Shiva Rajkumar: ಜೈಲರ್‌ನಲ್ಲಿ ಶಿವಣ್ಣನ ನಟನೆ ನೋಡಿ ಹುಬ್ಬೇರಿಸಿದ ತಮಿಳು ಫ್ಯಾನ್ಸ್! ಮೀಮ್ಸ್‌ ರೂಪದಲ್ಲಿ ಕನ್ನಡಿಗನ ಗತ್ತು ಗಾಂಭೀರ್ಯ
Aug 11, 2023 10:59 AM IST
Share
ಜೈಲರ್‌ನಲ್ಲಿ ಶಿವಣ್ಣನ ನಟನೆ ನೋಡಿ ಹುಬ್ಬೇರಿಸಿದ ತಮಿಳು ಫ್ಯಾನ್ಸ್! ಮೀಮ್ಸ್‌ ರೂಪದಲ್ಲಿ ಕನ್ನಡಿಗನ ಗತ್ತು ತಾಕತ್ತು
- ಜೈಲರ್‌ ಚಿತ್ರದಲ್ಲಿ ಶಿವಣ್ಣನ ಪಾತ್ರಕ್ಕೆ ಮೆಚ್ಚುಗೆ ವ್ಯಕ್ತವಾಗಿದೆ. ಆ ಖುಷಿಯನ್ನು ಅಲ್ಲಿನ ಫ್ಯಾನ್ಸ್ ವಿಶೇಷವಾಗಿಯೇ ಸಂಭ್ರಮಿಸುತ್ತಿದ್ದಾರೆ. ಸೋಷಿಯಲ್‌ ಮೀಡಿಯಾದಲ್ಲಿ ಬಗೆ ಬಗೆ ಮೀಮ್‌ ಕ್ರಿಯೇಟ್‌ ಮಾಡಿ ಹರಿಬಿಡುತ್ತಿದ್ದಾರೆ.
Shiva Rajkumar: ಕಾಲಿವುಡ್‌ನ ಜೈಲರ್‌ ಸಿನಿಮಾ ನೋಡುಗರಿಂದ ಅಭೂತಪೂರ್ವ ಮೆಚ್ಚುಗೆ ಪಡೆದುಕೊಂಡಿದೆ. ನೆಚ್ಚಿನ ಸೂಪರ್‌ಸ್ಟಾರ್‌ ರಜಿನಿಕಾಂತ್‌ ಅವರ ಎವರ್‌ಗ್ರೀನ್‌ ಮ್ಯಾನರಿಸಂಗೆ ಫಿದಾ ಸಿನಿಮಾ ಪ್ರೇಕ್ಷಕರು, ಚಿತ್ರದಲ್ಲಿನ ಸಣ್ಣ ಸಣ್ಣ ಪಾತ್ರವನ್ನೂ ಆಸ್ವಾದಿಸುತ್ತಿದ್ದಾರೆ. ಅದರಲ್ಲೂ ತಮಿಳಿಗರ ಮತ್ತು ಇತರೇ ಭಾಷಿಕ ಪ್ರೇಕ್ಷಕರನ್ನು ಹೆಚ್ಚು ಸೆಳೆದಿದ್ದು ಒನ್‌ ಅಂಡ್‌ ಓನ್ಲಿ ಶಿವರಾಜ್‌ಕುಮಾರ್‌!
ಚಿತ್ರದ ಕ್ಲೈಮ್ಯಾಕ್ಸ್‌ನಲ್ಲಿ ಪಂಚೆಯಲ್ಲಿಯೇ ಎಂಟ್ರಿಯಾಗುವ ಶಿವಣ್ಣನ ಗತ್ತು, ಗಮತ್ತಿಗೆ ನೋಡುಗರು ಥ್ರಿಲ್‌ ಆಗಿದ್ದಾರೆ. ಶಿವಣ್ಣನ ನಟನಗೆ ಹೀಗಿರುತ್ತಾ? ಎಂದು ಉದ್ಗರಿಸಿದವರೇ ಹೆಚ್ಚು. ಆ ಮಟ್ಟದ ಸಂಚಲನ ಇದೀಗ ಕಾಲಿವುಡ್ ಸಿನಿಮಾರಂಗದಲ್ಲಿ ಸೃಷ್ಟಿಯಾಗಿದೆ. ಯಾವತ್ತೂ ಶಿವಣ್ಣನ ಕನ್ನಡ ಸಿನಿಮಾ ನೋಡದ ಅಲ್ಲಿನ ಸಿನಿಮಾ ಪ್ರೇಕ್ಷಕರು, ಇನ್ಮೇನೆ ಶಿವಣ್ಣನ ಸಿನಿಮಾ ನೋಡುವುದಾಗಿಯೂ ಹೇಳಿಕೊಂಡಿದ್ದಾರೆ.
ಸೋಷಿಯಲ್‌ ಮೀಡಿಯಾ ಟ್ವಿಟರ್‌ನಲ್ಲಿ ರಜಿನಿಕಾಂತ್‌, ಮೋಹನ್‌ಲಾಲ್‌ ಅವರಿಗಿಂತ ಶಿವಣ್ಣನ ಮಾಸ್‌ ಅವತಾರಕ್ಕೆ ಫ್ಯಾನ್ಸ್ ಫಿದಾ ಆಗಿದ್ದಾರೆ. ಶಿವಣ್ಣನ ಸಣ್ಣ ಸಣ್ಣ ಝಲಕ್‌ಗಳನ್ನು ಜಾಲತಾಣಗಳಲ್ಲಿ ಶೇರ್‌ ಮಾಡಿಕೊಂಡಿರುವ ನೆಟ್ಟಿಗರು, ತಮ್ಮ ಮನದ ಇಂಗಿತವನ್ನು ಹಂಚಿಕೊಳ್ಳುತ್ತಿದ್ದಾರೆ. ಜೈಲರ್‌ ಚಿತ್ರದಲ್ಲಿ ಶಿವಣ್ಣನ ಪಾತ್ರ ಚಿಕ್ಕದಾದರೂ ಅದು ಮಾಡಿದ ಇಂಪ್ಯಾಕ್ಟ್‌ ಮಾತ್ರ ಸಣ್ಣದಲ್ಲ. ಶಿವಣ್ಣನ ಬಗೆಬಗೆಯ ಮೀಮ್‌ಗಳೂ ಕ್ರಿಯೇಟ್‌ ಆಗಿ ಶೇರ್‌ ಆಗುತ್ತಿವೆ. ಅಂಥ ಕೆಲವು ಮೀಮ್‌ಗಳು ಇಲ್ಲಿವೆ.