Whatsapp Channel: ಈ ಎಲೆಮರೆಯ ಚೆಲುವೆಯನ್ನು ಗುರುತಿಸಿ, ವಾಟ್ಸಪ್‌ನಲ್ಲಿ ಅರೇರೇ ಅನಿಸುವ ಅರ್ಧ ಫೋಟೋ ಹಂಚಿದ ಜನಪ್ರಿಯ ನಟಿ
Sep 20, 2023 10:44 PM IST
Share
Whatsapp Channel: ಈ ಎಲೆಮರೆಯ ಚೆಲುವೆಯನ್ನು ಗುರುತಿಸಿ
- Who is this actress: ವಾಟ್ಸಪ್‌ ಚಾನೆಲ್‌ನಲ್ಲಿ ಬಾಲಿವುಡ್‌ನ ಜನಪ್ರಿಯ ನಟಿಯೊಬ್ಬರು ತಮ್ಮ ಸುಂದರ ಅರ್ಧ ಮುಖ ಕಾಣಿಸುವಂತಹ ಫೋಟೋ ಹಂಚಿಕೊಂಡಿದ್ದಾರೆ. ಈ ಫೋಟೋದಲ್ಲಿ ಇರುವವರು ಯಾರೆಂದು ಗುರುತಿಸಿ.
ಈಗ ವಾಟ್ಸಪ್‌ ಚಾನೆಲ್‌ಗಳ ಕಾಲ. ಸಾಮಾನ್ಯ ವಾಟ್ಸಪ್‌ ಬಳಕೆದಾರರು ತಮ್ಮ ನೆಚ್ಚಿನ ಸೆಲೆಬ್ರಿಟಿಗಳ ಜತೆ ಕನೆಕ್ಟ್‌ ಆಗಲು ಇದರಿಂದ ಸಾಧ್ಯವಿದೆ. ಈ ವಾಟ್ಸಪ್‌ ಚಾನೆಲ್‌ನಲ್ಲಿ ಕತ್ರಿನಾ ಕೈಫ್‌ ಸೇರಿದಂತೆ ಹಲವು ಪ್ರಮುಖ ನಟನಟಿಯರು ಸಿಗುತ್ತಾರೆ. ಪ್ರತಿನಿತ್ಯ ಇವರಿಂದ ಅಪ್‌ಡೇಟ್‌ಗಳನ್ನು ಪಡೆಯಬಹುದು. ಅಂದಹಾಗೆ ಈ ಲೇಖನದಲ್ಲಿರುವ ಫೋಟೋವನ್ನು ನೋಡಿದಾಗ ನಿಮಗೆ ಚಿತ್ರದಲ್ಲಿ ಕಾಣಿಸುತ್ತಿರುವ ಅರ್ಧ ಮುಖ ಯಾರದು ಎಂದು ಅರಿವಾಗಿರಬಹುದು. ಅದು ಕತ್ರಿನಾ ಕೈಫ್‌ ಎಂದರೆ ನಿಮ್ಮ ಉತ್ತರ ಸರಿ. ಇನ್ಯಾರಾದೋ ಹೆಸರು ಹೇಳಿದರೆ ನೀವಿನ್ನೂ ಬಾಲಿವುಡ್ ನಟನಟಿಯರ ವಿಷಯದಲ್ಲಿ ಅಪ್‌ಡೇಟ್‌ ಆಗಬೇಕು.
ವಾಟ್ಸಪ್‌ ಚಾನೆಲ್‌ನಲ್ಲಿ ಕತ್ರಿನಾ ಕೈಫ್‌ ಕಳುಹಿಸಿದ ಈ ಫೋಟೋದಲ್ಲಿ ಅವರ ಪೂರ್ತಿ ಮುಖ ಕಾಣುವುದಿಲ್ಲ. ಎಲೆಮರೆಯ ಹಿಂದೆ ಅವರ ಅರೆ ಸೌಂದರ್ಯ ಕಾಣಿಸುತ್ತದೆ. ಬೆಳ್ಳಂಬೆಳಗೆ ಈ ಚಿತ್ರವನ್ನು ಅವರು ಕಳುಹಿಸಿದ್ದು, ಅಭಿಮಾನಿಗಳಿಂದ ಲಕ್ಷಾಂತರ ಲೈಕ್ಸ್‌ ಗಿಟ್ಟಿಸಿಕೊಂಡಿದ್ದಾರೆ. ವಾಟ್ಸಪ್‌ನಲ್ಲಿ ಲೈಕ್‌ ಸ್ಮೈಲ್‌ ಇತ್ಯಾದಿ ಇಮೋಜಿಗಳಿಂದ ಪ್ರತಿಕ್ರಿಯೆ ಮಾತ್ರ ನೀಡಲು ಸಾಧ್ಯವಿದೆ. ಅವರಿಗೆ ನೇರವಾಗಿ ಸಂದೇಶ ಕಳುಹಿಸುವ ಅವಕಾಶವನ್ನು ವಾಟ್ಸಪ್‌ ಚಾನೆಲ್‌ ಹೊಂದಿಲ್ಲ.
ವಾಟ್ಸಪ್‌ ಚಾನೆಲ್‌ನಲ್ಲಿರುವ ಕತ್ರಿನಾ ಕೈಫ್‌ ಅವರು ಈಗಾಗಲೇ 78 ಲಕ್ಷ ವಾಟ್ಸಪ್‌ ಫಾಲೋವರ್‌ಗಳನ್ನು ಹೊಂದಿದ್ದಾರೆ. ವಾಟ್ಸಪ್‌ ಜತೆ ಪಾಲುದಾರಿಕೆ ಮಾಡಿಕೊಂಡು ಇವರು ಚಾನೆಲ್‌ ಆರಂಭಿಸಿದ್ದರು. ವಾಟ್ಸಪ್‌ ಚಾನೆಲ್‌ನಲ್ಲಿ ಬಿಡುಗಡೆ ಮಾಡಿದ ಮೊದಲ ವಿಡಿಯೋದಲ್ಲಿ ಇವರು "ಪ್ರತಿನಿತ್ಯ ನಾನು ಸಿನಿಮಾ ಸೇರಿದಂತೆ ವಿವಿಧ ಅಪ್‌ಡೇಟ್‌ಗಳನ್ನು ನೀಡುವುದಾಗಿ ಹೇಳಿದ್ದಾರೆ. ಎರಡನೇ ದಿನ ಇವರು ತನ್ನ ಫೋಟೋವನ್ನು ಹಂಚಿಕೊಂಡಿದ್ದಾರೆ.
ವಾಟ್ಸಪ್‌ ಚಾನೆಲ್‌ಗಳಲ್ಲಿ ಕತ್ರಿನಾ ಕೈಫ್‌ ಮಾತ್ರವಲ್ಲ. ಸನ್ನಿ ಲಿಯೋನ್‌ ಕೂಡ ಇದ್ದಾರೆ. ಇವರು ತಮ್ಮ ಚೆಲುವಿನ ಫೋಟೋವನ್ನು ಹಂಚಿಕೊಳ್ಳಲು ಆರಂಭಿಸಿದ್ದಾರೆ. ಪ್ರಧಾನಿ ನರೇಂದ್ರ ಮೋದಿ ಸೇರಿದಂತೆ ಹಲವು ಪ್ರಮುಖರನ್ನೂ ಇದೇ ವಾಟ್ಸಪ್‌ ಚಾನೆಲ್‌ನಲ್ಲಿ ಫಾಲೋ ಮಾಡಬಹುದಾಗಿದೆ. ನಿಮಗೆ ಯಾರು ಇಷ್ಟವೋ ಅವರ ಹೆಸರನ್ನು ಹುಡುಕಿ ಫಾಲೋ ಮಾಡಬಹುದಾಗಿದೆ.
ಕತ್ರಿನಾ ಕೈಫ್‌ ಬಾಲಿವುಡ್‌ನ ಜನಪ್ರಿಯ ನಟಿ. ಹುಟ್ಟಿದ್ದು ಹಾಂಕಾಂಗ್‌ನಲ್ಲಿ. ಬೆಳೆದದ್ದು ಇಂಗ್ಲೆಂಡ್‌ನಲ್ಲಿ. ಹಲವು ವರ್ಷಗಳಿಂದ ಇವರು ಮುಂಬೈನಲ್ಲಿ ನೆಲೆಸಿದ್ದಾರೆ. ಬೂಮ್‌, ಮಲ್ಲೀಸ್ಟರಿ, ಸರಕಾರ್‌, ಮೈನೆ ಪ್ಯಾರ್‌ ಕ್ಯೂನ್‌ ಕಿಯಾ, ಅಲ್ಲಾರಿ ಪಿಡುಗು, ಹಮ್ಮೋ ದಿವಾನ ಕರ್‌ ಗಯರೆ, ಬಲರಾಮ್‌ ವರ್ಸಸ್‌ ಥಾರ್ಧಾಸ್‌, ನಮಸ್ತೇ ಲಂಡನ್‌, ಅಪ್ನೇ, ಪಾಟ್ನರ್‌, ವೆಕ್ಮ್‌, ರೇಸ್‌, ಸಿಂಗ್‌ ಈಸ್‌ ಕಿಂಗ್‌, ಯುವ್ರಾಜ್‌, ಧೂಮ್‌ ಸೇರಿದಂತೆ ಇವರು ಹತ್ತು ಹಲವು ಸಿನಿಮಾಗಳಲ್ಲಿ ನಟಿಸಿದ್ದಾರೆ.