Amitabh Bachchan: ಮಹಿಳೆಯರ ಒಳ ಉಡುಪುಗಳ ಬಗ್ಗೆ ಟ್ವೀಟ್ ಮಾಡಿ ಟ್ರೋಲ್‌ಗೆ ಆಹಾರವಾದ ಬಾಲಿವುಡ್ ಬಿಗ್‌ ಬಿ ಅಮಿತಾಬ್‌ ಬಚ್ಚನ್
Jul 27, 2023 04:26 PM IST
Share
ಬಾಲಿವುಡ್ ಹಿರಿಯ ನಟ ಅಮಿತಾಬ್‌ ಬಚ್ಚನ್
ಸಾಮಾನ್ಯವಾಗಿ, ತಮ್ಮ ಕಾಲೆಳೆಯುವವರಿಗೆ ಖಡಕ್‌ ಉತ್ತರ ನೀಡುವ ಅಮಿತಾಬ್‌, ಈ ಟ್ರೋಲ್‌ಗೆ ಇಷ್ಟೆಲ್ಲಾ ನೆಗೆಟಿವ್‌ ಕಾಮೆಂಟ್‌ ಬರುತ್ತಿದ್ದರೂ ಈ ಪ್ರಶ್ನೆ ಕೇಳಿದ ಕಾರಣ ಏನು ಎಂಬುದರ ಬಗ್ಗೆ ಪ್ರತಿಕ್ರಿಯಿಸಿಲ್ಲ.
ಬಾಲಿವುಡ್ ಬಿಗ್‌ ಬಿ ಅಮಿತಾಬ್‌ 80 ವರ್ಷಗಳನ್ನು ಪೂರೈಸಿದ್ದಾರೆ. ಈ ವಯಸ್ಸಿನಲ್ಲೂ ಅವರು ಹುಮ್ಮಸ್ಸಿನಿಂದ ಕೆಲಸ ಮಾಡುತ್ತಿದ್ಧಾರೆ. ಸಾಲು ಸಾಲು ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ. ಜಾಹೀರಾತುಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ಧಾರೆ. ಜೊತೆಗೆ ಕೌನ್‌ ಬನೇಗಾ ಕರೋಡ್‌ಪತಿ ಕಾರ್ಯಕ್ರಮವನ್ನು ಕೂಡಾ ನಡೆಸಿಕೊಡುತ್ತಿದ್ಧಾರೆ.
ವೈರಲ್‌ ಆಯ್ತು ಅಮಿತಾಬ್‌ ಟ್ವೀಟ್
ಅಮಿತಾಬ್‌ ಬಚ್ಚನ್ ಸಾಮಾಜಿಕ ಜಾಲತಾಣದಲ್ಲಿ ಕೂಡಾ ಆಕ್ಟಿವ್‌ ಇದ್ದಾರೆ. ಪ್ರತಿ ದಿನ ಟ್ವೀಟ್ ಮಾಡುವ ಮೂಲಕ ಅಭಿಮಾನಿಗಳೊಂದಿಗೆ ಸಂಪರ್ಕದಲ್ಲಿರುತ್ತಾರೆ. ಆದರೆ ಇತ್ತೀಚೆಗೆ ಅಮಿತಾಬ್‌ ಬಚ್ಚನ್ ಮಾಡಿರುವ ಟ್ವೀಟ್‌ವೊಂದು ಟ್ರೋಲ್‌ಗೆ ಗುರಿಯಾಗಿದೆ. ಅಮಿತಾಬ್‌ ಈ ಟ್ವೀಟ್ ಪೋಸ್ಟ್‌ ಮಾಡುತ್ತಿದ್ದಂತೆ ನೆಟಿಜನ್ಸ್‌ ಇದರ ಸ್ಕೀನ್‌ ಶಾಟ್‌ ತೆಗೆದು ಸೋಷಿಯಲ್‌ ಮೀಡಿಯಾದಲ್ಲಿ ಹಂಚಿಕೊಳ್ಳುತ್ತಿದ್ಧಾರೆ. ಅದರಲ್ಲೂ ಇದು ಜೂನ್‌ 12ರಂದು ಮಾಡಿದ ಟ್ವೀಟ್, ಈಗ ಬಹಳ ವೈರಲ್‌ ಆಗುತ್ತಿದೆ. ಅಂತಾದ್ದೇನಿದೆ ಆ ಪೋಸ್ಟ್‌ನಲ್ಲಿ ಅಂತೀರಾ? ಮುಂದೆ ಓದಿ.
ಮಹಿಳೆಯರ ಒಳಉಡುಪುಗಳ ಬಗ್ಗೆ ಟ್ವೀಟ್
''ಇಂಗ್ಲೀಷ್‌ ಭಾಷೆಯಲ್ಲೂ ಬ್ರಾ ಯಾವಾಗಲೂ ಏಕವಚನ, ಪ್ಯಾಂಟೀಸ್‌ ಬಹುವಚನವೇಕೆ?'' ಎಂದು ಅಮಿತಾಬ್‌ ಇಂಗ್ಲೀಷ್‌ನಲ್ಲಿ ಬರೆದುಕೊಂಡಿದ್ದಾರೆ. ಇದನ್ನು ನೋಡಿದ ಕೆಲವರು ಶಾಕ್ ಆಗಿದ್ದಾರೆ. ಕೆಲವರು ಅಮಿತಾಬ್‌ ಬಚ್ಚನ್ ಟ್ವಿಟ್ಟರ್‌ ಹ್ಯಾಕ್‌ ಆಗಿರಬಹುದು ಎಂದುಕೊಂಡಿದ್ದಾರೆ. ಇನ್ನೂ ಕೆಲವರು ಅಮಿತಾಬ್‌ ಎಂದಿಗೂ ಹೀಗೆ ಟ್ವೀಟ್ ಮಾಡಿದವರಲ್ಲ. ಈಗ ಈ ರೀತಿ ಟ್ವೀಟ್ ಮಾಡುತ್ತಿದ್ಧಾರೆ ಎಂದರೆ ಅದರಲ್ಲಿ ಏನೂ ಅರ್ಥವಿರಬೇಕು ಎಂದು ಕಾಮೆಂಟ್‌ ಮಾಡುತ್ತಿದ್ದಾರೆ. ಅಮಿತಾಬ್‌ ಜಿ ಏನಿದು ನಿಮ್ಮ ವರ್ತನೆ ಎಂದು ಕೆಲವರು ಪ್ರಶ್ನಿಸಿದ್ದಾರೆ. ಕೊನೆಗೂ ಯಾರೋ ಒಬ್ಬರು ಮುಖ್ಯವಾದ ಪ್ರಶ್ನೆಯೊಂದನ್ನು ಕೇಳುತ್ತಿದ್ದಾರೆ ಎಂದು ಮತ್ತೊಬ್ಬರು ಟ್ವಿಟ್ಟರ್‌ ಯೂಸರ್‌ ಬರೆದುಕೊಂಡಿದ್ದಾರೆ. ನಿಮ್ಮಿಂದ ಇದನ್ನು ನಾನು ನಿರೀಕ್ಷಿಸಿರಲಿಲ್ಲ, ನಿಮ್ಮ ಕೆಬಿಸಿಗೆ ಇದು ಒಳ್ಳೆಯ ಪ್ರಶ್ನೆ ಬಿಡಿ ಎಂದೆಲ್ಲಾ ಜನರು ಕಾಮೆಂಟ್‌ ಮಾಡುತ್ತಿದ್ದಾರೆ.
ಟ್ರೋಲ್‌ ಆಯ್ತು ಬಿಗ್‌ ಬಿ ಟ್ವೀಟ್
ಸಾಮಾನ್ಯವಾಗಿ, ತಮ್ಮ ಕಾಲೆಳೆಯುವವರಿಗೆ ಖಡಕ್‌ ಉತ್ತರ ನೀಡುವ ಅಮಿತಾಬ್‌, ಈ ಟ್ರೋಲ್‌ಗೆ ಇಷ್ಟೆಲ್ಲಾ ನೆಗೆಟಿವ್‌ ಕಾಮೆಂಟ್‌ ಬರುತ್ತಿದ್ದರೂ ಈ ಪ್ರಶ್ನೆ ಕೇಳಿದ ಕಾರಣ ಏನು ಎಂಬುದರ ಬಗ್ಗೆ ಪ್ರತಿಕ್ರಿಯಿಸಿಲ್ಲ. ಅಮಿತಾಬ್‌ ಕೆರಿಯರ್‌ ವಿಚಾರಕ್ಕೆ ಬರುವುದಾದರೆ ಶೀಘ್ರದಲ್ಲೇ ಕೌನ್‌ ಬನೇಗಾ ಕರೋಡ್‌ಪತಿ 15ನೇ ಸೀಸನ್‌ ಆರಂಭವಾಗಲಿದೆ. ಕೆಬಿಸಿ ಸೆಟ್‌ನಲ್ಲಿರುವ ಒಂದು ಫೋಟೋವನ್ನು ಕೂಡಾ ಇತ್ತೀಚೆಗೆ ಅಮಿತಾಬ್‌ ಬಚ್ಚನ್ ತಮ್ಮ ಟ್ವಿಟ್ಟರ್‌ನಲ್ಲಿ ಹಂಚಿಕೊಂಡಿದ್ದಾರೆ.
ಸಾಲು ಸಾಲು ಚಿತ್ರಗಳಲ್ಲಿ ಬ್ಯುಸಿ ಇರುವ ಅಮಿತಾಬ್‌ ಬಚ್ಚನ್
ಕಳೆದ ವರ್ಷ ಊಂಚೈ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದ ಅಮಿತಾಬ್‌ ಯಾವುದೇ ಹೊಸ ಸಿನಿಮಾಗಳು ಇನ್ನೂ ರಿಲೀಸ್‌ ಆಗಿಲ್ಲ. ಗಣಪತ್‌, ಘೂಮರ್‌, ದಿ ಉಮೇಶ್‌ ಕ್ರಾನಿಕಲ್ಸ್‌, ಕಲ್ಕಿ, ಬಟರ್‌ ಫ್ಲೈ ಸಿನಿಮಾಗಳಲ್ಲಿ ಅಮಿತಾಬ್‌ ಬ್ಯುಸಿ ಇದ್ದಾರೆ.
ವಿಭಾಗ