Seetha Rama: ದೇವರು ಕೊಟ್ರೂ ಪೂಜಾರಿ ಕೊಡ್ತಿಲ್ಲ ಅನ್ನೋ ಹಾಗಾಗಿದೆ ಸೀತಾಳ ಕಥೆ; ಈ ಸ್ಯಾಲರಿ ವಿಚಾರ ಕೈ ಬಿಡ್ರಪ್ಪ ಎನ್ನುತ್ತಿದ್ದಾನೆ ವೀಕ್ಷಕ

Seetha Rama: Serial 47th Episode: ಪ್ರಿಯಾಗೆ ಹಣ ಹಿಂದಿರುಗಿಸುವಂತೆ ಅಶೋಕ ಹೇಳಿದ್ದಾನೆ. ಬೇಸರ ಮಾಡಿಕೊಂಡು, ಅಲ್ಲಿಂದ ಹೊರನಡೆದಿದ್ದಾಳೆ ಪ್ರಿಯಾ. ಇತ್ತ ಮೀಟಿಂಗ್‌ ವಿಚಾರವನ್ನು ಸೀತಾಳಿಗೂ ತಿಳಿಸಿ ಎಂದು ರಾಮನಿಗೆ ಆರ್ಡರ್‌ ಮಾಡಿದ್ದಾನೆ ಅಶೋಕ. ಇತ್ತ ನಿಮಗೆ ಸೇರಬೇಕಿದ್ದ ಹಣ, ತಪ್ಪಿ ಪ್ರಿಯಾ ಅಕೌಂಟ್‌ಗೆ ಹೋಗಿದೆ. ಹಾಗಾಗಿ ನಿಮಗೆ ಹಣ ಸೇರಲು ಇನ್ನೊಂದೆರಡು ದಿನ ಬೇಕಾಗಬಹುದು ಎಂದು ವಿವರಿಸಿದ್ದಾನೆ ರಾಮ. ರಾಮನ ಮಾತು ಕೇಳಿ, ಇದನ್ನು ಹೇಳಲು ಇಷ್ಟು ಸರ್ಕಸ್‌ ಮಾಡಿದ್ರಾ? ಆಫೀಸ್‌ನಲ್ಲಿಯೇ ಹೇಳಿದ್ರೆ ಮುಗೀತಿತ್ತಲ್ಲ ಎಂದಿದ್ದಾಳೆ ಸೀತಾ. ಅಡ್ವಾನ್ಸ್ ಸ್ಯಾಲರಿ ವಿಷಯ ಹೇಳೋಕೆ ತಲೆ ಕೆಡಿಸಿಕೊಂಡಿದ್ದ ರಾಮಂಗೆ ಸೀತಾನೇ ಸಮಾಧಾನ ಮಾಡಿದ್ದಾಳೆ.

ಇತ್ತ 120 ಕೋಟಿಯ ಅವ್ಯವಹಾರಕ್ಕೆ ಮಸಲತ್ತು ನಡೆಸಿದ್ದಾಳೆ ಭಾರ್ಗವಿ. ಬೋರ್ಡ್‌ ಆಫ್‌ ಡೈರೆಕ್ಟರ್‌ರಲ್ಲಿ ಒಬ್ಬನಾದ ಪತಿ ವಿಶ್ವಜಿತ್‌ ಕಡೆಗೂ ಒಂದಷ್ಟು ಫೈಲ್‌ಗಳಿಗೆ ಸಹಿ ಮಾಡಿಸಿದ್ದಾಳೆ. ಸೀತಾ ಮನೆಯಲ್ಲಿ ಗಣೇಶ ಹಬ್ಬದ ಸಡಗರ ಜೋರಾಗಿದ್ದರೆ, ಸೂರ್ಯ ಪ್ರಕಾಶ್‌, ರಾಮ ಮತ್ತು ಅಶೋಕನ ನಡುವೆ ಚೆಸ್‌ ಆಟ ನಡೆಯುತ್ತಿದೆ. ಇದೇ ವೇಳೆ ಅಡ್ವಾನ್ಸ್‌ ಸ್ಯಾಲರಿ ವಿಚಾರ ಪ್ರಸ್ತಾಪವಾಗಿದೆ. ದುಡ್ಡು ಯಾರಿಗೆ ಸೇರಬೇಕೋ ಅವರಿಗೆ ಸೇರುತ್ತೆ ಎಂದಿದ್ದಾನೆ ರಾಮ.

ಇದನ್ನೂ ಓದಿ: ಉಪೇಂದ್ರ ಹುಟ್ಟುಹಬ್ಬ ವಿಶೇಷ, ಯುಐ ಸಿನಿಮಾದ ಈ ಟೀಸರ್ ನಿಮ್ಮ ಕಲ್ಪನೆಗಾಗಿ

ರಾಮನ ಈ ಮಾತುಗಳನ್ನು ಮರೆಯಲ್ಲಿ ನಿಂತು ಕೇಳಿಸಿಕೊಂಡ ಸಾಧನಾ, ಆ ವಿಚಾರವನ್ನು ಅಕ್ಕ ಭಾರ್ಗವಿ ಮುಂದೆ ಹೇಳಿದ್ದಾಳೆ. ಕೋಪದಲ್ಲಿಯೇ ಪರೋಕ್ಷವಾಗಿ ಸಾಧನಾಗೆ ಬೈದ ಭಾರ್ಗವಿ, ರಾಮ ಅದ್ಹೇಗೆ ಖುಷಿಯಾಗಿದ್ದಾನೆ. ನಾನು ಇರೋವರೆಗೂ ಅದು ಅಸಾಧ್ಯ ಎಂದಿದ್ದಾಳೆ. ವಠಾರದಲ್ಲಿ ಗಣೇಶನನ್ನು ಕೂರಿಸಲು ಸಿಹಿ ಮತ್ತು ಗ್ಯಾಂಗ್‌ ಮನೆ ಮನೆಗೆ ಹೋಗಿ ಹಣ ಕಲೆಕ್ಟ್‌ ಮಾಡ್ತಿದ್ದಾಳೆ. ಈ ಕಡೆ ಹಬ್ಬದ ನಿಮಿತ್ತ ಮನೆ ಮಂದಿಗೆ ಹೊಸ ಬಟ್ಟೆ ನೀಡಿದ್ದಾಳೆ ಭಾರ್ಗವಿ.

ವೀಕ್ಷಕರ ಪ್ರತಿಕ್ರಿಯೆ

ಸೀತಾ ರಾಮ ಸೀರಿಯಲ್‌ ನೋಡುಗರಿಂದ ಈ ಏಪಿಸೋಡ್‌ಗೆ ಬಗೆಬಗೆ ಕಾಮೆಂಟ್‌ಗಳು ಸಂದಾಯವಾಗಿವೆ. ಅಡ್ವಾನ್ಸ್‌ ಸ್ಯಾಲರಿ ವಿಚಾರ ಎಷ್ಟು ಎಳೀತಿದ್ದೀರಿ, ಸಾಕು ಮಾಡಿ ಎಂದು ಧಾರಾವಾಹಿ ವೀಕ್ಷಕರು ತಮ್ಮ ಅನಿಸಿಕೆ ಅಭಿಪ್ರಾಯ ಹಂಚಿಕೊಳ್ಳುತ್ತಿದ್ದಾರೆ.

"ಅಡ್ವಾನ್ಸ್‌ ಸ್ಯಾಲರಿ ಟಾಪಿಕ್‌ ಸ್ಟಾಪ್‌ ಮಾಡಿ ಪ್ಲೀಸ್.‌ ತುಂಬ ಎಳೆಯುತ್ತೀದ್ದೀರಿ. ಸಿಹಿ, ಸೀತಾ ರಾಮ ಡೇ ಔಟ್‌ ಥರದ ಏಪಿಸೋಡ್‌ ಮಾಡಿ. ರಿಫ್ರೆಶಿಂಗ್‌ ಅನಿಸುತ್ತೆ. ಇನ್ನೂ ಸೀತಾ ರಾಮ ಬಾಂಡಿಂಗೇ ಸ್ಟಾರ್ಟ್‌ ಆಗಿಲ್ಲ. ಏಪಿಸೋಡ್‌ ಇನ್ನೂ ಸೇರಿಸಬೇಕು ಅಂತ ಮಾಡಿದ್ದೀರಿ ಅನಿಸ್ತಿದೆ"

ಪ್ರಿಯಾಳ ವರ್ತನೆಗೂ ವೀಕ್ಷಕರ ವಲಯದಲ್ಲಿ ಬೇಸರ ವ್ಯಕ್ತವಾಗಿದೆ. ಅದು ಪ್ರಿಯಾಳ ದುಡ್ಡಲ್ಲ ಅಂದಮೇಲೆ, ಅವಳ್ಯಾಕೆ ಆ ಹಣದ ಮೇಲೆ ಅಷ್ಟೊಂದು ಡಿಪೆಂಡ್‌ ಆಗಬೇಕು ಎಂದಿದ್ದಾರೆ. ದಿನದಿಂದ ದಿನಕ್ಕೆ ಕಥೆ ಹಳಿತಪ್ಪುತ್ತಿದೆ. ಇತರ ಧಾರಾವಾಹಿಗಳ ರೀತಿ ಆಗುತ್ತಿದೆ ಎನ್ನುತ್ತಿದ್ದಾರೆ.

ನೆಗೆಟಿವ್‌ ಶೇಡ್‌ನಲ್ಲಿ ಕಾಣಿಸಿಕೊಳ್ಳುವ ಭಾರ್ಗವಿ ಪಾತ್ರ ತುಂಬ ಓವರ್‌ ಅನಿಸ್ತಿದೆ ಎಂಬ ಅನಿಸಿಕೆಗಳೂ ಕಾಮೆಂಟ್‌ ಬಾಕ್ಸ್‌ನಲ್ಲಿ ಹೆಚ್ಚು ಸಂದಾಯವಾಗಿವೆ. ತುಂಬ ಓವರ್‌ ಆಕ್ಟಿಂಗ್‌ ಆಯ್ತು ಎನ್ನುತ್ತಿದ್ದಾರೆ.