Nitya Menen: ಸ್ಟಾರ್ ನಟನೊಂದಿಗೆ ಹಸೆಮಣೆ ಏರ್ತಿದ್ದಾರಾ ಮೈನಾ ಚೆಲುವೆ​​​​​​​​...ಮಾಲಿವುಡ್ ಮಂದಿ ಹೇಳ್ತಿರೋದೇನು..?

ಬೆಂಗಳೂರಿನಲ್ಲಿ ಹುಟ್ಟಿ ಬೆಳೆದ ಮಲಯಾಳಂ ಕುಟ್ಟಿ ನಿತ್ಯಾ ಮೆನನ್ ಯಾವ ಸಿನಿಪ್ರಿಯರಿಗೆ ತಾನೇ ಗೊತ್ತಿಲ್ಲ..? ಮುದ್ದು ಮುಖದಿಂದಲೇ, ಆಕರ್ಷಕ ಕಣ್ಣುಗಳಿಂದಲೇ ಅಭಿಮಾನಿಗಳ ಮನಸ್ಸಿಗೆ ಲಗ್ಗೆ ಇಟ್ಟಿರುವ ನಿತ್ಯಾ ಮೆನನ್ ಬಹುಭಾಷಾ ನಟಿಯಾಗಿ ಗುರುತಿಸಿಕೊಂಡಿದ್ದಾರೆ. ಇಷ್ಟು ದಿನಗಳ ಕಾಲ ಸಿನಿಮಾಗಳ ಮೂಲಕ ಅಭಿಮಾನಿಗಳ ಮನರಂಜಿಸಿದ್ದ ನಿತ್ಯಾ ಮೆನನ್ ಇದೀಗ ದಾಂಪತ್ಯ ಜೀವನಕ್ಕೆ ಕಾಲಿಡುತ್ತಿದ್ದಾರೆ ಎನ್ನಲಾಗಿದೆ.

ಬಾಲ ನಟಿಯಾಗಿ ಚಿತ್ರರಂಗಕ್ಕೆ ಕಾಲಿಟ್ಟ ನಿತ್ಯಾ ಮೆನನ್, ನಟಿಯಾಗಿ ಮಾತ್ರವಲ್ಲದೆ ಗಾಯಕಿಯಾಗಿ ಡಬ್ಬಿಂಗ್ ಕಲಾವಿದೆಯಾಗಿ ಕೂಡಾ ಗುರುತಿಸಿಕೊಂಡಿದ್ದಾರೆ. 36 ರ ಈ ಚೆಲುವೆ ಈಗ ಮದುವೆಯಾಗುತ್ತಿದ್ದಾರೆ ಎಂದು ತಿಳಿದು ಕೆಲವು ಅಭಿಮಾನಿಗಳು ಸಂತೋಷ ವ್ಯಕ್ತಪಡಿಸಿದರೆ, ಇನ್ನೂ ಕೆಲವರಿಗೆ ಹಾರ್ಟ್ ಬ್ರೇಕ್ ಆಗಿದೆ. ಸಿನಿಮಾ ಹೀರೋಯಿನ್ ಎಂದರೆ ಆ ನಟನೊಂದಿಗೆ ಡೇಟಿಂಗ್, ಈ ನಟನೊಂದಿಗೆ ಲವ್ ಎಂದೆಲ್ಲಾ ಗಾಸಿಪ್ ಕೇಳಿ ಬರುವುದು ಸಾಮಾನ್ಯ. ಆದರೆ ನಿತ್ಯಾ ಮೆನನ್ ಈ ಎಲ್ಲಾ ವಿವಾದಗಳಿಂದ ದೂರ ಉಳಿದಿದ್ದಾರೆ. ಇದೀಗ ಮಲಯಾಳಂ ಚಿತ್ರರಂಗದಲ್ಲಿ ನಿತ್ಯಾ ಮೆನನ್ ಮದುವೆ ವಿಚಾರ ಭಾರೀ ಚರ್ಚೆಯಾಗುತ್ತಿದೆ.

ನಿತ್ಯಾ ಮೆನನ್ ಸದ್ಯದಲ್ಲೇ ಹಸೆಮಣೆ ಏರಲಿದ್ದಾರೆ. ಅದೂ ಕೂಡಾ ಆಕೆ ಮದುವೆಯಾಗುತ್ತಿರುವುದು ಸ್ಟಾರ್ ಹೀರೋ ಒಬ್ಬರನ್ನು ಎಂದು ಮಲಯಾಳಂ ಪತ್ರಿಕೆಗಳು ವರದಿ ಮಾಡಿವೆ. ಆದರೆ ಇದುವರೆಗೂ ನಿತ್ಯಾ ಮೆನನ್ ಕಡೆಯಿಂದ ಈ ವಿಚಾರದ ಬಗ್ಗೆ ಯಾವುದೇ ಪ್ರತಿಕ್ರಿಯೆ ದೊರೆತಿಲ್ಲ. ನಿತ್ಯಾ ಹಾಗೂ ಆ ಸ್ಟಾರ್ ನಟ ಇಬ್ಬರೂ ಬಹಳ ವರ್ಷಗಳಿಂದ ಪ್ರೀತಿಯಲ್ಲಿದ್ದು ಇಬ್ಬರೂ ಶೀಘ್ರದಲ್ಲೇ ಮದುವೆಯಾಗಲಿದ್ದಾರೆ ಎನ್ನಲಾಗುತ್ತಿದೆ. ಈ ಸುದ್ದಿ ಎಷ್ಟು ನಿಜ..? ಎಷ್ಟು ಸುಳ್ಳು ಎಂಬುದು ಗೊತ್ತಾಗಬೇಕಿದೆ.

ಮಲಯಾಳಂ ಕುಟುಂಬಕ್ಕೆ ಸೇರಿದ ನಿತ್ಯಾ ಮೆನನ್ ಹುಟ್ಟಿ ಬೆಳೆದದ್ದು ಬೆಂಗಳೂರಿನಲ್ಲಿ. 10 ವರ್ಷದವರಿರುವಾಗ The Monkey Who Knew Too Much ಚಿತ್ರದ ಮೂಲಕ ಬಾಲನಟಿಯಾಗಿ ನಿತ್ಯಾ ಮೆನನ್ ಚಿತ್ರರಂಗಕ್ಕೆ ಕಾಲಿಟ್ಟರು. 17ನೇ ವರ್ಷದಲ್ಲಿ ಕನ್ನಡದ 7 ಓ ಕ್ಲಾಕ್ ಚಿತ್ರದಲ್ಲಿ ನಿತ್ಯಾ ಮೆನನ್ ಪೋಷಕ ಪಾತ್ರದಲ್ಲಿ ನಟಿಸಿದರು. 2008 ರಲ್ಲಿ ಮಲಯಾಳಂನ ಆಕಾಶ ಗೋಪುರಂ ಚಿತ್ರದ ಮೂಲಕ ನಿತ್ಯಾ ಮೆನನ್ ಪೂರ್ಣ ಪ್ರಮಾಣದ ನಾಯಕಿಯಾಗಿ ಗುರುತಿಸಿಕೊಂಡರು. ಕನ್ನಡ, ತಮಿಳು, ತೆಲುಗು, ಮಲಯಾಳಂ ಹಾಗೂ ಹಿಂದಿಯ ಅನೇಕ ಸಿನಿಮಾಗಳಲ್ಲಿ ನಿತ್ಯಾ ಮೆನನ್ ನಟಿಸಿದ್ದಾರೆ. ಕನ್ನಡದಲ್ಲಿ ಜೋಶ್, ಐದೊಂದ್ಲ ಐದು, ಮೈನಾ, ಕೋಟಿಗೊಬ್ಬ 2 ಸಿನಿಮಾಗಳಲ್ಲಿ ನಟಿಸಿದ್ದಾರೆ.

ಗಾಯಕಿಯಾಗಿ ಕೂಡಾ ಗುರುತಿಸಿಕೊಂಡಿರುವ ನಿತ್ಯಾ ಮೆನನ್​ ಇದುವರೆಗೂ ಅನೇಕ ಹಾಡುಗಳನ್ನು ಹಾಡಿದ್ದಾರೆ. ಕನ್ನಡದ ಐದೊಂದ್ಲ ಐದು, ತೆಲುಗಿನ ಅಲಾ ಮೊದಲಾಯಿಂದಿ, ಇಷ್ಕ್, ಗುಂಡೇ ಜಾರಿ ಗಲ್ಲಂತಾಯಿಂದೇ, 100 ಡೇಸ್ ಆಫ್ ಲವ್, ಮಲಯಾಳಂನ ಪಾಪ್ಪಿನ್ಸ್, ರಾಕ್​ಸ್ಟಾರ್ ಸೇರಿ ಅನೇಕ ಸಿನಿಮಾಗಳಿಗೆ ನಿತ್ಯಾ ಮೆನನ್ ಹಾಡಿದ್ದಾರೆ. ಬಹುಮುಖ ಪ್ರತಿಭೆ ನಿತ್ಯಾ ಮೆನನ್​​​ ಹಾಲಿವುಡ್​​​​​ ಅನಿಮೇಶನ್ ಪ್ರೋಜನ್ 2 ಚಿತ್ರದಲ್ಲಿ ಎಲ್ಸಾ ಪಾತ್ರಕ್ಕೆ ತೆಲುಗಿನಲ್ಲಿ ಡಬ್ ಕೂಡಾ ಮಾಡಿದ್ದಾರೆ.