Hoysala Title: 'ಹೊಯ್ಸಳ' ಸಿನಿಮಾ ಟೈಟಲ್‌ನಲ್ಲಿ ಸಣ್ಣ ಬದಲಾವಣೆ ಮಾಡಲಾಗಿದೆ ಎಂದ ಡಾಲಿ.. ಏನದು ಹೊಸ ಟೈಟಲ್?
Mar 13, 2023 06:26 PM IST
Share
'ಹೊಯ್ಸಳ' ಚಿತ್ರದ ಟೈಟಲ್‌ನಲ್ಲಿ ಬದಲಾವಣೆ
- ಇತ್ತೀಚೆಗೆ ಸಿನಿಮಾ ಬಗ್ಗೆ ಮಾಹಿತಿ ನೀಡಲು ಚಿತ್ರತಂಡ ಸುದ್ದಿಗೋಷ್ಠಿ ಏರ್ಪಡಿಸಿತ್ತು. ಈ ವೇಳೆ ನಟ ಧನಂಜಯ್‌, ಸಿನಿಮಾ ಹೆಸರಿನ ಬದಲಾವಣೆ ಬಗ್ಗೆ ಮಾಹಿತಿ ನೀಡಿದರು. ''ಈ ಸಿನಿಮಾ ಟೈಟಲನ್ನು ನಾವು ರಾಮು ಫಿಲ್ಮ್ಸ್‌ ಬಳಿ ಕೇಳಿ ಪಡೆದಿದ್ದೇವೆ. ಆದರೆ ಇದೇ ಹೆಸರಿನಲ್ಲಿ ಮತ್ತೊಂದು ಸಿನಿಮಾ ಸೆನ್ಸಾರ್‌ ಆಗಿರುವ ವಿಷಯ ತಿಳಿಯಿತು.
ಬಿಡುಗಡೆಗೆ ಕೆಲವೇ ದಿನಗಳು ಇರುವಾಗ ಬಹಳಷ್ಟು ಸಿನಿಮಾಗಳ ಟೈಟಲ್ ಬದಲಾವಣೆ ಆಗಿರುವ ಎಷ್ಟೋ ಉದಾಹರಣೆಗಳಿವೆ. ಅನೂಪ್‌ ಭಂಡಾರಿ ನಿರ್ದೇಶನದಲ್ಲಿ ಸುದೀಪ್‌ ನಟಿಸಿರುವ ಫ್ಯಾಂಟಮ್‌ ಚಿತ್ರದ ಟೈಟಲ್, ಬಿಡುಗಡೆಗೆ ಕೆಲವು ದಿನಗಳು ಇರುವಂತೆ 'ವಿಕ್ರಾಂತ್‌ ರೋಣ' ಎಂದು ಬದಲಾಗಿತ್ತು. ಇದೀಗ ಧನಂಜಯ್‌ ಅಭಿನಯದ ಸಿನಿಮಾ ಹೆಸರಿನಲ್ಲಿ ಕೂಡಾ ಸಣ್ಣ ಬದಲಾವಣೆ ಆಗಿದೆ.
ಸಿನಿಪ್ರಿಯರಿಗೆ ತಿಳಿದಿರುವಂತೆ ಧನಂಜಯ್‌ ವೃತ್ತಿ ಜೀವನದ 25ನೇ ಸಿನಿಮಾ 'ಹೊಯ್ಸಳ'. ಈ ಸಿನಿಮಾ ಜನವರಿ 30 ರಂದು ಎಲ್ಲೆಡೆ ತೆರೆ ಕಾಣುತ್ತಿದೆ. ಈಗಾಗಲೇ ಬಿಡುಗಡೆ ಆಗಿರುವ ಪೋಸ್ಟರ್‌ಗಳು, ಟೀಸರ್‌, ಎರಡು ಹಾಡುಗಳು ಸಿನಿಪ್ರಿಯರ ಮನಸ್ಸು ಗೆಲ್ಲುವಲ್ಲಿ ಕೂಡಾ ಯಶಸ್ವಿಯಾಗಿದೆ. ಇತ್ತೀಚೆಗೆ ಸಿನಿಮಾ ಬಗ್ಗೆ ಮಾಹಿತಿ ನೀಡಲು ಚಿತ್ರತಂಡ ಸುದ್ದಿಗೋಷ್ಠಿ ಏರ್ಪಡಿಸಿತ್ತು. ಈ ವೇಳೆ ನಟ ಧನಂಜಯ್‌, ಸಿನಿಮಾ ಹೆಸರಿನ ಬದಲಾವಣೆ ಬಗ್ಗೆ ಮಾಹಿತಿ ನೀಡಿದರು. ''ಈ ಸಿನಿಮಾ ಟೈಟಲನ್ನು ನಾವು ರಾಮು ಫಿಲ್ಮ್ಸ್‌ ಬಳಿ ಕೇಳಿ ಪಡೆದಿದ್ದೇವೆ. ಆದರೆ ಇದೇ ಹೆಸರಿನಲ್ಲಿ ಮತ್ತೊಂದು ಸಿನಿಮಾ ಸೆನ್ಸಾರ್‌ ಆಗಿರುವ ವಿಷಯ ತಿಳಿಯಿತು. ಆದ್ದರಿಂದ ಚಿತ್ರದ ಟೈಟಲ್‌ನಲ್ಲಿ ಒಂದು ಸಣ್ಣ ಬದಲಾವಣೆ ಮಾಡಿದ್ದೇವೆ.
ಈ ಚಿತ್ರದಲ್ಲಿ ನಾನು ಗುರುದೇವ್‌ ಹೊಯ್ಸಳ ಹೆಸರಿನ ಪೊಲೀಸ್‌ ಅಧಿಕಾರಿ ಪಾತ್ರದಲ್ಲಿ ನಟಿಸಿದ್ಧೇನೆ. ಆದ್ದರಿಂದ ಈ ಚಿತ್ರದ ಟೈಟಲನ್ನು ಕೂಡಾ ಗುರುದೇವ್‌ ಹೊಯ್ಸಳ ಹೆಸರಿನಲ್ಲೇ ಬಿಡುಗಡೆ ಮಾಡಲಾಗುತ್ತಿದೆ'' ಎಂದು ಮಾಹಿತಿ ನೀಡಿದ್ದಾರೆ. ಚಿತ್ರದ ಪೋಸ್ಟರ್‌ನಲ್ಲಿ ಕೂಡಾ ಈಗಾಗಲೇ ಬದಲಾವಣೆ ಆಗಿದೆ. ಇದಕ್ಕೂ ಮುನ್ನ ಬಿಡುಗಡೆ ಆಗಿರುವ ಪೋಸ್ಟರ್‌ಗಳಲ್ಲಿ ಹೊಯ್ಸಳ ಹೆಸರಿನ ಮೇಲ್ಭಾಗ ಇಂಗ್ಲೀಷ್‌ನಲ್ಲಿ Dhananjaya ಎಂಬ ಹೆಸರು ಬರೆಸಲಾಗಿತ್ತು. ಆದರೆ ಇದೀಗ 'ಹೊಯ್ಸಳ' ಹೆಸರಿನ ಮೇಲೆ ಗುರುದೇವ್‌ ಎಂದು ಬದಲಿಸಲಾಗಿದೆ. ಒಟ್ಟಿನಲ್ಲಿ ಸಿನಿಮಾ ನೋಡಲು ಡಾಲಿ ಅಭಿಮಾನಿಗಳು ದಿನಗಣನೆ ಮಾಡುತ್ತಿದ್ದಾರೆ.
'ಹೊಯ್ಸಳ' ಚಿತ್ರಕ್ಕೆ ಸಂಬಂಧಿಸಿದ ಮತ್ತಷ್ಟು ಸುದ್ದಿಗಳು
'ಹೊಯ್ಸಳ' ರೊಮ್ಯಾಂಟಿಕ್‌ ಹಾಡು ರಿಲೀಸ್‌... ಧನಂಜಯ್‌-ಅಮೃತಾ ಕೆಮಿಸ್ಟ್ರಿಗೆ ಫ್ಯಾನ್ಸ್‌ ಫಿದಾ
ಸ್ಯಾಂಡಲ್ವುಡ್ ನಟರಾಕ್ಷಸ ಡಾಲಿ ಧನಂಜಯ್‌ ಅಭಿನಯದ 'ಹೊಯ್ಸಳ' ಸಿನಿಮಾ ಇನ್ನು ಕೆಲವೇ ದಿನಗಳಲ್ಲಿ ರಿಲೀಸ್‌ ಆಗಲಿದೆ. ಈಗಾಗಲೇ ಬಿಡುಗಡೆ ಆಗಿರುವ ಚಿತ್ರದ ಪೋಸ್ಟರ್‌ಗಳು, ಟೀಸರ್‌, ಹಾಡುಗಳು ಸಿನಿಪ್ರಿಯರ ಗಮನ ಸೆಳೆಯುತ್ತಿದೆ. ಇದೀಗ ಚಿತ್ರದ ರೊಮ್ಯಾಂಟಿಕ್‌ ಹಾಡೊಂದು ರಿಲೀಸ್‌ ಆಗಿದ್ದು, ಇಲ್ಲಿ ಕೂಡಾ ಧನಂಜಯ್‌ ಹಾಗೂ ಅಮೃತಾ ಅಯ್ಯಂಗಾರ್‌ ಕೆಮಿಸ್ಟ್ರಿ ಚೆನ್ನಾಗಿ ವರ್ಕೌಟ್‌ ಆಗಿದೆ. ಪೂರ್ತಿ ಸ್ಟೋರಿ ಓದಲು ಈ ಲಿಂಕ್‌ ಕ್ಲಿಕ್‌ ಮಾಡಿ.
ಧನಂಜಯ್‌ 25ನೇ ಚಿತ್ರದ ಟೈಟಲ್ ಹಾಡಿನಲ್ಲಿ ಪುನೀತ್‌... ಆ ಸೀನ್‌ ನೋಡಿ ಥ್ರಿಲ್‌ ಆದ ಅಪ್ಪು ಫ್ಯಾನ್ಸ್‌!
ಹೊಯ್ಸಳ ಟೈಟಲ್ ಹಾಡು, ಪುನೀತ್‌ ರಾಜ್‌ಕುಮಾರ್‌ ಅಭಿಮಾನಿಗಳಿಗೆ ಕೂಡಾ ಬಹಳ ಇಷ್ಟವಾಗಿದೆ. ಈ ಹಾಡಿನಲ್ಲಿ ಪೊಲೀಸ್‌ ಅಧಿಕಾರಿ ಗುರುದೇವ ಹೊಯ್ಸಳ (ಧನಂಜಯ್‌) ಥಿಯೇಟರ್‌ನಲ್ಲಿ ಸಿನಿಮಾ ನೋಡುತ್ತಿದ್ದ ರೌಡಿಯೊಬ್ಬನನ್ನು ಹೊರಗೆ ಎಳೆದು ಹೋಗುವಾಗ ಹಿಂದಿನ ಪರದೆಯಲ್ಲಿ ಪುನೀತ್‌ ರಾಜ್‌ಕುಮಾರ್‌, ರಗಡ್‌ ಲುಕ್‌ನೊಂದಿಗೆ ನಡೆದು ಬರುವ ದೃಶ್ಯ ಇದೆ. ಈ ಸೀನ್‌ ನೋಡಿ ಅಪ್ಪು ಅಭಿಮಾನಿಗಳು ಥ್ರಿಲ್‌ ಆಗಿದ್ದಾರೆ, ಕೆಲವರ ಕಣ್ಣಂಚು ಒದ್ದೆಯಾಗಿದೆ. ಈ ದೃಶ್ಯವನ್ನು ನಾವು ಮತ್ತೆ ಮತ್ತೆ ನೋಡುತ್ತಿದ್ದೇವೆ ಎಂದು ಅಪ್ಪು ಫ್ಯಾನ್ಸ್‌ ಕಮೆಂಟ್‌ ಮಾಡುತ್ತಿದ್ದಾರೆ. ಪೂರ್ತಿ ಸ್ಟೋರಿಗೆ ಈ ಲಿಂಕ್‌ ಒತ್ತಿ.
ವಿಭಾಗ