Celebrity Car: ಹೊಸ ಮರ್ಸಿಡಿಸ್‌ ಮೆಬಾಕ್‌ ಕಾರು ಖರೀದಿಸಿದ ಶಾಹಿದ್‌ ಕಪೂರ್‌- ಮೀರಾ ರಜಪೂತ್‌; 3.5 ಕೋಟಿ ದರದ ಕಾರಲ್ಲೇನಿದೆ ವಿಶೇಷ
Dec 22, 2023 04:36 PM IST
Share
ಹೊಸ ಮರ್ಸಿಡಿಸ್‌ ಮೆಬಾಕ್‌ ಕಾರು ಖರೀದಿಸಿದ ಶಾಹಿದ್‌ ಕಪೂರ್‌
- Shahid Kapoor Car: ಬಾಲಿವುಡ್ ನಟ ಶಾಹಿದ್‌ ಕಪೂರ್‌ ಮರ್ಸಿಡಿಸ್‌ ಬೆಂಝ್‌ ಕಂಪನಿಯ ಮೆಬಾಕ್‌ ಜಿಎಲ್‌ಎಸ್‌ 600 ಎಂಬ ವಿಲಾಸಿ ಕಾರನ್ನು ಖರೀದಿಸಿದ್ದಾರೆ. ಈ ಕಾರಿನ ದರ 3.5 ಕೋಟಿ ರೂಪಾಯಿ. ಮರ್ಸಿಡಿಸ್‌ ಮೆಬಾಕ್‌ ಕಾರಿನ ಎಂಜಿನ್‌, ಫೀಚರ್ಸ್‌ ಕುರಿತು ಇಲ್ಲಿ ವಿವರ ನೀಡಲಾಗಿದೆ.
ಶಾಹಿದ್‌ ಕಪೂರ್‌ ಅವರು ಮರ್ಸಿಡಿಸ್‌ ಬೆಂಝ್‌ ಕಂಪನಿಯ ಮೆಬಾಕ್‌ ಜಿಎಲ್‌ಎಸ್‌ 600 ಎಂಬ ವಿಲಾಸಿ ಕಾರನ್ನು ಖರೀದಿಸಿದ್ದಾರೆ. ಮರ್ಸಿಡಿಸ್‌ ಮೆಬಾಕ್‌ ಇಂಡಿಯಾದ ಸೋಷಿಯಲ್‌ ಮೀಡಿಯಾ ಪೇಜ್‌ನಲ್ಲಿ ಈ ಕುರಿತು ಅಪ್‌ಡೇಟ್‌ ನೀಡಲಾಗಿದೆ. ಇನ್‌ಸ್ಟಾಗ್ರಾಂನಲ್ಲಿ ಶಾಹಿದ್‌ ಕಪೂರ್‌ ಅವರು ತನ್ನ ಪತ್ನಿ ಮೀರಾ ರಜಪೂತ್‌ ಜತೆ ಕಾರಿನ ಮುಂದೆ ನಿಂತು ಕೀಲಿಕೈ ಹಸ್ತಾಂತರಿಸುವ ಫೋಟೋವನ್ನು ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಳ್ಳಲಾಗಿದೆ.
ಹೊಸ ಕಾರು ಖರೀದಿಸಿದ ಶಾಹಿದ್‌ ಕಪೂರ್‌
ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿರುವ ಫೋಟೋದಲ್ಲಿ ಶಾಹಿದ್‌ ಕಪೂರ್‌ ಅವರು ತನ್ನ ಪತ್ನಿ ಜತೆ ದೊಡ್ಡ ಬಾಸ್ಕೆಟ್‌ ಮತ್ತು ಕೀ ಹಿಡಿದುಕೊಂಡಿರುವ ಫೋಟೋ ಇದೆ. ಬಿಳಿ ಬಣ್ಣದ ಟೀಶರ್ಟ್‌ ಮತ್ತು ಟ್ರೋಷರ್‌ ಧರಿಸಿರುವ ಶಾಹಿದ್‌ ಕಪೂರ್‌ ಎಂದಿನಂತೆ ಹ್ಯಾಂಡ್‌ಸಮ್‌ ಆಗಿ ಕಾಣಿಸಿದ್ದಾರೆ. ಇದೇ ಸಮಯದಲ್ಲಿ ಮೀರಾ ಕಪ್ಪು ಬಣ್ಣದ ಲವ್‌ ಸಿಂಬಲ್‌ ಇರುವ ಕಂದು ಬಣ್ಣದ ಟೀಶರ್ಟ್‌, ಟ್ರೋಷರ್‌ ಧರಿಸಿದ್ದಾರೆ.
"ಮರ್ಸಿಡಿಸ್‌ ಮೆಬಾಕ್‌ ಜಿಎಲ್‌ಎಸ್‌ 600 ಕಾರು ಶಾಹಿದ್‌ ಕಪೂರ್‌ ಅವರ ಗ್ಯಾರೇಜ್‌ಗೆ ಸೇರ್ಪಡೆಗೊಳ್ಳುತ್ತಿದೆ. ಈ ಮೂಲಕ ಅವರ ಲಗ್ಷುರಿ ಕಥೆಗೆ ಹೊಸ ಸೇರ್ಪಡೆಯಾಗಿದೆ. ಇದು ಪವರ್‌, ಪ್ರತಿಷ್ಠೆಯ ಪ್ರತೀಕ" ಎಂದು ಮರ್ಸಿಡಿಸ್‌ ಮೆಬಾಕ್‌ ಇಂಡಿಯಾದ ಇನ್‌ಸ್ಟಾಗ್ರಾಂ ಅಫಿಶಿಯಲ್‌ ಪುಟದಲ್ಲಿ ಬರೆಯಲಾಗಿದೆ.
ಶಾಹಿದ್‌ ಮಾತ್ರವಲ್ಲದೆ ಬಾಲಿವುಡ್‌ನ ಹಲವು ಸೆಲೆಬ್ರಿಟಿಗಳು ಮರ್ಸಿಡಿಸ್‌ ಮೆಬಾಕ್‌ ಕಾರು ಹೊಂದಿದ್ದಾರೆ. ರಣವೀರ್‌ ಸಿಂಗ್‌, ಅರ್ಜುನ್‌ ಕಪೂರ್‌, ಕೃತಿ ಸನನ್‌ ಮತ್ತು ರಣಬೀರ್‌ ಕಪೂರ್‌ ಅವರ ತಾಯಿ ನೀತು ಕಪೂರ್‌ ಅವರಲ್ಲಿಯೂ ಮರ್ಸಿಡಿಸ್‌ ಮೆಬಾಕ್‌ ಕಾರಿದೆ.
ಮರ್ಸಿಡಿಸ್‌ ಮೆಬಾಕ್‌ ಕಾರನಲ್ಲೇನಿದೆ ಸ್ಪೆಷಲ್‌?
ಮರ್ಸಿಡಿಸ್‌ ಬೆಂಝ್‌ ಮೆಬಾಕ್‌ ಜಿಎಲ್‌ಎಸ್‌ 600 ಎನನುವುದು ಮರ್ಸಿಡಿಸ್‌ ಬೆಂಝ್‌ ಮೆಬಾಕ್‌ ಜಿಎಲ್‌ಎಸ್‌ ಸರಣಿಯ ಟಾಪ್‌ ಎಂಡ್‌ ಮಾಡೆಲ್. ಇದರ ದರ 3.5 ಕೋಟಿ ರೂ. ಆಸುಪಾಸಿನಲ್ಲಿದೆ. ಇದು ಒಂದು ಲೀಟರ್‌ ಪೆಟ್ರೋಲ್‌ಗೆ 8.5 ಕಿ.ಮೀ. ಮೈಲೇಜ್‌ ನೀಡುತ್ತದೆ. ಇದು ಆಟೋಮ್ಯಾಟಿಕ್‌ಗಿಯರ್‌ ಆಯ್ಕೆಯಲ್ಲಿ ಲಭ್ಯ. ಒಟ್ಟು ಎಂಟು ಬಣ್ಣಗಳಲ್ಲಿ ಈ ಕಾರು ದೊರಕುತ್ತದೆ.
ಮರ್ಸಿಡಿಸ್‌ ಬೆಂಝ್‌ ಮೆಬಾಕ್‌ ಜಿಎಲ್‌ಎಸ್‌ 600 ಕಾರಿನಲ್ಲಿ ಗಂಟೆಗೆ ಗರಿಷ್ಠ 250 ಕಿ.ಮೀ. ವೇಗದಲ್ಲಿ ಹೋಗಬಹುದು. ಕೇವಲ 4.6 ಸೆಕೆಂಡಿನಲ್ಲಿ 0-100 ಕಿ.ಮೀ. ವೇಗ ಪಡೆದುಕೊಳ್ಳುತ್ತದೆ. ಇದರಲ್ಲಿ 3982 ಸಿಸಿಯ 8 ಸಿಲಿಂಡರ್‌ನ ವಿ ಆಕಾರದ 4 ಕವಾಟದ ಡಿಒಎಚ್‌ಸಿ ಎಂಜಿನ್‌ ಇದೆ. ಇದು 4.0 ಲೀಟರ್‌ ಎಂ 177 ಟ್ವಿನ್‌ ಟರ್ಬೊಚಾರ್ಜ್‌ಡ್‌ ವಿ8+ 48 ವಿ ಮೀಲ್ಡ್‌ ಹೈಬ್ರಿಡ್‌ ಎಂಜಿನ್‌ ಆಗಿದೆ.
ಈ ಕಾರು 6 ಸಾವಿರ ಆವರ್ತನಕ್ಕೆ 550 ಬಿಎಚ್‌ಪಿ ಗರಿಷ್ಠ ಶಕ್ತಿ ಮತ್ತು 2500 ಆವರ್ತನಕ್ಕೆ 730 ಎನ್‌ಎಂ ಗರಿಷ್ಠ ಟಾರ್ಕ್‌ ಬಿಡುಗಡೆ ಮಾಡುತ್ತದೆ. ಈ ಕಾರಲ್ಲಿ ಒಂಬತ್ತು ಗಿಯರ್‌ಗಳು, ಸ್ಪೋರ್ಟ್‌ ಮೋಡ್‌ ಆಯ್ಕೆ ಇರುವ ಆಟೋಮ್ಯಾಟಿಕ್‌ ಗಿಯರ್‌ಬಾಕ್ಸ್‌ ಇದೆ. ಓವರ್‌ ಸ್ಪೀಡ್‌ ವಾರ್ನಿಂಗ್‌, ಲೇನ್‌ ಡಿಪಾರ್ಚರ್‌ ವಾರ್ನಿಂಗ್‌, ಎಮರ್ಜೆನ್ಸಿ ಬ್ರೇಕ್‌ ಲೈಟ್‌ ಫಾಸ್ಟಿಂಗ್‌, ಫಾರ್ವರ್ಡ್‌ ಕೊಲಿಸನ್‌ ವಾರ್ನಿಂಗ್‌, ಆಟೋಮ್ಯಾಟಿಕ್‌ ಎಮರ್ಜೆನ್ಸಿ ಬ್ರೇಕಿಂಗ್‌, ಹೈ ಬೀಮ್‌ ಅಸಿಸ್ಟ್‌, ಬ್ಲೈಂಡ್‌ ಸ್ಪಾಟ್‌ ಡಿಟೆಕ್ಷನ್‌, ಟೈರ್‌ ಪ್ರೆಸರ್‌ ಮಾನಿಟರಿಂಗ್‌, ಸೀಟ್‌ ಬೆಲ್ಟ್‌ ವಾರ್ನಿಂಗ ಇತ್ಯಾದಿ ಹಲವು ಸುರಕ್ಷತಾ ಫೀಚರ್‌ಗಳಿವೆ.
ಒಟ್ಟು ಎಂಟು ಏರ್‌ಬ್ಯಾಗ್‌ಗಳನ್ನು ಹೊಂದಿದೆ. ಎಬಿಎಸ್‌, ಇಬಿಡಿ, ಬಿಎ, ಇಎಸ್‌ಪಿ ಇತ್ಯಾದಿ ಹಲವು ಬ್ರೇಕಿಂಗ್‌ ವ್ಯವಸ್ಥೆಗಳು ಇವೆ. ಹಿಲ್‌ ಹೋಲ್ಡ್‌ ಕಂಟ್ರೋಲ್‌, ಟ್ರಾಕ್ಷನ್‌ ಕಂಟ್ರೋಲ್‌ ವ್ಯವಸ್ಥೆ ಸೇರಿದಂತೆ ಆಧುನಿಕ ಕಾರುಗಳಲ್ಲಿ ಇರಬೇಕಾದ ಬಹುತೇಕ ಫೀಚರ್‌ಗಳು ಮರ್ಸಿಡಿಸ್‌ ಮೆಬಾಕ್‌ ಕಾರಿನಲ್ಲಿದೆ. ಸೀಟ್‌ ಮಸಾಜ್‌ ವ್ಯವಸ್ಥೆ ಸೇರಿದಂತೆ ಹತ್ತು ಹಲವು ಲಗ್ಷುರಿ ಫೀಚರ್‌ಗಳೂ ಇವೆ.
ಶಾಹಿದ್‌ ಕಪೂರ್‌ ಪ್ರಾಜೆಕ್ಟ್‌ಗಳು
ಶಾಹಿದ್‌ ಅವರು ಫಾರ್ಜಿ ವೆಬ್‌ ಸರಣಿಯಲ್ಲಿ ನಟಿಸಿದ್ದಾರೆ. ಈ ವರ್ಷ ಬ್ಲಡಿ ಡ್ಯಾಡಿ ಎಂಬ ಸಿನಿಮಾದಲ್ಲೂ ನಟಿಸಿದ್ದಾರೆ. ದೇವ ಸಿನಿಮಾದಲ್ಲೂ ಶಾಹಿದ್‌ ನಟಿಸುತ್ತಿದ್ದಾರೆ. ದೇವ ಸಿನಿಮಾ 2024ರ ಅಕ್ಟೋಬರ್‌ 11ರಂದು ಬಿಡುಗಡೆಯಾಗಲಿದೆ. ಈ ಸಿನಿಮಾದಲ್ಲಿ ಪೂಜಾ ಹೆಗ್ಡೆ ಕೂಡ ನಟಿಸುತ್ತಿದ್ದಾರೆ.