Ram Gopal Varma: ನಿರ್ದೇಶಕರ ತಂಡ ನಿಮ್ಮ ಹತ್ಯೆಗೆ ಸಂಚು ರೂಪಿಸಿದ್ದಾರೆ..ಶಾಕಿಂಗ್‌ ಟ್ವೀಟ್‌ ಮಾಡಿದ ರಾಮ್‌ ಗೋಪಾಲ್‌ ವರ್ಮಾ!

ರಾಮ್‌ಗೋಪಾಲ್‌ ವರ್ಮಾ ಬಾಯಿ ಬಿಟ್ಟರೆ ಅಲ್ಲಿ ಸಾಮಾನ್ಯ ಮಾತುಗಳೇನೂ ಇರುವುದಿಲ್ಲ. ಅವರು ಯಾರನ್ನಾದರೂ ಗುರಿ ಮಾಡಿ ಮಾತನಾಡುತ್ತಾರೆ, ಅಥವಾ ಅಲ್ಲಿ ಏನಾದರೂ ವಿವಾದ ಇರುತ್ತದೆ. ಇತ್ತೀಚೆಗೆ ನಟಿಯೊಬ್ಬರ ಕಾಲಿಗೆ ಮುತ್ತಿಟ್ಟು ಸುದ್ದಿಯಾಗಿದ್ದ ರಾಮ್‌ ಗೋಪಾಲ್‌ ವರ್ಮಾ, ಇದೀಗ ರಾಜಮೌಳಿ ಬಗ್ಗೆ ಒಂದು ಟ್ವೀಟ್‌ ಮಾಡಿ ಎಲ್ಲರಿಗೂ ಶಾಕ್‌ ನೀಡಿದ್ದಾರೆ.

ರಾಜಮೌಳಿ ನಿರ್ದೇಶನದ 'ಆರ್‌ಆರ್‌ಆರ್‌' ಚಿತ್ರದ ನಾಟು ನಾಟು..ಹಾಡಿಗೆ ಇತ್ತೀಚೆಗೆ ಗೋಲ್ಡನ್‌ ಗ್ಲೋಬ್‌ ಪ್ರಶಸ್ತಿ ದೊರೆತಿತ್ತು. ರಾಜಮೌಳಿ, ಸಂಗೀತ ನಿರ್ದೇಶಕ ಎಂ.ಎಂ. ಕೀರವಾಣಿ, ರಾಮ್‌ ಚರಣ್‌, ಜ್ಯೂ.ಎನ್‌ಟಿಆರ್‌ ಹಾಗೂ ಇನ್ನಿತರರು ಅಮೆರಿಕಾಗೆ ತೆರಳಿ ಪ್ರಶಸ್ತಿ ಸ್ವೀಕರಿಸಿದ್ದರು. ಅಲ್ಲಿನ ಫೋಟೋಗಳನ್ನು ಎಲ್ಲರೂ ತಮ್ಮ ಸೋಷಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡು ಶುಭ ಹಾರೈಸಿದ್ದರು. ಗೋಲ್ಡನ್‌ ಗ್ಲೋಬ್‌ ಗೆದ್ದ ನೀವು ಆಸ್ಕರ್‌ ಪ್ರಶಸ್ತಿಯನ್ನು ಕೂಡಾ ಭಾರತಕ್ಕೆ ತನ್ನಿ ಎಂದು ಎಲ್ಲರ್ ವಿಶ್‌ ಮಾಡಿದ್ದರು. ಆದರೆ ವರ್ಮಾ ಮಾತ್ರ, ರಾಜಮೌಳಿ ಅವರೇ ನೀವು ಎಚ್ಚರವಾಗಿರಬೇಕು. ನಿಮ್ಮ ಹತ್ಯೆಗೆ ಎಲ್ಲರೂ ಸಂಚು ಮಾಡುತ್ತಿದ್ದಾರೆ ಎಂದು ಟ್ವೀಟ್‌ ಮಾಡಿ ಭಯದ ವಾತಾವರಣ ನಿರ್ಮಿಸಿದ್ದರು.

''ರಾಜಮೌಳಿ ಸರ್‌, ದಯವಿಟ್ಟು ನಿಮ್ಮ ಭದ್ರತೆಯನ್ನು ಹೆಚ್ಚಿಸಿಕೊಳ್ಳಿ. ನಿಮ್ಮ ಬಗ್ಗೆ ಮತ್ಸರ ಇರುವ ಕೆಲವರು ಭಾರತೀಯ ಸಿನಿಮಾ ನಿರ್ದೇಶಕರ ಗುಂಪು ನಿಮ್ಮ ಹತ್ಯೆಗೆ ಸಂಚು ಮಾಡಿದೆ. ಆ ಗುಂಪಿನಲ್ಲಿ ನಾನೂ ಇದ್ದೇನೆ. ನಾನು ಈಗ ಮದ್ಯ ಸೇವಿಸಿ ನಿಜ ಹೇಳುತ್ತಿದ್ದೇನೆ'' ಎಂದು ರಾಮ್‌ ಗೋಪಾಲ್‌ ವರ್ಮಾ ಟ್ವೀಟ್‌ ಮಾಡಿದ್ದರು. ಇದನ್ನು ನೋಡಿ ಗಾಬರಿಗೊಂಡವರೇ ಹೆಚ್ಚು. ಆದರೆ ನಂತರವಷ್ಟೇ ಇದು ವರ್ಮಾ, ನಿರ್ದೇಶಕ ರಾಜಮೌಳಿ ಅವರನ್ನು ಹೊಗಳಿದ ರೀತಿ ಎಂದು ಎಲ್ಲರಿಗೂ ತಿಳಿದದ್ದು. ವರ್ಮಾ ಟ್ವೀಟ್‌ಗೆ ನೆಟಿಜನ್ಸ್‌ ವಿವಿಧ ರೀತಿ ಕಮೆಂಟ್‌ ಮಾಡಿದ್ದಾರೆ.

ರಾಜಮೌಳಿಗಿಂತ ಮುನ್ನ ನೀವು ಬೇಕಾದಷ್ಟು ಹಿಟ್‌ ಸಿನಿಮಾಗಳನ್ನು ನೀಡಿದ್ದೀರಿ. ಅದರೆ ನಿಮಗೆ ಯಾರೂ ಕರೆದು ಪ್ರಶಸ್ತಿ ನೀಡಿಲ್ಲ. ಈ ಕಾರಣಕ್ಕೆ ನಮಗೆ ಇನ್ನೂ ಬೇಸರ ಇದೆ ಎಂದಿದ್ದಾರೆ. ಇನ್ನೂ ಕೆಲವರು ನೀವು ಸೇವಿಸಿರುವುದು ಯಾವ ಬ್ರಾಂಡ್‌ ಎಂದು ಪ್ರಶ್ನಿಸಿ ಕಮೆಂಟ್‌ ಮಾಡಿದ್ದಾರೆ. ಮತ್ತೊಂದು ಟ್ವೀಟ್‌ ಮಾಡಿರುವ ರಾಮ್‌ ಗೋಪಾಲ್‌ ವರ್ಮಾ, ''ನೀವು ಸಂಜಯ್‌ ಲೀಲಾ ಬನ್ಸಾಲಿ, ಕರಣ್‌ ಜೋಹರ್‌ ಅವರಂತ ನಿರ್ದೇಶಕರನ್ನೂ ಹಿಂದೆ ಹಾಕಿದ್ದೀರ. ಒಮ್ಮೆ ನಿಮ್ಮ ಕಾಲ್ಬೆರಳನ್ನು ಚೀಪಬೇಕು'' ಎಂದಿದ್ದಾರೆ.

ಇತ್ತೀಚೆಗೆ ನಟಿಯ ಕಾಲಿಗೆ ಮುತ್ತಿಟ್ಟು ಸುದ್ದಿಯಾಗಿದ್ದು ವರ್ಮಾ

ಕೆಲವು ದಿನಗಳ ಹಿಂದಷ್ಟೇ ರಾಮ್‌ ಗೋಪಾಲ್‌ ವರ್ಮಾ ತೆಲುಗು ನಟಿ ಆಶುರೆಡ್ಡಿ ಕಾಲಿಗೆ ಮುತ್ತಿಟ್ಟು, ಕಾಲನ್ನು ಚೀಪುತ್ತಿರುವ ವಿಡಿಯೋ ವೈರಲ್‌ ಆಗಿತ್ತು. ವರ್ಮಾ ನಿರ್ದೇಶನದ 'ಡೇಂಜರಸ್' ಸಿನಿಮಾ ಶೀಘ್ರದಲ್ಲೇ ತೆರೆ ಕಾಣಲಿದೆ. ಈ ಚಿತ್ರದಲ್ಲಿ ಸಾಕಷ್ಟು ಬೋಲ್ಡ್‌ ದೃಶ್ಯಗಳಿವೆ ಎನ್ನಲಾಗಿದ್ದು ವರ್ಮಾ, ತಮ್ಮ ಚಿತ್ರದ ಪ್ರಮೋಷನ್‌ ಕೆಲಸದಲ್ಲಿ ಬ್ಯುಸಿಯಾಗಿದ್ದಾರೆ. ಇಂಟರ್‌ ವ್ಯೂ ವೇಳೆ ಆಶು ರೆಡ್ಡಿ ಚೇರ್ ಮೇಲೆ ಕುಳಿತಿದ್ದಾರೆ. ಅವರ ಕಾಲ ಬಳಿ ಬರುವ ವರ್ಮಾ, ಆಕೆಯ ಕಾಲನ್ನು ತನ್ನ ಕೈಗಳಿಗೆ ತೆಗೆದುಕೊಂಡು ಮುತ್ತಿಕ್ಕಿ ನಂತರ ನೆಕ್ಕಲು ಆರಂಭಿಸುತ್ತಾರೆ. ಮೊದಲಿಗೆ ಆಶು ವರ್ಮಾ ಶಾಕ್‌ ಆದರೂ ನಂತರ ಆಕೆ ವರ್ಮಾ ಕೆನ್ನೆಗೆ ಮುತ್ತಿಡುತ್ತಾರೆ. ಈ ವಿಡಿಯೋ ವೈರಲ್‌ ಆಗುತ್ತಿದ್ದಂತೆ ನೆಟಿಜನ್ಸ್‌ ನಿರ್ದೇಶಕನ ವಿರುದ್ಧ ಕಿಡಿ ಕಾರಿದ್ದರು.