Vijay Sethupathi: ಶಾರುಖ್ ಖಾನ್‌ಗೆ ವಿಜಯ್ ಸೇತುಪತಿಯೇ ಸಾವಿನ ವ್ಯಾಪಾರಿ; ನಿರೀಕ್ಷೆ ಹೆಚ್ಚಿಸಿದ ಜವಾನ್ ಚಿತ್ರದ ವಿಲನ್ ಫಸ್ಟ್ ಲುಕ್
Jul 25, 2023 01:42 PM IST
Share
ಬಹು ನಿರೀಕ್ಷಿತ ಜವಾನ್ ಸಿನಿಮಾದಲ್ಲಿ ವಿಜಯ್ ಸೇತುಪತಿ ಫಸ್ಟ್ ಲುಕ್ ಬಿಡುಗಡೆಯಾಗಿದ್ದು, ಶಾರುಖ್ ಖಾನ್‌ಗೆ ಸಾವಿನ ವ್ಯಾಪಾರಿಯಾಗಿದ್ದಾರೆ.
ಬಾಲಿವುಡ್‌ನ ಬಹು ನಿರೀಕ್ಷಿತ ಜವಾನ್ ಸಿನಿಮಾದಲ್ಲಿನ ವಿಜಯ್ ಸೇತುಪತಿಯ ಫಸ್ಟ್ ಲುಕ್ ಬಿಡುಗಡೆಯಾಗಿದ್ದು, ಶಾರುಖ್ ಖಾನ್‌ಗೆ ವಿಜಯ್ ಸಾವಿನ ವ್ಯಾಪಾರಿಯಾಗಿದ್ದಾರೆ.
ಮುಂಬೈ: ಭಾರತೀಯ ಸಿನಿಮಾ ರಂಗದಲ್ಲಿ ನೆಗೆಟೀವ್ ರೂಲ್‌ನಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುತ್ತಿರುವವರ ಪೈಕಿ ಎರಡನೇ ಸ್ಥಾನದಲ್ಲಿರುವ ತಮಿಳಿನ ವಿಜಯ್ ಸೇತುಪತಿ (Vijay Sethupathi), ಬಾಲಿವುಡ್ ಬಾದ್‌ ಷಾ ಶಾರುಕ್ ಖಾನ್ (Shahrukh Khan) ಅಭಿನಯದ ಬಹು ನಿರೀಕ್ಷಿತ ಜವಾನ್ (Jawan) ಸಿನಿಮಾದಲ್ಲಿ ಕಿಂಗ್ ಖಾನ್‌ಗೆ ಸಾವಿನ ವ್ಯಾಪಾರಿಯಾಗಿದ್ದಾರೆ.
ನಟ ಶಾರುಖ್ ಖಾನ್ ನಿನ್ನೆ (ಜುಲೈ 24, ಸೋಮವಾರ) ತಮ್ಮ ಜವಾನ್ ಸಿನಿಮಾದಲ್ಲಿ ವಿಜಯ್ ಸೇತುಪತಿಯ ಫಸ್ಟ್ ಲುಕ್ ಅನಾವರಣಗೊಳಿಸಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ವಿಜಯ್ ಸೇತುಪತಿಯ ಹೊಸ ಲುಕ್‌ಗೆ ಇಬ್ಬರ ನಾಯಕರ ಫ್ಯಾನ್ಸ್ ಫಿದಾ ಆಗಿದ್ದಾರೆ.
ಪೋಸ್ಟರ್‌ನಲ್ಲಿ ವಿಜಯ್ ಸನ್‌ಗ್ಲಾಸ್ ಧರಿಸಿದ್ದು, ಮುಖದಲ್ಲಿ ಕಠೋರವಾದ ಭಾವ ಎದ್ದು ಕಾಣುತ್ತಿದೆ. ಯಾರನ್ನೋ ಹುಡುವ ರೀತಿಯಲ್ಲಿ ಬಾಗಿಲ ಬಳಿ ನಿಂತುಕೊಂಡಂತಿದೆ. ಸೇತುಪತಿ ಫಸ್ಟ್ ಲುಕ್ ಪೋಸ್ಟ್ ಮಾಡಿರುವ ಶಾರುಖ್ ಅದಕ್ಕೊಂದು ಶೀರ್ಷಿಕೆಯನ್ನು ಕೊಡಿದ್ದಾರೆ. There's no stopping him (ಆತನನ್ನು ತಡೆಯುವವರಿಲ್ಲ) ಎಂದು ಬರೆದುಕೊಂಡಿದ್ದಾರೆ. ಶಾರುಖ್ ಖಾನ್ ಹಾಗೂ ವಿಜಯ್ ಸೇತುಪತಿ ಫ್ಯಾನ್ಸ್ ಸೇರಿದಂತೆ ಹಲವು ಈ ಪೋಸ್ಟರ್ ಅನ್ನು ಹಂಚಿಕೊಂಡಿದ್ದಾರೆ.
ಬಹು ನಿರೀಕ್ಷಿತ ಜವಾನ್ ಸಿನಿಮಾ ಸೆಪ್ಟೆಂಬರ್ 9 ರಂದು ತೆರೆ ಮೇಲೆ ಬರಲಿದೆ. ಹಿಂದಿ, ತೆಲುಗು ಹಾಗೂ ತಮಿಳು ಭಾಷೆಯಲ್ಲಿ ವಿಶ್ವಾದಾದ್ಯಂತ ಏಕಕಾಲಕ್ಕೆ ಬಿಡುಗಡೆಯಾಗಲಿದೆ. ಈ ಸಿನಿಮಾವನ್ನು ಅಟ್ಲೀ ನಿರ್ದೇಶ ಮಾಡಿದ್ದು, ಶಾರುಖ್ ಖಾನ್, ವಿಜಯ್ ಸೇತುಪತಿ, ನಯನತಾರಾ ಮುಖ್ಯ ಭೂಮಿಕೆಯಲ್ಲಿದ್ದರೆ, ಬಾಲಿವುಡ್‌ನ ಡಿಂಪಲ್ ಕ್ವೀನ್ ದೀಪಿಕಾ ಪಡುಕೋಣೆ ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.