Seetha Rama: ಜೀವದ ಗೆಳೆಯ ಅಶೋಕ್ ಸತ್ಯ ಹೇಳ್ತಿದ್ರೂ, ಭಾರ್ಗವಿ ಪರವಾಗಿಯೇ ನಿಂತಿದ್ದಾನೆ ಶ್ರೀರಾಮ! ಒಂದೇ ಕಲ್ಲಲ್ಲಿ 3 ಹಕ್ಕಿ ಹೊಡೆದ ಚಿಕ್ಕಿ

Seetha Rama Serial 54th Episode: ಅಡ್ವಾನ್ಸ್‌ ಸ್ಯಾಲರಿ ವಿಚಾರ ಬೇರೆ ತಿರುವು ಪಡೆದುಕೊಂಡಿದೆ. ಸೀತಾಳಿಗೆ ಸಿಗಬೇಕಿದ್ದ ಹಣಕ್ಕೆ ಅಡ್ಡಗಾಲು ಹಾಕಿ ಮೋಜು ನೋಡಿದ್ದಾಳೆ ಭಾರ್ಗವಿ. ರಾಮನಿಗೆ ಟಕ್ಕರ್‌ ಕೊಡುವುದರ ಸಲುವಾಗಿ, ಒಂದೇ ಕಲ್ಲಲ್ಲಿ ಮೂರು ಹಕ್ಕಿ ಹೊಡೆದಿದ್ದಾಳೆ. ಸೀತಾಳ ಮನಸ್ಸು ನೋಯಿಸಿದ್ದು ಒಂದು ಕಡೆಯಾದರೆ, ರಾಮನಿಗೆ ಪರೋಕ್ಷವಾಗಿ ಸಂಕಷ್ಟಕ್ಕೆ ಸಿಲುಕಿಸಿದ್ದಾಳೆ. ಅಶೋಕನ ಮೇಲೂ ದರ್ಪ ತೋರಿಸಿದ್ದಾಳೆ.

ಆಫೀಸ್‌ನಲ್ಲಿ ನಡೆದ ಘಟನೆಯಿಂದ ಮನನೊಂದು ನೇರವಾಗಿ ದೇವಸ್ಥಾನಕ್ಕೆ ಬಂದಿದ್ದಾಳೆ ಸೀತಾ. ಅದೇ ದೇವಸ್ಥಾನದಲ್ಲಿ ಅಮ್ಮನ ಬರ್ತ್‌ಡೇ ದಿನವನ್ನು ವಿಶೇಷ ಪೂಜೆ ಮೂಲಕ ಆಚರಿಸಲು ಆಗಮಿಸಿದ್ದಾನೆ ರಾಮ. ಇಬ್ಬರ ಮುಖಾಮುಖಿಯಾಗಿದೆ. ರಾಮನನ್ನು ನೋಡುತ್ತಿದ್ದಂತೆ, ನನಗೆ ಅಡ್ಡದಾರಿಯಲ್ಲಿ ಸಿಗುವ ದುಡ್ಡು ಬೇಡ, ಪ್ರಾಮಾಣಿಕವಾಗಿ ದುಡಿದ ಹಣವಷ್ಟೇ ಸಾಕು ಎಂದಿದ್ದಾಳೆ.

ಸೀತಾಳ ಮಾತಿಗೆ ಕೊಂಚ ಗಲಿಬಿಲಿಯಾದ ರಾಮ, ಏನಾಯ್ತು ಎಂದು ವಿವರಿಸುವಂತೆ ಕೇಳಿದ್ದಾನೆ. ಆಗಿರೋದನ್ನು ತಿದ್ದಲು ಆಗಲ್ಲ. ಎಲ್ಲವನ್ನು ನಾನು ಕಣ್ಣು ಮುಚ್ಚಿಕೊಂಡು ನಂಬಿ ಬಿಡ್ತಿನಿ. ದುಡ್ಡು ಸಿಗುತ್ತೆ ಅಂತ ನಿಮ್ಮ ಮಾತು ನಂಬಿದ್ದೆ. ಆದರೆ, ಇದೀಗ ಆಗಿದ್ದು ನೋಡಿದರೆ ಬೇರೆ ಥರ ಆಗ್ತಿದೆ ಅನಿಸ್ತಿದೆ ಎಂದು ಹೇಳಿದ್ದಾಳೆ. ಇತ್ತ ಏನಾಗ್ತಿದೆ ಅಂತ ಒಂದೂ ಗೊತ್ತಾಗ್ತಿಲ್ಲ ಎನ್ನುತ್ತಿದ್ದಾನೆ ರಾಮ.

ಆ ಹಣ ನಿಮ್ಮದೇ, ನಿಮಗೇ ಸೇರಬೇಕು ಎಂದು ದೇವಸ್ಥಾನದಿಂದ ಹೊರ ನಡೆದಿದ್ದಾನೆ. ಬಳಿಕ, ಹಣ ಪಡೆಯೋವರೆಗೂ ನಾನು ಮೇಲೆಳುವುದಿಲ್ಲ ಎಂದು ದೇವಸ್ಥಾನದ ಮುಂದೆ ಕೂತಿದ್ದಾನೆ. ರಾಮನ ಆ ಮಾತನ್ನು ಧಿಕ್ಕರಿಸಿ ಅಲ್ಲಿಂದ ನೇರವಾಗಿ ಲಾಯರ್‌ ರುದ್ರಪ್ರತಾಪ್‌ ಆಫೀಸ್‌ಗೆ ಬಂದಿದ್ದಾಳೆ ಸೀತಾ. ಅಡ್ವಾನ್ಸ್‌ ಸ್ಯಾಲರಿ ಸಿಗದಿದ್ದ ವಿಚಾರವನ್ನು ಹೇಳಿಕೊಂಡಿದ್ದಾಳೆ. ನಾನು ಬ್ಯಾಂಕ್‌ನವರ ಜತೆಗೆ ಮಾತನಾಡಿ, ಟೈಮ್‌ ತೆಗೆದುಕೊಂಡಿದ್ದೇನೆ ಎಂದು ಸೀತಾಳನ್ನು ಮರಳು ಮಾಡಿದ್ದಾನೆ.

ಇತ್ತ ಅಶೋಕ ಮತ್ತು ರಾಮನ ಮುಖಾಮುಖಿಯಾಗಿದೆ. ಹೋಗುವುದಕ್ಕೂ ಮುಂಚೆ ಒಂದು ಮಾತು ಹೇಳಿ ಹೋಗಬೇಕಿತ್ತು ಎಂದು ರಾಮ್‌ ಮೇಲೆ ಕೋಪಗೊಂಡಿದ್ದಾನೆ ಅಶೋಕ. ಚಿಕ್ಕಿನೇ ಫೋನ್‌ ಸ್ವಿಚ್‌ ಆಫ್‌ ಮಾಡಿ ದೇವಸ್ಥಾನಕ್ಕೆ ಕಳಿಸಿದ್ದು ಎಂದಿದ್ದಾನೆ ರಾಮ. ಚಿಕ್ಕಿ ನಿನ್ನನ್ನು ದೇವಸ್ಥಾನಕ್ಕೆ ಕಳಿಸಿ ಆಫೀಸ್‌ಗೆ ಬಂದಿದ್ರು ಎಂದಿದ್ದಾನೆ. ಸೀತಾಳ ಅಡ್ವಾನ್ಸ್‌ ಹಣ ತಲುಪದಿದ್ದಕ್ಕೆ ನೀನೇ ಕಾರಣ ಎಂದು ಅಶೋಕನ ಮೇಲೆ ಗರಂ ಆಗಿದ್ದಾನೆ. ರಾಮ್‌ ಮಾತಿಗೆ, ನಿಜ ವಿಚಾರ ಹೇಳಲು ತಡಬಡಾಯಿಸಿದ್ದಾನೆ ಅಶೋಕ.

ಇದೆಲ್ಲದಕ್ಕೂ ಚಿಕ್ಕಿನೇ ಕಾರಣ ಎಂದು ಪರೋಕ್ಷವಾಗಿ ಅಶೋಕ್‌ ಹೇಳಿದರೂ, ರಾಮ್‌ ಅದನ್ನು ನಂಬುತ್ತಿಲ್ಲ. ಅದನ್ನು ನಂಬದ ರಾಮ್‌, ಅಶೋಕನ ಮೇಲೆಯೇ ಕೋಪಿಸಿಕೊಂಡಿದ್ದಾನೆ. ಈ ವಿಚಾರದಲ್ಲಿ ಪದೇಪದೆ ಚಿಕ್ಕಿಯನ್ನು ಎಳೆದು ತರುತ್ತಿರುವುದಕ್ಕೂ ರಾಮ್‌ ಗರಂ ಆಗಿದ್ದಾನೆ. ಇತ್ತ ಅಶೋಕ ಹೇಳಿದ್ದೇ ಒಂದು ರಾಮ ತಿಳಿದುಕೊಂಡಿದ್ದೇ ಒಂದು. ಇಬ್ಬರ ನಡುವೆ ಏನೋ ಮಿಸ್‌ ಅಂಡರ್‌ಸ್ಟ್ಯಾಂಡಿಂಗ್‌ ಆಗಿದೆ ಎಂಬ ರಾಮನ ಮಾತಿಗೆ ಅಶೋಕ ಕೋಪಿಸಿಕೊಂಡು ಅಲ್ಲಿಂದ ನಡೆದಿದ್ದಾನೆ.

ಇತ್ತ ಮನೆಯಲ್ಲಿ ಏನೂ ಆಗಿಯೇ ಇಲ್ಲ ಅನ್ನೋ ರೀತಿ ವಾಣಿ ಅಕ್ಕನ ಬರ್ತ್‌ಡೇ ಆಚರಿಸುತ್ತಿದ್ದಾಳೆ ಭಾರ್ಗವಿ. ಅತ್ತ ಸೀತಾ ಜ್ವರದಿಂದ ಬಳಲುತ್ತಿದ್ದರೆ, ರಾಮ, ಸೀತಾಳ ವಿಚಾರಕ್ಕೆ ಗೊಂದಲದಲ್ಲಿದ್ದಾನೆ. ಇತ್ತ ನಡೆದ ಘಟನೆ ಬಗ್ಗೆ ನೇರವಾಗಿ ಹೇಳಲು ಅಶೋಕ ಒದ್ದಾಡುತ್ತಿದ್ದಾನೆ.

ಮನರಂಜನೆ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್‌ ಮಾಡಿ