ರಜನಿಕಾಂತ್‌ ಹೊಸ ಸಿನಿಮಾ ಮುಂದಿನ ತಿಂಗಳು ಬಿಡುಗಡೆ; ಲಾಲ್‌ ಸಲಾಮ್‌ ಎಂದ ತಲೈವಾ ಅಭಿಮಾನಿಗಳು
Jan 10, 2024 06:11 AM IST
Share
ಲಾಲ್‌ ಸಲಾಮ್‌ ಸಿನಿಮಾ ಬಿಡುಗಡೆ ದಿನಾಂಕ
- Lal Salaam release date: ಕಾಲಿವುಡ್ ಸೂಪರ್‌ಸ್ಟಾರ್‌ ರಜನಿಕಾಂತ್‌ ವಿಶೇಷ ಪಾತ್ರದಲ್ಲಿ ನಟಿಸಿರುವ ಲಾಲ್‌ ಸಲಾಮ್‌ ಸಿನಿಮಾವು ಮುಂದಿನ ತಿಂಗಳು ಬಿಡುಗಡೆಯಾಗಲಿದೆ. ಈ ಸಿನಿಮಾದಲ್ಲಿ ವಿಷ್ಣು ವಿಶಾಲ್‌ ಮತ್ತು ವಿಕ್ರಾಂತ್‌ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.
ರಜನಿಕಾಂತ್‌ ಅವರ ಮುಂದಿನ ಸಿನಿಮಾ, ಈ ವರ್ಷದ ಬಹುನಿರೀಕ್ಷಿತ ಚಿತ್ರ “ಲಾಲ್‌ ಸಲಾಮ್‌” ಬಿಡುಗಡೆ ದಿನಾಂಕ ನಿಗದಿಯಾಗಿದೆ. ಈ ಕುರಿತು ಚಿತ್ರತಂಡ ಎಕ್ಸ್‌ನಲ್ಲಿ ಟ್ವೀಟ್‌ ಮಾಡಿದ್ದಾರೆ. ಈ ಸ್ಪೋರ್ಟ್ಸ್‌ ಸಾಹಸ ಸಿನಿಮಾವನ್ನು ರಜನಿಕಾಂತ್‌ ಪುತ್ರಿ ಐಶ್ವರ್ಯಾ ರಜನಿಕಾಂತ್‌ ಅವರು ನಿರ್ದೇಶಿಸಿದ್ದಾರೆ. ಲಾಲ್‌ ಸಲಾಮ್‌ ಸಿನಿಮಾವು ಫೆಬ್ರವರಿ 9ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ.
ಲಾಲ್‌ ಸಲಾಮ್‌ ಮುಂದಿನ ತಿಂಗಳು ಬಿಡುಗಡೆ
ಈ ಸಿನಿಮಾದ ನಿರ್ಮಾಣ ಸಂಸ್ಥೆಯಾದ ಲೈಕಾ ಪ್ರೊಡಕ್ಷನ್‌ ಲಾಲ್‌ ಸಲಾಮ್‌ ಸಿನಿಮಾದ ಪೋಸ್ಟರ್‌ ಅನ್ನು ಎಕ್ಸ್‌ನಲ್ಲಿ ಹಂಚಿಕೊಂಡಿದೆ. ಇದೇ ಸಮಯದಲ್ಲಿ ಬಿಡುಗಡೆ ದಿನಾಂಕವನ್ನೂ ಪ್ರಕಟಿಸಿದೆ. ಬಿದಿರಿನ ತೇರು ಹಿನ್ನಲೆಯಲ್ಲಿದ್ದು, ಕ್ರಿಕೆಟ್ ಆಟದ ಕುರಿತೂ ಪೋಸ್ಟರ್‌ನಲ್ಲಿ ಸುಳಿವುಗಳಿವೆ. ಈ ಪೋಸ್ಟರ್‌ ಮೇಲೆ ಚಿತ್ರ ಬಿಡುಗಡೆ ದಿನಾಂಕ ಫೆಬ್ರವರಿ 9 ಎಂದು ನಮೋದಿಸಲಾಗಿದೆ. "ನಮ್ಮ ರಥ ಹಬ್ಬದ ಕುರಿತು ಕೇಳುವ ಸಮಯವಿದು" ಎಂಬ ಕ್ಯಾಪ್ಷನ್‌ ಜತೆ ಈ ಪೋಸ್ಟರ್‌ ಹಂಚಿಕೊಳ್ಳಲಾಗಿದೆ.
ಈ ಸಿನಿಮಾದಲ್ಲಿ ರಜನಿಕಾಂತ್‌ಗೆ ಏನು ಪಾತ್ರ?
ಈಗಾಗಲೇ ಲಾಲ್‌ ಸಲಾಮ್‌ ಸಿನಿಮಾದ ಗ್ಲಿಂಪ್ಸ್‌ ಅನ್ನು ಕಳೆದ ತಿಂಗಳು ಅಂದರೆ ಡಿಸೆಂಬರ್‌ 12ರಂದು ಬಿಡುಗಡೆ ಮಾಡಲಾಗಿತ್ತು. ರಜನಿಕಾಂತ್‌ ಹುಟ್ಟುಹಬ್ಬದಂದು ಲಾಲ್‌ ಸಲಾಮ್‌ ಸಿನಿಮಾದಲ್ಲಿ ತಲೈವಾನ ಪಾತ್ರದ ಕುರಿತು ಮಾಹಿತಿ ನೀಡಲಾಗಿತ್ತು. ಲಾಲ್‌ ಸಲಾಮ್‌ನಲ್ಲಿ ರಜನಿಕಾಂತ್‌ ಅವರರು ಮೊಯ್ದೀನ್‌ ಭಾಯ್‌ ಆಗಿ ಕಾಣಿಸಿಕೊಳ್ಳಲಿದ್ದಾರೆ. ತನ್ನ ವಿನೂತನ ಶೈಲಿಯ ಮೂಲಕ ರಜನಿಕಾಂತ್‌ ಎಂಟ್ರಿ ನೀಡಿ, ಸ್ಲೋ ಮೋಷನ್‌ನಲ್ಲಿ ರೌಡಿಗಳನ್ನು ಅಟ್ಟಾಡಿಸೋ ಸೀನ್‌ ಈ ಟೀಸರ್‌ನಲ್ಲಿತ್ತು. ಈ ಟೀಸರ್‌ನಲ್ಲಿ ಜಲಾಲಿ ಜಲಾಲ್‌ ಟ್ರ್ಯಾಕ್‌ ಹಾಡಿನ ಝಲಕ್‌ ಕೂಡ ಇತ್ತು. ಇದು ಎಆರ್‌ ರೆಹಮಾನ್‌ ಸಂಗೀತ ನಿರ್ದೇಶದನ ಟ್ರ್ಯಾಕ್‌ ಆಗಿದೆ.
ಲಾಲ್‌ ಸಲಾಮ್‌ ಟೀಸರ್‌
ನವೆಂಬರ್‌ 12ರಂದು ಲಾಲ್‌ ಸಲಾಮ್‌ ಸಿನಿಮಾದ ಮೊದಲ ಟೀಸರ್‌ ಬಿಡುಗಡೆ ಮಾಡಲಾಗಿತ್ತು. ತಿಂಗಳಿಗೊಮ್ಮೆ ಈ ರೀತಿ ಚಿತ್ರತಂಡ ಅಪ್‌ಡೇಟ್‌ ನೀಡುತ್ತಿತ್ತು. ಈ ಟೀಸರ್‌ನಲ್ಲಿ ರೋಚಕ ಕ್ರಿಕೆಟ್ ಪಂದ್ಯಾಟದ ದೃಶ್ಯ ತೋರಿಸಲಾಗಿತ್ತು. ಹಿನ್ನೆಲೆಯಲ್ಲಿ "ಇದು ಕೇವಲ ಕ್ರಿಕೆಟ್ ಆಟವಲ್ಲ, ಇದು ಯುದ್ಧ" ಎಂಬ ಕಾಮೆಂಟರಿ ಕೇಳಿಸುತ್ತಿತ್ತು. ಲಾಲ್‌ ಸಲಾಮ್‌ ಸಿನಿಮಾವು ಕ್ರಿಕೆಟ್ ಮತ್ತು ಕಮ್ಯುನಿಸಂ ಸುತ್ತ ಸುತ್ತಲಿದೆ ಎನ್ನಲಾಗಿದೆ. ವಿಷ್ಣು ವಿಶಾಲ್‌ ಮತ್ತು ವಿಕ್ರಾಂತ್‌ ಪ್ರಮುಖ ಪಾತ್ರದಲ್ಲಿ ನಟಿಸಿದದ್ದಾರೆ. ಐಶ್ವಾರ್ಯ ರಜನಿಕಾಂತ್‌ ಅವರು ಈ ಹಿಂದೆ ವೈ ರಾಜಾ ವೈ ಎಂಬ ತಮಿಳು ಸಾಹಸ ರೋಚಕ ಸಿನಿಮಾ ನಿರ್ದೇಶನ ಮಾಡಿದ್ದಾರು. ಈ ಸಿನಿಮಾದಲ್ಲಿ ಧನುಷ್‌ ನಾಯಕ ನಟನಾಗಿ ಪ್ರೇಕ್ಷಕರನ್ನು ರಂಜಿಸಿದ್ದರು.
ರಜನಿಕಾಂತ್‌ ಅವರನ್ನು ಇತ್ತೀಚೆಗೆ ಅಯೋಧ್ಯೆಯ ರಾಮ ಮಂದಿರದ ಪ್ರಾಣ ಪ್ರತಿಷ್ಠಾಪನೆ ಕಾರ್ಯಕ್ರಮಕ್ಕೆ ಉದ್ಘಾಟಿಸಲಾಗಿತ್ತು. ಈ ಕಾರ್ಯಕ್ರಮವು ಜನವರಿ 22ರಂದು ನಡೆಯಲಿದೆ. ಈಗಾಗಲೇ ಸ್ಯಾಂಡಲ್‌ವುಡ್‌ನ ನಟರಾದ ಯಶ್‌ ಮತ್ತು ರಿಷಬ್‌ ಶೆಟ್ಟಿ ಸೇರಿದಂತೆ ಹಲವು ಗಣ್ಯರಿಗೆ ರಾಮಮಂದಿರ ಪ್ರಾಣಪ್ರತಿಷ್ಠಾಪಣೆಯ ಆಹ್ವಾನ ಪತ್ರ ನೀಡಲಾಗಿದೆ. ಅಮಿತಾಭ್‌ ಬಚ್ಚನ್‌, ರಜನಿಕಾಂತ್‌, ಧನುಷ್‌, ಪ್ರಭಾಸ್‌, ಮಾಧುರಿ ದೀಕ್ಷಿತ್, ಅನುಮಲ್ ಖೇರ್ ಮುಂತಾದ ನಟನಟಿಯರಿಗೆ ಆಹ್ವಾನ ಪತ್ರ ನೀಡಲಾಗಿದೆ.