Agastya Nanda: ಯಾರಿದು ಆಗಸ್ತ್ಯ ನಂದ, ಅಮಿತಾಬ್‌ ಬಚ್ಚನ್‌ ಕುಟುಂಬದ ಕಂದನ ಪರಿಚಯ
Dec 06, 2023 03:47 PM IST
Share
Agastya nanda: ಯಾರಿದು ಆಗಸ್ತ್ಯ ನಂದ, ಅಮಿತಾಬ್‌ ಬಚ್ಚನ್‌ ಕುಟುಂಬದ ಕಂದ
- The Archies Actor Agastya nanda: ಆಗಸ್ತ್ಯ ನಂದ ನಟಿಸಿರುವ ದಿ ಆರ್ಚೀಸ್‌ ಎಂಬ ಸಿನಿಮಾ ಡಿಸೆಂಬರ್‌ 7ರಂದು ನೆಟ್‌ಫ್ಲಿಕ್ಸ್‌ನಲ್ಲಿ ಬಿಡುಗಡೆಯಾಗಲಿದೆ. ಅಮಿತಾಬ್‌ ಬಚ್ಚನ್‌ ಮೊಮ್ಮಗನ ವೈಯಕ್ತಿಕ ವಿವರ, ಸಿನಿಮಾಗಳು, ಅಪ್ಪ-ಅಮ್ಮ, ಅಜ್ಜ-ಅಜ್ಜಿ ಸೇರಿದಂತೆ ಹೆಚ್ಚಿನ ವಿವರ ಇಲ್ಲಿದೆ.
Who is agastya nanda?: ಬಾಲಿವುಡ್‌ಗೆ ಆಗಸ್ತ್ಯ ನಂದ ಎಂಬ ಯುವ ನಟನ ಆಗಮನವಾಗಿದೆ. ದಿ ಆರ್ಚೀಸ್‌ ಸಿನಿಮಾವು ನೆಟ್‌ಫ್ಲಿಕ್ಸ್‌ ಒಟಿಟಿಯಲ್ಲಿ ಡಿಸೆಂಬರ್‌ 7ರಂದು ಸ್ಟ್ರಿಮ್‌ ಆಗುತ್ತಿದೆ. ಮುಂಬೈನಲ್ಲಿ ಈಗಾಗಲೇ ಈ ಸಿನಿಮಾದ ಪ್ರೀಮಿಯರ್‌ ಶೋ ಪ್ರದರ್ಶನವಾಗಿದೆ. ಈ ಪ್ರೀಮಿಯರ್‌ ಶೋಗೆ ಶಾರೂಖ್‌ ಖಾನ್‌, ಬಾಬಿ ಡಿಯೋಲ್‌, ರಣಬೀರ್‌ ಕಪೂರ್‌, ರಣವೀರ್‌ ಸಿಂಗ್‌, ಶಿಲ್ಪಾ ಶೆಟ್ಟಿ, ಜಾನ್ವಿ ಕಪೂರ್‌ ಮುಂತಾದ ಬಿಟೌನ್‌ ಸೆಲೆಬ್ರಿಟಿಗಳು ಆಗಮಿಸಿದ್ದರು. ದಿ ಆರ್ಚೀಸ್‌ ಸಿನಿಮಾದಲ್ಲಿ ಆಗಸ್ತ್ಯ ನಂದ ಮಾತ್ರವಲ್ಲದೆ ಶಾರೂಖ್‌ ಖಾನ್‌ ಮಗಳು ಸುಹಾನ ಖಾನ್‌ ಮತ್ತು ಬೋನಿ ಕಪೂರ್‌ ಮಗಳು ಖುಷಿ ಕಪೂರ್‌ ಕೂಡ ನಟಿಸಿದ್ದಾರೆ.
ಆಗಸ್ತ್ಯ ನಂದ 2000ರ ನವೆಂಬರ್‌ 23ರಂದು ಮುಂಬೈನಲ್ಲಿ ಜನಿಸಿದರು. ದಿ ಆರ್ಚೀಸ್‌ (2023), ಇಕ್ಕೀಸ್‌ (2025), ತುಡುಮ್: ನೆಟ್‌ಫ್ಲಿಕ್ಸ್‌ ಗ್ಲೋಬಲ್‌ ಫ್ಯಾನ್‌ ಇವೆಂಟ್‌ (2023) ನಟ. ಆಗಸ್ತ್ಯ ನಂದರ ಕುರಿತು ಇಷ್ಟು ಮಾತ್ರ ಹೇಳಿದರೆ ಸಾಕಾಗದು. ಇವರು ಬಾಲಿವುಡ್‌ನ ಬಿಗ್‌ಬಿ ಅಮಿತಾಬ್‌ ಬಚ್ಚನ್‌ ಮೊಮ್ಮಗ. ಆಗಸ್ತ್ಯ ನಂದ 6.1 ಅಡಿ ಎತ್ತರ ಇದ್ದಾರೆ. ಇವರು ಲಂಡನ್‌ನ ಸೆವನೊಕಸ್‌ ಶಿಕ್ಷಣ ಸಂಸ್ಥೆಯಲ್ಲಿ ಶಿಕ್ಷಣ ಪಡೆದಿದ್ದಾರೆ. ಆಗಸ್ತ್ಯನನ್ನು ಪ್ರೀತಿಯಿಂದ ಆಗ್ಗೀ ಎಂದು ಕರೆಯುತ್ತಾರೆ. ಇದನ್ನು ಓದಿ: Abhishek Bachchan: ನನ್ನ ಪ್ರೀತಿಯ ಅ... ನೀನು ರೀಚ್‌ಔಟ್‌ ಆಗು, ಕೈ ಹಿಡಿಯಲು ನಾನಿದ್ದೇನೆ; ಅಭಿಷೇಕ್‌ ಬಚ್ಚನ್‌ ಹೃದಯಸ್ಪರ್ಶಿ ಬರಹ
ಆಗಸ್ತ್ಯ ನಂದ ತಂದೆ-ತಾಯಿ ಯಾರು?
ಶ್ವೇತಾ ಬಚ್ಚನ್‌ ಮತ್ತು ನಿಖಿಲ್‌ ನಂದಾ ಅವರು ಆಗಸ್ತ್ಯ ತಂದೆತಾಯಿ. ಶ್ವೇತಾ ಬಚ್ಚನ್‌ ನಂದ ಅವರು 1974ರಲ್ಲಿ ಜನಿಸಿದ್ದರು. ಇವರು ಅಂಕಣಗಾರ್ತಿ, ಬರಹಗಾರ್ತಿ, ಮಾಜಿ ಮಾಡೆಲ್‌. ಶ್ವೇತಾ ಬಚ್ಚನ್‌ ಅವರು ಅಮಿತಾಬ್‌ ಬಚ್ಚನ್‌ ಮತ್ತು ಜಯ ಬಚ್ಚನ್‌ ಮಗಳು. ಶ್ವೇತಾ ಬಚ್ಚನ್‌ ಅವರು ಎಸ್ಕಾರ್ಟ್ಸ್‌ ಗ್ರೂಪ್‌ ಬಿಸ್ನೆಸ್‌ಮ್ಯಾನ್‌ ನಿಖಿಲ್‌ ನಂದ ಅವರನ್ನು 1997ರಂದು ವಿವಾಹವಾಗಿದ್ದರು. ನಿಖಿಲ್‌ ನಂದ ಅವರು ರಾಜ್‌ ಕಪೂರ್‌ರ ಮಗಳು ರಿತು ನಂದರ ಮಗ. ಶ್ವೇತಾ ಬಚ್ಚನ್‌ ಮತ್ತು ನಿಖಿಲ್‌ ನಂದರಿಗೆ ಇಬ್ಬರು ಮಕ್ಕಳು.
ಆಗಸ್ತ್ಯ ನಂದರ ಸಹೋದರಿ ಯಾರು?
ಶ್ವೇತ ಬಚ್ಚನ್‌ ಮತ್ತು ನಿಖಿಲ್‌ ನಂದನ್‌ಗೆ ನವ್ಯಾ ನವೇಲಿ ನಂದ (1997 ಡಿಸೆಂಬರ್‌ನಲ್ಲಿ ಜನನ) ಮತ್ತು ಆಗಸ್ತ್ಯ ನಂದ ಎಂಬ ಇಬ್ಬರು ಮಕ್ಕಳಿದ್ದಾರೆ. ನವ್ಯ ನವೇಲಿ ನಂದ ಅವರು ಉದ್ಯಮಿ ಮತ್ತು ಮಹಿಳಾ ಮಾನವ ಹಕ್ಕುಗಳ ವಕೀಲೆ. ಇವರು ಪ್ರಾಜೆಕ್ಟ್‌ ನವೇಲಿ ಎಂಬ ನಾನ್‌ ಪ್ರಾಫಿಟ್‌ ಸಂಸ್ಥೆಯ ಸ್ಥಾಪಕಿ.
ಆಗಸ್ತ್ಯ ನಂದರ ಅಜ್ಜ-ಅಜ್ಜಿ
ಅಮಿತಾಬ್‌ ಬಚ್ಚನ್‌, ಜಯ ಬಚ್ಚನ್‌, ರಿತು ನಂದ, ರಂಜನ್‌ ನಂದ ಅವರು ಆಗಸ್ತ್ಯ ನಂದರ ಅಜ್ಜ ಮತ್ತು ಅಜ್ಜಿಯಂದಿರು. ಇದನ್ನೂ ಓದಿ: Amitabh Bachchan: ರೇಖಾ ಜತೆಗೆ ಅಮಿತಾಬ್‌ ಬಚ್ಚನ್‌ ಪ್ರೇಮ ಕಹಾನಿ; ಬಿಗ್‌ಬಿ ನೆನಪಿನಲ್ಲಿ ಒಂಟಿಯಾಗಿಯೇ ಉಳಿದ ಬಾಲಿವುಡ್ ನಟಿ
ಆಗಸ್ತ್ಯ ನಂದರ ಗರ್ಲ್‌ಫ್ರೆಂಡ್‌ ಯಾರು?
ಗೂಗಲ್‌ನಲ್ಲಿ ಬಹುತೇಕರು ಆಗಸ್ತ್ಯ ನಂದನ ಗೆಳತಿ ಯಾರೆಂದು ಹುಡುಕಾಟ ನಡೆಸುತ್ತಿದ್ದಾರೆ. ಅಭಿಷೇಕ್‌ ಬಚ್ಚನ್‌ ಮತ್ತು ಜಯ ಬಚ್ಚನ್‌ ಮೊಮ್ಮಗ ಆಗಸ್ತ್ಯ ನಂದ ಅವರು ಆಗಾಗ ಶಾರೂಖ್‌ ಖಾನ್‌ರ ಮಗಳು ಸುಹಾನ ಖಾನ್‌ ಜತೆಗೆ ಕಾಣಿಸಿಕೊಳ್ಳುತ್ತಾರೆ. ಇದೇ ಕಾರಣಕ್ಕೆ ಈಕೆಯನ್ನೇ ಆಗಸ್ತ್ಯನ ಗರ್ಲ್‌ ಫ್ರೆಂಡ್‌ ಹೇಳಲಾಗುತ್ತದೆ. ಇದು ಹುಡುಗ-ಹುಡುಗಿಯರ ಸಹಜ ಸ್ನೇಹವೂ ಆಗಿರಬಹುದು.