Honor to Rajamouli: ಹೆಚ್ಚುತ್ತಲೇ ಇದೆ ರಾಜಮೌಳಿ ಕ್ರೇಜ್‌... ಸೋಲಿಲ್ಲದ ಸರದಾರನಿಗೆ ಹುಡುಕಿ ಬಂತು ಮತ್ತೊಂದು ಗೌರವ!
Apr 14, 2023 04:40 PM IST
Share
ಟೈಮ್ಸ್ ಮ್ಯಾಗಜಿನ್ ಪ್ರಕಟಿಸಿರುವ 'ಟಾಪ್-100 ವಿಶ್ವದ ಪ್ರಭಾವಿ ವ್ಯಕ್ತಿಗಳ' ಪಟ್ಟಿಯಲ್ಲಿ ರಾಜಮೌಳಿಗೆ ಸ್ಥಾನ
- ಕೆಲವು ದಿನಗಳ ಹಿಂದಷ್ಟೇ ಆರ್‌ಆರ್‌ಆರ್‌ ಚಿತ್ರದ ನಾಟು ನಾಟು.. ಹಾಡಿಗೆ ಆಸ್ಕರ್‌ ಪ್ರಶಸ್ತಿ ಒಲಿದಿತ್ತು. ಈ ಚಿತ್ರದ ಮೂಲಕ ತೆಲುಗು ಹಾಗೂ ಭಾರತೀಯರು ಹೆಮ್ಮೆ ಪಡುವಂತೆ ಮಾಡಿದ್ದ ರಾಜಮೌಳಿ ಇದೀಗ ಮತ್ತೊಮ್ಮೆ ಎಲ್ಲರೂ ಹೆಮ್ಮೆ ಪಡುವಂತೆ ಮಾಡಿದ್ದಾರೆ.
ಛತ್ರಪತಿ, ಮಗಧೀರ, ಈಗ, ಬಾಹುಬಲಿ, ಆರ್‌ಆರ್‌ಆರ್‌ನಂತಹ ಸೂಪರ್‌ ಹಿಟ್‌ ಚಿತ್ರಗಳನ್ನು ಭಾರತೀಯ ಚಿತ್ರರಂಗಕ್ಕೆ ನೀಡಿದ ಸ್ಟಾರ್‌ ನಿರ್ದೇಶಕ ಎಸ್‌.ಎಸ್‌. ರಾಜಮೌಳಿ ಅವರಿಗೆ ಮತ್ತೊಂದು ಗೌರವ ಹುಡುಕಿ ಬಂದಿದೆ. ಆರ್‌ಆರ್‌ಆರ್‌ ಚಿತ್ರದ ಮೂಲಕ ಭಾರತೀಯ ಚಿತ್ರರಂಗವನ್ನು ಅಂತಾರಾಷ್ಟ್ರೀಯ ವೇದಿಕೆವರೆಗೂ ಪಸರಿಸಿದ ರಾಜಮೌಳಿ ಈಗ ವಿಶ್ವದ ಅತ್ಯಂತ ಟಾಪ್ 100 ಪ್ರಭಾವಿ ವ್ಯಕ್ತಿಗಳಲ್ಲಿ ಸ್ಥಾನ ಪಡೆದಿದ್ಧಾರೆ.
ಇತ್ತೀಚೆಗೆ ಟೈಮ್ಸ್ ಮ್ಯಾಗಜಿನ್ ಪ್ರಕಟಿಸಿರುವ 'ಟಾಪ್-100 ವಿಶ್ವದ ಪ್ರಭಾವಿ ವ್ಯಕ್ತಿಗಳ' ಪಟ್ಟಿಯಲ್ಲಿ ರಾಜಮೌಳಿ ಸ್ಥಾನ ಪಡೆದಿದ್ದಾರೆ. ಕೆಲವು ದಿನಗಳ ಹಿಂದಷ್ಟೇ ಆರ್‌ಆರ್‌ಆರ್‌ ಚಿತ್ರದ ನಾಟು ನಾಟು.. ಹಾಡಿಗೆ ಆಸ್ಕರ್‌ ಪ್ರಶಸ್ತಿ ಒಲಿದಿತ್ತು. ಈ ಚಿತ್ರದ ಮೂಲಕ ತೆಲುಗು ಹಾಗೂ ಭಾರತೀಯರು ಹೆಮ್ಮೆ ಪಡುವಂತೆ ಮಾಡಿದ್ದ ರಾಜಮೌಳಿ ಇದೀಗ ಮತ್ತೊಮ್ಮೆ ಎಲ್ಲರೂ ಹೆಮ್ಮೆ ಪಡುವಂತೆ ಮಾಡಿದ್ದಾರೆ. ಒಂದಾದ ನಂತರ ಒಂದರಂತೆ 'ಆರ್‌ಆರ್‌ಆರ್‌ ' ಸಿನಿಮಾ ಹಾಗೂ ಚಿತ್ರತಂಡಕ್ಕೆ ಇಂತಹ ಗೌರವ ದೊರೆಯುತ್ತಿರುವುದರಿಂದ ಇಡೀ ವಿಶ್ವ ಇದೀಗ ಮತ್ತೊಮ್ಮೆ ಟಾಲಿವುಡ್‌ನತ್ತ ತಿರುಗಿನೋಡುವಂತೆ ಆಗಿದೆ.
'ಟಾಪ್-100 ವಿಶ್ವದ ಪ್ರಭಾವಿ ವ್ಯಕ್ತಿಗಳ' ಪಟ್ಟಿಯಲ್ಲಿ ಬಾಲಿವುಡ್ ನಟ ಶಾರುಖ್ ಖಾನ್ ಕೂಡಾ ಇದ್ದಾರೆ. ಭಾರತದ ಖ್ಯಾತ ಬರಹಗಾರ ಸಲ್ಮಾನ್ ರಶ್ದಿ ಮತ್ತು ನ್ಯಾಯಾಧೀಶೆ ಪದ್ಮಲಕ್ಷ್ಮಿ ಕೂಡಾ ಈ ಪಟ್ಟಿಯಲ್ಲಿದ್ದಾರೆ. ಅಮೆರಿಕದ ಅಧ್ಯಕ್ಷ ಜೋ ಬಿಡೆನ್, ಕಿಂಗ್ ಚಾರ್ಲ್ಸ್, ಎಲಾನ್ ಮಸ್ಕ್, ಸಾಕರ್ ದಿಗ್ಗಜ ಲಿಯೋನೆಲ್ ಮೆಸ್ಸಿ ಮತ್ತು ಇತರ ಸೆಲೆಬ್ರಿಟಿಗಳೂ ಇದ್ದಾರೆ. ಅಂತಹ ಅದ್ಭುತ ವ್ಯಕ್ತಿಗಳೊಂದಿಗೆ ರಾಜಮೌಳಿ ಗುರುತಿಸಿಕೊಂಡಿರುವುದು ನಿಜಕ್ಕೂ ಸಂತೋಷದ ವಿಚಾರ. ಈ ಸುದ್ದಿ ತಿಳಿದು ಅಭಿಮಾನಿಗಳು, ಸೆಲೆಬ್ರಿಟಿಗಳು ರಾಜಮೌಳಿ ಅವರಿಗೆ ಕರೆ, ಸೋಷಿಯಲ್‌ ಮೀಡಿಯಾ ಮೂಲಕ ಅಭಿನಂದನೆ ತಿಳಿಸಿದ್ದಾರೆ.
ಟೈಮ್ಸ್ ಆಯೋಜಿಸಿದ್ದ ಈ ಸಮೀಕ್ಷೆಯಲ್ಲಿ ತೆಲುಗು ನಿರ್ದೇಶಕರೊಬ್ಬರು ಸ್ಥಾನ ಗಳಿಸಿರುವುದು ಇದೇ ಮೊದಲು. ಇಂತಹ ಗೌರವ ಪಡೆದ ನಂತರ ಅವರ ಸಿನಿಮಾಗಳಲ್ಲಿ ಅಭಿಮಾನಿಗಳು ಮತ್ತಷ್ಟು ಬದಲಾವಣೆಗಳನ್ನು ನಿರೀಕ್ಷಿಸುತ್ತಿದ್ದಾರೆ. 'ಆರ್‌ಆರ್‌ಆರ್‌ ' ಹಿಟ್‌ ನಂತರ ರಾಜಮೌಳಿ ಟಾಲಿವುಡ್ ಸೂಪರ್‌ ಸ್ಟಾರ್‌ ಮಹೇಶ್‌ ಬಾಬು ಜೊತೆ ಸಿನಿಮಾ ಮಾಡಲಿದ್ದಾರೆ ಎನ್ನಲಾಗಿದೆ. ಮೊದಲು ಈ ಸಿನಿಮಾವನ್ನು ಒಂದೇ ಭಾಗವನ್ನಾಗಿ ಮಾಡಲು ನಿರ್ಧರಿಸಲಾಗಿತ್ತು. ಆದರೆ ರಾಜಮೌಳಿ ಕ್ರೇಜ್‌ ಹೆಚ್ಚಾಗುತ್ತಿದ್ದಂತೆ ಮಹೇಶ್‌ ಬಾಬು ಜೊತೆಗಿನ ಸಿನಿಮಾವನ್ನು ಮೂರು ಭಾಗಗಳನ್ನಾಗಿ ಮಾಡಲು ನಿರ್ಧರಿಸಿದ್ದಾರೆ ಎನ್ನಲಾಗಿದೆ. ಕೆಲವೇ ದಿನಗಳಲ್ಲಿ ರಾಜಮೌಳಿ ಅಧಿಕೃತವಾಗಿ ಈ ಚಿತ್ರವನ್ನು ಅನೌನ್ಸ್‌ ಮಾಡಲಿದ್ದಾರೆ. ಮುಂದಿನ ಚಿತ್ರದಲ್ಲಿ ರಾಜಮೌಳಿ ಯಾವ ರೀತಿ ರೆಕಾರ್ಡ್‌ ಸೃಷ್ಟಿಸಲಿದ್ದಾರೆ ಅನ್ನೋದನ್ನು ಕಾದು ನೋಡಬೇಕು.