Urvashi Rautela: ಬಾತ್‌ರೂಂನಲ್ಲಿ ಬಟ್ಟೆ ಕಳಚುವ ವೈರಲ್‌ ವಿಡಿಯೋದ ಅಸಲಿಯತ್ತು ಬಿಚ್ಚಿಟ್ಟ ಊರ್ವಶಿ ರೌಟೇಲಾ; ಈ ವಿಡಿಯೋ ನೋಡಿ
Jul 29, 2024 09:53 AM IST
Share
Urvashi Rautela: ಬಾತ್‌ರೂಂನಲ್ಲಿ ಬಟ್ಟೆ ಕಳಚುವ ವೈರಲ್‌ ವಿಡಿಯೋದ ಅಸಲಿಯತ್ತು ಬಿಚ್ಚಿಟ್ಟ ಊರ್ವಶಿ ರೌಟೇಲಾ
- Urvashi Rautela Viral Video: ಬಾಲಿವುಡ್ ನಟಿ ಊರ್ವಶಿ ರೌಟೇಲಾ ಅವರ ಬಾತ್‌ರೂಂ ವಿಡಿಯೋ ಇತ್ತೀಚೆಗೆ ಲೀಕ್‌ ಆಗಿ ವೈರಲ್‌ ಆಗಿತ್ತು. ಈ ವಿಡಿಯೋದ ಅಸಲಿಯತ್ತನ್ನು ಊರ್ವಶಿ ರೌಟೇಲಾ ತಿಳಿಸಿದ್ದಾರೆ.
ಬೆಂಗಳೂರು: ಇತ್ತೀಚೆಗೆ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿರುವ ಬಾತ್‌ರೂಂ ವಿಡಿಯೋದ ಕುರಿತು ಕೊನೆಗೂ ನಟಿ ಊರ್ವಶಿ ರೌಟೇಲಾ ಮೌನ ಮುರಿದಿದ್ದಾರೆ. ಈ ವಿಡಿಯೋದ ಕುರಿತು ಮಾಧ್ಯಮವೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಸ್ಪಷ್ಟನೆ ನೀಡಿದ್ದಾರೆ. ಈ ವಿಡಿಯೋ ನನ್ನದೇ ಆದರೆ, ಇದು ನನ್ನ ಖಾಸಗಿ ಬದುಕಿನ ವಿಡಿಯೋ ಅಲ್ಲವೆಂದು ಸ್ಪಷ್ಟಪಡಿಸಿದ್ದಾರೆ. ಈ ವಿಡಿಯೋ ಲೀಕ್‌ ಆದವತ್ತು ತುಂಬಾ ಬೇಸರಗೊಂಡಿದ್ದರು ಎಂದು ಅವರು ಹೇಳಿದ್ದಾರೆ.
"ಈ ವಿಡಿಯೋ ಕ್ಲಿಪ್‌ ವೈರಲ್‌ ಆದವತ್ತು ಸಹಜವಾಗಿ ನಾನು ಅಪ್‌ಸೆಟ್‌ ಆಗಿದ್ದೆ. ಆದರೆ, ಇದು ನನ್ನ ವೈಯಕ್ತಿಕ ಜೀವನದ ವಿಡಿಯೋ ಅಲ್ಲ. ಇದು ನನ್ನ ಮುಂಬರುವ ಸಿನಿಮಾ ಘುಸ್ಪೈಥಿಯೇಗೆ ಸಂಬಂಧಪಟ್ಟಿದೆ. ಆ ಸಿನಿಮಾದ ಕ್ಲಿಪ್‌ ಆನ್‌ಲೈನ್‌ನಲ್ಲಿ ಲೀಕ್‌ ಆಗಿದೆ" ಎಂದು ಊರ್ವಶಿ ರೌಟೇಲಾ ಅವರು ಇನ್‌ಸ್ಟಾಂಟ್‌ ಬಾಲಿವುಡ್‌ಗೆ ತಿಳಿಸಿದ್ದಾರೆ.
ನಿಮ್ಮ ವೈಯಕ್ತಿಕ ವಿಡಿಯೋ ಎಂದಾದರೂ ಲೀಕ್‌ ಆಗಿದೆಯೇ ಎಂಬ ಪ್ರಶ್ನೆಗೂ ಅವರು ಉತ್ತರಿಸಿದ್ದಾರೆ. "ಇಲ್ಲ, ಯಾವ ಮಹಿಳೆಯೂ ಇಂತಹದ್ದನ್ನು ಇಷ್ಟಪಡುವುದಿಲ್ಲ" ಎಂದು ಅವರು ಸ್ಪಷ್ಟಪಡಿಸಿದ್ದಾರೆ.
ಊರ್ವಶಿ ರೌಟೇಲಾ ಪ್ರತಿಕ್ರಿಯೆ ನೀಡಿರುವ ವಿಡಿಯೋ ಇಲ್ಲಿದೆ ನೋಡಿ
ಈ ವಿಡಿಯೋ ವೈರಲ್‌ ಆದ ಸಂದರ್ಭದಲ್ಲಿ ನಾನಾ ಪ್ರಶ್ನೆಗಳು ಹುಟ್ಟಿಕೊಂಡಿದ್ದವು. ಮುಂದಿನ ಸಿನಿಮಾದ ಪ್ರಚಾರಕ್ಕೆ ಅಥವಾ ವೈಯಕ್ತಿಕ ಪ್ರಚಾರಕ್ಕೆ ಮಾಡಿರುವ ಪಿಆರ್‌ ಸ್ಟಂಟ್‌ ಇದಾಗಿದೆಯೇ? ಪ್ರಚಾರಕ್ಕಾಗಿ ಬಾತ್‌ರೂಂ ವಿಡಿಯೋ ಹಂಚಿಕೊಳ್ಳಲಾಗಿದೆಯೇ ಎಂದು ಪ್ರಶ್ನೆಗಳು ಎದ್ದಿದ್ದವು.
ಈ ವಿಡಿಯೋ ವೈರಲ್‌ ಆದ ಬಳಿಕ ಊರ್ವಶಿ ರೌಟೇಲಾ ಅವರು ತನ್ನ ಮ್ಯಾನೇಜರ್‌ನಲ್ಲಿ ಈ ಕುರಿತು ಮಾತನಾಡುವ ಆಡಿಯೋ ಕೂಡ ವೈರಲ್‌ ಆಗಿತ್ತು. ಇದು ಹೇಗಾಯಿತು. ಈ ವಿಡಿಯೋ ಹೇಗೆ ಲೀಕ್‌ ಆಯ್ತು ಎಂದು ಅವರು ಆಡಿಯೋದಲ್ಲಿ ಮಾತನಾಡಿದ್ದರು. "ನೀನು ಆ ವಿಡಿಯೋ ನೋಡಿದೆಯಾ?" ಎಂದು ಕೋಪದಿಂದ ನಟಿ ಪ್ರಶ್ನಿಸುತ್ತಾರೆ. "ಹೌದು ಮೇಡಂ" ಎನ್ನುತ್ತಾರೆ ಮ್ಯಾನೇಜರ್‌. "ನಾವಿದನ್ನು ಇಂಟರ್‌ನೆಟ್‌ನಿಂದ ತೆಗೆಯಲು ಪ್ರಯತ್ನಿಸುತ್ತಿದ್ದೇವೆ" ಎಂದು ಮ್ಯಾನೇಜರ್‌ ಹೇಳುತ್ತಾರೆ. "ಆದರೆ, ನನಗೆ ಅರ್ಥವಾಗುತ್ತಿಲ್ಲ. ಈ ವಿಡಿಯೋ ಹೊರಕ್ಕೆ ಹೋದದ್ದು ಹೇಗೆ ನನಗೆ ಅರ್ಥನೇ ಆಗುತ್ತಿಲ್ಲ. ನನಗೆ ತಕ್ಷಣ ಅವರಲ್ಲಿ ಫೋನ್‌ನಲ್ಲಿ ಮಾತನಾಡಬೇಕು" ಎಂದು ಊರ್ವಶಿ ಪ್ರಶ್ನಿಸಿದ್ದರು.
"ಇದು ಅತ್ಯಂತ ಕೆಟ್ಟ ಪರಿಸ್ಥಿತಿ. ಫೋನ್‌ ಟ್ಯಾಪ್‌ ಮಾಡಿರಬಹುದು. ಆಮೇಲೆ ಬಂದು ಮಾತನಾಡುವೆ" ಎಂದು ಮ್ಯಾನೇಜರ್‌ ಹೇಳುತ್ತಾರೆ. "ಏನು, ಯಾಕೆ" ಎನ್ನುತ್ತಾರೆ ರೌಟೇಲಾ. "ನಾನು ನಿಮ್ಮಲ್ಲಿ ಪರ್ಸನಲ್‌ ಆಗಿ ಬಂದು ಮಾತನಾಡುವೆ" ಎಂದು ಮ್ಯಾನೇಜರ್‌ ಹೇಳಿದ್ದರು. ವಿಡಿಯೋ ಜತೆ ಇವರ ಮಾತಿನ ಆಡಿಯೋ ಕೂಡ ಲೀಕ್‌ ಆಗಿರುವುದು ನಾನಾ ಪ್ರಶ್ನೆಗಳನ್ನು ಹುಟ್ಟುಹಾಕಿತ್ತು.
ಊರ್ವಶಿ ರೌಟೇಲಾ ಒಂದು ಕನ್ನಡ ಸಿನಿಮಾದಲ್ಲೂ ನಟಿಸಿದ್ದರು. ಚಾಲೆಂಜಿಂಗ್‌ ಸ್ಟಾರ್‌ ದರ್ಶನ್ ಅಭಿನಯದ ಮಿಸ್ಟರ್‌ ಐರಾವತ ಸಿನಿಮಾದಲ್ಲೂ ನಟಿಸಿದ್ದರು. ಈ ಚಿತ್ರದಲ್ಲಿ ದರ್ಶನ್ ಎಸಿಪಿ ಐರಾವತನಾಗಿ ನಟಿಸಿದ್ದರೆ, ಊರ್ವಶಿ ರೌಟೇಲಾ ಅವರು ಪ್ರಿಯಾ ಪಾತ್ರದಲ್ಲಿ ನಟಿಸಿದ್ದರು.