ತಮನ್ನಾ ಬರೀ ಮಿಲ್ಕಿ ಬ್ಯೂಟಿ ಅಲ್ಲ, ಹಾಟ್‌ ಬ್ಯೂಟಿ! ಹಸಿ ಬಿಸಿ ವಿಡಿಯೋದಲ್ಲಿ ಮತ್ತೆ ಎದುರಾದ ತಮನ್ನಾ ಭಾಟಿಯಾ VIDEO
Jul 18, 2024 08:19 PM IST
Share
ತಮನ್ನಾ ಬರೀ ಮಿಲ್ಕಿ ಬ್ಯೂಟಿ ಅಲ್ಲ, ಹಾಟ್‌ ಬ್ಯೂಟಿ! ಹಸಿ ಬಿಸಿ ವಿಡಿಯೋದಲ್ಲಿ ಮತ್ತೆ ಎದುರಾದ ತಮನ್ನಾ ಭಾಟಿಯಾ VIDEO
- ತಮನ್ನಾ ಬಾಟಿಯಾ ಇದೀಗ ಮತ್ತೊಂದು ಐಟಂ ಹಾಡಿನ ಮೂಲಕ ಆಗಮಿಸುವ ಸುಳಿವು ನೀಡಿದ್ದಾರೆ. ಅದೂ ಸ್ತ್ರೀ 2 ಸಿನಿಮಾದಲ್ಲಿ ಎಂಬುದು ವಿಶೇಷ. ಅವರ ಆ ಬೋಲ್ಡ್ ಹಾಡಿನ ತುಣುಕುಗಳು ಇದೀಗ ಸೋಷಿಯಲ್‌ ಮೀಡಿಯಾದಲ್ಲಿ ಹಲ್‌ಚಲ್‌ ಸೃಷ್ಟಿಸುತ್ತಿವೆ. ಟ್ವಿಟ್ಟರ್‌ನಲ್ಲಿಯೂ ಟ್ರೆಂಡ್‌ ಆಗುತ್ತಿವೆ.
Stree 2 Trailer: ಬಹುಭಾಷಾ ನಟಿ ತಮನ್ನಾ ಭಾಟಿಯಾ ಬರೀ ನಟಿಯಾಗಿ ಉಳಿದಿಲ್ಲ. ಕೋಟ್ಯಂತರ ಅಭಿಮಾನಿಗಳನ್ನು ಸಂಪಾದಿಸಿ ಎಲ್ಲರ ಎದೆಯಲ್ಲಿ ಮಿಲ್ಕಿ ಬ್ಯೂಟಿ ಎಂದೇ ಅಚ್ಚೊತ್ತಿ ಕುಳಿತ್ತಿದ್ದಾರೆ. ಬರೀ ನಟಿಯಿಂದ ಮಾತ್ರವಲ್ಲದೇ, ಡಾನ್ಸ್‌ನಿಂದಲೂ ಎಲ್ಲರ ನಿದ್ದೆಗೆಡಿಸಿ ಚಕೋರಿಯೂ ಹೌದು. ಅದರಲ್ಲೂ ಐಟಂ ಡಾನ್ಸ್‌ ಅಂತ ಬಂದ್ರೆ, ನಟಿ ತಮನ್ನಾ ಅವರನ್ನು ಮೀರಿಸುವರುಂಟೆ! ಅದಕ್ಕೆ ಸಾಕ್ಷಿ ಕಳೆದ ವರ್ಷ ಬಿಡುಗಡೆಯಾಗಿದ್ದ ಜೈಲರ್‌ ಸಿನಿಮಾದ ನೀ ಕಾವಾಲಯ್ಯ ಹಾಡು. ಇದೀಗ ಆ ಹಾಡನ್ನೂ ಮೀರಿಸುವ ಹಾಡೊಂದು ಲೋಡಿಂಗ್‌ ಆಗುತ್ತಿದೆ. ಅದರ ಕಿರು ಝಲಕ್‌ ಹೊರಬಿದ್ದಿದೆ.
ಹೌದು, ನಟಿ ತಮನ್ನಾ ಇದೀಗ ಮತ್ತೊಂದು ಐಟಂ ಹಾಡಿನ ಮೂಲಕ ಆಗಮಿಸುವ ಸುಳಿವು ನೀಡಿದ್ದಾರೆ. ಅದೂ ಸ್ತ್ರೀ 2 ಸಿನಿಮಾದಲ್ಲಿ ಎಂಬುದು ವಿಶೇಷ. ಅವರ ಆ ಬೋಲ್ಡ್ ಹಾಡಿನ ತುಣುಕುಗಳು ಇದೀಗ ಸೋಷಿಯಲ್‌ ಮೀಡಿಯಾದಲ್ಲಿ ಹಲ್‌ಚಲ್‌ ಸೃಷ್ಟಿಸುತ್ತಿವೆ. ಟ್ವಿಟ್ಟರ್‌ನಲ್ಲಿಯೂ ಟ್ರೆಂಡ್‌ ಆಗುತ್ತಿವೆ. ಅಂದರೆ, ಶ್ರದ್ಧಾ ಕಪೂರ್‌ ಮತ್ತು ರಾಜ್‌ಕುಮಾರ್‌ ರಾಮ್‌ ನಟಿಸಿರುವ ಸ್ತ್ರೀ 2 ಸಿನಿಮಾದ ಟ್ರೇಲರ್‌ ಇಂದು ಬಿಡುಗಡೆ ಆಗಿದೆ. ಆ ಹಾಡಿನಲ್ಲಿ ನಟಿ ತಮನ್ನಾ ಅವರ ಕೆಲವೇ ಕೆಲವು ಸೆಕೆಂಡ್‌ನ ಐಟಂ ಡಾನ್ಸ್‌ನ ಝಲಕ್‌ ಕಾಣಿಸಿದ್ದು, ಕುತೂಹಲ ಮೂಡಿಸಿದೆ.
ಸೋಷಿಯಲ್‌ ಮೀಡಿಯಾದಲ್ಲಿ ಟ್ರೆಂಡ್‌
ನಟಿ ತಮ್ಮನ್ನಾ ಅವರ ಹೊಸ ಐಟಂ ಸಾಂಗ್‌ ಲೋಡಿಂಗ್‌ ಆಗ್ತಿದೆ ಎಂಬ ಸುದ್ದಿ ಹೊರಬೀಳ್ತಿದ್ದಂತೆ, ನೆಟ್ಟಿಗರ ಕಣ್ಣು ಮಾತ್ರ ಹಾಡಿನ ಮೇಲೆಯೇ ಇದೆ. ಅದ್ಯಾವಾಗ ಈ ಹಾಡು ಬರುತ್ತೆ ಎಂದು ಕಾಮೆಂಟ್‌ ಬಾಕ್ಸ್‌ನಲ್ಲಿ ಪ್ರಶ್ನೆ ಮಾಡುತ್ತಿದ್ದಾರೆ. ಆಗಸ್ಟ್ 15ರಂದು ಸ್ತ್ರೀ ಸಿನಿಮಾ ರಿಲೀಸ್‌ ಆಗಲಿದೆ. ಅದಕ್ಕೂ ಮೊದಲೇ ಈ ಹಾಡು ಯೂಟ್ಯೂಬ್‌ನಲ್ಲಿ ರಿಲೀಸ್‌ ಆಗಲಿದೆ. ಅಂದಹಾಗೆ, ಸ್ತ್ರೀ ಸಿನಿಮಾದ ಮೊದಲ ಭಾಗದಲ್ಲಿ ನೋರಾ ಫತೇಹಿ ಐಟಂ ಡಾನ್ಸ್‌ ಮೂಲಕ ಮೋಡಿ ಮಾಡಿದ್ದರು. ಇದೀಗ ಎರಡನೇ ಭಾಗದಲ್ಲಿ ತಮನ್ನಾ ಭಾಟಿಯಾ ಮಿಂಚು ಹರಿಸಲಿದ್ದಾರೆ.
ಆಗಸ್ಟ್ 15ರಂದು ಸ್ತ್ರೀ 2 ಬಿಡುಗಡೆ
ಸ್ತ್ರೀ 2 ಸಿನಿಮಾವನ್ನು ಅಮರ್ ಕೌಶಿಕ್ ನಿರ್ದೇಶಿಸಿದರೆ, ದಿನೇಶ್ ವಿಜನ್ ಅವರ ಮ್ಯಾಡಾಕ್ ಫಿಲ್ಮ್ಸ್ ಮತ್ತು ಜಿಯೋ ಸ್ಟುಡಿಯೋಸ್ ಈ ಚಿತ್ರಕ್ಕೆ ಬಂಡವಾಳ ಹೂಡಿದೆ. ಈ ಚಿತ್ರವು ಆಗಸ್ಟ್ 15ರಂದು ಥಿಯೇಟರ್‌ಗಳಲ್ಲಿ ಬಿಡುಗಡೆಯಾಗಲಿದೆ. ಇನ್ನು ತಮನ್ನಾ ಅವರ ಬೇರೆ ಸಿನಿಮಾಗಳ ವಿಚಾರಕ್ಕೆ ಬಂದರೆ, ಜಾನ್‌ ಅಬ್ರಹಾಂ ಜತೆಗೆ ವೇದ ಚಿತ್ರದಲ್ಲಿ ನಟಿಸಿದ್ದು, ಬಿಡುಗಡೆಗೆ ಸಿದ್ಧವಾಗಿದೆ. ಈ ನಡುವೆ ತೆಲುಗಿನಲ್ಲಿ ಒದೆಲ್ಲಾ 2 ಚಿತ್ರದಲ್ಲಿ ಕನ್ನಡದ ನಟ ವಸಿಷ್ಠ ಸಿಂಹ ಜತೆಗೂ ತಮನ್ನಾ ನಟಿಸುತ್ತಿದ್ದಾರೆ.
ವೈಯಕ್ತಿಕ ವಿಚಾರಗಳಿಂದಲೂ ಸದ್ದು ಸುದ್ದಿ..
ನಟಿ ತಮನ್ನಾ ಭಾಟಿಯಾ ಸಿನಿಮಾಗಳ ಜತೆ ಜತೆಗೆ ವೈಯಕ್ತಿಕ ವಿಚಾರಗಳಿಂದಲೂ ಸುದ್ದಿಯಲ್ಲಿರ್ತಾರೆ. ಇತ್ತೀಚಿನ ಕೆಲ ತಿಂಗಳಿಂದ ನಟ ವಿಜಯ್‌ ವರ್ಮಾ ಜತೆಗಿನ ಡೇಟಿಂಗ್‌ ಮೀಟಿಂಗ್‌ ವಿಚಾರ ಹೊರಬಿದ್ದ ಮೇಲಂತೂ, ಹೋದಲ್ಲಿ ಬಂದಲ್ಲಿ ಆ ಬಗ್ಗೆಯೇ ಪ್ರಶ್ನೆಗಳನ್ನು ಎದುರಿಸುತ್ತಿದ್ದಾರೆ. ಆಗಾಗ ಕೈ ಕೈ ಹಿಡಿದು ಸುತ್ತಾಡಿದ ವಿಡಿಯೋಗಳೂ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿವೆ. ಇದೆಲ್ಲವನ್ನು ನೋಡಿದ ನೆಟ್ಟಿಗ ಈ ಜೋಡಿಯ ಮದುವೆ ಯಾವಾಗ? ಎಂದೂ ಪ್ರಶ್ನೆ ಮಾಡುತ್ತಿದ್ದಾನೆ. ಆದರೆ, ಆ ಬಗ್ಗೆ ಸದ್ಯಕ್ಕೆ ಯಾವುದೇ ಸುಳಿವಿಲ್ಲ.