Seetha Rama Serial: ದೇಸಾಯಿ ಕಂಪನಿಯಲ್ಲಿ ಸೀತಾಗೆ ಉನ್ನತ ಹುದ್ದೆ; ರಾಮನ ನಿರ್ಧಾರಕ್ಕೆ ಕುಟುಂಬದಲ್ಲಿಯೇ ಭುಗಿಲೆದ್ದ ಆಂತರಿಕ ಭಿನ್ನಮತ

Seetha Rama Serial: ಎಲ್ಲವೂ ಚೆನ್ನಾಗಿಯೇ ಹೋಗುತ್ತಿದೆ. ಮದುವೆ ಆಯ್ತು, ಒಳ್ಳೆಯ ಮನೆ ಸೇರಿಕೊಂಡೆ. ಸಿಹಿಗೆ ಒಳ್ಳೆಯ ಅಪ್ಪ ಸಿಕ್ಕರು. ನನಗೆ ಒಳ್ಳೆಯ ಗಂಡ ಜತೆಗೆ ಒಳ್ಳೆಯ ಕುಟುಂಬ ಸಿಕ್ತು ಅನ್ನೋ ಖುಷಿಯಲ್ಲಿದ್ದಾಳೆ ಸೀತಾ. ಆದರೆ, ದೇಸಾಯಿ ಮನೆಯಲ್ಲಿ ಶತ್ರುಗಳ ನಡುವೆಯೇ ವಾಸ ಮಾಡುತ್ತಿದ್ದೇನೆ ಎಂಬ ಸಣ್ಣ ಅರಿವೂ ಸೀತಾಗೆ ಬಂದಿಲ್ಲ. ಈಗಿನ್ನೂ ಹೊಸದಲ್ವಾ ಆ ಕಾರಣಕ್ಕೆ. ಇತ್ತ ಹೇಗಾದರೂ ಮಾಡಿ ಸೀತಾಳಿಂದ ಸಿಹಿಯನ್ನು ದೂರ ಮಾಡಬೇಕು ಎಂದೂ ಪಣ ತೊಟ್ಟಿದ್ದಾಳೆ ಭಾರ್ಗವಿ. ಅದಕ್ಕಾಗಿ ಸಿಹಿಯನ್ನೇ ಟಾರ್ಗೆಟ್‌ ಮಾಡುತ್ತಿದ್ದಾಳೆ.

ಸೀತಾ ರಾಮ ಧಾರಾವಾಹಿಯಲ್ಲಿ ದೇಸಾಯಿ ಮನೆಯಲ್ಲಿ ಸೀತಾಳ ಮೇಲೆ ಕಣ್ಣಿಟ್ಟಿದ್ದು ಭಾರ್ಗವಿ ಒಬ್ಬಳೇ. ಹೇಗಾದರೂ ಮಾಡಿ ಶ್ರೀರಾಮನ ಆಸ್ತಿಯನ್ನು ಲಪಟಾಯಿಸಬೇಕು ಎಂಬುದು ಆಕೆಯ ಉದ್ದೇಶ. ಇದೀಗ ಇದೇ ಭಾರ್ಗವಿಗೆ ಸಾಥ್‌ ನೀಡಲು ಮತ್ತೋರ್ವ ಹಿತಶತ್ರು ಬಂದಿದ್ದಾನೆ. ಅದು ಬೇರಾರೂ ಅಲ್ಲ, ಭಾರ್ಗವಿಯ ಗಂಡ, ಶ್ರೀರಾಮನ ಚಿಕ್ಕಪ್ಪ ವಿಶ್ವಜಿತ್! ಇಲ್ಲಿಯವರೆಗೂ ಶ್ರೀರಾಮನ ಕಂಡರೆ ಚೆನ್ನಾಗಿಯೇ ಇದ್ದ ವಿಶ್ವ, ಏಕಾಏಕಿ ಶ್ರೀರಾಮನ ಮೇಲೆ ತಿರುಗಿ ಬಿದ್ದಿದ್ದಾನೆ. ವಿಶ್ವನ ಕೋಪಕ್ಕೆ ಕಾರಣ ಹುಡುಕ ಹೊರಟರೆ, ಅದು ಶ್ರೀರಾಮ ತೆಗೆದುಕೊಂಡ ಹೊಸ ನಿರ್ಧಾರ.

ಇದನ್ನೂ ಓದಿ: ವೇಶ್ಯೆಯಿಂದಲೇ ಸೆಟ್ಟೇರಲಿಲ್ಲ ವಿಷ್ಣುವರ್ಧನ್‌ 100ನೇ ಸಿನಿಮಾ ಹಗಲುಗನಸು! ಸುಹಾಸಿನಿಯೂ ಒಪ್ಪಲಿಲ್ಲ, ರೇವತಿಯೂ ತಿರುಗಿ ನೋಡಲಿಲ್ಲ

ಸೀತಾ ಈಗ ದೇಸಾಯಿ ಕಂಪನಿಯ ಬೋರ್ಡ್‌ ಮೆಂಬರ್‌

ಹೌದು, ತನ್ನ ಕಂಪನಿಯಲ್ಲಿ ಅಕೌಂಟಂಟ್‌ ಆಗಿ ಕೆಲಸ ಮಾಡುತ್ತಿದ್ದ ಸೀತಾಳನ್ನು ಪ್ರೀತಿಸಿ ಮದುವೆಯಾಗಿದ್ದಾನೆ ರಾಮ. ಇದೀಗ ಮದುವೆ ಬಳಿಕ ಮೊದಲ ಸಲ ಆಕೆಯನ್ನು ಆಫೀಸ್‌ಗೆ ಕರೆದೊಯ್ದು, ಈ ವರೆಗೂ ಮಾಡುತ್ತಿದ್ದ ಅಕೌಂಟಂಟ್‌ ಕೆಲಸದಿಂದ ವಜಾ ಮಾಡಿದ್ದಾನೆ. ರಾಮನ ಈ ನಿರ್ಧಾರಕ್ಕೆ ಸೀತಾಳಿಗೂ ಕೊಂಚ ಬೇಸರವಾಗಿದೆ. ಅದಾದ ಬಳಿಕ ಸರ್ಪ್ರೈಸ್‌ ಎಂಬಂತೆ, ದೇಸಾಯಿ ಕಂಪನಿಯ ಬೋರ್ಡ್‌ ಮೆಂಬರ್‌ ಮಾಡಿ ಉನ್ನತ ಹುದ್ದೆ ನೀಡಿದ್ದಾನೆ. ನನಗೆ ಈ ಜವಾಬ್ದಾರಿಗಳು ಬೇಡ ಎಂದರೂ, ರಾಮ್‌ ನೀಡಿದ್ದಾನೆ.

ಪತ್ನಿಗೆ ಉನ್ನತ ಹುದ್ದೆ; ವಿಶ್ವನ ಕಣ್ಣು ಕೆಂಪು..

ಸೀತಾಗೆ ಹೊಸ ಜವಾಬ್ದಾರಿ ನೀಡಿದ ವಿಚಾರವನ್ನು ಮನೆಗೆ ಬಂದು ಎಲ್ಲರ ಸಮ್ಮುಖದಲ್ಲಿ ಹೇಳಿಕೊಂಡಿದ್ದಾನೆ ರಾಮ. ಸೀತಾ ಇನ್ಮೇಲೆ ನಮ್ಮ ಕಂಪನಿಯ ಬೋರ್ಡ್‌ ಮೆಂಬರ್‌ ಎಂದಿದ್ದಾನೆ. ರಾಮ ಹೀಗೆ ಹೇಳುತ್ತಿದ್ದಂತೆ ತಾತ ಸೂರ್ಯಪ್ರಕಾಶ್‌ ಖುಷಿಯಾಗಿದ್ದಾನೆ. ಇಬ್ಬರೂ ಒಟ್ಟಿಗೆ ಚೆನ್ನಾಗಿ ಕೆಲಸ ಮಾಡಿಕೊಂಡು ಹೋಗ್ತಾರೆ ಬಿಡು ಎಂದಿದ್ದಾನೆ. ಆದರೆ, ಭಾರ್ಗವಿ, ವಿಶ್ವ ಮತ್ತು ಸಾಧನಾ ಮುಖದಲ್ಲಿ ಮಾತ್ರ ಆ ಖುಷಿಯಿರಲಿಲ್ಲ. ಅದರಲ್ಲೂ ವಿಶ್ವಜಿತ್‌ ಒಳಗೊಳಗೆ ಹಲ್ಲು ಮಸಿಯುತ್ತಿದ್ದಾನೆ. ಭಾರ್ಗವಿಯ ಕಣ್ಣೂ ಕೆಂಪಗಾಗಿದೆ.

ಇದನ್ನೂ ಓದಿ: ನಿವೇದಿತಾ ಗೌಡ ಅವರ ಈ ರೀಲ್ಸ್‌ ವೈರಲ್‌; ಆನ್‌ಲೈನ್‌ ಹೇಟರ್‌ಗಳ ಕಾಮೆಂಟ್‌ ಕಡೆಗಣಿಸಿ ಮುಂದಡಿ ಇಟ್ಟ ದಿಟ್ಟೆ

ಭಾರ್ಗವಿಗೆ ಸಾಥ್‌ ನೀಡ್ತಾನಾ ವಿಶ್ವ?

ಸೀತಾಗೆ ಈ ಕಂಪನಿಯಲ್ಲಿ ಉನ್ನತ ಹುದ್ದೆ ಸಿಗುತ್ತಿದ್ದಂತೆ, ವಿಶ್ವನಿಗೆ ವಾಸ್ತವ ಸ್ಥಿತಿಯನ್ನು ಮನವರಿಕೆ ಮಾಡಿಕೊಟ್ಟಿದ್ದಾಳೆ ಪತ್ನಿ ಭಾರ್ಗವಿ. ಅಪ್ಪ ಇಲ್ಲದ ಮಗು ಸಿಹಿಗೆ ದೇಸಾಯಿ ಕುಟುಂಬದ ಸಾವಿರಾರು ಕೋಟಿ ಆಸ್ತಿ ಹೋಗ್ತಿದೆ. ನಿನ್ನ ಮಗ ಅನಿಕೇತ್‌ಗೆ ಏನೂ ಇಲ್ಲ. ಇದೆಲ್ಲ ನಿನ್ನ ವಾಣಿ ಅತ್ತಿಗೆಯಿಂದಲೇ ಆಗಿದ್ದು ವಿಶ್ವ ಎಂದಿದ್ದಾಳೆ. ಭಾರ್ಗವಿಯ ಮಾತನ್ನು ಹಲ್ಲು ಮಸಿಯುತ್ತಲೇ ಕೇಳಿದ ವಿಶ್ವ, ನಿನ್ನೆ ಮೊನ್ನೆ ಬಂದವಳಿಗೆ ಸಿಗುತ್ತಿರುವ ಗೌರವ, ಮರ್ಯಾದೆ ಮನೆ ಮಗನಾಗಿ ನನಗೆ ಸಿಗ್ತಿಲ್ಲ ಎಂದು ಒಳಗೊಳಗೆ ಕುದಿಯುತ್ತಿದ್ದಾನೆ. ಈ ಮೂಲಕ ಶ್ರೀರಾಮನ ವಿರುದ್ಧ ಭಾರ್ಗವಿಯೊಬ್ಬಳೇ ಶತ್ರುವಾಗಿದ್ದಳು. ಇದೀಗ ಇದೇ ಭಾರ್ಗವಿ ಜತೆಗೆ ವಿಶ್ವನೂ ಸೇರಿಕೊಳ್ಳುತ್ತಾನಾ? ಕಾದು ನೋಡಬೇಕು.

ಸೀತಾ ರಾಮ ಧಾರಾವಾಹಿ ಪಾತ್ರವರ್ಗ

ನಿರ್ದೇಶಕ: ಮಧುಸೂಧನ್‌

ಗಗನ್‌ ಚಿನ್ನಪ್ಪ: ಶ್ರೀರಾಮ (ನಾಯಕ)

ವೈಷ್ಣವಿ ಗೌಡ: ಸೀತಾ (ನಾಯಕ)

ರೀತು ಸಿಂಗ್: ಸಿಹಿ (ಸೀತಾ ಮಗಳು)

ಅಶೋಕ ಶರ್ಮಾ: ಅಶೋಕ (ಶ್ರೀರಾಮನ ಪ್ರಾಣ ಸ್ನೇಹಿತ)

ಭಾರ್ಗವಿ: ಪೂಜಾ ಲೋಕೇಶ್‌ (ಶ್ರೀರಾಮನ ಚಿಕ್ಕಮ್ಮ)

ಮುಖ್ಯಮಂತ್ರಿ ಚಂದ್ರು: ಸೂರ್ಯ ಪ್ರಕಾಶ್‌ ದೇಸಾಯಿ (ಶ್ರೀರಾಮನ ತಾತ)

ಶ್ವೇತಾ ಶಂಕರಪ್ಪ: ಪ್ರಿಯಾ (ಸೀತಾಳ ಸ್ನೇಹಿತೆ)

ವಿಕಾಸ್‌ ಕಾರ್‌ಗೋಡ್:‌ ಲಾಯರ್‌ ರುದ್ರಪ್ರತಾಪ್

ಸತೀಶ್‌ ಚಂದ್ರ: ಚರಣ್‌. ಡಿ

ಪೂರ್ಣಚಂದ್ರ ತೇಜಸ್ವಿ: ವಿಶ್ವಜೀತ್‌ (ಶ್ರೀರಾಮನ ಚಿಕ್ಕಪ್ಪ)

ಜಯದೇವ್‌ ಮೋಹನ್:‌ ಸತ್ಯಜೀತ್‌ (ಶ್ರೀರಾಮನ ಚಿಕ್ಕಪ್ಪ)