ಕ್ಯಾನ್ಸರ್‌ಗೆ ಬಲಿಯಾದ ದಿ ಕಪಿಲ್ ಶರ್ಮಾ ಶೋ ಹಾಸ್ಯ ನಟ ಅತುಲ್ ಪರ್ಚೂರೆ; ಸಂತಾಪ ಸೂಚಿಸಿದ ಮಹಾರಾಷ್ಟ್ರ ಸಿಎಂ ಏಕ್ನಾಥ್ ಶಿಂಧೆ
Oct 15, 2024 08:06 AM IST
Share
ಕ್ಯಾನ್ಸರ್‌ಗೆ ಬಲಿಯಾದ ದಿ ಕಪಿಲ್ ಶರ್ಮಾ ಶೋ ಹಾಸ್ಯ ನಟ ಅತುಲ್ ಪರ್ಚೂರೆ
ಅನಾರೋಗ್ಯದಿಂದ ಬಳಲುತ್ತಿದ್ದ ದಿ ಕಪಿಲ್ ಶರ್ಮಾ ಸೋ ಖ್ಯಾತಿಯ ನಟ ಅತುಲ್ ಪರ್ಚುರೆ ನಿಧನರಾಗಿದ್ದಾರೆ. ಅವರಿಗೆ 57 ವರ್ಷ ವಯಸ್ಸಾಗಿತ್ತು. ಅತುಲ್ ಅವರ ಸಾವು ಬಾಲಿವುಡ್ ಹಾಗೂ ಹಿಂದಿ ಕಿರುತೆರೆಗೆ ಆಘಾತ ನೀಡಿದೆ.
ದಿ ಕಪಿಲ್ ಶರ್ಮಾ ಖ್ಯಾತಿಯ ಮರಾಠಿ ನಟ ಅತುಲ್ ಪರ್ಚುರೆ 57ನೇ ವಯಸ್ಸಿಗೆ ಇಹಲೋಕ ತ್ಯಜಿಸಿದ್ದಾರೆ. ಕೆಲವು ವರ್ಷಗಳ ಹಿಂದೆ ಅತುಲ್ ಕ್ಯಾನ್ಸರ್‌ನಿಂದ ಬಳಲುತ್ತಿದ್ದರು. ಆದರೆ ಅದರಿಂದ ಸಂಪೂರ್ಣ ಚೇತರಿಸಿಕೊಂಡಿದ್ದರೂ ಅವರ ಅಕಾಲಿಕ ಮರಣ ಚಿತ್ರರಂಗವನ್ನು ದಿಗ್ಭ್ರಮೆಗೊಳಿಸಿದೆ. ಸೋಮವಾರ (ಅಕ್ಟೋಬರ್ 14) ಬೆಳಗ್ಗೆ ಅತುಲ್ ಪರ್ಚುರೆ ಕೊನೆಯುಸಿರೆಳೆದಿದ್ದಾರೆ ಎಂದು ಕುಟುಂಬದ ಮೂಲಗಳು ಖಚಿತಪಡಿಸಿವೆ. ಅತುಲ್ ಪರ್ಚುರೆ ತಾಯಿ, ಪತ್ನಿ ಹಾಗೂ ಪುತ್ರಿಯನ್ನು ಅಗಲಿದ್ದಾರೆ.
ಸಂತಾಪ ಸೂಚಿಸಿದ ನಟಿ ಸುಪ್ರಿಯಾ ಪಿಲ್ಗಾಂವ್ಕರ್
ಬಾಲಿವುಡ್ ಕಲಾವಿದರು, ಕಿರುತೆರೆ ನಟ/ನಟಿಯರು ಸೋಷಿಯಲ್‌ ಮಿಡಿಯಾದಲ್ಲಿ ಅತುಲ್ ಸಾವಿಗೆ ಸಂತಾಪ ಸೂಚಿಸಿದ್ದಾರೆ. ನಟಿ ಸುಪ್ರಿಯಾ ಪಿಲ್ಗಾಂವ್ಕರ್ ತಮ್ಮ ಇನ್‌ಸ್ಟಾಗ್ರಾಮ್‌ಲ್ಲಿ ನಟನಿಗೆ ಶ್ರದ್ಧಾಂಜಲಿ ಅರ್ಪಿಸಿದ್ದಾರೆ. “ಆತ್ಮೀಯ ಗೆಳೆಯ, ನಿಮ್ಮನ್ನು ಈ ಪರಿಸ್ಥಿತಿಯಲ್ಲಿ ನೋಡಲಾಗುತ್ತಿಲ್ಲ, ನನ್ನೊಂದಿಗೆ ಜಗಳವಾಡುವುದನ್ನು ನೀನು ಶಾಶ್ವತವಾಗಿ ತಪ್ಪಿಸಿಕೊಂಡಿದ್ದೀಯ, ನನ್ನನ್ನ ಬಹಳ ಸಹಿಸಿಕೊಂಡಿದ್ದೀಯ, ನಿಮ್ಮ ನಗುವನ್ನು ನಾವೆಲ್ಲಾ ಶಾಶ್ವತವಾಗಿ ಕಳೆದುಕೊಂಡಿದ್ದೇವೆ. ನಿಮ್ಮ ಅತ್ಮಕ್ಕೆ ಶಾಂತಿ ದೊರೆಯಲಿದೆ, ನಿನ್ನ ಅಗಲಿಕೆಯನ್ನು ಸಹಿಸುವಂತ ಶಕ್ತಿಯನ್ನು ದೇವರು ನಿಮ್ಮ ಕುಟುಂಬಕ್ಕೆ ನೀಡಲಿ ಎಂದು ಇನ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್ ಹಂಚಿಕೊಂಡಿದ್ದಾರೆ.
ನಟನ ಅಗಲಿಕೆ ದುಃಖ ಉಂಟು ಮಾಡಿದೆ ಎಂದ ಮಹಾರಾಷ್ಟ್ರ ಸಿಎಂ
ಮಹಾರಾಷ್ಟ್ರ ಸಿಎಂ ಏಕ್ನಾಥ್ ಶಿಂಧೆ ಕೂಡಾ ಅತುಲ್ ಪರ್ಚುರೆ ನಿಧನಕ್ಕೆ ಸಂತಾಪ ಸೂಚಿಸಿದ್ದಾರೆ. ಮರಾಠಿಯಲ್ಲಿ ಇನ್‌ಸ್ಟಾಗ್ರಾಮ್‌ ಪೋಸ್ಟ್ ಹಂಚಿಕೊಂಡಿದ್ದಾರೆ. ಅದ್ಭುತ ನಟನ ಅಕಾಲಿಕ ನಿಧನ ದುಃಖ ಉಂಟು ಮಾಡಿದೆ. ಪ್ರೇಕ್ಷಕರನ್ನು ನಗೆಗಡಲಲ್ಲಿ ತೇಲಿಸಿದ, ಕೆಲವೊಮ್ಮೆ ಕಣ್ಣೀರು ಸುರಿಸುವಂತೆ ಮಾಡಿದ ವ್ಯಕ್ತಿ ಈತ. ಅತುಲ್ ಪರ್ಚುರೆ ಅವರ ಅಕಾಲಿಕ ಮರಣದಿಂದ ಬಹಳ ಬೇಸರವಾಗಿದೆ. ನಾಟಕ, ಸಿನಿಮಾ ಮತ್ತು ಧಾರಾವಾಹಿಗಳಲ್ಲಿ ಅತುಲ್ ತಮ್ಮ ಛಾಪು ಮೂಡಿಸಿದ್ದರು. ಮರಾಠಿ ಮತ್ತು ಹಿಂದಿ ಸಿನಿಮಾಗಳಲ್ಲೂ ಅವರಿಗೆ ಒಳ್ಳೆಯ ಮನ್ನಣೆ ಸಿಕ್ಕಿತು. ಅವರ ಅಗಲಿಕೆಯೊಂದಿಗೆ ಒಂದೊಳ್ಳೆ ನಟನನ್ನು ನಾವು ಕಳೆದುಕೊಂಡಿದ್ದೇವೆ. ಈ ನಷ್ಟ ಭರಿಸಲಾಗದು. ಅತುಲ್ ಪರ್ಚುರೆ ಅವರ ಅಭಿಮಾನಿಗಳಲ್ಲಿ ನಾನು ಕೂಡಾ ಒಬ್ಬ. ಅವರ ಕುಟುಂಬದ ನೋವಿನ ಭಾಗವಾಗಿದ್ದೇನೆ. ದೇವರು ಅವರಿಗೆ ಈ ನೋವನ್ನು ಭರಿಸುವ ಶಕ್ತಿಯನ್ನು ನೀಡಲಿ. ಅವರಿಗೆ ರಾಜ್ಯ ಸರ್ಕಾರದ ಪರವಾಗಿ ಶ್ರದ್ಧಾಂಜಲಿ ಸಲ್ಲಿಸುತ್ತೇನೆ. ಓಂ ಶಾಂತಿ" ಎಂದು ಪೋಸ್ಟ್ ಮಾಡಿದ್ದಾರೆ.
ಅತುಲ್ ಪರ್ಚುರೆ, ಮರಾಠಿ ಮತ್ತು ಬಾಲಿವುಡ್ ಚಿತ್ರಗಳಲ್ಲಿ ಹೆಸರು ಮಾಡಿದ್ದಾರೆ. ಶಾರುಖ್ ಖಾನ್, ಸಂಜಯ್ ದತ್, ಅಜಯ್ ದೇವಗನ್ ಮುಂತಾದ ಸ್ಟಾರ್‌ ಕಲಾವಿದರ ಜೊತೆ ಅವರು ನಟಿಸಿದ್ದರು. ದೂರದರ್ಶನದಲ್ಲಿ ಕಪಿಲ್ ಶರ್ಮಾ ಶೋ ಶರ್ಮಾ ಧಾರಾವಾಹಿ ಮೂಲಕ ಅತುಲ್ ಬಹಳ ಹೆಸರು ಗಳಿಸಿದ್ದರು.