Anikha Surendran: ವಿಶ್ವಾಸಮ್‌ ಚಿತ್ರದ ನಟಿಗೆ ಏನಾಯ್ತು; ಅನಿಖಾ ಸುರೇಂದ್ರನ್‌ಗೆ ಶ್ರದ್ಧಾಂಜಲಿ ಅರ್ಪಿಸಿರುವ ಫೋಟೋಗಳು ವೈರಲ್
May 12, 2023 10:12 AM IST
Share
ಅನಿಖಾ ಸುರೇಂದ್ರನ್
- ಅನಿಖಾಗೆ ಶ್ರದ್ಧಾಂಜಲಿ ಕೋರಿ ಗೋಡೆಗೆ ಕರಪತ್ರಗಳನ್ನು ಅಂಟಿಸಲಾಗಿದೆ. ಈ ಫೋಟೋಗಳು ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್ ಆಗುತ್ತಿವೆ. ಇದನ್ನು ನೋಡಿದವರು ಶಾಕ್‌ ಆಗಿದ್ದಾರೆ. ತಮ್ಮ ಮೆಚ್ಚಿನ ನಟಿಗೆ ಏನಾಯ್ತು ಎಂದು ಆಘಾತ ವ್ಯಕ್ತಪಡಿಸುತ್ತಿದ್ದಾರೆ.
'ವಿಶ್ವಾಸಮ್‌' ಚಿತ್ರದಲ್ಲಿ ಅಜಿತ್‌ ಪುತ್ರಿಯಾಗಿ ನಟಿಸಿದ್ದ ಅನಿಖಾ ಸುರೇಂದ್ರನ್ ನಟನೆಯನ್ನು ಯಾರಿಂದಲೂ ಮರೆಯಲು ಸಾಧ್ಯವಿಲ್ಲ. 2007ರಲ್ಲಿ ಚೋಟಾ ಮುಂಬೈ ಚಿತ್ರದ ಮೂಲಕ ಬಾಲನಟಿಯಾಗಿ ಸಿನಿಮಾರಂಗಕ್ಕೆ ಬಂದ ಈ ಚೆಲುವೆ ಈಗ ನಾಯಕಿಯಾಗಿ ಕೂಡಾ ಮಿಂಚುತ್ತಿದ್ದಾರೆ. ಬುಟ್ಟಬೊಮ್ಮಾ ಚಿತ್ರದ ಮೂಲಕ ಲೀಡ್‌ ರೋಲ್‌ನಲ್ಲಿ ನಟಿಸಲು ಆರಂಭಿಸಿದ ಈ ಬ್ಯೂಟಿ ಈಗ ನಾಯಕಿಯಾಗಿ ಅನೇಕ ಸಿನಿಮಾಗಳಲ್ಲಿ ನಟಿಸುವ ಅವಕಾಶ ಗಳಿಸಿದ್ದಾರೆ. ಆದರೆ ಕೆಲವು ದಿನಗಳಿಂದ ಅನಿಖಾ ಸತ್ತಿದ್ದಾರೆ ಎಂಬ ಪೋಸ್ಟರ್‌ಗಳು ವೈರಲ್ ಆಗುತ್ತಿದ್ದು ಎಲ್ಲರೂ ಶಾಕ್‌ ಆಗಿದ್ದಾರೆ.
ಹಾಟ್‌ ಫೋಟೋಗಳಿಂದ ಸುದ್ದಿಯಲ್ಲಿದ್ದ ಅನಿಖಾ
ಅನಿಖಾ ಸುರೇಂದ್ರನ್ ನಾಯಕಿಯಾಗಿ ನಟಿಸಲು ಆರಂಭಿಸಿದಾಗಿನಿಂದ ಭಾರೀ ಸುದ್ದಿಯಲ್ಲಿದ್ದಾರೆ. ಒಮ್ಮೆ ತಮ್ಮ ಹಾಟ್‌ ಫೋಟೋಗಳಿಂದ ಸುದ್ದಿಯಲ್ಲಿದ್ದ ಅವರು ನಂತರ ಓ ಮೈ ಡಾರ್ಲಿಂಗ್‌ ಚಿತ್ರದಲ್ಲಿ ಲಿಪ್‌ ಲಾಕ್‌ ಮಾಡಿ ಸುದ್ದಿಯಲ್ಲಿದ್ದರು. ಬಾಲನಟಿಯಾಗಿ ಅವರ ಆಕ್ಟಿಂಗ್‌ ನೋಡಿಕೊಂಡು ಬಂದವರು ಅನಿಖಾ ಹಾಟ್‌ ಫೋಟೋಗಳು ಹಾಗೂ ಲಿಪ್‌ ಲಾಕ್‌ ವಿಚಾರಕ್ಕೆ ಬೇಸರ ವ್ಯಕ್ತಪಡಿಸಿದ್ದರು. ಆದರೆ ಅನಿಖಾ ಮಾತ್ರ ಯಾವುದಕ್ಕೂ ತಲೆ ಕೆಡಿಸಿಕೊಳ್ಳದೆ ತಮ್ಮ ಕೆಲಸ ಮಾಡುತ್ತಿದ್ದಾರೆ. ಇದರೊಂದಿಗೆ ಕೆಲವು ದಿನಗಳಿಂದ ಅನಿಖಾ ಸುರೇಂದ್ರನ್ ಮತಪಟ್ಟು ಅವರಿಗೆ ಶ್ರದ್ಧಾಂಜಲಿ ಅರ್ಪಿಸಿರುವಂತ ಕರಪತ್ರಗಳು ವೈರಲ್ ಆಗುತ್ತಿದೆ.
ಅನಿಖಾಗೆ ಶ್ರದ್ಧಾಂಜಲಿ ಅರ್ಪಿಸುತ್ತಿರುವಂತ ಪೋಸ್ಟರ್‌ಗಳು ವೈರಲ್
ಅನಿಖಾಗೆ ಶ್ರದ್ಧಾಂಜಲಿ ಕೋರಿ ಗೋಡೆಗೆ ಕರಪತ್ರಗಳನ್ನು ಅಂಟಿಸಲಾಗಿದೆ. ಈ ಫೋಟೋಗಳು ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್ ಆಗುತ್ತಿವೆ. ಇದನ್ನು ನೋಡಿದವರು ಶಾಕ್‌ ಆಗಿದ್ದಾರೆ. ತಮ್ಮ ಮೆಚ್ಚಿನ ನಟಿಗೆ ಏನಾಯ್ತು ಎಂದು ಆಘಾತ ವ್ಯಕ್ತಪಡಿಸುತ್ತಿದ್ದಾರೆ. ಅನಿಖಾ ಬಗ್ಗೆ ತಿಳಿಯಲು ಟಿವಿ, ಪೇಪರ್‌ ಸುದ್ದಿ ನೋಡುತ್ತಿದ್ದಾರೆ. ಆನ್‌ಲೈನ್‌ನಲ್ಲಿ ಹುಡುಕುತ್ತಿದ್ದಾರೆ. ಆದರೆ ಅಲ್ಲೆಲ್ಲೂಅನಿಖಾ ಬಗ್ಗೆ ಏನೂ ಮಾಹಿತಿ ಇಲ್ಲ. ಆದರೆ ಕೊನೆಗೆ ನಿಜ ವಿಚಾರ ತಿಳಿದು ಎಲ್ಲರೂ ನಿಟ್ಟುಸಿರು ಬಿಟ್ಟಿದ್ದಾರೆ. ಅಸಲಿಗೆ ಆ ಕರಪತ್ರಗಳು ಅನಿಕಾ ನಟಿಸುತ್ತಿರುವ ಸಿನಿಮಾವೊಂದರ ದೃಶ್ಯಗಳಿಗೆ ಸಂಬಂಧಿಸಿದ್ದು ಎಂದು ತಿಳಿದುಬಂದಿದೆ.
ಸಿನಿಮಾವೊಂದಕ್ಕೆ ಸಂಬಂಧಿಸಿದ ದೃಶ್ಯದ ಫೋಟೋಗಳು
''ನಂದಿನಿ 16-07-2023 ಭಾನುವಾರ ರಾತ್ರಿ 11.30 ಗಂಟೆಗೆ ಅಕಾಲಿಕ ಮರಣ ಹೊಂದಿದ್ದು ಈ ಮೂಲಕ ಅವರಿಗೆ ಶ್ರದ್ಧಾಂಜಲಿ ಅರ್ಪಿಸಲಾಗುತ್ತಿದೆ'' ಎಂದು ಪೋಸ್ಟರ್‌ನಲ್ಲಿ ಬರೆಯಲಾಗಿದೆ. ಈಗಂತೂ ಸಿನಿಮಾ ತಂಡ ತಮ್ಮ ಚಿತ್ರವನ್ನು ವಿಭಿನ್ನ ರೀತಿಯಲ್ಲಿ ಪ್ರಚಾರ ಮಾಡುತ್ತಿವೆ. ಬಹುಶ: ಈ ರೀತಿ ಪೋಸ್ಟರ್‌ ವೈರಲ್ ಆಗುತ್ತಿರುವುದು ಕೂಡಾ ಚಿತ್ರತಂಡದ ಗಿಮಿಕ್‌ ಎನ್ನಲಾಗುತ್ತಿದೆ.
ಅನಿಖಾ ಈಗ ಮಲಯಾಳಂ ಜೊತೆಗೆ ತಮಿಳು, ತೆಲುಗು ಸಿನಿಮಾಗಳಲ್ಲಿ ಕೂಡಾ ನಟಿಸುತ್ತಿದ್ದಾರೆ. ಸ್ಟಾರ್‌ ಡಮ್‌ ಪಡೆಯಲು ಆಕೆ ಬಹಳ ಪ್ರಯತ್ನ ಮಾಡುತ್ತಿದ್ದಾರೆ. ಆಕೆ ಕೈಯಲ್ಲಿ ಈಗ ಮೂರು ಸಿನಿಮಾಗಳಿವೆ. ಪಿಟಿ ಸರ್‌, ವಾಸುವಿನ್ ಗಾರ್ಬಿನಿಗಲ್, ಕಿಂಗ್‌ ಆಫ್‌ ಕೊತ್ತ ಸಿನಿಮಾಗಳಲ್ಲಿ ಅನಿಖಾ ಬ್ಯುಸಿ ಇದ್ದಾರೆ.