Khushbu Ravichandran:ಮತ್ತೆ ಒಂದಾಗೋಣ ಬಾ ಅಂತಿದ್ದಾರೆ ಕ್ರೇಜಿಸ್ಟಾರ್‌:34 ವರ್ಷಗಳ ಬಳಿಕ ಇನ್ನೊಮ್ಮೆ ತೆರೆ ಮೇಲೆ ಮೋಡಿ ಮಾಡಲಿದ್ಯಾ ಈ ಜೋಡಿ?
Apr 12, 2023 07:50 PM IST
Share
ರವಿಚಂದ್ರನ್‌, ಖುಷ್ಬೂ
- ಸುಮಾರು 34 ವರ್ಷಗಳ ನಂತರ ಕ್ರೇಜಿಸ್ಟಾರ್‌ ಹಾಗೂ ಖುಷ್ಬೂ ಜೋಡಿಯಾಗಿ ಹೊಸ ಚಿತ್ರದಲ್ಲಿ ನಟಿಸಲಿದ್ದಾರೆ ಎನ್ನಲಾಗುತ್ತಿದೆ. ಈ ಸುದ್ದಿ ಕೇಳಿ ಸಿನಿಪ್ರಿಯರು ಕೂಡಾ ಬಹಳ ಎಕ್ಸೈಟ್‌ ಆಗಿದ್ಧಾರೆ.
ಸಿನಿಮಾದಲ್ಲಿ ಒಂದು ಜೋಡಿ ಹಿಟ್‌ ಆದ್ರೆ ಅಭಿಮಾನಿಗಳು ಮುಂದಿನ ಸಿನಿಮಾಗಳಲ್ಲಿ ಕೂಡಾ ಅದೇ ಜೋಡಿಯನ್ನು ಮತ್ತೆ ತೆರೆ ಮೇಲೆ ನೋಡಲು ಇಷ್ಟಪಡುತ್ತಾರೆ. ಇಂತಹ ಅನೇಕ ರೀಲ್‌ ಜೋಡಿಗಳು ನಮ್ಮ ಚಿತ್ರರಂಗದಲ್ಲಿದ್ದಾರೆ. ಅವರಲ್ಲಿ ರವಿಚಂದ್ರನ್‌ ಹಾಗೂ ಖುಷ್ಬೂ ಜೋಡಿ ಕೂಡಾ ಒಂದು.
1988 ರಲ್ಲಿ 'ರಣಧೀರ' ಚಿತ್ರದ ಮೂಲಕ ರವಿಚಂದ್ರನ್‌ ಖುಷ್ಬೂ ಅವರನ್ನು ಕನ್ನಡ ಚಿತ್ರರಂಗಕ್ಕೆ ಕರೆ ತಂದರು. ಮೊದಲ ಚಿತ್ರದಲ್ಲೇ ಈ ಜೋಡಿ ಮೋಡಿ ಮಾಡಿತ್ತು. ಮತ್ತೆ ಇಬ್ಬರೂ 'ಅಂಜದ ಗಂಡು' ಚಿತ್ರದಲ್ಲಿ ನಟಿಸಿದರು. 'ಯುಗಪುರುಷ' ಚಿತ್ರದಲ್ಲೂ ಇವರಿಬ್ಬರ ಕಾಂಬಿನೇಷನ್‌ ಚೆನ್ನಾಗಿತ್ತು. ಈ ಸಿನಿಮಾ 1989ರಲ್ಲಿ ತೆರೆ ಕಂಡಿತ್ತು. ಈ ಚಿತ್ರದ ನಂತರ ಖುಷ್ಬೂ ಅನೇಕ ಕನ್ನಡ ಸಿನಿಮಾಗಳಲ್ಲಿ ನಟಿಸಿದರೂ ರವಿಚಂದ್ರನ್‌ ಜೋಡಿಯಾಗಿ ಯಾವ ಸಿನಿಮಾಗಳಲ್ಲೂ ಕಾಣಿಸಿಕೊಳ್ಳಲಿಲ್ಲ ಮತ್ತೆ ಈ ಜೋಡಿಯನ್ನು ತೆರೆ ಮೇಲೆ ನೋಡಲು ಸಿನಿಪ್ರಿಯರು ಕಾಯುತ್ತಿದ್ದಾರೆ. ಅಭಿಮಾನಿಗಳ ಈ ಆಸೆ ಈಗ ನೆರವೇರಲಿದೆ ಎಂಬ ಮಾತು ಕೇಳಿ ಬರುತ್ತಿದೆ.
ಸುಮಾರು 34 ವರ್ಷಗಳ ನಂತರ ಕ್ರೇಜಿಸ್ಟಾರ್‌ ಹಾಗೂ ಖುಷ್ಬೂ ಜೋಡಿಯಾಗಿ ಹೊಸ ಚಿತ್ರದಲ್ಲಿ ನಟಿಸಲಿದ್ದಾರೆ ಎನ್ನಲಾಗುತ್ತಿದೆ. ಗುರುರಾಜ್‌ ಕುಲಕರ್ಣಿ ನಿರ್ದೇಶನದಲ್ಲಿ ರವಿಚಂದ್ರನ್‌ ಹೊಸ ಸಿನಿಮಾಗೆ ಸಜ್ಜಾಗುತ್ತಿದ್ದಾರೆ. ಈ ಸಿನಿಮಾಗೆ ಏಪ್ರಿಲ್‌ 21ಕ್ಕೆ ಚಾಲನೆ ದೊರೆಯಲಿದೆ. ಚಿತ್ರದಲ್ಲಿ ರವಿಚಂದ್ರನ್‌ ಜೋಡಿ ಆಗಿ ಮತ್ತೆ ಖುಷ್ಬೂ ನಟಿಸುವ ಸಾಧ್ಯತೆ ಇದೆಯಂತೆ. ಈಗಾಗಲೇ ಖುಷ್ಬೂ ಜೊತೆ ಮಾತುಕತೆ ನಡೆದಿದೆ. ಖುಷ್ಬೂ ಈಗ ಸಿನಿಮಾ ನಟಿ ಮಾತ್ರವಲ್ಲದೆ, ರಾಜಕಾರಣಿ ಆಗಿ ಕೂಡಾ ಗುರುತಿಸಿಕೊಂಡಿದ್ದಾರೆ. ಈ ಬ್ಯುಸಿ ಕೆಲಸಗಳ ನಡುವೆ ಡೇಟ್ಸ್‌ ಹೊಂದಾಣಿಕೆ ಆದಲ್ಲಿ ಖುಷ್ಬೂ ಮತ್ತೆ ರವಿಚಂದ್ರನ್‌ ಜೊತೆ ನಟಿಸುವುದು ಗ್ಯಾರಂಟಿ ಎನ್ನಲಾಗುತ್ತಿದೆ. ಸಿನಿಪ್ರಿಯರು ಕೂಡಾ ಬಹಳ ಎಕ್ಸೈಟ್‌ ಆಗಿದ್ಧಾರೆ. ಇನ್ನು ಕೆಲವೇ ದಿನಗಳಲ್ಲಿ ಒಂದು ಕ್ಲಾರಿಟಿ ಸಿಗಲಿದೆ.
ಮಹಾರಾಷ್ಟ್ರಕ್ಕೆ ಸೇರಿದ ಖುಷ್ಬೂ ಮೂಲ ಹೆಸರು ನಿಖತ್‌ ಖಾನ್‌, ಮುಸ್ಲಿಂ ಸಮುದಾಯಕ್ಕೆ ಸೇರಿದವರು. ಹಿಂದಿಯ ದಿ ಬರ್ನಿಂಗ್‌ ಟ್ರೈನ್‌ ಚಿತ್ರದಲ್ಲಿ ಬಾಲನಟಿ ಆಗಿ ಖುಷ್ಬೂ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟರು. ನಂತರ ಕೆಲವು ಸಿನಿಮಾಗಳಲ್ಲಿ ಬಾಲನಟಿಯಾಗಿ ನಟಿಸಿ 1985ರಲ್ಲಿ 'ಮೇರಿ ಜಂಗ್‌' ಚಿತ್ರದಲ್ಲಿ ಅನಿಲ್‌ ಕಪೂರ್‌ ತಂಗಿಯಾಗಿ ನಟಿಸಿದರು. ಅದೇ ವರ್ಷ ಜಾಕಿಶ್ರಾಫ್‌ ಹೀರೋಯಿನ್‌ ಆಗಿ 'ಜಾನೂ' ಚಿತ್ರದಲ್ಲಿ ಅಭಿನಯಿಸಿದರು. ಖುಷ್ಬೂ ಕನ್ನಡ, ಹಿಂದಿ, ತಮಿಳು, ತೆಲುಗು, ಮಲಯಾಳಂ ಭಾಷೆಗಳ ಸಿನಿಮಾಗಳಲ್ಲಿ ನಟಿಸಿದ್ದಾರೆ.
ಮತ್ತಷ್ಟು ಮನರಂಜನೆ ಸುದ್ದಿಗಳು
ಆರೋಗ್ಯ ಕಡೆಗಣಿಸಬೇಡಿ, ಇಲ್ಲದಿದ್ರೆ ನನ್ನಂತೆ ಆಸ್ಪತ್ರೆ ಸೇರಬೇಕಾಗುತ್ತೆ: ಮಾಳವಿಕಾ ಅವಿನಾಶ್‌
ನಟಿ, ರಾಜ್ಯ ಬಿಜೆಪಿ ವಕ್ತಾರೆ ಮಾಳವಿಕಾ ಅವಿನಾಶ್‌ ಅನಾರೋಗ್ಯದಿಂದ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಈ ವಿಚಾರವನ್ನು ಖುದ್ದು ಮಾಳವಿಕಾ ತಮ್ಮ ಸೋಷಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಮಾಳವಿಕಾ ಆಸ್ಪತ್ರೆಗೆ ದಾಖಲಾಗಿರುವ ಸುದ್ದಿ ತಿಳಿದವರು ಶೀಘ್ರ ಗುಣಮುಖರಾಗಿ ವಾಪಸ್‌ ಬನ್ನಿ ಎಂದು ಹಾರೈಸುತ್ತಿದ್ದಾರೆ. ಹೆಚ್ಚಿನ ಮಾಹಿತಿಗೆ ಈ ಲಿಂಕ್‌ ಕ್ಲಿಕ್‌ ಮಾಡಿ
'ರಾಘವೇಂದ್ರ ಸ್ಟೋರ್ಸ್‌' ಮೊದಲ ಹಾಡು ರಿಲೀಸ್‌ ಮಾಡಿದ ರಕ್ಷಿತ್‌ ಶೆಟ್ಟಿ: ಸಿಂಗಲ್‌ ಇರೋರು ಬೇಗ ಮಿಂಗಲ್‌ ಆಗ್ಲಿ ಎಂದ ರಿಷಬ್‌
ಸಂತೋಷ್‌ ಆನಂದ್‌ರಾಮ್‌ ನಿರ್ದೇಶನದಲ್ಲಿ ನವರಸನಾಯಕ ಜಗ್ಗೇಶ್‌ ನಟಿಸಿರುವ 'ರಾಘವೇಂದ್ರ ಸ್ಟೋರ್ಸ್‌' ಸಿನಿಮಾ ಬಿಡುಗಡೆಗೆ ಚಿತ್ರತಂಡ ಈಗಾಗಲೇ ದಿನಾಂಕ ನಿಗದಿ ಮಾಡಿದೆ. ಸಿನಿಪ್ರಿಯರು ಈ ಚಿತ್ರ ನೋಡಲು ಕಾತರದಿಂದ ಕಾಯುತ್ತಿದ್ದಾರೆ. ಅಭಿಮಾನಿಗಳ ಕುತೂಹಲ ತಣಿಸಲು ಚಿತ್ರತಂಡ ಸಿನಿಮಾದ ಮೊದಲ ಹಾಡನ್ನು ರಿಲೀಸ್‌ ಮಾಡಿದೆ. ಸಿಂಪಲ್‌ ಸ್ಟಾರ್‌ ರಕ್ಷಿತ್‌ ಶೆಟ್ಟಿ ಈ ಹಾಡನ್ನು ಬಿಡುಗಡೆಗೊಳಿಸಿ ಚಿತ್ರತಂಡಕ್ಕೆ ಶುಭ ಕೋರಿದ್ಧಾರೆ. ರಿಷಬ್‌ ಶೆಟ್ಟಿ ಟ್ವೀಟ್‌ ನೋಡಲು ಈ ಲಿಂಕ್‌ ಒತ್ತಿ