ಚಂದ್ರಮುಖಿ 2 ರಿಲೀಸ್ ಟ್ರೇಲರ್‌ ಬಿಡುಗಡೆ; ಇದೇ ವಾರ ತೆರೆಗೆ ಬರ್ತಿದೆ ಪಿ ವಾಸು ನಿರ್ದೇಶನದ ಚಿತ್ರ
Sep 23, 2023 07:41 PM IST
Share
ಚಂದ್ರಮುಖಿ 2 ಚಿತ್ರದ ರಿಲೀಸ್ ಟ್ರೇಲರ್‌ ಬಿಡುಗಡೆ
ಇಂದು ಚಿತ್ರತಂಡ ಚಂದ್ರಮುಖಿ 2 ರಿಲೀಸ್ ಟ್ರೇಲರ್‌ ಮಾಡಿದೆ. ಟ್ರೇಲರ್‌ ರಿಲೀಸ್ ಆಗಿ 2 ಗಂಟೆಗಳಲ್ಲೇ 6 ಲಕ್ಷಕ್ಕೂ ಹೆಚ್ಚು ಜನರು ವೀಕ್ಷಿಸಿದ್ದಾರೆ. ಅಭಿಮಾನಿಗಳು ಸಿನಿಮಾಗೆ ಶುಭ ಕೋರ್ ವಿಶ್‌ ಮಾಡುತ್ತಿದ್ದಾರೆ.
ರಾಘವ ಲಾರೆನ್ಸ್‌ ಪ್ರಮುಖ ಪಾತ್ರದಲ್ಲಿ ನಟಿಸಿರುವ ಚಂದ್ರಮುಖಿ 2 ಚಿತ್ರದ ರಿಲೀಸ್ ಟ್ರೇಲರ್‌ ಬಿಡುಗಡೆ ಆಗಿದೆ. 2005ರಲ್ಲಿ ತೆರೆ ಕಂಡಿದ್ದ ಚಂದ್ರಮುಖಿ ಸಿನಿಮಾದ ಮುಂದುವರೆದ ಭಾಗ ಇದು. ಆ ಚಿತ್ರದಲ್ಲಿ ರಜನಿಕಾಂತ್‌ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು. ಆದರೆ ಸೀಕ್ವೆಲ್‌ನಲಿ ರಾಘವ ಲಾರೆನ್ಸ್‌ ನಟಿಸಿದ್ದಾರೆ.
ಆಪ್ತರಕ್ಷಕ ರೀಮೇಕ್‌ ಚಂದ್ರಮುಖಿ 2
ಆಪ್ತಮಿತ್ರ ಹಾಗೂ ಚಂದ್ರಮುಖಿ ಎರಡೂ ಸಿನಿಮಾಗಳು 1993ರಲ್ಲಿ ತೆರೆ ಕಂಡಿದ್ದ ಮಲಯಾಳಂನ ಮಣಿಚಿತ್ರತಾಳ್‌ ರೀಮೇಕ್‌. ಆಪ್ತಮಿತ್ರ ಹಾಗೂ ಆಪ್ತರಕ್ಷಕ ಚಿತ್ರಗಳನ್ನು ಪಿ ವಾಸು ಕಥೆ ಬರೆದು ನಿರ್ದೇಶಿಸಿದ್ದರು. ರಜನಿಕಾಂತ್‌ , ಪ್ರಭು, ಜ್ಯೋತಿಕಾ ನಟನೆಯ ಚಂದ್ರಮುಖಿ ಚಿತ್ರವನ್ನು ಕೂಡಾ ಪಿ ವಾಸು ಕಥೆ ಬರೆದು ನಿರ್ದೇಶಿಸಿದ್ದರು. ಇದೀಗ ಚಂದ್ರಮುಖಿ 2 ಚಿತ್ರಕ್ಕೆ ಕೂಡಾ ವಾಸು ಆ್ಯಕ್ಷನ್ ಕಟ್ ಹೇಳಿದ್ದಾರೆ. ಲೈಕಾ ಪಿಕ್ಚರ್ಸ್‌ ಬ್ಯಾನರ್‌ ಅಡಿಯಲ್ಲಿ ನಿರ್ಮಾಪಕ ಸುಭಾಸ್ಕರನ್‌ ಈ ಚಿತ್ರವನ್ನು ಅದ್ಧೂರಿಯಾಗಿ ನಿರ್ಮಿಸಿದ್ದಾರೆ.
ಸೆಪ್ಟೆಂಬರ್‌ 28ಕ್ಕೆ ಸಿನಿಮಾ ರಿಲೀಸ್
ಇಂದು (ಸೆಪ್ಟೆಂಬರ್‌ 23) ಚಿತ್ರತಂಡ ಚಂದ್ರಮುಖಿ 2 ರಿಲೀಸ್ ಟ್ರೇಲರ್‌ ಮಾಡಿದೆ. ಟ್ರೇಲರ್‌ ರಿಲೀಸ್ ಆಗಿ 2 ಗಂಟೆಗಳಲ್ಲೇ 6 ಲಕ್ಷಕ್ಕೂ ಹೆಚ್ಚು ಜನರು ವೀಕ್ಷಿಸಿದ್ದಾರೆ. ಅಭಿಮಾನಿಗಳು ಸಿನಿಮಾಗೆ ಶುಭ ಕೋರ್ ವಿಶ್‌ ಮಾಡುತ್ತಿದ್ದಾರೆ.ಇದೇ ಶುಕ್ರವಾರ, ಸೆಪ್ಟೆಂಬರ್‌ 28 ರಂದು ಚಂದ್ರಮುಖಿ 2 ವಿಶ್ವಾದ್ಯಂತ ತೆರೆ ಕಾಣುತ್ತಿದೆ. ಚಿತ್ರದ ಹಾಡುಗಳಿಗೆ ಬಾಹುಬಲಿ, ಆರ್‌ಆರ್‌ಆರ್‌ ಖ್ಯಾತಿಯ ಸಂಗೀತ ನಿರ್ದೇಶಕ ಎಂಎಂ ಕೀರವಾಣಿ ಸಂಗೀತ ನಿರ್ದೇಶನ ಮಾಡಿದ್ದಾರೆ. ಚಿತ್ರದಲ್ಲಿ ರಾಘವ ಲಾರೆನ್ಸ್‌, ಕಂಗನಾ ರಣಾವತ್‌, ವಡಿವೇಲು, ರಾಧಿಕಾ ಶರತ್‌ ಕುಮಾರ್‌, ಲಕ್ಷ್ಮಿ ಮೆನನ್‌, ಮಹಿಮಾ ನಂಬಿಯಾರ್‌, ರಾವ್‌ ರಮೇಶ್‌ ಹಾಗೂ ಇನ್ನಿತರರು ನಟಿಸಿದ್ದಾರೆ.
ಲೈಕಾ ಪ್ರೊಡಕ್ಷನ್‌ ಬ್ಯಾನರ್‌ನಲ್ಲಿ ಪಿ ವಾಸು ನಿರ್ದೇಶಿಸಿರುವ ಸಿನಿಮಾ
ಚಂದ್ರಮುಖಿ ಸಿನಿಮಾವನ್ನು ಶಿವಾಜಿ ಪ್ರೊಡಕ್ಷನ್ಸ್ ನಿರ್ಮಾಣ ಮಾಡಿತ್ತು. ಇದೀಗ 7 ವರ್ಷಗಳ ಬಳಿಕ ಸೀಕ್ವೆಲ್‌ ಬರುತ್ತಿದೆ. ಕಳೆದ ವರ್ಷ ಜುಲೈ 15 ರಿಂದ ಮೈಸೂರಿನಲ್ಲಿ ಚಂದ್ರಮುಖಿ 2 ಚಿತ್ರೀಕರಣ ಆರಂಭವಾಗಿತ್ತು. ಪಿ ವಾಸು ತಮಿಳು ಮಾತ್ರವಲ್ಲದೆ ಕನ್ನಡದಲ್ಲಿ ಅನೇಕ ಹಿಟ್‌ ಸಿನಿಮಾಗಳನ್ನು ನೀಡಿದ್ದಾರೆ. ಗುರಿ, ದಾದಾ, ಕಥಾನಾಯಕ, ಜಯಸಿಂಹ, ಜೀವನಜ್ಯೋತಿ, ದಾದಾ, ದೃಶ್ಯ, ಶಿವಲಿಂಗ, ದೃಶ್ಯ 2 ಸಿನಿಮಾಗಳನ್ನು ನಿರ್ದೇಶಿಸಿದ್ದಾರೆ.
ಇನ್ನಷ್ಟು ಮನರಂಜನೆ ಸುದ್ದಿಗೆ ಈ ಲಿಂಕ್‌ ಕ್ಲಿಕ್‌ ಮಾಡಿ