾನ್‌ ಮಲಿಕ್ ಬೇರೊಬ್ಬ ಹುಡುಗಿಗೆ ಪ್ರಪೋಸ್‌ ಮಾಡಿ ತಮ್ಮನ್ನು ಆರಾಧಿಸುತ್ತಿದ್ದ ಹುಡುಗಿಯರಿಗೆ ಹಾರ್ಟ್‌ ಬ್ರೇಕ್ ಮಾಡಿದ್ದಾರೆ.
ಒಂದು ಮಳೆ ಬಿಲ್ಲು ಒಂದು ಮಳೆ ಮೋಡ, ಸರಿಯಾಗಿ ನೆನಪಿದೆ ನನಗೆ, ನಿನ್ನ ರಾಜ ನಾನು ನನ್ನ ರಾಣಿ ನೀನು, ಪ್ರೇಮ ಬರಹ, ತೆಲುಗಿನ ಬುಟ್ಟ ಬೊಮ್ಮಾ ಹಾಡುಗಳನ್ನು ಸಂಗೀತ ಪ್ರಿಯರು ಎಂದಿಗೂ ಮರೆಯಲು ಸಾಧ್ಯವಿಲ್ಲ. ಈ ಹಾಡುಗಳನ್ನು ಹಾಡಿರುವುದು ಬಾಲಿವುಡ್ ಗಾಯಕ ಅರ್ಮಾನ್‌ ಮಲಿಕ್. ಸುಮಧುರ ಕಂಠದಿಂದ ಕೇಳುಗರನ್ನು ಮೋಡಿ ಮಾಡಿದ್ದ ಈ ಗಾಯಕ ಈಗ ಹುಡುಗಿಯರಿಗೆ ಬೇಸರದ ಸುದ್ದಿ ಕೊಟ್ಟಿದ್ದಾರೆ.́
ಹುಡುಗಿಯರ ಹಾರ್ಟ್‌ ಬ್ರೇಕ್
ಹ್ಯಾಂಡ್‌ ಸಮ್‌ ಹುಡುಗ ಅರ್ಮಾನ್‌ ಮಲಿಕ್ ಹಾಡುಗಳಿಗೆ ಮಾತ್ರವಲ್ಲ, ಹುಡುಗಿಯರು ಆತನ ಚೆಲುವಿಗೆ ಕೂಡಾ ಫಿದಾ ಆಗಿದ್ದಾರೆ. ಆತನ ಹಾಡುಗಳನ್ನು ಒಂದಲ್ಲಾ ಎರಡಲ್ಲಾ ಸಮಧಾನ ಎನಿಸುವಷ್ಟು ಕೇಳುತ್ತಾರೆ. ಆತ ಯಾವುದಾದರೂ ಕಾರ್ಯಕ್ರಮಕ್ಕೆ ಬಂದರೆ ಸಾಕು ಆತನೊಂದಿಗೆ ಸೆಲ್ಫಿ ತೆಗೆಸಿಕೊಂಡರೆ ನಾವೇ ಲಕ್ಕಿ ಎಂದುಕೊಳ್ಳುವಷ್ಟು ಹುಡುಗಿಯರಿಗೆ ಆತನೆಂದರೆ ಇಷ್ಟ. ಎಷ್ಟೋ ಹುಡುಗಿಯರು ಸಾರ್ವಜನಿಕವಾಗಿ ಅರ್ಮಾನ್‌ ಮಲಿಕ್‌ಗೆ ಪ್ರಪೋಸ್‌ ಮಾಡಿದ್ದಾರೆ. ಆದರೆ ಇದೀಗ ಅರ್ಮಾನ್‌ ಮಲಿಕ್ ಬೇರೊಬ್ಬ ಹುಡುಗಿಗೆ ಪ್ರಪೋಸ್‌ ಮಾಡಿ ತಮ್ಮನ್ನು ಆರಾಧಿಸುತ್ತಿದ್ದ ಹುಡುಗಿಯರಿಗೆ ಹಾರ್ಟ್‌ ಬ್ರೇಕ್ ಮಾಡಿದ್ದಾರೆ.
ಅರ್ಮಾನ್‌ ಮಲಿಕ್ ತಮ್ಮ ದೀರ್ಘ ಕಾಲದ ಗೆಳತಿ ಆಶ್ನಾ ಶ್ರಾಫ್‌ಗೆ ಪ್ರಪೋಸ್‌ ಮಾಡಿದ್ದಾರೆ. ಅಷ್ಟೇ ಅಲ್ಲ ಭಾನುವಾರ ಪ್ರೀತಿಯ ಹುಡುಗಿಗೆ ರಿಂಗ್‌ ಕೂಡಾ ತೊಡಿಸಿ ಎಂಗೇಜ್‌ಮೆಂಟ್‌ ಮಾಡಿಕೊಂಡಿದ್ದಾರೆ. ಕುಟುಂಬದವರು, ಆತ್ಮೀಯರ ಸಮ್ಮುಖದಲ್ಲಿ ಸಿಂಪಲ್‌ ಆಗಿ ಎಂಗೇಜ್‌ಮೆಂಟ್‌ ಮಾಡಿಕೊಂಡ ಫೋಟೋಗಳನ್ನು ಹಂಚಿಕೊಂಡಿರುವ ಅರ್ಮಾನ್‌ ಮಲಿಕ್ 'ಹೊಸ ಜೀವನ ಆರಂಭ' ಎಂದು ಬರೆದುಕೊಂಡಿದ್ದಾರೆ. ಆಶ್ನಾ ಶ್ರಾಫ್‌ ಫ್ಯಾಷನ್‌ ಇನ್ಫ್ಲುಯೆನ್ಸರ್‌ ಆಗಿ ಗುರುತಿಸಿಕೊಂಡಿದ್ದಾರೆ.
ಗಣ್ಯರ ಶುಭ ಹಾರೈಕೆ
ಅರ್ಮಾನ್‌ ಮಲಿಕ್ ಹಾಗೂ ಆಶ್ನಾ ಶ್ರಾಫ್‌ಗೆ ಬಾಲಿವುಡ್ ಸೆಲೆಬ್ರಿಟಿಗಳು ಶುಭ ಕೋರಿದ್ದಾರೆ. ಟೈಗರ್‌ ಶ್ರಾಫ್‌, ತಾರಾ ಸುತಾರಿಯಾ, ಸಾರಾ ತೆಂಡುಲ್ಕರ್‌, ಆಥಿಯಾ ಶೆಟ್ಟಿ, ರೆಹಾ ಚಕ್ರವರ್ತಿ, ಝರೀನ್‌ ಖಾನ್‌, ನೀತಿ ಮೋಹನ್‌ ಹಾಗೂ ಇನ್ನಿತರರು ಕಾಮೆಂಟ್‌ ಮಾಡಿ ಕಂಗ್ರಾಜುಲೇಶನ್ಸ್‌ ಹೇಳಿದ್ದಾರೆ. ಇನ್ನೂ ಕೆಲವರು ಹಾರ್ಟ್‌ ಬ್ರೇಕ್ ಎಮೋಜಿ ಬಳಸಿ ಕಾಮೆಂಟ್‌ ಮಾಡಿದ್ದಾರೆ. ಶೀಘ್ರದಲ್ಲೇ ಈ ಜೋಡಿ ಮದುವೆ ದಿನಾಂಕ ಘೋಷಿಸಲಿದ್ದಾರೆ.
ಅರ್ಮಾನ್‌ ಮಲಿಕ್, ಬಾಲಿವುಡ್ ಖ್ಯಾತ ಮ್ಯೂಸಿಕ್‌ ಕಂಪೋಸರ್‌ ಅನು ಮಲಿಕ್ ಸೋದರಳಿಯ. ಅರ್ಮಾನ್‌ ಮಲಿಕ್, ಹಿಂದಿ, ತಮಿಳು, ತೆಲುಗು, ಕನ್ನಡ, ಬೆಂಗಾಳಿ, ಮಲಯಾಳಂ, ಮರಾಠಿ, ಗುಜರಾತಿ, ಪಾಕಿಸ್ತಾನಿ ಭಾಷೆಗಳ ಸಿನಿಮಾಗಳಲ್ಲಿ ಅನೇಕ ಹಾಡುಗಳನ್ನು ಹಾಡಿದ್ದಾರೆ. ಇವರ ಸಹೋದರ ಅಮಾಲ್‌ ಮಲಿಕ್ ಕೂಡಾ ಗಾಯಕರಾಗಿ ಗುರುತಿಸಿಕೊಂಡಿದ್ದಾರೆ.