70+ ವರ್ಷದ ಸ್ಟಾರ್‌ ನಟನ ಜತೆಗೆ ನಯನತಾರಾ ರೊಮ್ಯಾನ್ಸ್‌; ಲಿಪ್‌ ಕಿಸ್‌ಗೂ ಕೊಟ್ರಂತೆ ಗ್ರೀನ್‌ ಸಿಗ್ನಲ್!
Oct 23, 2023 10:20 AM IST
Share
70+ ವರ್ಷದ ಸ್ಟಾರ್‌ ನಟನ ಜತೆಗೆ ನಯನತಾರಾ ರೊಮ್ಯಾನ್ಸ್‌; ಲಿಪ್‌ ಕಿಸ್‌ಗೂ ಕೊಟ್ರಂತೆ ಗ್ರೀನ್‌ ಸಿಗ್ನಲ್!
- Nayanathara New Movie Update: ಕಾಲಿವುಡ್ ಸ್ಟಾರ್‌ ನಟಿ ನಯನತಾರಾ ಇದೀಗ ತಮ್ಮ ಸಿನಿಮಾ ಕೆರಿಯರ್‌ನಲ್ಲಿ ಈ ವರೆಗೂ ಮಾಡದ ಸ್ಟಾರ್‌ಗಳ ಜತೆಗೆ ಸಿನಿಮಾ ಮಾಡುತ್ತಿದ್ದಾರೆ. ಮಣಿರತ್ನಂ ನಿರ್ದೇಶನದ ಚಿತ್ರದಲ್ಲಿ ನಯನತಾರಾ ನಾಯಕಿಯಾಗಿದ್ದಾರೆ. ಅಚ್ಚರಿ ವಿಚಾರ ಏನೆಂದರೆ ಇದೇ ಚಿತ್ರಕ್ಕೆ ಕಮಲ್ ಹಾಸನ್‌ ನಾಯಕ.
Nayanathara: ಸೌತ್‌ ಸಿನಿಮಾದ ಲೇಡಿ ಸೂಪರ್‌ಸ್ಟಾರ್‌ ಎಂದೇ ಕರೆಸಿಕೊಂಡವರು ನಟಿ ನಯನತಾರಾ. ದಶಕಗಳಿಂದಲೂ ಚಿತ್ರೋದ್ಯಮದಲ್ಲಿ ಸಕ್ರಿಯರಿರುವ ಈ ನಟಿ, ಇಂದಿಗೂ ಸೌತ್‌ನ ಟಾಪ್‌ ನಟಿ. ಶಾರುಖ್‌ ಖಾನ್‌ ಜತೆಗೆ ಜವಾನ್‌ ಸಿನಿಮಾ ಮೂಲಕ ಬಾಲಿವುಡ್ ಪ್ರವೇಶಿಸಿ 1000 ಕೋಟಿಯ ಸಿನಿಮಾವನ್ನೂ ಮುಡಿಗೇರಿಸಿಕೊಂಡಿದ್ದಾರೆ. ಜತೆಗೆ ಇನ್ನೂ ಹಲವು ಸಿನಿಮಾಗಳಿಗೂ ಸಹಿ ಹಾಕಿದ್ದಾರೆ. ಆ ಪೈಕಿ ಹೆಚ್ಚು ಚರ್ಚೆಯಲ್ಲಿರುವ ಸಿನಿಮಾ ಮಣಿರತ್ನಂ ಮತ್ತು ಕಮಲ್ ಹಾಸನ್‌ ಕಾಂಬಿನೇಷನ್‌ ಚಿತ್ರ.
1987ರಲ್ಲಿ ತೆರೆಗೆ ಬಂದ ನಾಯಗನ್‌ ಚಿತ್ರದಲ್ಲಿ ಕಮಲ್ ಹಾಸನ್‌ ನಾಯಕನಾಗಿ ನಟಿಸಿದ್ದರು. ಈ ಚಿತ್ರವನ್ನು ಮಣಿರತ್ನಂ ನಿರ್ದೇಶನ ಮಾಡಿದ್ದರು. ಅಂದಿನಿಂದ ಸುದೀರ್ಘ 36 ವರ್ಷಗಳ ಬಳಿಕ ಮತ್ತೆ ಒಂದಾಗುತ್ತಿದೆ. ಮತ್ತೊಂದು ಹೊಸ ಕಥೆಯ ಜತೆಗೆ ಈ ಸೂಪರ್‌ ಹಿಟ್‌ ಜೋಡಿಯ ಆಗಮನವಾಗುತ್ತಿದೆ. ಇದೀಗ ಇದೇ ಚಿತ್ರಕ್ಕೆ ನಾಯಕಿಯಾಗಿ ಲೇಡಿ ಸೂಪರ್‌ಸ್ಟಾರ್‌ ನಯನತಾರಾ ಆಯ್ಕೆಯಾಗಿದ್ದಾರೆ ಎಂಬ ಸುದ್ದಿ ಕೊಂಚ ದಟ್ಟವಾಗಿಯೇ ಹರಿದಾಡುತ್ತಿದೆ. ಇದಕ್ಕೂ ಮೊದಲ ತ್ರಿಷಾ ಈ ಚಿತ್ರಕ್ಕೆ ನಾಯಕಿ ಎಂದು ಹೇಳಲಾಗಿತ್ತು.
ಇಬ್ಬರ ಜತೆಗೆ ನಯನತಾರಾಗೆ ಮೊದಲ ಅವಕಾಶ
ಕಾಲಿವುಡ್‌ನ ಬಹುತೇಕ ಸ್ಟಾರ್‌ ಹೀರೋಗಳ ಜತೆಗೆ ಸ್ಕ್ರೀನ್‌ ಶೇರ್‌ ಮಾಡಿಕೊಂಡಿರುವ ನಯನತಾರಾ, ನಾಯಕಿ ಪ್ರಧಾನ ಸಿನಿಮಾಗಳಿಂದಲೂ ಗುರುತಿಸಿಕೊಂಡಿದ್ದಾರೆ. ಇದೀಗ ಇದೇ ನಟಿ, ಮೊದಲ ಸಲ ಮಣಿರತ್ನಂ ಸಿನಿಮಾದ ಭಾಗವಾಗುತ್ತಿದ್ದಾರೆ. ಅದೇ ರೀತಿ ಮೊದಲ ಸಲ ಕಮಲ್ ಹಾಸನ್‌ ಜತೆಗೂ ನಟಿಸಲಿದ್ದಾರೆ. #KH234 ಸದ್ಯ ಈ ಸಿನಿಮಾ ಪ್ರೀ ಪ್ರೊಡಕ್ಷನ್‌ ಹಂತದಲ್ಲಿದೆ.
ಲಿಪ್‌ಲಾಕ್‌ಗೆ ಗ್ರೀನ್‌ ಸಿಗ್ನಲ್?
ಮಣಿರತ್ನಂ ಮತ್ತು ಕಮಲ್ ಹಾಸನ್‌ ಜೋಡಿಯ ಈ ಸಿನಿಮಾ ರೊಮ್ಯಾಂಟಿಕ್‌ ಶೈಲಿಯಿಂದಲೂ ಕೂಡಿರಲಿದೆಯಂತೆ. ಹಾಗಾಗಿ ಈ ಸಿನಿಮಾದಲ್ಲಿ ಆಪ್ತ ದೃಶ್ಯಗಳೂ ಇರಲಿವೆ ಎಂಬ ಸುದ್ದಿ ಕಾಲಿವುಡ್ ಅಂಗಳದಲ್ಲಿ ಹರಿದಾಡುತ್ತಿವೆ. ನಾಯಕ ಮತ್ತು ನಾಯಕಿ ನಡುವೆ ಲಿಪ್‌ಲಾಪ್‌ ಸೀನ್‌ಗಳೂ ಇರಲಿವೆಯಂತೆ. 70ರ ಹರೆಯದ ಕಮಲ್ ಹಾಸನ್‌ ಜತೆಗೆ ನಯನತಾರಾ ಲಿಪ್‌ಲಾಕ್‌ ಸಹ ಮಾಡಲಿದ್ದಾರೆ ಎಂದೇ ಹೇಳಲಾಗುತ್ತಿದೆ.