ಆರ್‌ಜಿವಿಗೆ ಇಷ್ಟವಾದಳು ಸೀರೆ ಶ್ರೀಲಕ್ಷ್ಮೀ; ರೀಲ್ಸ್‌ ಮೆಚ್ಚಿ ಆಕೆಯ ಗುಂಗಲ್ಲೇ ಸೀರೆ ಹೆಸರಿನ ಸಿನಿಮಾ ಘೋಷಣೆ, ನಾಯಕಿಯೂ ಅವಳೇ!
Oct 01, 2023 03:19 PM IST
Share
ಆರ್‌ಜಿವಿಗೆ ಇಷ್ಟವಾದಳು ಸೀರೆ ಶ್ರೀಲಕ್ಷ್ಮೀ; ರೀಲ್ಸ್‌ ಮೆಚ್ಚಿ ಆಕೆಯ ಗುಂಗಲ್ಲೇ ಸೀರೆ ಹೆಸರಿನ ಸಿನಿಮಾ ಘೋಷಣೆ, ನಾಯಕಿಯೂ ಅವಳೇ!
- ರೀಲ್ಸ್‌ ನೋಡಿ ಮಲಯಾಳಿ ಹುಡುಗಿಯ ಮೇಲೆ ರಾಮ್‌ಗೋಪಾಲ್‌ ಕಣ್ಣು ಹಾಕಿದ್ದಾರೆ. ಅಷ್ಟೇ ಅಲ್ಲ ಆ ಯುವತಿಯ ಸೀರೆಗೆ ಮರುಳಾಗಿ, ಸೀರೆ ಹೆಸರಿನ ಸಿನಿಮಾ ಸಹ ಅನೌನ್ಸ್‌ ಮಾಡಿದ್ದಾರೆ.
Ram Gopal Varma: ಭಾರತೀಯ ಸಿನಿಮಾರಂಗದಲ್ಲಿ ರಾಮ್‌ ಗೋಪಾಲ್‌ ವರ್ಮಾ ಅವರನ್ನು ಸಿನಿಮಾಗಳ ಕಾರ್ಖಾನೆ ಎಂದೇ ಕರೆಯುತ್ತಾರೆ. ಆ ಮಟ್ಟಿಗೆ ಅವರ ಸಿನಿಮಾಗಳು, ಅವರ ತಂಡದಿಂದ ಸಿನಿಮಾಗಳು ಹೊರಹೊಮ್ಮುತ್ತಲೇ ಇದ್ದವೂ. ಇತ್ತೀಚಿನ ಕೆಲ ವರ್ಷಗಳಿಂದ ಅದರ ಪ್ರಮಾಣದಲ್ಲಿ ಕೊಂಚ ಇಳಿಕೆ ಕಂಡಿದೆ. ಇದೀಗ ಸೀರೆಯುಟ್ಟ ಹುಡುಗಿಯೊಬ್ಬಳನ್ನು ನೋಡುತ್ತಿದ್ದಂತೆ ಸಿನಿಮಾ ಘೋಷಣೆ ಮಾಡಿದ್ದಾರೆ ಆರ್‌ಜಿವಿ!
ಇತ್ತೀಚಿನ ದಿನಗಳಲ್ಲಿ ಸೋಷಿಯಲ್‌ ಮೀಡಿಯಾದಲ್ಲಿ ತಮ್ಮ ಟ್ಯಾಲೆಂಟ್‌ ಪ್ರದರ್ಶಿಸಿ ಕಿರು ಅವಧಿಯಲ್ಲಿಯೇ ದೊಡ್ಡ ಮಟ್ಟದಲ್ಲಿ ಬೆಳೆದು ನಿಂತವರು ಸಾವಿರಾರು ಮಂದಿ. ರೀಲ್ಸ್‌ ಮೂಲಕ ಮೋಡಿ ಮಾಡಿ, ನಿದ್ದೆ ಕದ್ದ ಎಷ್ಟೋ ಚೆಲುವೆಯರು ಸಿನಿಮಾ, ಸೀರಿಯಲ್‌ಗಳಲ್ಲಿಯೂ ಚಾನ್ಸ್‌ ಗಿಟ್ಟಿಸಿಕೊಂಡವರಿದ್ದಾರೆ. ಇದೀಗ ತಮ್ಮ ಬಿಂಕ ಬಿನ್ನಾಣ ಪ್ರದರ್ಶಿಸಿದ್ದ ಯುವತಿಗೀಗ ಸಿನಿಮಾದಲ್ಲಿ ನಟಿಸುವ ಅವಕಾಶ ಸಿಕ್ಕಿದೆ.
ರಾಮ್‌ ಗೋಪಾಲ್‌ ವರ್ಮಾ ಇತ್ತೀಚೆಗಷ್ಟೇ ಸೀರೆಯುಟ್ಟ ಯುವತಿಯೊಬ್ಬಳ ರೀಲ್ಸ್‌ ಶೇರ್‌ ಮಾಡಿದ್ದರು. ಇವಳು ಯಾರು ಎಂಬುದು ಯಾರಿಗಾದರೂ ಗೊತ್ತಿದ್ದರೆ, ದಯವಿಟ್ಟು ನನ್ನ ಗಮನಕ್ಕೆ ತನ್ನಿ ಎಂದು ಮನವಿ ಮಾಡಿದ್ದರು. ಅದಕ್ಕೆ ಉತ್ತರವೆಂಬಂತೆ ಈಕೆ ಮಲಯಾಳಿ ಹುಡುಗಿ, ಇಗೋ ಇಲ್ಲಿದೆ ನೋಡಿ ಆಕೆಯ ಇನ್‌ಸ್ಟಾ ಐಡಿ ಎಂದು ನೆಟ್ಟಿಗರೊಬ್ಬರು ಮಾಹಿತಿ ನೀಡಿದ್ದರು.
ಇದೀಗ ಆ ಹುಡುಗಿ ಯಾರೆಂಬುದು ರಾಮ್‌ಗೋಪಾಲ್‌ ವರ್ಮಾ ಪತ್ತೆ ಹಚ್ಚಿದ್ದಾರೆ. ಆ ಯುವತಿಯ ಹೆಸರು ಶ್ರೀಲಕ್ಷ್ಮೀ ಸತೀಶ್ (sreelakshmi satheesh). ಕೇರಳ ಮೂಲದ ಈ ಚೆಲುವೆ ಓರ್ವ ಮಾಡೆಲ್. ಇನ್‌ಸ್ಟಾಗ್ರಾಮ್‌ನಲ್ಲಿ ಸೀರೆಯ ಮೂಲಕವೇ ಪಡ್ಡೆಗಳ ನಿದ್ದೆಗೆಡಿಸಿದ್ದಾರೆ ಈ ಸುಂದರಿ. ಇದೀಗ ಇದೇ ಯುವತಿಯನ್ನು ತಮ್ಮ ಸಿನಿಮಾಕ್ಕೆ ನಾಯಕಿಯನ್ನಾಗಿ ಮಾಡಿಕೊಂಡಿದ್ದಾರೆ ಆರ್‌ಜಿವಿ. ಈ ವಿಚಾರವನ್ನೂ ಅವರು ಹೇಳಿಕೊಂಡಿದ್ದಾರೆ.
ಸೀರೆ ಹೆಸರಿನ ಸಿನಿಮಾ ಘೋಷಣೆ ಮಾಡಿದ್ದು, ಅದಕ್ಕೆ ಶ್ರೀಲಕ್ಷ್ಮೀ ಸತೀಶ್ ಅವರನ್ನೇ ನಾಯಕಿಯನ್ನಾಗಿ ಆಯ್ಕೆ ಮಾಡಿದ್ದಾರೆ. "ಸೀರೆ ಒಂದು ಸುಂದರವಾದ ಉಡುಗೆ ಎಂದು ಈ ವರೆಗೂ ಎಷ್ಟೋ ಮಂದಿ ಹೇಳಿದ್ದಾರೆ. ಆದರೆ ನಾನು ಆ ಮಾತನ್ನು ನಂಬಿರಲಿಲ್ಲ. ಆದರೆ, ಈ ವಿಡಿಯೋ ನೋಡಿದ ಮೇಲೆ ಅದು ನಿಜ ಎನಿಸುತ್ತಿದೆ. ಈ ರೀಲ್ಸ್‌ ನೋಡಿದ ಮೇಲೆ ನಾನು ಆಕೆಯ ಸಲುವಾಗಿ ಸೀರೆ ಹೆಸರಿನ ಮಾಡಲು ನಿರ್ಧರಿಸಿದ್ದೇನೆ" ಎಂದು ಪೋಸ್ಟ್‌ ಹಂಚಿಕೊಂಡಿದ್ದರು ಆರ್‌ಜಿವಿ.
ಇನ್ನು ನಿರ್ದೇಶಕ ರಾಮ್‌ಗೋಪಾಲ್‌ ವರ್ಮಾ ಕಡೆಯಿಂದ ಶ್ರೀಲಕ್ಷ್ಮೀಗೆ ಫೋನ್‌ ಕರೆ ಹೋಗಿದೆ. ಈ ವಿಚಾರವನ್ನು ಸ್ವತಃ ಶ್ರೀಲಕ್ಷ್ಮೀ ಹೇಳಿಕೊಂಡಿದ್ದಾರೆ. "ನನಗೆ ರಾಮ್‌ ಗೋಪಾಲ್‌ ವರ್ಮಾ ಯಾರೆಂದೇ ಮೊದಲು ಗೊತ್ತಿರಲಿಲ್ಲ. ಆಮೇಲೆ ಗೊತ್ತಾಯ್ತು ರಂಗೀಲಾ ಸಿನಿಮಾದ ಡೈರೆಕ್ಟರ್‌ ಎಂದು. ಸಿನಿಮಾ ಕುರಿತು ಅವರ ನನ್ನ ಜೊತೆ ಮಾತನಾಡಿದರು" ಎಂದು ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದಾರೆ ಶ್ರೀಲಕ್ಷ್ಮೀ ಸತೀಶ್.
ಮನರಂಜನೆ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್‌ ಮಾಡಿ