Seetha Rama: ಸೀತಾ ರಾಮನ ಮೇಲೆ ಭಾರ್ಗವಿಯ ವಕ್ರ ದೃಷ್ಟಿ; ಮುಂಗಡ ಸಂಬಳ ತಡೆಹಿಡಿದು ಕುಹಕ ನಗೆ ಬೀರಿದ ಚಿಕ್ಕಿ

Seetha Rama: ಮದುವೆ ವಿಚಾರವಾಗಿ ಅತ್ತಿಗೆ ಸುಲೋಚನಾ ಮೇಲೆ ಗರಂ ಆಗಿದ್ದಾಳೆ ಸೀತಾ. ಶಾಲೆಯಲ್ಲಿ ಅಪ್ಪನಿಲ್ಲ ಅನ್ನೋ ಕಾರಣಕ್ಕೆ ಸಹಪಾಠಿಯ ಮಾತಿಗೆ ತಿರುಗೇಟು ಕೊಟ್ಟಿದ್ದಾಳೆ ಸಿಹಿ. ಅಪ್ಪನ ಬಗ್ಗೆ ಎದುರಾದ ಪ್ರಶ್ನೆಗೆ ಬೇಸರಿಸಿಕೊಂಡಿದ್ದಾಳೆ. ಈ ಕಡೆ ಅದ್ಯಾವಾಗ ಸೀತಾ ಅಕೌಂಟ್‌ಗೆ ಅಡ್ವಾನ್ಸ್‌ ಸ್ಯಾಲರಿ ಕ್ರೆಡಿಟ್‌ ಆಗುತ್ತೋ ಅನ್ನೋ ಗೊಂದಲದಲ್ಲಿದ್ದಾನೆ ರಾಮ.

ಹೀಗಿರುವಾಗಲೇ ಸೀತಾಳ ಸ್ನೇಹಿತೆ ಪ್ರಿಯಾ ಅಕೌಂಟ್‌ಗೆ ಅಚ್ಚರಿಯ ರೀತಿಯಲ್ಲಿ ಬರೋಬ್ಬರಿ 25 ಲಕ್ಷ ಹಣ ಜಮಾ ಆಗಿದೆ. ಅಷ್ಟೊಂದು ಹಣ ನೋಡಿದ ಪ್ರಿಯಾ ಖುಷಿಯಲ್ಲಿದ್ದಾಳೆ. ನನ್ನ ಮೇಲೆ ನಿನಗೆ ಈಗ ಕರುಣೆ ಬಂತಾ ದೇವರೇ ಎನ್ನುತ್ತಿದ್ದಾಳೆ. ಈ ವಿಚಾರವನ್ನು ಯಾರಿಗೂ ಹೇಳಬೇಡಿ, ಏನೋ ಸಮಸ್ಯೆ ಆಗಿದೆ ಎಂದು ಮ್ಯಾನೇಜರ್‌ ಚರಣ್‌, ಪ್ರಿಯಾಗೆ ವಾರ್ನ್‌ ಮಾಡಿದ್ದಾನೆ.

ಅದೇ ಖುಷಿಯಲ್ಲಿ ಹಣ ಜಮೆ ಆಗಿದೆ ಎಂದು ಹೇಳದೇ, ಬಾಸ್‌ ಅಶೋಕನ ಬಳಿಯೂ ಹೋಗಿ ಮಾತನಾಡಿದ್ದಾಳೆ. ಪ್ರಿಯಾಳ ವರ್ತನೆ ಕಂಡು ಅಶೋಕನಿಗೆ ಇರಿಸುಮುರುಸಾಗಿದೆ. ಇತ್ತ ಬಾಸ್‌ ಚೇಂಬರ್‌ನಿಂದ ಹೊರಬಂದ ಪ್ರಿಯಾ, 25 ಲಕ್ಷ ಹಣ ಜಮೆ ಆದ ವಿಚಾರವನ್ನು ರಾಮ್‌ ಮುಂದೆಯೂ ಹೇಳಿದ್ದಾಳೆ. ಅಯ್ಯೋ ಇದೇನಾಯ್ತು? ಎಂದು ನೇರವಾಗಿ ಅಶೋಕನ ಗಮನಕ್ಕೆ ತಂದಿದ್ದಾನೆ ರಾಮ.

ಇದನ್ನೂ ಓದಿ: ಅವನಿಗೆ ನಾನು ಬೇಡ್ವಂತೆ, ಅವಳೇ ಬೇಕಂತೆ; ವರುಣ್‌, ವರ್ಷಾ ಮತ್ತು ಅವಳು! ಪ್ರೀತಿ ತಿರಸ್ಕರಿಸಿದವನಿಗೆ ಸುದೀರ್ಘ ಬರಹ

ಭಾರ್ಗವಿಗೆ ಫೋನ್‌ ಮಾಡಿದ ಮ್ಯಾನೇಜರ್‌ ಚರಣ್‌, ನೀವು ಹೇಳಿದಂತೆ ದುಡ್ಡನ್ನು ಬೇರೆಯವರ ಅಕೌಂಟ್‌ಗೆ ಹೋಗುವ ಹಾಗೆ ಮಾಡಿದ್ದೇನೆ ಎನ್ನುತ್ತಾನೆ. ಇತ್ತ ಭಾರ್ಗವಿ ಮೊಗದಲ್ಲಿ ಗೆಲುವಿನ ನಗೆ. ಆಫೀಸ್‌ನಲ್ಲಿ ಅಡ್ವಾನ್ಸ್‌ ಸ್ಯಾಲರಿ, ಮನೆಯಲ್ಲಿ ಕುಡುಕನಿಗೆ ಕೌನ್ಸಲಿಂಗ್.. ದೇಸಾಯಿ ಮನೆತನವನ್ನು ರಾಮರಾಜ್ಯ ಮಾಡೋಕೆ ಹೊರಟಿದಿಯಲ್ಲ ರಾಮ.. ರಾವಣನ ರೀತಿ ಈ ಭಾರ್ಗವಿ ಇರೋ ವರೆಗೂ ಅದು ಅಸಾಧ್ಯ ಎನ್ನುತ್ತಾಳೆ.

ಮನೆ ಕೊಳ್ಳುವುದಕ್ಕೆ ಒಂದೊಳ್ಳೆ ಪಾರ್ಟಿ ಸಿಕ್ಕಿದ್ದಾರೆ. ಬರ್ತೀರಾ ಎಂದು ರುದ್ರಪ್ರತಾಪ್‌ ಕಡೆಯಿಂದ ಸೀತಾಳಿಗೆ ಫೋನ್‌ ಬರುತ್ತದೆ. ಅದಕ್ಕೆ ನೇರವಾಗಿ, ನಾನು ಮನೆ ಮಾರುತ್ತಿಲ್ಲ ಎನ್ನುತ್ತಾಳೆ ಸೀತಾ. ಈ ಕಡೆ ತನ್ನಿಂದಲೇ ಸೀತಾ ಅವರಿಗೆ ಸಮಸ್ಯೆ ಆಗ್ತಿದೆ ಎಂದು ರಾಮ ಬೇಸರಗೊಂಡಿದ್ದಾನೆ. ಆ ಕಡೆ ರಾಮ ಮತ್ತು ಸೀತಾಳ ಬಗ್ಗೆ ಭಾರ್ಗವಿ ಗಮನಕ್ಕೂ ಬಂದಿದೆ. ಹಾಗಾದರೆ ರಾಮನ ಮುಂದಿನ ನಡೆ ಏನು? ಸೀತಾಳಿಗೆ ಕೊಟ್ಟ ಮಾತನ್ನು ರಾಮ ಉಳಿಸಿಕೊಳ್ಳುತ್ತಾನಾ? ‌