Hoysala 2nd Song: 'ಹೊಯ್ಸಳ' ರೊಮ್ಯಾಂಟಿಕ್‌ ಹಾಡು ರಿಲೀಸ್... ಧನಂಜಯ್‌-ಅಮೃತಾ ಕೆಮಿಸ್ಟ್ರಿಗೆ ಫ್ಯಾನ್ಸ್‌ ಫಿದಾ
Mar 09, 2023 09:14 AM IST
Share
'ಹೊಯ್ಸಳ' ಎರಡನೇ ಹಾಡು ರಿಲೀಸ್
- ಈ ಹಾಡಿಗೆ ಯೋಗರಾಜ್‌ ಭಟ್‌ ಸಾಹಿತ್ಯ ಬರೆದಿದ್ದು ಅಜನೀಶ್‌ ಲೋಕನಾಥ್‌ ಸಂಗೀತ ನೀಡಿದ್ದಾರೆ. ಹರಿಚರಣ್‌, ಈ ಹಾಡಿಗೆ ದನಿಯಾಗಿದ್ದಾರೆ. ಯೋಗರಾಜ್‌ ಭಟ್‌ ಅವರ ಸಾಹಿತ್ಯ ಹಾಗೂ ಅಜನೀಶ್‌ ಅವರ ಸಂಗೀತ ಬಹಳ ಚೆನ್ನಾಗಿದೆ 'ಹೊಯ್ಸಳ' ಸಿನಿಮಾ, ದೊಡ್ಡ ಯಶಸ್ಸು ಕಾಣಲಿ ಎಂದು ಸಿನಿಪ್ರಿಯರು ಶುಭ ಹಾರೈಸುತ್ತಿದ್ದಾರೆ.
ಸ್ಯಾಂಡಲ್ವುಡ್ ನಟರಾಕ್ಷಸ ಡಾಲಿ ಧನಂಜಯ್‌ ಅಭಿನಯದ 'ಹೊಯ್ಸಳ' ಸಿನಿಮಾ ಇನ್ನು ಕೆಲವೇ ದಿನಗಳಲ್ಲಿ ರಿಲೀಸ್ ಆಗಲಿದೆ. ಈಗಾಗಲೇ ಬಿಡುಗಡೆ ಆಗಿರುವ ಚಿತ್ರದ ಪೋಸ್ಟರ್‌ಗಳು, ಟೀಸರ್‌, ಹಾಡುಗಳು ಸಿನಿಪ್ರಿಯರ ಗಮನ ಸೆಳೆಯುತ್ತಿದೆ. ಇದೀಗ ಚಿತ್ರದ ರೊಮ್ಯಾಂಟಿಕ್‌ ಹಾಡೊಂದು ರಿಲೀಸ್ ಆಗಿದ್ದು, ಇಲ್ಲಿ ಕೂಡಾ ಧನಂಜಯ್‌ ಹಾಗೂ ಅಮೃತಾ ಅಯ್ಯಂಗಾರ್‌ ಕೆಮಿಸ್ಟ್ರಿ ಚೆನ್ನಾಗಿ ವರ್ಕೌಟ್‌ ಆಗಿದೆ.
ಅರೆ ಇದು ಎಂಥ ಭಾವನೆ... ಹಾಡು ಆನಂದ್ ಆಡಿಯೋ ಯೂಟ್ಯೂಬ್‌ ಚಾನೆಲ್‌ನಲ್ಲಿ ರಿಲೀಸ್ ಆಗಿದ್ದು ಇದುವರೆಗೂ 6 ಲಕ್ಷಕ್ಕೂ ಹೆಚ್ಚು ಮಂದಿ ಈ ಹಾಡನ್ನು ನೋಡಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಪತಿ-ಪತ್ನಿ ನಡುವಿನ ಪ್ರೀತಿಯನ್ನು ಈ ಹಾಡಿನಲ್ಲಿ ರೊಮ್ಯಾಂಟಿಕ್‌ ಆಗಿ ತೋರಿಸಲಾಗಿದೆ. ಈ ಹಾಡಿಗೆ ಯೋಗರಾಜ್‌ ಭಟ್‌ ಸಾಹಿತ್ಯ ಬರೆದಿದ್ದು ಅಜನೀಶ್‌ ಲೋಕನಾಥ್‌ ಸಂಗೀತ ನೀಡಿದ್ದಾರೆ. ಹರಿಚರಣ್‌, ಈ ಹಾಡಿಗೆ ದನಿಯಾಗಿದ್ದಾರೆ. ಯೋಗರಾಜ್‌ ಭಟ್‌ ಅವರ ಸಾಹಿತ್ಯ ಹಾಗೂ ಅಜನೀಶ್‌ ಅವರ ಸಂಗೀತ ಬಹಳ ಚೆನ್ನಾಗಿದೆ 'ಹೊಯ್ಸಳ' ಸಿನಿಮಾ, ದೊಡ್ಡ ಯಶಸ್ಸು ಕಾಣಲಿ ಎಂದು ಸಿನಿಪ್ರಿಯರು ಶುಭ ಹಾರೈಸುತ್ತಿದ್ದಾರೆ.
ದೊಡ್ಡ ಮೊತ್ತಕ್ಕೆ ಮಾರಾಟವಾಗಿರುವ ಚಿತ್ರದ ಆಡಿಯೋ ಹಕ್ಕು
ಮಾರ್ಚ್‌ 30ರಂದು 'ಹೊಯ್ಸಳ' ಸಿನಿಮಾ ಬಿಡುಗಡೆ ಆಗಲಿದೆ. ಇದು ಧನಂಜಯ್‌ ವೃತ್ತಿ ಜೀವನದ 25ನೇ ಸಿನಿಮಾ ಅನ್ನೋದು ವಿಶೇಷ. 'ಹೊಯ್ಸಳ'ನನ್ನು ಅಷ್ಟೇ ಅದ್ಬುತವಾಗಿ ತೆರೆಗೆ ತರಲು ಚಿತ್ರತಂಡ ಪ್ಲಾನ್‌ ರೂಪಿಸಿದೆ. ಕೆಆರ್‌ಜಿ ಸ್ಟುಡಿಯೋಸ್‌ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದು, ಸಿನಿಮಾ ಅದ್ದೂರಿಯಾಗಿ ಮೂಡಿಬಂದಿದೆ. ವಿಜಯ್‌ ಎನ್‌, ಚಿತ್ರಕ್ಕೆ ಆಕ್ಷನ್‌ ಕಟ್‌ ಹೇಳಿದ್ದಾರೆ. 'ಹೊಯ್ಸಳ' ಆಡಿಯೋ ಹಕ್ಕನ್ನು ಆನಂದ್ ಆಡಿಯೋ ದಾಖಲೆಯ ಮೊತ್ತಕ್ಕೆ ಖರೀದಿಸುವ ಮೂಲಕ ಧನಂಜಯ್‌ ಟಾಪ್ ಸ್ಟಾರ್‌ಗಳಲ್ಲಿ ಸ್ಥಾನ ಗಿಟ್ಟಿಸಿಕೊಂಡಿದ್ದಾರೆ. ಏಕೆಂದರೆ ಧನಂಜಯ ಅವರ ಸಿನಿ ಕರಿಯರ್‌ನಲ್ಲೇ ಅತಿ ಹೆಚ್ಚಿನ ಮೊತ್ತಕ್ಕೆ ಈ ಆಡಿಯೋ ಹಕ್ಕುಗಳು ಮಾರಾಟ ಆಗಿವೆ.
ಟೈಟಲ್‌ ಹಾಡಿನಲ್ಲಿ ಪುನೀತ್‌ ನೋಡಿ ಭಾವುಕರಾಗಿದ್ದ ಅಭಿಮಾನಿಗಳು
ಕೆಲವು ದಿನಗಳ ಹಿಂದೆ ಚಿತ್ರತಂಡ ಸಿನಿಮಾದ ಟೈಟಲ್‌ ಹಾಡನ್ನು ರಿಲೀಸ್ ಮಾಡಿತ್ತು. 'ಹೊಯ್ಸಳ' ಚಿತ್ರದಲ್ಲಿ ಧನಂಜಯ್‌, ಗುರುದೇವ 'ಹೊಯ್ಸಳ' ಹೆಸರಿನ ಪೊಲೀಸ್‌ ಅಧಿಕಾರಿ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಚಿತ್ರತಂಡ ಇತ್ತೀಚೆಗೆ ಸಳ ಸಳ ನೀ ಹೊಯ್ಸಳ, ನೂರಾನೆಯ ಬಲ ಸಿಂಗಲ್‌ ಪಡೆ ಇದು... ಎಂಬ ಹಾಡನ್ನು ರಿಲೀಸ್ ಮಾಡಿತ್ತು. ಈ ಹಾಡಿಗೆ ಸಂತೋಷ್‌ ಆನಂದ್ ರಾಮ್‌ ಸಾಹಿತ್ಯ ಬರೆದಿದ್ದಾರೆ. ನಕಾಶ್‌ ಅಜೀಜ್‌ ಈ ಹಾಡನ್ನು ಹಾಡಿದ್ದು ಯೋಗಿ ಬಿ ರಾಜ್‌, ರಾಪ್‌ ವರ್ಷನ್‌ ಹಾಡಿದ್ದಾರೆ.
'ಹೊಯ್ಸಳ' ಟೈಟಲ್‌ ಹಾಡು, ಪುನೀತ್‌ ರಾಜ್‌ಕುಮಾರ್‌ ಅಭಿಮಾನಿಗಳಿಗೆ ಕೂಡಾ ಬಹಳ ಇಷ್ಟವಾಗಿದೆ. ಈ ಹಾಡಿನಲ್ಲಿ ಪೊಲೀಸ್‌ ಅಧಿಕಾರಿ ಗುರುದೇವ ಹೊಯ್ಸಳ (ಧನಂಜಯ್‌) ಥಿಯೇಟರ್‌ನಲ್ಲಿ ಸಿನಿಮಾ ನೋಡುತ್ತಿದ್ದ ರೌಡಿಯೊಬ್ಬನನ್ನು ಹೊರಗೆ ಎಳೆದು ಹೋಗುವಾಗ ಹಿಂದಿನ ಪರದೆಯಲ್ಲಿ ಪುನೀತ್‌ ರಾಜ್‌ಕುಮಾರ್‌, ರಗಡ್‌ ಲುಕ್‌ನೊಂದಿಗೆ ನಡೆದು ಬರುವ ದೃಶ್ಯ ಇದೆ. ಈ ಸೀನ್‌ ನೋಡಿ ಅಪ್ಪು ಅಭಿಮಾನಿಗಳು ಥ್ರಿಲ್‌ ಆಗಿದ್ದಾರೆ, ಕೆಲವರ ಕಣ್ಣಂಚು ಒದ್ದೆಯಾಗಿದೆ. ಈ ದೃಶ್ಯವನ್ನು ನಾವು ಮತ್ತೆ ಮತ್ತೆ ನೋಡುತ್ತಿದ್ದೇವೆ ಎಂದು ಅಪ್ಪು ಫ್ಯಾನ್ಸ್‌ ಕಮೆಂಟ್‌ ಮಾಡುತ್ತಿದ್ದಾರೆ. ಚಿತ್ರದಲ್ಲಿ ಅಪ್ಪು ಅವರ ಸಿನಿಮಾ ದೃಶ್ಯ ಬಳಸಿಕೊಂಡಿರುವುದಕ್ಕೆ ಸಂತೋಷ ವ್ಯಕ್ತಪಡಿಸುತ್ತಿದ್ದಾರೆ. ಜೊತೆಗೆ 'ಹೊಯ್ಸಳ' ಚಿತ್ರಕ್ಕೆ ಶುಭ ಕೋರಿದ್ದಾರೆ. ದರ್ಶನ್‌ , ಸುದೀಪ್‌ ಅಭಿಮಾನಿಗಳು ಕೂಡಾ ಚಿತ್ರಕ್ಕೆ ಶುಭ ಹಾರೈಸಿದ್ದಾರೆ.